細個成日都同屋企人嚟食，一路都水準唔錯。今日生日諗住好耐都冇食過，咁就帶埋男朋友一齊嚟食。Book咗位，一上到去全場侍應喺度望住，冇人諗住行serve 你。 全部侍應好似NPC咁企喺度，你要自己行埋去觸發任務。好啦，坐低咗之後落單。個waiter 伯伯又會落錯嘢，真心冇歧視成份，但係全場都平均年齡起碼65歲以上，我叫佢地又聽唔到又睇唔到，喺度發吽哣。我坐喺個位度真係好無助。之後嘢食到，真係可以講聲唔好意思冇下次。叫開個幾款望落去都係一樣樣，食落就真係第二回事。我自己覺得啦，起碼唔係我印象中嘅味道。咕嚕肉嚡到咬唔開，個豆腐食落口會回苦，個炒飯好似唔記得落鹽唔咁。啲嘢食嘅品質完全對唔住個價錢，絕對冇下一次。…Read More
