foodietrail's Profile

觀塘呢間燒肉好似係開咗冇耐嘅，見佢有薩摩牛放題就決定嚟試吓。佢間鋪喺高層，景觀好開陽，坐得舒服，燒肉店嚟講亦都冇乜有煙味。一上嚟就梗係叫蘺摩牛放題先😋呢度啲牛真係唔錯，除咗薩摩牛都有其他唔同類型嘅牛同位置，每一款亦都可以揀燒汁或者鹽燒或者原味。牛肉個質素係唔錯，肉味好香，尤其薩摩牛亦都真係食到入口即溶嘅感覺。選擇方面亦都幾多，除咗雞同豬之外都有唔少海鮮，比較特別嘅係甲羅燒，鮑魚仲有帶子，鮑魚係醬油入味，調味唔錯咬落都新鮮。出邊有自助吧有，少少熟食，飯同埋菜，可以喺出邊拎菜過嚟燒跟住包住啲肉食。另外都唔少得燒菠蘿，非常好味！除咗熟食亦都有刺身可以揀，基本上想食嘅嘢都有。甜品方面主打都係雪條，飲品選擇都好多，除咗有綠茶可樂正常飲品之外亦都有清酒梅酒可以揀。總括嚟講，過嚟食佢嘅牛同海鮮都已經唔錯，上菜亦都想得快，有見到送餐機械人添😂。…Read More

一直聽聞大埔有呢間打卡小店，今日終於得閒嚟到呢度食飯。舖頭喺小巷裏面嘅一個角落，望落去唔係特別大，但係好吸睛，無論係單車嘅擺設定係牆上嘅塗鴉都裝修得好有新鮮感同活力。裏面仲有個轉角吧枱位，夜晚燈光都幾浪漫。呢間舖頭主打西式手工意粉同燴飯，仲有唔同種類嘅小食拼盤，薄餅，選擇都幾多。佢仲有啲好有特色嘅花茶同酒精飲品，而且種類唔少。今次我哋去到咁啱做緊周年感謝祭，就叫咗個澳洲和牛牛柳配薯菜（$238）跟餐仲有一杯紅酒或者白酒送。我哋就叫咗白酒，白酒偏甜，酒味唔係好濃，但係比較啱我口味，好易入口。送小食非常之適合。牛柳非常非常之贊，煎到啱啱好，裏面鎖住晒啲肉汁，而且非常厚切！香煎嘅外皮連埋裏面嫩滑嘅口感真係非常正，一啲都唔靭。佢個汁配埋啲薯蓉都好好食。另外主食我哋仲叫咗個甲羅蟹膏燉飯（$168）個飯上面超多蟹膏同蟹肉，撈晒落去之後每一啖都可以食到好濃嘅蟹味，誠意十足而且份量唔少。絕對值得encore。小食就叫咗個酥炸雞翼（$68），一共有六隻，佢有得俾你自己揀醬，我哋就揀咗柚子蜜。雞翼外層真係炸到鬆脆，好香口，配埋柚子蜜嘅清新就中和左一下個油膩感，配搭唔錯。脆口嘅雞翼配埋甜甜地嘅醬汁，而且仲有唔少柚子粒，口感非常之好。由於都係一個花茶控，所以我哋特登叫咗一壺毋忘我黎試吓。花茶嘅味道不過不失，不過個壺都幾別緻。總括嚟講我覺得呢間舖頭都幾特別，嘢食每一樣都好唔錯。如果有機會嘅話會再嚟試！…Read More

原來名館搬左舖，不過都係希慎入面，食物依然美味多樣，舖面亦好大。黃金蝦球（$118）鹹蛋黃味嘅炸蝦球，調味唔會太鹹，好惹味。雲南涼拌貓耳朵（$48）作為開胃涼菜，爽口而且調味酸帶少辣。灌湯鮮肉小籠包（$68）個皮略嫌較為厚，但內裡都夠juicy。沸騰水煮肥牛（$298）黎到已經感覺好駕勢，用料除左肥牛之外，仲有豬紅、餐肉、薯粉、蔬菜等等。我地點左「少少辣」，整體味道變得無咁重。烏龍茶湯圓（$58/份）大大粒芝麻湯圓，個皮好軟糯，個湯就用左烏龍茶咁特別。總括黎講味道唔錯，價錢中等，最近仲有幾款特價食物，下次有機會再試。…Read More

元朗富達廣場新開左一間東北菜館，見東北菜好似幾得意，今日就同屋企人嚟試吓。店內裝修好有中國風，頭頂吊住好多燈籠，而午餐亦好多選擇，價錢全部好抵，只係4-50 蚊就食到一個午餐， 難怪午市有咁多人幫襯！ 拍青瓜 $15跟餐小食好抵只係加$15，我哋就叫咗拍青瓜。青瓜用嘅醋味道好香，入口係好脆好爽口，撈埋蒜蓉、洋蔥等等配料非常開胃，係值得推介嘅涼菜。醬燒茄子+菜飯 $47+2一上枱其實嚇咗一嚇，冇諗過40幾蚊會咁大碟，茄子燒得好香，肉碎亦都好多，但味道則有少少鹹，但因為係送飯食所以就啱啱好。菠蘿咕嚕肉+菜飯 $47+2同樣係非常大碟，好足料好多咕嚕肉，味道夠酸，咕嚕肉亦炸到好脆，伴菜既洋蔥青椒等吸左啲汁非常好味，成碟餸配埋飯好開胃。豆漿 $4豆漿係跟餐加$4就有，餐牌寫佢係有機豆漿，飲落好滑唔會太甜。豆沙鍋餅$48除咗午餐外我地另外仲叫咗個甜品，豆沙鍋餅香港唔係好多地方食到，佢係即叫即炸，所以要等20分鐘，餅底炸到好脆， 中間夾住豆沙， 味道剛剛好唔會太甜。賣單個陣見隔離枱食緊片皮鴨非常吸引， 下次要來試吓先得！…Read More

原來呢間火鍋店中午係做點心，而且presentation亦一流，拍得住米芝蓮中菜。今日點左以下幾款點心，樣樣精緻無比，好有驚喜！紙醉金迷鮮蝦餃皇（$18）黑魚籽燒賣（$18）香芋天鵝酥（$36）芝士蝦長春卷（$32）東瀛鰻魚酥（$36）鴛鴦腸粉（$26）加州卷（$18）上湯浸時蔬（$18）天鵝酥簡直打卡一流，食落酥脆帶濃濃香芋位，不得了。鰻魚酥亦幾有創意，比較少見嘅呢個配搭，出奇好食。另外鴛鴦腸粉嘅顏色配搭到好似壽司咁，味道方面亦夠滑身。燒賣蝦餃呢啲通常會mark up嘅點心，呢度只係賣$18，真係抵食！茶位$8/位，絕對唔過份。…Read More

澳南海岸開左超多餐廳，靠近海邊，整體環境好舒服，地鐵站過要行10分鐘，但相信大部分食客都係呢一帶嘅住戶。呢度店名叫花樂，所以每到菜都加左食用花點綴，非常美觀。胡麻菠菜油揚沙律（$88）熱上嘅菠菜配上胡麻醬真係第一次試，超美味！胡麻醬嘅奶滑感令菠菜味道生色不少。刺身盛 梅（$488）刺身拼盤有三文魚、鰤魚、螢光魷魚、吞拿魚赤身、鯛魚、帶子。呢個擺盤一流，落曬食用花，令呢碟好似花園咁靚！刺身厚切，味道鮮味十足。六味蠔（$248）食完刺身拼盤就有蠔拼盤。酸汁蘿蔔蓉、昆布魚湯、清酒、吉列、芝士薯蓉、他他，用唔同嘅汁黎襯托啲蠔有唔同嘅感覺。平時食蠔會飲清酒，今次直頭加埋落啲蠔度我又幾鍾意。四色雞肉串（$138）跟住係雞肉串，都係落左唔同嘅醬，分別係明太子、蜜糖芥辣、黑糖芥末、紫蘇。雞肉本身都嫩滑，我就覺得黑糖芥末同紫蘇幾特別，黑糖味有驚喜，紫蘇酸酸味味。…Read More

喺上環考完試順便喺附近食埋飯，上網見到呢間「印度皇」，見食物都幾多選擇。考完試梗係大放鬆，食多啲。點知前菜已經一大堆，頓時覺得自己點多左😹。前菜有呢個脆餅Papad、Samosa，已經幾飽肚。跟住仲有西蘭花忌廉湯😂Pani Puri ($88)呢款係著名印度街頭小食。就係用個脆皮中間有薯仔粒、洋蔥、鷹嘴豆等等，跟住倒啲薄荷檸檬汁落去，感覺幾特別。Prawn Masala ($112)特登揀左呢款味道mild啲嘅咖哩，蝦都幾多而且係蝦球嘅口感，夠爽彈。我地選配Garlic Naan ($26)，上面有啲洋蔥粒。Tandoori Chicken ($92)呢個鐵板燒雞，有雞髀位，而且份量好多，味道帶煙燻效果，本身個汁用咗乳酪整，味道特別厚。Indian Masala Tea ($29)印度奶茶好多時都係超甜，呢度就比我地自己落糖，個口感幾似港式奶茶。整體覺得呢度價錢適中，味道都適合香港人。另外入邊嘅空氣都幾清新。…Read More

元朗yoho mall既牛舞係來自日本鹿兒島既著名品牌，第一次係香港去可以同時炭火燒烤+打邊爐放題既店❣️一次過滿足2個願望😍 仲好貼心有埋口罩套，方便食野果陣可以放口罩。去唔到日本唯有係香港食薩摩牛肉放題餐。一坐低店員好快送上一盤不同種類牛肉拼盤，留意返裝牛肉既盤係用左有牛樣既盆🐂感覺上好高級同好適合打卡。餐廳既自助區有不同食物，每樣食物獨立包裝，非常衛生👍🏻值得一讚！而且好特別有用鋁盆裝既紅薯、粟米同金針菇，放係燒爐上燒超方便。而熟食以炸物為主，有蔗雞棒、豆腐、魷魚及炸雞，都幾香口😋醬料方面竟然有分刺身同涮涮鍋，真係好細心❤️ 另外仲有沙嗲醬同胡麻醬，都算多種類雪糕全部都係日本雪糕，好多都未見過😍 亦都有好多唔同口味選擇拎完野食記開始燒烤喇，炭火燒烤燒既肉特別好食😍 保留返d肉汁 好juicy而涮涮鍋個湯底係濃湯，d食物吸哂d湯底好好味 粟米好鮮甜🌽第一次係放題見到有咁多海鮮食，中意海鮮既唔好錯過元貝，勁大粒真係啖啖肉而蟹膏亦係必食單品，陪埋白飯真係一流😋 所有肉都好新鮮，脂肪分佈剛剛好，而且好夠肉味🐂甜品都係獨立包裝，而且份量細細粒，可以一次過食哂唔同口味❣️朱古力既好好食，超濃朱古力味🍫…Read More

越南菜唔係得Pho或者米紙卷，今次想試下啲新派菜式，黎左Nam Viet Nam Cafe。呢個位置以前食魚麵架。菜式幾特別。1⃣️NVM高樓米塔（$48）倒啲熱辣辣嘅汁落去脆身嘅米塔，食落就好似食加左少少熱水嘅媽咪麵咁。2⃣️脆米紙薄餅（$48）今次就係脆身薄片，上面有啲好似臘腸粒同蔬菜，食落都正常。3⃣️Shake Shake雞軟骨（$42）落少少青檸同辣粉，但感覺有啲油膩😖。4⃣️烤蔞葉春雞配青蘋果條（$78）香噴噴嘅烤雞🍗，食落都幾嫩滑，而且燒過之後好香而且油份更出。個醬汁有啲花生🥜味，同雞都幾夾。5⃣️南越蛋咖啡（$28）重點嚟到呢杯打卡咖啡，上面嘅蛋層好結身比平時啲奶蓋更濃，甜甜地，有啲蓋過咖啡味。6⃣️微藻檸檬薑茶（$28）朋友就話呢杯就味道偏甜，帶淡薑味。…Read More

灣仔嘅茶餐廳經常有好多驚喜，今次食呢間雨林軒，本身開到夜晚8:00，晚市堂食竟然有八折，下午茶餐牌都去到夜晚8:00。今晚自己一個，揀左以下：沙爹金菇粉絲牛肉煲（$72）大大個煲，味道帶少辣，主要黎自沙爹味，配飯一流。粉絲、金菇同牛肉嘅份量都多，牛肉就係平時瘦肉嘅厚度，肉質軟得黎帶點咬口。本身跟左白飯大大碗，另外有個迷你雜菜湯，但味道就偏淡。紅豆冰（$8）好重椰奶我鐘意！甜度啱我，唔算太甜，而又帶出紅豆味。紅豆份量都多。總括黎講食物絕對對得起價錢，八折後全單$64，食飽飽。…Read More

Chef’s Stage Kitchen係位於元朗中心區既一間餐廳，內裡裝修好有格調，食物質素既好高。前菜：餐包/餅乾棒 + 夏威夷沙律 + 大蒜薯仔湯一落座店員已主動送上餐包/餅乾棒，餐包沾左醬汁酸甜開胃，而大蒜薯仔湯則口感好濃郁，飲到蒜味而又味道唔會太誇張，十分開胃。 夏威夷沙律入面有薯仔、菜同蕃茄仔，配埋沙律醬汁味道融合得啱啱好。精選小食併盤：小食併盤包括有炸雞翼、豬仔髀、車打芝士青辣椒煙、三文魚多士同秋葵。小食併盤既炸物係即叫即炸，一食落口脆卜卜令人胃口大開。併盤中推薦車打芝士青辣椒，一咬落去中間係芝士流心，芝士拼埋辣椒又唔會掩蓋左辣椒嘅椒味，兩樣嘢夾埋真係十分特別。豬安扒配燒汁：好厚好大塊，肉質煎得好柔嫩，而且充滿豬肉味，唔洗沾燒汁或旁邊嘅芥末，就咁食已經好夠味。咁大塊豬扒其實好易食濟，但配埋旁邊既配菜（蕃茄、薯仔、蘆筍）就岩岩好。蟹肉 Risotto：一入口已覺得好有蟹味，成個risotto充滿住蟹味醬汁，每啖都咁好味。竹炭曲奇鮮奶：令人驚喜既飲品，好似飲緊oreo咁但又唔會太甜，推薦。香桃茶：桃味之中帶有清新既茶味，同樣都唔會太甜，推薦。…Read More

係灣仔番工之後多左好多機會食番啲地道食物，今次黎駱克道呢間「永豪麵家」。原來已經經營多年，由細舖搬大舖。老闆娘好熱情介紹呢啲嘅食物，所以我今次單人匹馬都食左一個麵加兩個小食。京都炸醬麵（$38）個醬帶辣微甜，個麵就係港人回憶竹昇麵，爽口嘅口感，加上配個湯去增加濕潤。薑蔥灼牛肉（$60細）牛肉用白灼嘅放法煮，口感好軟身，加上簡單薑蔥同豉油調味，帶出牛肉本身嘅味道。炸雲吞（$38）雲吞皮薄脆，全部雲吞都係餐廳自己包，有鮮蝦係入面，粒粒彈牙。點啲呢度嘅秘製醬汁更美味。凍奶茶（$21）最後飲番一杯茶濃奶滑嘅凍奶茶。…Read More

泰昌餅家係香港好出名嘅蛋撻店，今日特登黎中環店整番半打。最近原來推出藍莓撻（$18兩件/$12一件），味道幾特別，藍莓味幾似，中間有粒粒藍莓！另外揀左酥皮蛋撻（$10/件）同曲奇餅底嘅皇牌蛋撻（$18/兩件）。酥皮層層好有層次，口感實在無得頂。曲奇皮就實淨啲，係經典嘅口味。仲有老婆餅兩件（$9.5/件）暖暖地，手掌咁大塊。味道都係甜甜地，正啊！中環店店面大，包裝同裝修又年輕化，迎合到本地人同遊客。…Read More

今日喺銅鑼灣行街，見到呢間新開嘅咖啡Kiosk，叫Orange Dish，我又有興趣試吓呢度啲咖啡。個位置係一間賣兒童玩具嘅店舖出邊，鋪仔細細，可以坐大概三四個人，除咗咖啡之外，仲有一啲沙律、麵包、包裝食物等等。我今日就決定試吓呢度嘅摩卡，呢度嘅包裝簡約。朱古力粉冇落得太多，啱啱好夠味，咖啡味道nutty。另外食物方面，我就揀咗Youni嘅西班牙海鮮炒飯。味道係健康嘅，冇特別鹹，亦冇落過多油，一盒嘅卡路里大概四百幾卡左右。海鮮分別有青口、蝦、魚柳肉。醬汁係用咗健康嘅蕃茄蓉汁，感覺健康又飽肚。…Read More

宜家都會了解下屋企附近嘅外賣選擇，瀛風嘅位置就係啟田街市出面嘅食街，外賣單超多，好受歡迎，咁我又試下先。呢度嘅餐都幾抵食，一個咖哩流心芝士豬扒丼（$60），加$15就有蟹肉忌廉餅，加$8有迷你泡芙，跟餐仲有飲品，我就揀左黑糖薑蜜。另外揀左日式炒雜菜（$28）同芝士年糕（$28）。首先個飯都幾大份，米係我最鍾意嘅珍珠米，豬扒真係夾左芝士，加啲咖哩更重味。蟹肉忌廉夠creamy。芝士年糕嘅芝士好豐富而且濃郁。甜品泡芙有兩款味，我揀朱古力味，的確正。炒野菜夠多款式，好健康。…Read More