mandyng1015's Profile

4點幾先放飯,近近哋,去咗瑞士咖啡室,因為職員要埋數,所以先埋單,之後放低電話喺櫈,返到公司搵唔到電話,最後記憶喺餐廳用過,再打自己電話係冇人聽而唔係唔通,第二朝打去餐廳問,收銀姐姐話經理見部電話,感激你幫我先收起,我相信你不會要報酬,我已經代你捐款,功德回向你🙏🏻…Read More

喺太古城中心映完怪獸公司,揾地方食晚飯,見Openrice第1間就顯示依間餐廳,食評都好正面,所以就揀咗佢,當時入座被告知距離last order(8:30)好接近,待應都有講解番個點餐流程,(自助形式,可以隨便搵位座,揀好食物就出去點餐,等部機響去取餐,餐具及水都係自己拎),因為唔知半份炸雞嘅份量,所以有問待應,待應話半份大約5至6件,全份大約12件,簡單嘅對話就知待應對自己公司食物熟悉程度👉🏻加分位,食物係即制,尤其炸雞,熱辣辣,脆卜卜,待應亦都留意到我哋點炸雞,即主動奉上手套👉🏻加分位,見其他客人走得七七八八,多口問收幾點,原來收9點,但食物太熱,想食快D都唔得😂,我哋真係食唔切,待應都有問我哋介唔介意收起D碟俾廚房清潔,轉外賣盒俾我哋可以繼續食,過程都冇任何不悅或唔耐煩👉🏻加分位,為咗唔想阻人收工,我哋食淨的都帶走,離開時亦都提醒我哋拖咗地,小心地滑,雖然係自助形式,但服務真係加晒分,講緊唔係1個待應,係幾個都👍🏻,成個用餐體驗都好好…Read More

朋友介紹,第一次去,感覺如下:高質火鍋,食材新鮮,店員有禮,坐位舒服。見到其他食客叫小炒,香氣十足,亦有串燒,刺身供應。成晚最深刻印象係鮮蕃茄牛坑腩濃湯鍋,值情係濃郁版羅送湯👍🏻,黑松露沙拉骨都正,值得推薦。…Read More