Cathy123123's Profile

好耐冇嚟，差唔多6 點到，有3、4 成客，到8 點走嘅時候，已經有大約15-20 人等位。個餐選左中價的$308/位，湯底要左香辣沙爹，好味濃，淥皇子麵好夾。乳鴿、雞翼、糍粑熱辣辣而且保持到水準，牛板腱、封門柳都吾錯，炸魚片脆脆好食，油炸鬼變咗粒粒就好硬，芋頭貢丸味道怪怪，墨魚丸好粉，其他丸類也是一般。甜點芝士蛋糕、脆脆奶凍、木糠布甸，楊枝甘露、燒仙草，都好食。榴連大福就冇乜味。咖啡機，吾知系咪冇乜人飲，所以㩒出嚟嘅咖啡好苦，應該系好耐冇換咖啡粉或是質素問題，希望餐廳可以注意一下。送食物及收碟員工勤快、態度吾錯。整體來說，久不久去食下，都可以。…Read More

一行六人被安排在閣樓的一間房內，房內有2 張8 人枱，冷氣不足，所以房間有少少味道。櫻桃鴨半隻（連骨）可以選起骨的，鴨肉好淋都juicy ，碟邊嘅喬頭好爽脆好食，附有2 碗汁可以點，汁味帶甜。叉燒例牌，偏向瘦叉而且乾左啲，同埋落左好多麥芽糖。醉雞，份量很大，估計差不多有半隻春雞，雞皮爽彈，但酒味不濃。胡椒豬肚雞湯（半份）料頭豐富，有鮮枝竹、白果，湯頭有濃濃胡椒味，這個湯冬天飲應該更合適。福建炒飯，好英國唐餐feel ，獻汁多，未必個個人都鍾意。上湯芥蘭，冇試。皮蛋子薑，子薑吾入味應該未夠時候。埋單$1011/6 位，抵食。整體來說，食物份量大，侍應姐姐勤快有禮，可以再去。…Read More

買左3 個雙併淨餸加燒鴨飯。燒鴨飯嘅燒鴨都幾多件，而且幾淋身，白飯食得出質素吾錯。蘿白牛腩/薯粒牛仔骨，牛腩碎濕濕，牛仔骨味道還可以，但好油。醋骨/菜心炒牛肉，醋骨冇醋味，反而菜心炒牛肉有小小獲氣。咕嚕肉/蒸鯇魚，咕嚕肉完全吾得，炸到過左火位，乾到不得了。只可以講，試過便算。…Read More

又去食燒肉放題，晚市有7、8 成滿。即食嘅炸饅頭、芝麻波、旦散、炸雞皮、薯條、多春魚，輕輕燒一陣子，加上煉奶、糖膠，茄汁，好食好多。凍海鮮嘅蝦同青口，都係燒一燒，吾冼凍冰冰。酸菜魚嘅魚片細細片，加上大量酸菜、金菇，酸酸辣辣，好醒胃。豬腳薑，淋身好入味。即燒部份，冇左豬大腸供應，問左佢哋，佢哋話因為太多嘢食，冇位擺。鱔條、牛仔骨、辣雞翼，保持一貫水準。期間請侍應換燒烤鐵盆及收碟，都快手。埋單$524/2位。…Read More

朋友介紹話這𥚃吾錯，一行七人到這𥚃食晚飯，星期五晚有7、8 成客，都幾熱鬧，枱與枱之間比較廹。燒鵝1 隻，好大隻，味道不濃，附上的酸梅醬不夠可以比多啲，而且有小火爐保溫，幾好。蟹肉粉絲煲，好有獲氣，粉絲炒得好乾身，可惜蟹肉不多。菜芯炒牛肉，好大碟牛肉大大片，菜芯都好嫩口冇渣。醋香骨，應該超過10 件，酸甜度適中，吾錯。海味雜菜煲、蒜香豬手，冇試。送嘅紅豆沙，煲得幾綿。服務方面，待應都殷勤嘅，食物方面，份量都幾大，埋單 $1347/7 位，可以呀。…Read More

下午茶自助餐做緊半價優惠，訂左今日嚟試吓，餐廳食物區幾大，取食物吾會人迫人。刺身好似吾系幾新鮮鯛魚入口即散，熱食選擇好多，咕嚕雞球、燒西冷、香腸拼盤、燒豬髀、即灼叻沙麵都吾錯，點心蝦餃、燒賣、粉果啲皮好厚，簿餅吾熱。甘筍旦糕、麵包布甸、Cupcake 、曲奇餅仔都可以，牛角包、丹麥酥不酥不脆，芝麻糊好糊口，甜點反而選擇不多。果汁有3 款，其他冷熱飲品系去counter 自己落order 的，其實都幾好。整體來說，這個價格在這地段，是可以的。…Read More

見網站有特別優惠，所以買左餐券嚟試吓佢嘅自助晚餐。餐廳坐位比較迫，幸好今晩附近客人都比較斯文，不大有影響。凍海鮮凍蝦爽口，翡翠螺冇沙，雪場蟹腳就麻麻，刺身三文魚厚切，八爪魚、甜蝦、薯仔、蝦餃、日式牛柳粒、牛面肉、蒸比目魚、烤羊架、烤牛舌、蜜汁叉燒、燒西冷、葡撻、沙翁旦球，都算吾錯。蒜蓉蒸扇貝蒜蓉不夠，小籠包皮好厚，豆沙芝蔴球個外皮吾脆、豆腐花、紅豆沙可以不試。飲品有多款選擇，驚喜有支裝汽水，雪糕有兩大牌子，口味就是一般大路味道，沒有新出嘅味道。整體來說，以這個價位是可以的。題外話，侍應勤快有禮，讚。…Read More

一行五人到這裡晚飯，座位比較窄有點背對背，幸好附近食客都斯文，不太嘈吵。廣東片皮鴨二食$278，鴨肉厚切大片，配料醬汁好多，二食叫左醬爆西芹炒鴨絲，好惹味。雲吞雞半隻$98，雲吞有6 粒，個濃湯都吾錯。沙爹肥牛粉絲煲，有啲芽菜而且份量都多，不過食到煲底略為多油。濃湯鮮竹菠菜苗，清清地，冇乜特別。送糖水，紅或綠豆沙，紅豆沙比較出色。埋單$745/5位，可以。題外話，收銀姐姐和侍應都相當有禮貌，用餐體驗良好。…Read More

The lounge 裝修停業了一段時間，知道佢11 月重開，加上官網下午茶自助餐有優惠，所以今日嚟試吓。下午茶時段客人不多，裝修後空間感大了，上層取食物的位置少了選擇，之前放凉菜的位置直情沒有放任何食物，下層的甜品區也細了。食物方面，燒牛肉卷、燒魷魚好有BBQ風味，點心有燒賣、牛肉腸、牛柏葉，水準吾錯，豬肉鮮蝦雲吞加叻沙湯底和鮮蝦皮旦瘦肉生滾粥保持一貫水準，燒乳鴿和迷你牛肉漢堡就吾夠熱所以好乾。燒牛肉、炸雲吞、皮片鴨、甜酸齋不見了。提子鬆餅、葡撻有熱櫃保持溫度，所以食落口感不錯，斑蘭戚風蛋糕就冇乜班蘭味，豆腐花質地有啲怪，軟雪糕位置也少了選擇。整體來說，食物水準和種類確實差了和少了，但服務方面，仍然系保持到。…Read More

今晚又嚟食晚飯，見到新Menu 所以叫左d新嘢試吓。炭燒封門柳，鐵板切片上，嫩嫩的，好香烤味，份量不多，個餐配沙律及白飯，若然可改配意粉或薯條就更佳。番茄青口意粉，汁醬吾夠，味道同青口吾太夾。烤斧頭豬扒及烤肉腸，之前食過系夾埋一齊一款的價錢，現在是拆開兩款價錢的，可能見受歡迎所以提價，斧頭豬扒尤其出色，豬扒慢煮過所以好juicy ，烤肉腸仍然大大條，啖啖肉。加配酥皮湯及提子/士多啤梨梳打，仲有薯條。甜品叫左兩客，將牛角包夾成窩夫，小丸子、雪糕和士多啤梨及香蕉併在一起，幾好。…Read More

見到出左個 $228/3-4 人餐，仲有+$10 有隻炸春雞，就嚟食。個餐前菜叫左拍青瓜微辣、肉燥生菜，主菜叫左鹵水拼盤份量比較細而且滷得未夠時間，三杯雞好惹味料頭豐富，芫荽蚵仔蛋餅冇試，小食叫左手抓餅吾太熱所以變咗有啲硬，炸魷魚鬚細條而且炸得過左位，主糧加錢叫左辣同吾辣嘅刀削麵和新竹米粉，米粉吸左微辣嘅肉燥汁好食，刀削麵就一貫水準，飲品薄荷檸檬特飲、百香果特飲和黑糖珍珠奶茶都吾太夠味。+$10 慢煮炸春雞（原隻）反而吾錯，見到枱枱都有叫。因為麵食和飲品加左錢，埋單$310/5 位。…Read More

系官網買左餐券，今晚嚟食自助晚餐，入座率差不多全滿。依家主題系南洋風味，主食方面，叻沙龍蝦湯油麵湯底椰蝦味濃，燒魔鬼魚幾滑，串燒羊肉吾太蘇，麥皮蝦都幾大隻，燒牛肉生熟度啱啱好，肉骨茶吾夠味，粟米肉粒羹加左芫茜效果幾好，辣椒蟹同茄汁蝦啲肉梅梅地，蒸龍蝦、凍海鮮就正正常常。甜點方面，斑蘭旦糕、巴斯克芝士旦糕、芒果忌廉旦糕、窩夫、杏脯撻都幾好食，曲奇餅吾系太新鮮系淋嘅，雪糕試左薑味真係有啲薑粒仔幾特別，芒果椰子就有芒果味冇椰子味。待應、給食物的廚師都殷勤有禮，收碟也很快手，整體用餐感覺良好。…Read More

今晚又嚟食晚飯，6 點左右到，有啲食客仲食緊下午茶餐。南乳豬手，個皮好脆但有啲乾，都軟熟。魚香茄子桂花魚，份量大，似家庭餸。啫啫通菜煲，好香好惹味。韮菜豬紅，今次好鹹好味濃，個汁底好多蒜粒，所以食吾晒，淨左吾少。豉油皇炒麵，大量洋蔥芽菜，好有獲氣，但份量比較細。埋單$507/4 位。…Read More

今日去買左6 件蛋撻，拎到返屋企即刻食，個撻微暖，食第一個嗰撻皮酥化無比，食到一身一地酥皮碎，而且吾太甜，跟著立即食第二個，就嗰撻皮比較軟身，可能兩個撻系吾同時間出爐的，所以食落有點落差。…Read More

酒店官網有優惠， 而且又未嚟食過，所以訂左下午茶自助餐$244/位，3:30-5:45 pm差不多3:20pm 到達排隊，等左一陣就可以入座，被安排在小高台內，枱與枱之間的距離還可以，但見到餐廳中央的枱真係好迫下。食物方面，凍海鮮翡翠螺好多沙、蝦就正正常常，燒牛肉好柴，炸魚柳個皮好厚，串燒牛、雞、墨魚丸燒得乾身唯有靠個沙嗲汁補救，叉燒、海南雞、越式牛河、海鮮粥、蔗蝦就幾好，燕窩紅豆沙好一般。甜點系因為榴連做主題，所以好多榴連甜品如榴連拿破崙、千層蛋糕、大福糯米糍、燒榴連等，其他的還有 窩夫、葡撻、迷你牛角包、朱古力酥、爆谷、花生醬椰絲薄撐、哈根達斯雪糕，水準就普普通通啦。飲品系自助，有 mango punch 、yamm punch (類似什果賓治）和其他凍熱咖啡、檸檬茶之類。整理來說，若然有優惠，以這個價錢，是可以的。…Read More