鬼神龍子's Profile

疫情影響都好少一家人出街食飯，最近情況有點好轉所以就一家大細出去揾食。諗起之前去過Amazing食tea都好有水準，今日再去試下泰國菜，晚上餐廳滿座，職員都好熱心招呼。睇見餐牌食物選擇都好多好豐富，任點任食晚餐當然要食盡佢。前菜泰式鮮蝦刺身🍤、炸蝦餅、焗蟹蓋🦀、酸辣鳳爪⋯十足泰菜味湯類有驚喜除咗冬陰功、肉骨茶，仲有花膠蟹肉羹⋯讚👍🏻👍🏻👍🏻冬陰功～酸酸辣辣足料夠開胃😘泰粉絲原隻大虎蝦 ～ 粉絲好入味泰式鹹豬手 ～ 食落軟腍腍，入味又有骨膠原泰式海南雞 🐥～ 雞真係好味，好嫩口，雞皮唔會覺得肥沙爹、串燒、咖哩應有盡有真心值得推薦的餐廳，感覺大廚好用心去諗每度菜式。…Read More

星期六放假, 當然要對自己好D !!! 京都的嵐山我就去過, 今日香港都有一間嵐山。入到去可能中午原因, 都十分旺場, 等咗陣先有位。睇睇 .. 相片上的刺身丼都好引, 最後選了北海道丼。首先出場的係味噌湯, 飲落湯的温度保持得好, 個人來計這個湯略為淡味, 濃些少會更好。大約等咗5分鐘, 整份餐送到。先試試配菜 ... 沙律菜好新鮮爽口, 螺肉味度正常 ...重點當然係北海道丼, 和平日見到的日式餐廳比較, 份量充足。當中有牡丹蝦、帶子、三文魚同海膽。開始個陣先試試各種刺身的味道, 三文魚有三文魚油香。帶子雖然不算大粒, 但勝在新鮮和份量足。海膽的味道令一食不停口, 一啖放入口水, 那份海膽鮮味會有持續力...最後一試係牡丹蝦, 蝦的大少屬正常, 頭部沒有黑, 新鮮水平合格, 味道方面,鮮味彈牙整個丼食上來, 飯味和刺身份量配合得好, 值得推介食咗飯之後, 當然係甜品時間綠茶味雪糕, 正常水平, 可能是來貨關係 !!!…Read More

今日同老婆路過旺角，諗緊有咩好食點知就收到一大堆傳單，望呀望，諗呀諗，見到有一間又有韓燒又有刺身又有甜品咁。就去試試啦，佢個名都幾得意叫韓舍。7點半上到去，差唔多坐滿晒人，一黎到當然要行返轉睇下有咩食先啦，個場都幾長，我就坐係最尾，都幾好呀有得行下，係個尾行到去最頭就見到一大堆生肉同菜，係用黎韓燒既，排得好整齊，而且仲好似好新鮮咁，拎返D返去試試佢先。行返去中間位就有10款左右既熱食，同埋飲品，仲有大量甜品，同刺身壽司咁。好先講韓燒除左有大量肉類，仲有海鮮同埋菜，佢個魷魚好大塊﹛又唔駛燒好耐，仲好鮮味tim, 另外，佢個五花腩都好正，燒完脆脆地咁，好好味，其他肉都唔錯冇雪味。除左燒肉，佢仲有沙律，前菜同埋冷盤，蝦，青口，蟹仔等。刺身都係必食既，佢既三文魚係厚切的又肥又新鮮，另外仲有八爪魚，希靈魚，鯛魚就唔太特別了。熟食方面就仲有菜、魚、肉、炸野等等飲品就有沙冰、汽水，美祿、好立克，茶等，選擇真係好多好多。另外仲有大量甜品，一杯杯咁，當然仲有一件件既蛋糕，仲有朱古力噴泉、炒雪糕等。價錢$178加一，有咁多野食，真係好抵呀!!!…Read More

屋企攪Party順便同朋友慶祝生日。跟住就係屋企附近呢間諾亞蛋糕。 去到一睇好好生意。好多野都賣晒:(睇咗陣有2個心水 最後決定了《香芒半熟芝士蛋糕》 Party到切蛋糕時間，一打開已經有淡淡的芒果香味飄出。蛋糕盒設計好好，盒中有碟、餐具同刀。切蛋糕時感覺蛋糕有點半溶的狀態。 放落口，溶溶的芒果肉加上芝士味，口感有一種入口即化的感覺。起初好驚芒果會酸，但食落真係有甜甜的成熟芒果味。…Read More

中午食飯上網見到介紹韓國燒肉，見到就流口水。放工當然約老婆一齊去燒燒肉。 入到去鋪頭，不用多想已經是燒肉店的感覺。睇睇餐牌，選擇多（刺身、野菜、炸物、海鮮、和食和肉類）頭盤當然係刺身，三文魚、馬刀貝、北寄貝、章魚、鮑片、帶子。刺身中最吸引係三文魚，來的是三文魚腩的附近，咬落去淡淡的三文魚油香充滿口中，仲有新鮮魚的彈性。 本身個人不太喜歡天婦羅類的食物，但比《超甜一口蕃薯》吸引住。 蕃薯來了，外表細細條似有輕輕炸過的感覺，份量方面果然係一口一個，仲要同個名一樣，超甜。到主菜了 《虎蝦》不過不失，蝦的身型不算大，勝在燒後不會乾，能保持彈牙感《帆立貝》起初以為連殻燒，好在味道不錯《小墨魚》細細粒，新鮮得來一口一隻，容易停唔到口《牛油蒜蓉青口》是冰鮮青口，處理得不錯，能保持青口的鮮甜味每一種食物都新鮮有誠意，慢慢在紙上燒。 《鹽燒牛舌》爽口有陣陣鹽味《鹽燒牛肋肉》肉香之餘不會太肥《一口和牛》雖然未做到入即溶，但都係肉味夠和嫩口食了幾轉肉後，就來到主菜尾聲《一口蒜香腸》、《法式香草羊架》，香腸是台灣腸，味道大家也知道。羊架不會肥和肉質厚而嫩口。 甜品當然是柚子茶、綠茶雪糕、胡麻雪糕 …Read More

新年期間朋友約出來食飯逗利士，就戈約咗去食番本。餐廳晚市真係好熱鬧，好在有訂位。拎住一疊落單紙大家開始進入瘋狂狀態，但我地都係一班眼闊肚窄的人。我們呢班日本食物愛好者，當叫刺身：三文魚、白肉拖羅、希靈魚，八爪魚，赤貝，甜蝦，帶子。刺身份量好足，落單幾多來幾多，我地總數叫咗2次，刺身新鮮，最好係帶子唔係切到細細粒。仲有好少有的白肉拖羅，食落真係好鮮甜。 再來一些特別d的壽司：吞拿魚海膽、鵝肝帶子呢2種壽司都係比較少食到，平日食吞拿魚都會覺得佢係鮮紅色一片，今次係似碎上加埋海膽，兩種唔同的鮮味撞埋一齊，估唔到係夾到的，吞拿的魚味有點海膽的醬味。 最後食返少少熱野中和一下，日式炸芝士年糕，芝士年糕食落香口，裡面芝士好溶心的感覺。燒帆立貝味道一般，帆立貝口感彈牙，可惜調味唔夠。 飲品都好多選擇：汽水、果汁、涼茶 …Read More

在屋企樓下開張咗幾個月都未試過。之前見佢都幾多人流，突然今日見小咗人，就決定要試試入到去揾咗個位坐，睇咗menu都好多野食選擇。睇咗陣我選咗《生牛肉拼坑腩片湯河》。等咗大約10分鐘，一碗賣相不錯的湯河就送到面前。食落去湯底同配料味道都好夾，九層塔加大葱的味道輕輕的飄出，整體有越式風味生牛肉新鮮，可惜份量少同湯唔夠熱，做唔到令牛肉輕熟而引出牛味的效果。牛坑腩味度唔錯，嫩口彈牙，可惜份量也屬偏少。以新張店鋪來計算還有改善空間…Read More

星六去觀塘行街，唔覺唔覺行到餓餓地。就開openrice search下附近有咩食。跟住就揾到慕茶。地點在工廠大廈內，起初以為會好難揾，點知原來好方便去到餐廳門口佈置好特別，同埋都幾多唔同服務。 入到餐廳，環境雖然簡陋，但估唔到都幾多支持者 由於肚餓，所以好快就點咗個《黑松露煙三文魚忌廉汁天使麵》。等咗大約15分鐘天使先捨得來，真係好在野食賣相都幾吸引。天使麵食落口軟硬適中，加埋吸收了忌廉汁味道不過可惜在，唔知係咪放得太耐，食落口有點冰冷的感覺。煙三文魚就屬正常水準 …Read More

今日去佐敦開會，放工同一班同事經過和匠，覺得好香好吸引。拎住Menu真係花多眼亂，經店員介紹我地點咗幾種食物。《厚切美國prime牛小排》$168，好香濃的牛肉味，食落仲充滿肉汁。跟住再來過日本國産阿波尾雞翼$72/2隻，雞翼要細細火慢慢燒，可惜我手勢不太好，好在咬落仲好香脆。之後再來《美國prime牛角切》$148，炒炒下，未入口香味已經飄到，食落又香又嫩口。最後一味《日本國產帆立貝（黑松露蒜蓉牛油燒）》$88/2隻，好大隻，黑松露香味好明顯，食落帆立貝妳鮮甜。…Read More

好喜歡懷舊的冰室，終於在旺角試到一間。一班舊同學旺角行街，去咗中國冰室，重拾中學時的回憶中學時代經常幾位同學點幾個碟頭，share食。芺蓉蛋飯中學時最，飯來到已經感覺好香，蛋好夠火候，有水準另一個豉椒肉片炒河，鑊氣十足，食落口一d都唔油。 加埋杯用黑白奶杯裝的熱朱古力，重點係佢真才實料用朱古力沖，不是熱華田 …Read More

難得星期六放假，去咗旺角行街。行行下過咗食飯時間跟住就諗起好耐冇食過點心，於是就諗起老點。去到都幾熱鬧，等咗陣位先有位。上次來冇食過《鮮上肉響腸》$26，今次決定要試試。腸粉皮包住鮮蝦同響鈴，食落有鮮嫩脆上次食咗好味，今次再來《吾係老點小漢堡》$24。細細個漢堡好cute ,咬落去包同蝦肉餅好鬆軟加埋醬汁好夾。接住唔好比佢停《芝心脆炸蝦丸》$28，蝦丸好脆口，一d都唔會太乾硬，加埋中間芝士醬，好有新鮮口感。 最後來個傳統點心《百花壤魚肚》$24，雖然話係傳統點心，實際上好摩登，魚滑和魚肚壤在一齊，魚肚吸收晒魚滑的鮮味，咬落去多汁又有彈牙的口感老點個知不錯，不過可惜係服務質素退步了，需要努力改善:(…Read More

今日去佐敦開會，放工同一班同事經過和匠，覺得好香好吸引。拎住Menu真係花多眼亂，經店員介紹我地點咗幾種食物。《厚切美國prime牛小排》$168，好香濃的牛肉味，食落仲充滿肉汁。跟住再來過日本國産阿波尾雞翼$72/2隻，雞翼要細細火慢慢燒，可惜我手勢不太好，好在咬落仲好香脆。之後再來《美國prime牛角切》$148，炒炒下，未入口香味已經飄到，食落又香又嫩口。最後一味《日本國產帆立貝（黑松露蒜蓉牛油燒）》$88/2隻，好大隻，黑松露香味好明顯，食落帆立貝妳鮮甜。…Read More

今日姪仔一歲仔生日，食蛋糕就當然要啦，屋企人中意食芒果，我就去左屋企附近呢間諾亞睇下，之前見住佢裝修，開左都未幫襯過，今次機會黎啦。店內好似比其他諾亞靚，可能因為佢新開，而且又係商場入面。 黎到發現都出左幾多新野，除左之前食過既半熟蛋糕，半熟芝士蛋糕，仲有輕芝士蛋糕，仲有造型可愛既動物造型蛋糕。 由於屋企人中意食芒果，我就買學香芒半熟芝士蛋糕$139，芝士味香濃，一切落去有流心既感覺，食落好滑，加上頂層香甜既芒果，真係想食完一件接一件，一個蛋糕大約可以分6件。 另外仲買左枝蜂蜜薏仁水即飲$18，個樽成個燈泡咁好得意，不過味道比較淡，唔係太夠味。呢間分店對我黎講真係超方便，讚呀！ …Read More

今日夜咗收工，一班同事去到大角咀食番餐。去到餐廳門口見到都幾爆滿，在門外睇咗個Menu ，大家都選到啱食的。等咗大約5分鐘就有位，坐低咗之後我有2個心水。海膽什錦魚生飯和特上什錦魚生飯諗咗我都係選咗特上什錦魚生飯。等咗陣侍應拎咗碗麵豉湯，湯幾特別，除了一般常見的昆布外，仲有粉絲，飲起上來仲有咬口:)。魚生飯大約等咗5分鐘就到，魚生飯賣相和期望有落差，可能是特上這兩個字令我有期望 魚生種類唔算多，外面睇落都不太新鮮，吞拿魚食落仲有筋，三文魚都算肥美。其他也是一般，十分有待改善。埋單我的飯$78，但最估唔到竟然會收每位$5茶位，感覺真係不太良好。希望可以改善一下食物質素:(…Read More

今日在觀塘做完公司宣傳活動，天氣熱辣辣，大家都想快d揾個地方醫肚。揾咗間日本野，入去去反而比餐廳推介的牛牛吸引咗。蒸籠和牛$488/200g和牛A4級數，一籠計落有8塊，可惜上枱後要等佢蒸。好在係等等等其間有杯Sake cocktail $38，摸下杯底吹吹水。呢杯真係好抵，38蚊有杯Sake, 飲落口好香薄荷味。等咗3個幾字，終於可以起筷。第一層肥牛真係好嫩口，一塊放落口，嫩嫩的溶他在口中，加埋芝麻醬就更加激讚。第二層有蔬菜，蔬菜好鮮味，食落仲有啖啖牛香。原來蒸籠設計係想蒸的同時令牛肉汁，可以走到下層比蔬菜吸收。之後再來多個串燒。每一樣燒起上來都好鮮甜。南瓜$24蕃薯$24青椒$21冬菇$19整體來講，鋪頭環境好好，好闊落，野食又一流，真係一班朋友食飯吹水好地方。…Read More