陳大眼's Profile

單看外表, 裝修頗為不錯, 有少少高級餐廳的感覺, 裡面座位位置都幾好. 午餐的選擇很多, 由於本人被餐廳的外表騙倒了, 以為是高高地嘅餐廳, 所以點了個牛扒, 心想一個午餐牛扒收 $98, 一點都不便宜, 應該會有很好的水準吧....點知就完全錯晒.:(餐湯 : 不過不失, 有很多的蔬菜, 不過味道比較淡. 牛扒 : 同行的朋友中, 有一位也叫了牛扒, 他點的是5成熟, 而我點了7成熟. 侍應派餐時也再與我們對了一次, 心裡讚了一下: 她們真細心呢..點知原來這才是錯誤的開始. 一据下去, 一點血水也沒有, 很熟...十成熟嗎...心想我自己煮也比這個好吃..牛扒好硬, 又實, 後來吃到中間部份, 終於有一點點的粉紅色, 所以我要修正: 不是十成熟, 應該是9.7吧..:( 忍唔住問了朋友, 他的牛扒比我的還差, 他說侍應應該把兩份對調了, 因為他的是全熟...感覺很食"晒駱駝"...餐飲點了凍咖啡, 是全餐唯一滿的, 味道夠濃.應該不會有再有下次了..…Read More

為了慶祝母親節與下個月的父親節，所以定了一家人去酒樓吃晚飯。七個人吃一圍：蝦禾米乳豬套餐，飽到上心口，還打包了數個飯盒作明天午餐之用。湯點了豬肺湯和粉葛煲魚各一壺，多數人覺得魚湯較美味。主菜有： 砵酒生蚝：味道一般，焗得乾身和略帶脆口會好一點。一直期待的主角，飯很美味，如果豬皮再脆一點會更加好。貴妃雞味道鮮美，只可惜太飽，剩下半隻要帶走。羊腿不太穌，就算平時不太吃羊肉的我也吃掉了一隻。黃金蝦，咸旦黃與蝦的味道很夾，小小的咸味正好帶出蝦的鮮味。古法炆頭腩普普通通。西蘭花炒班球肉質鮮嫩，剛熟的班球很滑。美中不足的是糖水芝麻糊太稀，記得上次吃的時候是很好的。一圍全包$1788，價錢算是可以的了。…Read More

趁新春假期到澳門玩，須道於氹仔午餐吃正宗的葡國菜。其實不是第一次來，不過以前總是忘記帶相機，所以一直都沒有寫食評。豬仔包：送的，不過熱辣辣，幾有誠意。乳豬：皮很脆，不過肥了些，只有幾塊，但價錢要$158，實在貴左少少。炸馬介优球：好味，而且不太貴！每次來吃也是必叫之選。海鮮炒飯：味道OK。價錢可以，味道不錯，所以還是會再來的。…Read More

今次已經第三次食啦, 其實我一直冇遇到其他人所講嗰D唔好嘅情況, 反而水準一直都維持到喎. 今次終於有帶相機, 影晒相可以寫吓食評啦.我地6點20分到場, 可以平少少, 但係去到已經有D人入左坐, 可能大家想法都差唔多啦.魚生: 都好新鮮, 三文魚好好味, 而且仲係厚切. 甜蝦雖然細細隻, 但係都好甜美. 魷魚更是喜出望外. 最可惜係赤貝冇得供應. 帶子開始時候佢地話是日冇得供應, 但係後來到7點鐘左右, 我地見到第二枱又有帶子喎, 咁我地咪又order囉, 真係又有喎. 我覺得其實如果餐廳認為帶子來貨貴, 想遲D先供應 (因為早到係平D&特價), 本來係無可口非, 但係你都應該通知吓個客遲D會有, 而唔係話冇得供應囉, 好彩我地眼仔夠精靈, 如果唔係就食唔到我至愛嘅帶子啦.炸物 : 基本上炸得好脆, 天婦羅蝦真係同出面食嘅差唔多大細, 好底呀. 蕃薯都好好味. 不過最好食都係炸年糕同蠔. 而且似乎餐廳老板真係有留意食客嘅意見, 因為佢地今次D年糕冇再將芝士嗰面向下, 咁食嘅時候芝士就唔會黏住張紙.:)清酒煮蜆 : 保持一貫高水準燒物 : 燒三文魚頭, 魚鯺, 雞軟骨, 金菇牛肉卷, 薄燒牛肉. 全部都好有水準, 不過要留意三文魚頭, 魚鯺係限量供應, 所以最好一到場就order, 而且我地發現遲D re-order嘅魚鯺唔係好夠熱, 我地估佢可能之前一次過燒好左放响一邊, 始終都係熱騰騰先好食D.總結來講, 咁嘅價錢有咁多野食真係好底, 而且我又真係冇咩漏單喎, 上菜都算怏, 當然, 順帶一句, 我地四個人食, 係order完一批再order另一批, 而唔係一次過叫好多好多嗰種人. 因為之前我地食嘅時候, 就真係見過有D人可能因為係放題嘅關係, 叫到連張枱都放唔晒D食物, 咁就真係好難怪人地cut你張單囉.…Read More

為了慶祝生日，揀了間不太貴但亦有生蠔食的自助餐，因為我和朋友都愛吃生蠔。冷盤有生蠔，雖然不太大隻，但夠新鮮。朋友吃了20隻，我亦不弱，吃了一打。除了有些少蠔殼要扣分外，味道鮮甜，加上不停refill，抵讚。其他冷盤有包括翡翠螺，我對螺敏感，沒有吃，但朋友說不錯。魚生有三文魚、鮑片和另一種不知名的魚，都算新鮮。燒牛肉太熟，有些鞋！甜品中的芝士蛋榚最好吃，芝士味又香又濃。燒帶子和燒羊架都幾好食，不過出得很慢，又要排隊，每次只限兩隻，所以不能盡情地吃。總括來說，這都是一個幾抵食的自助晚餐。…Read More

幾姊妹去開尖沙咀行街，想吃個美味又不太貴的午餐，看見這間店舖有多款套餐可供選擇，所以就决定一試。打開餐牌，有17款定食那麼多，不過大家都選取了這個壽司套餐，包括前菜、麵豉湯和十件壽司。前菜：中華沙律，味道一般麵豉湯：普普通通壽司：包括有----吞拿魚、油甘魚、三文魚、劍魚腩、帆立貝、北寄貝、天使蝦、蟹棒各一件及加州卷兩件。整個套餐價值$70，即平均每件壽司只是$7左右。壽司非常新鮮，特別是劍魚腩和天使蝦，非常鮮甜，一點腥味也沒有，難得！…Read More

見到 Open Rice張贈卷, 已經覺得好抵, 上個星期三打電話諗住訂位, 先知原來12月6日至9日酒店裝修, 裝修期間地方話會細左一半, 而贈卷只係可以用到9號, 之後成個12月都唔用得, 只好立刻改為星期四食.估唔到午餐都好豐富喎, 好多野食.魚生 : 雖然只係大路貨色, 三文魚, 吞拿魚, 立魚等, 但係都好大件同新鮮, 好好味呀海鮮有長蟹腳, 蝦, 蟹, 煙三文魚, 好味, 而且供應源源不絶串燒: 牛肉好食, 仲有冬菇, tomato, 雞, 牛舌...可惜我最中意嘅雞軟骨都後來先有, 嗰時我已經食到好飽...最後都冇食到海南雞飯: 估唔到會可以任你選食雞比, 胸肉定雞翼, d飯佢地真係煮得好入味, 雞又滑, 連d黑色鼓油都好似人地出面專門賣海南雞飯d餐廳一樣咁甜品係佢地一向嘅強項, 都唔使多講, 好開心有朱古力噴泉, d士多啤梨同咆呋好味呀今次係同父母一齊去, 佢地好開心, 因為有好多熱食同海鮮可以選擇, 而且長者仲係平d ar. 媽媽好開心咁話 H 記 d雪糕真係好好食, 佢一個人就食左二個雪糕球.…Read More

一行8人, 訂了位食晚飯, 一般日式放題都會限時2小時內, 但這間的限時很長, 基本上我們食到晚上10時, 絶對適合又要食又要聚舊的人. 但地點一點也不方便, 完全不近地鐵站, 其中有兩位朋友更迷路了.食物方便是一般水準, 178元的放題, 價錢中等, 但選擇很少,下面是我們吃了的東西: 炸物: 炸蠔很厚粉, 基本上感覺是在食炸粉:( . 其他的天炸得很一般, 很奇怪蕃薯可以冇蕃薯味, 南瓜可以冇南瓜味 . 而且第二次order的天婦羅真的很油呀 , 本人食了一個什麼"紅豆合桃 ball, 超難食呀. 刺身: 一般ok, 稱不上好味, 但都ok 燒雞翼是凍的, 不過其他的燒物ok正常 手卷是很少料的, 超失望呀:(如果是一心想吃好東西, 這間絶對不是好選擇, 但如果要找個地方坐, 因為餐廳不趕人, 你是可以坐到10點. 我們也沒有漏單情況, 基本上菜都很快.不過對於為食的我來說, 應該不會再去了.…Read More

其實這是我第二次光顧這家餐廳了, 第一次是一年前, 食晚餐, 感覺是物有所值. 但今次再去, 感覺是大不如前, 唔知係唔係因為今次食午餐, 所以便差咁多??我們叫了兩個 set Lunch, 分別是:牛扒 + 意粉 : 牛扒基本上沒有什麼牛味, 雖然 set lunch是不能要求太多, 但也不應太差呀. 話晒個扒都成70蚊...意粉反而唔錯, 雖然油左少少, 但幾好味 牛肉腸加薯仔煙肉salad : 普普通通, 只能夠話腸有腸味..幸好個 salad唔錯(係咪發現左個問題所在呢? 點解兩個 set 都係主菜唔掂, 反而個配菜重好味d.....)我地加左8蚊, 要多左個餐湯加餐飲, 本來以為呢類餐廳, 咖啡應該好好味...點知又錯...衰過茶餐廳呀..我真係接受唔到 law最後係同場加演攪笑劇 (因為唔係發生响我身上, 所以都幾好笑), 我見到旁邊嗰枱叫左同我地一樣嘅牛扒, 食食吓佢發現原來個 waitress將佢塊扒同第二枱掉轉左, 所以佢食緊嗰塊就好熟, 另外嗰枱就唔夠熟 (人地投訴唔熟). 於是乎佢咪同個 waitress講出事實嘅真相, 而個 waitress 嘅反應係你估都估唔到呀...佢 "啊"左一聲之後就掉頭走左 (你係咪忘記左一d應該要講嘅台詞呀), 我見到嗰個男人當堂 o 嘴, 無奈下只有繼續食佢嗰塊十成熟嘅牛扒.話晒加埋個湯都賣成80蚊一個餐, 你地做錯野係咪都應該換番個餐比人地呢? 我諗我唔會再試呢間餐廳, 超失望.…Read More

早幾日一家大細出去食飯，反正人多，就索性叫了一圍壽宴套餐。燒乳豬：皮脆肉嫩，剛剛燒好，入口還是熱的，脂肪層又不厚，非常美味！零芝菇配鮑魚：鮑魚雖然細細隻，但很入味；零芝菇口感很清新自然。雪影蝦球：炸蝦加生沙律醬，酸酸甜甜的，味道都幾夾。清蒸石班：九成熟，火喉掌握到家，2斤多重的石班也能蒸得肉剛剛離骨，肉嫩而鮮甜。蟠桃壽包：壽包比拳頭還大，咸蛋黃漏黃油，雖然食到壽包時已經很飽，但仍忍不住吃了大半個包。價錢雖然貴了一點，但份量十足，基本上沒可能把全部吃掉，有些食物如炒飯未食之前已决定打包明天吃。…Read More

人家有bunch buffet，我哋就將tea buffet 當作午餐加晚餐，因為晚上仍有節目，沒有時間街吃晚餐。雖然是以士多啤梨及莓類作主題的buffet，但令人驚喜的反而是熱葷，質素不賴之餘更有多款選擇。冷盤類：魚生只有吞拿魚、八爪魚和魚，反而沒有最愛的三文魚，有點失望。煙熏類有煙三文魚和凍火腿，冇得食新鮮的三文魚，唯有吃煙三文魚補數。另外有些蔬菜沙律，為免浪費胃的quota，沒有試。熱葷：點心有蝦餃、燒賣、春卷和煎餃子，有酒樓的質素，都幾大隻。有生滾粥，沒有試。蒸桂花魚只出了一次，之後就變了牛肉炒烏冬。另外還有燒牛肉、燒味、蝦多士、咖哩雞、生炒骨等等.....選擇多之餘，也一定吃得飽。最欣賞的是牛肉mini-burger，牛肉非常juicy，我禁不住吃了兩個。有多款蛋糕，最好味的是藍莓芝士蛋糕同埋白酒雜莓啫厘。其他蛋糕都好普通。雪糕有6種味道，更有新鮮雜莓作配襯，好味！理單有白金咭的關係，有85折，平均每人$200左右。…Read More

一行五人，本來打算吃午餐，但排到時已經1:45pm，2點鐘開始下午茶，就索性改做下午茶算了。一看見點心紙，發覺有大量特價點心，價錢由$5.8-$10不等，很興奮地選取了14個點心，埋單只不過是$201,很抵食。家鄉炒米粉：雖然冇乜料，但炒得夠香口，加上價錢只是$5.8，不能要求太高。明爐燒鴨飯：每碗$14.8，味道不錯。脆皮燒肉飯：燒肉皮脆肉嫩，而且有好多塊，雖然要$16.8一碗，但下次再來時一定會再叫。其他點心包括：豆沙飽、黑椒豬大腸、蒸排骨、豬潤燒賣、鮮蝦燒賣、牛柏葉和雞扎也很美味。千層榚和菜肉飽很普通、鳳爪太硬、蝦餃太細粒(但却是特點，價錢較貴)。總括來說，是很豐富的一餐。…Read More

為左要食完飯全家人趕住返屋企睇波，決定要去最少人同最快嘅地方用餐，但又唔想食得太馬虎，所以選左呢度，我地７點到，冇訂位，完全唔要等位。言歸正傳，出乎意料之外，幾多特價野食，價錢唔算貴，款式又多，我地選左下列幾樣：星班兩味，雖然份量唔多，但係都幾鮮味。片皮鴨二食，佢地Ｄ片皮鴨真係整得好好味皮夠薄同脆，好香同好夠味，唯一缺點係佢地用來包鴨嘅麵粉皮太硬，相信佢係預先做好，一路蒸住，所以蒸到又硬又乾。第二食係苦瓜炒鴨件，都炒得好香，但我估佢唔係比晒成隻鴨我地，一隻鴨就算片左皮都冇理由咁少肉，不過唔緊要啦，因為係特價食品，都預左會係咁。野菌炒鴕鳥肉：佢地加左Ｄ油炸鬼入去炒，好特別又幾夾喎。金銀蒜蒸元貝：買一打都係＄７２，好底食，而且味度好好，仲加左Ｄ粉絲一齊蒸,very good　呀龍蝦烏冬鍋：呢個就唔係咁底食，雖然話係龍蝦，但其實肉好少，成＄９８，貴左Ｄ，而且龍蝦都係同麵夾Ｄ，煮烏冬有Ｄ怪。芥蘭爽肉煲：之前食過一次，芥蘭煮得剛剛好，夠爽口。爽肉都好好味。其實佢地仲有其他特價食品，下次可以再試（但好似會定期轉特價推介）…Read More

父親節前夕，專登同屋企人吃個好的午餐(夜晚要睇波，唔方便出街吃飯)。平時多數叫套餐，但經細心的妹妹計算之下，發覺散叫價錢差不多，但選擇卻多很多，所以决定散叫了幾個小菜，兩個甜品。小籠包：太肚餓的關係，末影相已食剩兩個，美味可想而知。紅燒獅子頭：味道濃郁，不過汁D杰了小小。肉絲炒年榚：味道一般。鱔糊炒粗麵：很足料，味道一流。最重要的是不油膩。桂花拉糕：口感佳，桂花味道很香。細蓉酥餅：本來想叫豆沙煎餅，但侍應竟說售罄(那時才下午一點)，無奈轉為細蓉酥餅。味道幾好，不過份量很少。總括來說，仍算是很不錯的一餐。…Read More

朋友一直都盛讚這裡的龍蝦天使麵，難得夾到時間，就一起去吃。麵包：免費送的，有兩款，味道一般。龍蝦湯：湯味又鮮又濃，湯內有半隻龍蝦尾。龍蝦尾用油泡過，肉汁鎖在肉內。有得飲又有得食，一流！龍蝦天使麵：朋友要求將意粉改成天使麵，為的是增加麵的表面面積，食的時候可以吸收多一點汁，那就更加美味。汁有忌廉味，亦有很重的龍蝦味，加上蝦膏，為天使麵增添不少色彩。麵內有半隻龍蝦，全部已經起了肉，食的時候相當方便。有機會真想再去吃呢！…Read More