ChristyWW's Profile

雖然唔係第一次去，但係今次個waiter面黑程度更衰，坐低咗水都冇杯又唔行埋嚟，叫佢埋嚟攞Menu，佢就淨係話得餐紙嗰張就係，跟住就走咗去。其實附近好多餐廳已經執左，呢家係咪要檢討吓？這次Order左個pizza, 餅底厚薄適中，很美味。本來想好好細味享受，但係個嗰waiter個樣真係太黑，淨係對可能係熟客的人說笑，對其他人都係一概黑面，實在影響心情，趕快食了少少就打包拎走了。食物品質係可以的，一個不當的侍應浪費了廚師的心机，可惜！…Read More

餐廳外貌唔突出，但內裏裝潢時尚，座位寬躺。坐下來時差唔多十一點幾，原來特餐有部份一律$33，飲品另加錢，熱飲+5蚊, 凍飲加7蚊。價錢算中位。叫左個熔岩肉餅飯同三寶丸喇沙米。喇沙米味道不過不失，略嫌唔夠濃味，丸就一般魚丸，魚丸同貢丸，無乜好寫。熔岩肉餅原來係鹹蛋source加上肉餅，個source幾重鹹蛋香，令到個肉餅食落多左層味覺，幾好。不過係個肉餅份量真係小d。但有樣嘢要扣分，就係去餐廳洗手間時發現兩隻成寸幾長嘅曱甴響狹小的洗手間內遊走。…Read More

童年回憶，滿心期待的，但食完呢餐一下子幻滅了。叫左兩個下午茶餐和一個煲仔飯。點知其中一個下午茶餐落錯單變左叉雞飯，咁算啦費時人換。但係啲雞係凍嘅，叉燒就普通，飯只有微溫。另外個沙茶牛肉炒公仔麵先係傑作，牛肉一d味都無，啲公仔面硬到呢。。。超乾。仲有個地獄翅膀crossover 煲仔飯, 雞翼似蒸熟的，只在表面放堆四川麻辣醬，飯就好硬。間餐廳除左老夫子裝修外，雖然係試業，但都要有起碼的水準吧。服務就一般，不過不失。…Read More

呢間餐廳開業初期食過一次，服務同食物水準真的是一流。上每道菜時服務員都細心介紹，所以對這餐廳非常有好感，亦介紹不少同事去食。過左一個月，同同事再去食，真係大跌眼鏡，非常失望。上星期一早訂定位，一去到全餐廳都差不多坐滿人。坐底後，過左成五分鐘都未比menu，要叫幾次侍應先得閒放底一個menu，都算啦，同同事一齊睇，order後，和同事聊天聊了差不廿幾分鐘，連沙律都未上，再追下單，點知原來漏左單，侍應一聲唔好意思都無講，淨係話好快得。咁沙律就好快上左，但係最過份係sushi bar一樣係做好曬其他order先做我地，最終係等多成廿分鐘先上菜。因為要返工，只好趕緊食。食物點好食都假啦，權八嘅價錢，但服務仲差過茶餐廳。當天點了道鮨海鮮井和安格斯西冷御膳，前菜有沙律和茶蒸蛋，茶蒸蛋送上時熱都不熱，還有一層好似豆粉將漿啫喱狀的一層在蛋上面。海鮮井有不同的魚生，當中有一小片海膽，但不算好新鮮，因時間太匆忙，其他的也只能快快食下。。 安格斯西冷御膳叫了七成，上菜時是熱騰騰的，但已是全熟牛排，同事當時也不太理會了，味道不過不失。食定主菜上甜品又再等。。。是綠茶雪糕，奶味偏重，綠茶味不夠。…Read More

因為公司搬左黎銅鑼灣，好多時都會過大坑食早餐或午餐。亦因為明星效應，當然會黎試下。第一次黎，個早餐真係好有份量同味道亦中規中矩，不失為一間可再選擇之列。尋日再黎，叫左個雞排蛋麵早餐，上枱時全無異樣，望真啲仲見蛋旁有蛋白，仲以為咁特別蛋同蛋白分開，點知用叉篤下嚿疑似蛋白既物體時，非常實淨，再篤多幾下時竟然見到有字，原來係餐廳嘅餐巾紙未黎得切影相，我老公就叫左個侍應黎睇，侍應馬上收左碗麵行開，一邊同廚房講點解有嚿紙，點知個廚房係咁話出餐時無，跟住幾個侍應用好質疑嘅眼神望住我地，好似我地屈佢地咁。都不特止，佢地竟然拎起舊紙就比番碗麵我地，要再同侍應講先換碗新的，超過份！…Read More