為食平凡人's Profile

葵芳難得有排坐嘅酒樓，原本入去諗住食吓下午茶，但係因為夜晚先至約咗人，所以諗住都會有排坐。一入去已經同職員講話想坐耐啲，職員都好好安排咗好入嘅位置，相對上入邊嘅位置靜靜地我覺得反而仲舒服。 食物方面叫咗燒賣、牛肉同埋鯪魚球點心🥟，出嚟嘅時候都熱辣辣，我哋成三個人食嘢，之後因為都覺得唔夠飽，仲要多咗個臘味炒飯。成餐飯好味係個臘味炒飯，有驚喜啲飯炒到一粒粒，好正。如果下次經過葵芳，我都應該會再嚟呢度食飯。…Read More

其實唔係第一次喺度食嘢，深水埗太子實在有太多Cafe，其實真係唔會突然間諗起呢間啡酒館，今次都係經過基隆街想食下舒服嘅早餐，所以就入咗去。叫咗個最平嘅黑松露炒蛋多士沙律$68，連埋杯Latte飲加咗$20。個人認為份量都大份，最鍾意食佢新鮮嘅沙律菜同埋好香嘅黑松露💕。整體都坐得舒服嘅，因為太無聊🙄坐咗3個鐘，店員周不時都有過嚟加水我飲，如果Cafe來講有咁嘅服務已經叫做好好啦。而且又唔會限時趕走你，係一個放假Hea嘅好地方。💤見到有一個free flow2小時任飲，店員介紹話可以任飲全部生啤同埋Cocktail，下次我應該會試吓呢個。…Read More

喺太子基隆街食小菜一般都係大排檔，為食館算係比較衛生啲，五個朋友食咗大約六百幾蚊，可能我哋叫咗啲一般嘅小菜所以都唔算太貴。覺得最特色係個杏汁豬肺湯，飲落去都幾清甜，唔知係咪屋企冇飯開，所以覺得飲湯好似特別珍貴咁😆。希望佢可以繼續保持品質，下次嚟到都可以再飲返。整體來講一班人食飯最緊要係開心，所以都冇好注重食物嘅品質要求，小菜館來講算係咁上下啦。整體環境方面比一般嘅大排檔同小菜館都衛生一啲，起碼個廁所都係光猛啲嘅。同埋都叫做有啲裝修咁啦。…Read More

今次到了Piss 食 Lunch ，食左雞扒沙律，沙律醬是柚子味酸酸甜甜幾好味，跟餐有柚子茶及羅漢果茶，今次我揀咗羅漢果茶飲味道有少少甜，感覺幾好味喎。原本以為望落去成間酒吧咁，喺現場見到都有一啲年長嘅街坊食lunch，所以我都膽粗粗入去食lunch。食物整體來講唔錯，係可以再嚟既餐廳。因為嗰個雞扒都好多汁好味😋，因為限聚令關係，所以我都坐到五點幾就走啦，希望下次可以 enjoy 下 happy hour 啦。…Read More

今年深水埗開了不少咖啡店，在今日經過基隆街看到門口排隊了差不多十多人的 kokoni cafe，所以也滿有希望的想試一試，門口有坐椅，已經有很多狗狗在一起，是歡迎狗狗的cafe ，餐牌上也有狗 menu ，狗狗食物也有3款選擇，愛狗人士也可與狗狗同桌食飯。環境好舒服，坐了2小時，員工也沒有趕走你的意思，可以傾偈的好地方。坐位是木椅，坐太耐也不會太舒適，所以2小時應該是一般可以維持的時間。食物今次試了牛肉 egg drop , 食物味道一般 沒有驚喜，用紙包着有紙盒盛裝，感覺衞生，賣相是取勝的地方，是打咭食物。飲品 Latte 好靚的拉花，非常吸引，是必須打咭的內容。但飲入口不夠熱，可以說是完全不熱，可能太專注拉花吧。價錢一般 Latte $45 ，牛肉 egg drop $88 , 可以接受的範圍。整體來講，不值得排隊，如果下次不用排長龍，也可以考慮再來看看是否有提升空間。…Read More

等左2個鐘先入到去  食物完全唔得見到有新 cafe 都想去試食一下，門口超級多人等位，所以都要先叫咗朋友6:00開始等，攞咗飛之後因為都等咗30分鐘所以都問職員大約幾時有位，職員表現得好冷淡話唔知，問職員仲有幾多個，都表現得唔係好想答你。因為都等咗成30分鐘所以都覺得應該差唔多啦，之後再等等。一路等一路等終於等到8:00有位。（其實如果我知道要等兩個鐘一定要走）終於入到去有位，想睇吓有啲咩特別，問職員有啲咩好介紹，又係得到冷淡反應「全部都好好食」，好啦，既然咁樣我就周圍睇吓其他人食邊樣野多，見到個鰻魚漢堡好吸引😄，滿心歡喜叫咗。點知嚟到嘅時候個包完全食唔到係燶咗嘅。飲品叫咗dirty，一般般啦完全冇咖啡味，好似飲左杯有咖啡味道嘅水一樣。整體感覺真係好失望😞。希望下次有改善囉。…Read More

最近因為疫情關係好多餐廳都好早收，大概9:30左右見到旺角劉一手話係收凌晨所以行入去睇睇，喺樓下一樓見到有套餐，影咗張相，跟住職員就話我哋10:30last order ，11:30 離坐，都覺得有兩個鐘可以食所以都選擇左入去。睇來睇去所有餐牌都唔見有樓下影相既套餐，舉手舉左勁耐冇人理，終於有個男仔理我，時間關係，我直接同佢講叫樓下影左相既套餐，仲比張相佢睇，終於都落到單。之後大約15分鐘上齊，都算快。牛肉好好食😋新鮮，鴨血配麻辣一流。其實成個過程食物都非常唔錯，唯一缺點員工真係趕住收工，我自己都唔好意思唯有叫佢攞個外賣盒，每個外賣盒兩蚊雞我都覺得我係好應該俾佢，成個過程佢哋不停掃地抹枱，所以真係唯有11:15就走啦。…Read More

行過好多次，日日都好多人排長龍終於今日唔使排隊，直接入去坐低叫嘢食，所以入去時心情都靚啲人人都叫蛋牛治$22，所以叫左一份，加左一杯$20紅豆冰。心理上覺得嘢食平過嘢飲好多。蛋牛治味道一般，個人認為唔值得排隊食，不過廿零蚊，其實都算不過不失。紅豆冰一個字，差，D豆好硬，我相信如果係老人家嚟食，應該有D困難，成杯嘢只有奶味，好似飲緊有冰既奶水，成杯野（冰丶奶丶紅豆）完成分開好唔夾。好奇怪既飲品。希望下次會好D。…Read More

別有用心的咖啡工作室門口看不出特別，有一位職員派派咭片，走上一條樓梯，看到舊舊的地磚，感覺神秘。進入店內找了個位置坐下來。職員在咖啡上指導了一番，有幾款咖啡給我們選擇，「哥倫比亞咖啡豆丶巴西咖啡豆丶墨西哥咖啡豆」一個一個介紹，說實在，其實我也不懂他在說什麼。他們為我選了一款有奶的咖啡☕️，口味不錯（甜甜的朱古力味道），而且我選了一份 味道不賴的 All Day Breakfast 。職員說在舞台上有時會有不同的表演、現場看到不少的樂器，相信有時候會有音樂人在表演。他們說可以現場夾一下歌，原來個子小小的男職員也是結他愛好者🎸，因為朋友生日的關係，他為我們彈了首生日快樂歌曲，過程開心😊朋友也很有驚喜。值得推薦的店…Read More

去左幾日旅行之後，返嚟香港都係掛住食雲吞麵，之前都食過呢間，覺得都幾好食，今日經過又再食啦。個人應為超正，真心覺得值得推介。如果係一個人自閉食嘢都唔覺得好慘咁囉雲吞麵啲蝦食落去好新鮮，而且仲食到有蝦殼添！證明真係新鮮自己包囉⋯⋯今次見到牆上面貼住禁止食煙（其實都好一般），但係禁止瞓覺（真係第一次見）。可能附近太多街坊鄰居想順便入去涼冷氣一般來講食雲吞麵我都會加油菜，加辣椒油，加多杯嘢飲就覺得係完美啦。…Read More

我地幾個女仔一齊食宵夜，10點後有八折，感覺上好似都OK幾抵。所以去咗呢間新開嘅火鍋店試食一下火鍋🍲又一間用電子落單既火鍋店。點左個膠原蛋白養顏美容鍋同維他命C蕃茄玉米鍋（鴛鴦鍋）食物都算幾新鮮叫了美國安格斯牛小排丶花膠丶豬肝丶豬黃喉丶脆肉鯇魚骨腩丶白鱔片丶秋葵丶皇帝菜。外面自助醬汁枱有生果及冷盤任食。現場嘅同事好似都比較新，問佢哋有啲乜嘢其他優惠，都唔係好答得出，不過志在地方乾淨，可以坐得耐D，都係一個吹水既好地方。…Read More

火鍋味道可以，食品新鮮。服務人員熱情❤️有主動介紹及推介，啤酒有優惠，24:00 已經很少人，同事說 01:00 收工回應時也很有禮貌食下食下不知不覺會越叫越多，收到賬單嘅時候已經嚇一跳了。😅但是在食嘢的過程中食得很開心，都總算是有價值的。食物大致上是新鮮的，牛肉丶黃喉丶鴨血丶牛丸也是有水準，叫了個鴛鴦火鍋。飲品也有減辣的沙冰，有5-6款選擇，叫了個荔枝盧薈沙冰，一般的味道甜甜，因為太飽了，竟然喝不完啊，有種浪費的感覺囉。…Read More

為乳鴿風味，由沙田站走過一段小路，有懷舊燈籠丶古色古香戶外環境丶令人期待的乳鴿。我們一行12人到龍華酒店，長者前輩們説著往事，一點一滴的細說沙田歷史丶建築丶保育等等。乳鴿一上枱，各人的筷子🥢已馬上行動。小朋友說有手套呢、本人應為用手比較自在些。雖然不是有很大驚喜，但環境已搭夠。我相信每一位到龍華酒店的人也有自己背後的故事，我們今次就是拜托長者前輩的福，在此不是只為食而來，而是為記憶及製造記憶而來❤️最後甜品的山水豆花也是吸引不少粉絲呢…Read More

 行過荃灣路德圍，見到好少位嘅西餐廳，叫左兩個餐$88香煎豬扒配帆立貝配牛肝菌汁配飯$49蒜香牛肉意粉炒飯D米好圓，細細粒，係珍珠米帆立貝都有三粒，外脆內軟都唔錯，裡面唔會好腥牛肝菌汁好重菇味，不過食唔出咩菇?整體OK…Read More