吃飽睡足's Profile

午飯最難諗食咩，呢間野都來左幾次我每次都係食魚生飯，$55大大碗有一碗面豉湯，一杯茶講真，55蚊絕對無靚位魚生比你食，都係碎多但刺身粒(碎係叫粒啦)都好新鮮而且價錢相宜，飯都ok落單係用ipad，唔使等人寫單接受唔到碎位刺身d食客，就建議唔好叫呢個飯啦我通常食完三文魚，有d其他唔知咩刺身就唔會食，食一半都夠飽…Read More

今日行遠少少食lunch喜出望外有驚喜，同事食過呢間話抵食，話味道可以但大家食完第一反應係下次幾時再來紅湯真係好掂酸度辣度都啱啱好，而且味道濃郁，有心機煮而且好多菜，建議大家係呢度唔好試白湯最普通粟米斑塊都有驚喜，芽菜都好好味汁夠濃，撈飯好好味，唯一較失色係塊魚，有少少乾同比較薄，個人比較鍾意厚身魚塊鑑於汁比魚出色，基本上都汁撈飯，魚塊未食完份量夠大，男仔都夠飽有突ps.同事都叫炒面炒飯炒粉絲，全部都好掂，炒即食面…Read More

同班同事唔知食咩好，見咁間少人有位就入左去(出面個易拉架宣傳要讚)入到去先知係飲茶，價錢仲要好貴下比得呢個價，好多野揀大家都叫左set lunch(最平)炸豬扒薯粉，餐牌薯粉叫黑金剛豬扒好味，炸的好香同軟亦都好薄但薯粉同清湯，只可以話超級無敵淡，0味道素餃要讚，有四隻，好大，餡有少少酸菜味，但好淡好正埋單一人70.4(其中有加一同每人5蚊茶錢)總概而言，一般般…Read More

提前食母親節飯，可能果晚人超多上菜超慢:(:(龍蝦伊面，龍蝦有少少油，但面好入味上面呢份蝦丸，真係好好味，建議必試，蝦肉好嫩，甜甜辣辣好咸......................呢間野d乳豬幾乎每次都次，水準都保持到其他菜都好好味，不過都要講句，千祁唔好點餐:(:(:(:(果晚我地兩家人食，叫左份套餐，只可以講句，大家都認同以後都單叫…Read More

同事請食午餐，但點都估唔到佢會大方到請食半自助 主菜揀一款，其他前菜、甜品任食我揀左羊架有三塊，都幾大份，男仔都應該夠飽肉汁鮮美，完全無膻味，切落去有少少硬，但食落又好軟香 超有口感，但無筋 鍾意食羊，必試！！！仲有仲有，大家一定要試綠色隻配汁，真係超搭呀 記住，一定要羊內同d一齊放入口 沙律超新鮮，好少無試咁靚沙律，有款叫檸檬美容汁，配沙律好好味，度度都有千島汁呢d，大家來到呢度就試下美容汁啦~~~凍蝦好彈牙 不過煙xx魚就好咸 :( :(泰式鳳爪都好好味比起好多餐廳都有水準，食得辣噶朋友要試，感覺比出面辣左d，但就係咁先咁野味甜品都好多選擇，愛甜品，試左幾款，水準都好高呢粒好似叫咩菓子，清香味淡，裡面有d生果，似完口腔即刻feel到清新左，最適合唔鍾意太甜的朋友但其實味道係幾好味呢件最好味，酸酸甜甜，2者配合的超好，估唔到大家款款甜品都可以唔試，呢款一定要試生果有西瓜、奇異果、罐頭桃、罐頭大樹菠蘿、罐頭梨，種類算豐富最尾我叫左杯即磨咖啡，其實semi buffet有餐飲係出面自己羅，即磨要唔要另加錢就無問反正同事請差d唔記得，蒜蓉包真係好好好味因為蒜蓉每個包面都有，廚師好有心機呀聽個經理講，話2星期會轉一次menu，大家可以book倍打去問下有咩食，我見lunch都有人叫酒飲，我估酒應該都ok…Read More

約左親戚，2家人食飯，因為無訂到位，得呢間有位，結果真係等好耐，懷疑廚房係未得1個人:(:(乳鴿: 皮好脆，但無味肉，味道ok，但如果鍾意少少肉嘅朋友，可能唔like桶蠔叫左2款，一份係姜葱蠔煲，另一個則係類似泰式果d，蠔又大又多，而且好鮮甜，好嫩好味全晚最好味呢2個龍蝦伊面隻龍蝦有味，好明顯係死左一段時間，同經理講，照例解釋，親戚都做左幾十年飲食，信個經理至奇:(:(燒雞:超一般，可以唔好叫咕嚕肉:正正常常，同大家平時食嘅一樣，無驚嚇亦無驚喜牛肉炒飯: 好香，牛肉味入曬飯到，仲有好香葱頭味，而且個煲係好熱咁上，你食左炒飯，轉頭食埋飯焦，比個like佢聖子:等左好耐都未來，催左單之後，一陣先話得8隻聖子，我地ordered9隻:(:(不過聖子真係超級大隻，蒜蓉又超好味，炸的好香濃，粉絲吸曬聖子同蒜蓉d味，聖子啱啱熟簡直perfect條魚:等左個半鐘先上……都好彩幾好食，起碼係新鮮，個魚頭我食左好多膠質大部分食物味道都可以，但我地應該唔會再去，龍蝦明顯唔新鮮，炸完再煮都好大陣味，可想而知未炸時壞的幾緊要，唔好食係1回事，但專業操守都好緊要…Read More

今日唔知食咩，就去呢間食啦～午餐有套餐，一個飯加一份甜心，茶就只有1款飯算細份，如果男仔又要食飯先得D，應該唔夠，味道就可以，鼓油都好淡口，煲似煲仔飯d，但就無飯焦，但又唔似蒸飯，可能煲低一。開始有氽過油。點心我地叫左菜心同鮮竹卷，菜心幾好，但就無豪油，得鼓油，好似少左d咩咁，唔建議試:(:(:(鮮竹卷好味呀～餡充足，一d都無偷工減料，食落感覺好清每人48，午餐可接受，但就要搭枱，對面2位叫左墨西哥叉燒包，去樣好靚，d餡望到都無肥豬肉，下次要試呢心個!…Read More

今日午餐來呢度食，叫左4份點心，2豌面，一碟炒飯牛肉面，我無食到牛肉，但面……只可以話唔太適合本人口味上海粗炒: 又出奇好食喔面好有咬口，埋單見到係即場拉出來，難怪啦，而且好大碟蘿蔔絲酥: 炸的好酥，裡面蘿蔔則好嫩，鍾意炸野可以試下素餃:層皮厚左d，正常炒飯: 都幾好味，但比起上海粗炒，真係好細碟:(:(人均80，食環境多d，畢竟只係叫左好少野食…Read More

聽日端午，boss請食飯，最開心呢個時候:):)11個人，除左飲茶都無第2樣揀叉燒包:本人飲食必食，今次食左1隻半好好味口，最緊要無肥豬肉，甜度適中，皮亦無黏牙，值得試炒腸粉: 我地全部有驚喜，腸粉可以炒到咁碟無油，有少少少辣，正!流沙句:可能我食果陣已經凍左，感覺一般，同埋甜左少末蘿蔔糕: d蘿蔔係一塊塊，可以明顯食到蘿蔔味，但同d粉融合的好好，必試!!炒飯: 好大碟呀～我地1人1碗仔，仲有剩，有南瓜，帶子，口感有dd酸酸甜甜，好特別紅蘿蔔: 其實係咸水角，除左外形同餡無肥豬肉外，我覺得唔夠燶，無左炸野果種鍋氣，但都算好味樣都可以加分其他我無試，同事話春卷好好味埋單8xx，用左張50現金卷，午餐來講，算貴，但環境好好，可以望到少少維景，食物質素都好好…Read More

今日唔使ot，諗住行去嘟8達通，慳翻2蚊啦～點知行走去買餅，哎買左3件餅，同埋一包蝴蝶酥，蝴蝶酥賣140我記得之前好似平d，定係我記錯?蝴蝶酥一樣咁鬼酥脆但可能我句黃黃地，覺得有少少燶味，但可接受。3件餅其中拿破倫係我最愛，當然我食啦～唔會好甜，而且cream又唔會膩，而且底層生果有草莓，芒果，藍莓，少少酸帶少少甜，好好味Brownie我無試下，樣靚都什8好多分……但另一件……我買完返到屋企要1個鐘，成個蹋荒咁，都幾好笑，試左啖，好濃咖啡味，唔知係買太耐，定係咁樣，流心口感，滿分:):)埋單先知信用卡有88折，1至4就肯定有，其他日子唔記得有無啦…Read More

去深圳見fd，今次去呢間朋友11點半去到羅位，所以唔使等位上海菜飯：飯有少少油，但菜好嫩，基本上可以東坡肉：比外婆家油，但淋好多，而且用來餸飯一流(唔係餸菜飯呀，係白飯)松鼠魚定菊花魚(名唔記得啦)：得5朵左右，酸左dd齋鵝：咁次最好味一個餸，出乎意外，其實只係腐皮醬鴨都係比錢食過第2樣啦西湖藕韻(呢間係味叫呢個名??即係糯米釀蓮藕，有蜂蜜有桂花款甜品)必試，有桂花味，但唔會太甜，唔like甜的朋友都可以試缺點，上海野都好細碟，3個人都要叫好多先夠飽。可能因為多人排隊，最尾可以話係趕我地走，送左包豆干包野真係好好味呀，甜甜地辣辣地…Read More

同同事成日來呢度午餐，40起一個午餐，免加一，送野飲，我自己就覺得好抵。今日食青咖喱豬肉飯（其實我係叫雞，但比錯豬肉）→_→紅豆冰最愛。不過同事個蝦醬炒飯好耐，但好靚。呢間野算食的多，水準都keep到，有時超full…Read More

當日落雨，又見無咩人，就去試下啦，去完就早知唔去我食椰醬飯，其他唔講，隻雞翼好似尋晚炸完今日翻炸，仲要油多又唔脆，飯有少少似粥，椰子味唔多覺。同事份河定粉就好琳佢食左少少就話唔會再去。椰醬飯48蚊，同事份好似都4x，飯品最少好似加10蚊定幾多，唔建議去，50蚊，寶勒巷大把選擇…Read More

朋友比左張gift certificate，就同阿媽去試，第一次去呢間食，個場好大，職員都好有禮貎，但有相當一部份應該係炒散，因為服務態度有很明顯分別。有蠔有長蟹，一個字：細我無試到。天婦羅好好味母親大人食左好多隻炸蝦甜品好普通唯一好味係個例湯花生煲咩就唔識啦，好過花膠燉湯好多我鍾意食羊，但好似咩羊都無 不過炸蠔要大讚，超好味另一樣好味DDD，係炒飯有樣唔好，果汁汽水要加錢，咖啡茶就免費，最搞笑係，問D職員，佢地都唔知果晚有無提供果汁汽水，明顯TRAINING唔夠:)我地走果時，有個較高級職員問我地好唔好味，我好答佢OK。睇返Openrice價錢，好老實，唔值個價，唔係野食少，而係大部份我都覺得未到4星酒店水準。…Read More

係呢頭返工，成日都去食。衣家係每位48蚊，餃子鍋貼同面都任食，但要食曬，超高水準。每人有湯，仲有茶，另外仲有3個小菜，如果有3個人或者以上就可以揀多個菜，5個人以上又多1個菜。午餐真係好抵食ps.我有樣野好唔明，點解蕃茄蛋面都係辣？同埋，加菜唔好加辣子雞丁，好多粉，不過又超香口…Read More