colourfuliris's Profile

臨近歲晚，都好明白飲食業同仁有賣糕券嘅壓力，但都唔係強搶咁架？話說我媽媽如常去飲茶，知客S小姐帶我媽媽坐低左，然後拎岀張$4xx嘅糕券放低係枱面，問我媽媽想點俾錢。🤯作為熟客，幫手捧場都係應該嘅。但唔係一岀就要迫人買最貴個款呀？完全唔俾人揀，同強搶有咩分別？媽媽話唔係好想買，知客S小姐就即刻西面，好唔客氣俾說話我媽媽聽😤😡😠作為知客，講嘢圓滑少少是基本吧？話晒都叫服務業丫？難得放假想同媽媽飲餐茶都因為個知客搞到媽媽好唔開心！…Read More

服務態度勁差，搞錯落單順序，last come first serve，等左三十分鐘，眼見旁邊遲來都已經差唔多食完，我地重一碟都無，侍應完全無follow up。正當侍應準備為旁邊個枱上菜，我地追問點解遲來先上岸（同一款order)，佢放到一半話：「咁俾你先」。🤯隔離個枱都好無奈，我地話唔駛，直接取消。食物質素正常，坐位迫，如此高價位但服務態度如此惡劣，性價比好差。食到一肚氣。希望以此提醒各食客再三考慮，亦希望店主好好反思改善。…Read More