Karine Tsang的個人專頁

我食食吓天花滴水，滴到我手臂，我就同個年紀較大嘅侍應講滴水，佢竟然望住我手臂滴水話「冇呀」 我指住手臂滴水話真係有喎，喘喘上面滴落來，佢死都話冇呀冇呀然後走咗 跟住我自己坐開啲，但都係滴，又係滴落我手臂，跟住我又同個侍應講，佢又係死話冇呀冇呀！其實本身件事就好小事，只要幫我調位就得，但佢死唔認錯，由得我坐響個滴水位度先係問題！另外常餐個沙嗲牛通好難食，個湯底冇味，唔咸唔淡，但又有花生醬味，好似溝咗花生醬嘅水咁，好古怪。…查看更多

糕蟹好多糕，好大隻！食完已經飽晒！成隻都係糕同肉！正！仲有隻菲律賓奄蟹啲糕都好鮮甜，好重糕味，非常好味👍🏻👍🏻👍🏻 個人來講鍾意菲律賓奄蟹嘅糕味多過糕蟹，但糕蟹嘅糕大舊到好似咸蛋黃，如鍾意食一大舊糕嘅人一定會好鍾意糕蟹！隻瀨尿蝦又係竟然有好多糕，成隻蝦身都係糕，好鮮，好正！再食埋個粥，已經十成飽，唔使加嘢食。仲有service 好好，一夠鐘就有人過來開蓋，唔怕過熟。侍應好有禮貌，值得一讚！…查看更多

打算普通食餐飯飽肚算，本身冇乜期望，只係想唔好難食就得。點知中伏，啲飯煮到好爛，好似糊仔咁，好難食。牛肉又鞋颯颯，咬到脷都損埋，非常之難食。呢個價錢雖然唔係貴，但可以有更多更好嘅選擇。…查看更多