monawywong的個人專頁

我同兩個同事去食午餐，由於係附近番工，久唔久都去食吓，平心而論，食物唔差，飲品一般！但佢哋嘅服務態度係十個差。呢日好奇怪，點餐個QR code, 有啲Hang 機。搞咗幾分鐘終於點到三個餐三個飲品。食物好快到，呀姐送上4杯飲品，我哋即時同佢講，麻煩你 check 吓，應該唔係我哋叫，佢吚吚哦哦，check 完話係我哋自己叫，不過有其他食物未到就可以取消。與此同時，有三四份食物到咗，咁我哋又再講一次，我都只係叫咗三個餐。 就係咁我哋坐咗喺度等佢取消，我哋冇食過冇飲過啲嘢。隔咗一陣我又問阿姐咁而家點呀？佢話出咗嘅食物就冇得取消㗎啦，係你哋自己叫嘅。未出嘅佢已經幫我哋取消咗兩份，我再次解釋三個女仔點樣叫六個餐呢？咁我就叫佢麻煩你叫經理出嚟處理一下啦，我哋真係冇叫過六個餐。返咗幾分鐘，仍然冇人理我哋。咁我去問另外一個男職員，佢話我你嘈都冇用個喎！又隔咗幾分鐘都冇人理我哋，我就起身同佢哋講，嘢食呢我哋就冇食過，我而家就走㗎啦＇如果你哋覺得我食霸王餐嘅話就報警啦！去到門口收銀叫我俾錢，我重複同佢講我冇食過啲嘢，如果佢哋覺得我哋食霸王餐就報警！呢個時候有位著水鞋嘅經理出咗嚟，我同佢講我哋只係叫咗三個餐，麻煩幫我取消另一個餐，佢話如果個個客人都係咁，叫完又取消？唔得！我又解釋多一次三個女仔叫咗三個餐，係你哋系統有問題重複咗！由於佢都唔係想解決問題，咁我就同佢講多一次我而家就走㗎啦，我冇食過啲嘢你喜歡就報警啦！佢望一望門口條龍，講咗一句粗口，仲話倒晒啲嘢都唔歡迎我哋去！呢間舖頭確係門口長期有條龍，因為小紅書好多推介，但係咁樣嘅態度你會唔會去呢？其實個經理只係要取消咗一個餐，就可以留低三個開心嘅客人。佢完全冇檢視過自己嘅系統，就覺得係客人嘅問題，仲粗聲粗氣！…查看更多

朋友請食飯、知我住附近就訂呢間！3個大人2個小朋友食到飽飽！好滿足！朋友好客氣、叫咗好多嘢、仲以為會食唔曬！不過真係有驚喜、連小朋友都食咗好多！🤗🤗🤗個醉蟹好入味！酸菜花尾躉好好食、最驚喜係看似平平無奇嘅蟶子仔炒蒲爪、好淸甜！聽聞話個老闆又即係個㕑師、得過好多獎！不過我話最緊要係佢好有誠意、唔會因爲攞咗獎就開天殺價。聽講佢開到好夜、好多其他廚司收咗工都嚟呢到煷夜。其他廚司都嚟食，咁一定掂👏🏻👏🏻👏🏻…查看更多

一直都想食！終於開到銅鑼灣！約咗朋友食Lunch ，好彩醒目食早啲、12點半去到仲係早、所以有位！一坐低無耐就開始多人！我叫咗三文魚黑松露拉麵，朋友叫咗牛扒飯、另外加咗龍蝦沙律同番茄沙律。樣樣嘢都好食、最出色係龍蝦沙律、味道好清新、份量都唔細。掂！佢個 menu 仲有好多嘢食、下次去試吓其他嘢先！…查看更多