member_9588's Profile

今日同屋企人經過灣仔，入咗去食好特別嘅檸檬拉麵。平時經過呢間拉麵店都經常排長龍，今日終於有機會食到呢款好出名嘅檸檬🍋拉麵，湯底酸酸地好清，有啲似唔辣版嘅泰式冬陰功湯，就算就咁飲湯底都唔會覺得好鹹同好滯，極力推薦喜歡食酸嘢嘅人試👍檸檬拉麵內有叉燒和幾片檸檬片，拉麵硬度仲可以自選，如果唔夠仲可以自己另外加配料。我哋仲試咗日式餃子，味道就同平時嘅餃子差唔多，唔算太特別。兩位埋單盛惠$264，價錢唔算太貴。…Read More

今日公司係太古training，午飯時間經過Aeon見到呢度鐵板燒店全場滿座，午餐set around$80-90, 套餐有至少10款選擇，價錢好吸引於是就排隊試下。餐廳既位全部都係bar枱位，可以直接見到廚師係鐵板上炒肉，完全係即叫即整，由於廚師只係係其中一塊鐵板上炒肉，因此不會好大油煙，亦不會覺等熱。今日我就叫左個鹽燒香葱薄切牛舌套餐，$88包前菜沙律，日式湯同白飯一碗，份量亦大份，CP值👍，完全係夠兩人食既份量。…Read More

今日有朋友聚會，朋友推介去呢間灣仔隱世嘅居酒屋。呢間居酒屋喺合和中心對面嘅商廈，地方唔算好大，但平日晚上都坐滿人。餐廳有一個海鮮櫃可以比客人選擇當日新鮮嘅食材燒烤，而且大部份嘅位都係Bar枱設計，食客可以即時睇到炭燒好的食物上菜，設計非常用心。餐廳仲會不定期有限定食品推出，當日就係福岡枝豆節，餐廳送每台客人一碟新鮮枝豆，又送清酒一杯俾每位食客。當日我就同朋友總共叫了5個菜，全部都好新鮮而且炭燒得恰到好處，份量十足，埋單大約$400一位，物有所值。另外，如果食客生日，餐廳仲會主動為食客慶生，叫齊全部客人一齊舉杯慶祝，非常有氣氛。…Read More

同家人一行9人到銅鑼灣分店食下午茶，平時係上環幫襯開泉將居，食物同服務質素一向好，但無諗過銅鑼灣呢間服態度差到咁，特別係某位男部長，唔想做咁既款，問佢可唔可以換張大枱免得阻住通道，佢直情理都唔理我地，真係未食都已經一肚氣！下次我一定唔會介紹人黎銅鑼灣呢間分店食，就算食物質素好，但服務態度咁差就真係唔值得介紹人去😡😡…Read More