MrTasting's Profile

 黃埔有港鐵之後，方便咗好多。今次呢間餐廳係正地鐵站A出口旁邊，超級方便。餐廳環境舒服，台與台之間不會太迫。一入門口係一位韓國大叔作招呼，而貌似老闆嘅係一位韓國女仕，全程用英文溝通，感覺到好地道叫咗個燒肉Set C，$499，有牛有豬 (調味牛肋骨、牛五花、豬五花、豬頸肉)，仲有一堆大豆芽、泡菜、茄子、芝士、腸仔。豬五花，燒到焦香，入口香脆，包埋泡菜、生菜食係一流。豬頸肉肉質爽口，味道適中。牛五花可以燒到咁上下攤出嚟燒，會快d熟。調味牛肋骨醃得好入味，味道較濃，建議最尾先食～醬油蟹加白飯，$198蟹肉蟹膏十分香滑，蟹蓋有隻生蛋，白飯上面鋪滿紫菜，3樣撈埋嚟食係一種享受～餐廳器皿都是金屬製，不是膠質野，較有質感，對我來說十分加分。…Read More

廢話唔多講，直接介紹食物，不過提提大家要book位!今次叫咗3款燒物，首先係必食嘅味噌甲羅燒、仲有芝士蟹肉甲羅燒。店員仲會幫你燒埋，唔洗驚Fail，個蟹膏加埋鵪鶉蛋撈埋一齊超好食。另外芝士蟹肉甲羅燒有陣陣芝香味道，但又不會太過over，沒有蓋過本身蟹肉蟹膏味道，正！仲有浜燒鮑魚，外面充滿焦香味，內裏肉嫩彈牙，鮮香惹味，十分有口感!左口魚、三文魚腩刺身。左口魚配上特製醬汁，非常開胃，三文魚腩刺身啖啖肉。龍神號壽司。有多款刺身配搭海膽小卷而成，一份食到多款刺身食材，好抵食！三文魚牛油果油酢漬。三文魚他他及牛油果粒，配以新鮮嘅貝芽菜、沙律菜、車厘茄，富濃厚酸甜味，非常醒胃，同行友人讚口不絕!蟹子蟹肉薯仔沙律。沙律足料，好多蟹肉、蟹子，口感豐富。溫泉蛋天婦羅。天婦羅炸得外層香脆，內層溫泉蛋流心，再加上天婦羅醬油作點綴，十分特別！和牛炒飯，賣相雖然普通，但入邊係勁多粒和牛，食落去絕對好味!當然唔小得整返杯Highball 及 生啤啦！一流配搭！…Read More

新年新開始，咩都要好先會有運行，所以今日梗要食得好！諗左一大輪後，最終就同左老媽子去左食泰菜~~ 這泰菜餐廳係表姐之前過話幾好食同唔太貴，因此今晚就帶左媽咪去食吓開年飯先坐低無耐睇左陣餐牌後，就點左我同阿媽平時都like飲既冬蔭公湯呢間味道微辣，爆開胃又陪晒熱，入面隻蝦好大隻又爽口，好鮮味飲完一碗成身暖晒，真係good！！老媽子最愛既泰式咖哩炒大蝦登場喇！超大碟！食左啖汁，好好味，得好少辣，但有少少甜，反而有濃郁既咖哩同雞香醬汁爆多，用來撈白飯或者薄餅食都係世界級正！蝦好大隻！口感爽彈，仲好入味添，所以我食完碗白飯後，仲叫左薄餅實行要食晒碟汁！最後我就梗係食清喇！今餐好食又唔太貴，食得開心，今年實有好運行喇…Read More

我成日都同自己講"辛苦得來志在食" 係做到痴左線後，我一定會食餐好既！係又做到隻狗之後，今日就帶左屋企人去食返餐~係網上睇左一陣就睇到呢間餐廳做緊著粉藍/粉綠色衣服或飾物就可以4位半自助晚餐送1位免費，咁抵又加上我地一家剛好4條友就諗都唔使諗就揀左呢間餐廳上到去一見到環境真係好靚仔，座位同座位之間有足夠嘅空間，唔會坐得唔舒服，地方好乾淨！原來呢間餐廳主要係做婚宴，而無婚宴既日子就會變返做1間餐廳，真係唔係想食就有得食，好彩我今日有位，睇黎今年爆黑仔既我都黑唔晒喎欣賞完環境後就梗要食喇！話明半自助餐，當然要揀左主菜先，睇睇餐牌都有好多款揀，有扒同羊架之外，又有乳豬同鮑魚，食材都係貴價野，最啱就係鍾意食好野既我前菜同甜品都係任食既，一出到就自助區就俾呢堆多到就嚟跌哂出嚟嘅松葉蟹腳吸引住！味道鹹度適中，非常鮮味另一邊箱仲有三文魚及冷凍肉，味道都係好鮮甜，食得開心仲有仲有！！就係我既最愛翡翠螺！！每隻都好大隻又爆鮮甜！好好味！海蝦亦都唔細隻，口感也好彈牙同鮮！我印象中記得最少食左6隻翡翠螺，真係抵！甜品方面都有好多款，有熱情果朱古力慕絲、綠荼芒果蛋糕、意式咖啡餅等，細細件咁真係好，咁就可以食勻全部款我本人覺得唔係好甜，精緻得來又好食仲有成座山咁既草莓玫瑰慕絲&芒果凍慕絲，同樣細細杯真係good！口感柔滑又冰涼，係仲係咁熱既環境下食真係正！食畢前菜後，就食返按位送既龍蝦先！龍蝦大大隻，肉質彈牙又鮮味我主菜就揀左澳洲羊架，有啲人或者會怕啲羊架會有陣味，但係呢個無，點埋啲薄荷一齊食仲好味，加上廚師煮得唔會過火，每口食在口中都是享受！臭妹係食肉獸，佢就揀左美國頂級肉眼扒 (10安士)，堅抽大大件，大到有點擔心食唔晒個隻肉質鮮嫩又多肉汁，厚身食落有口感，亦都唔會煮到過熟，Good呀！食完一輪又休息一輪後，我同臭妹再次衝刺，拎左草莓奶凍、燕窩燉蛋、藍莓芝士蛋糕等再食過！個燕窩燉蛋好滑，藍莓芝士蛋糕味道濃郁，食到我真係要鬆褲頭鈕咁滯大戰過後又是找數時間，由於臭妹係著粉藍色衫，所以就有1位係免費，真係爆抵！出左門口覺得更飽！飽到宵夜都唔使食嚕…Read More

晚晚都食飯，唔通個個都想食來食去都係個幾間餐廳咩！最怕悶既我就最鍾意去新開既餐廳食飯，好食一定就街唱，唔好食就更加倍就街唱，今夜就係舊同事既相約之下去左這新開的餐廳食晚飯我地坐低後就立即叫左個涼拌鮑片海蜇頭小食來，海蜇爽脆可口，再加埋有清甜的青瓜絲同埋蘿蔔絲下，層次口感更感豐富，另鮑片都好彈牙鮮甜，作為前菜真係幾出色！一不離二，二不離三，好食定要成雙，so就叫多碟夫妻肺片嚐嚐，味道辣辣地幾開胃，以川菜嚟講都唔算係超辣個隻[利申我個人係好食得辣]，本人及朋友都覺得係整得唔錯既！食完前菜就係開始主菜的時間！一場來到就當然要食吓人家做得最好既招牌菜式！我地就揀左店家既麻辣三黃雞燜鍋，好大鍋，根本就係夠4個人食雞肉非常嫩滑，麻辣鍋辣得嚟又唔會搶咗啲雞肉嘅味，反而係突出咗個雞嘅鮮味同令個辣嘅味道更加有層次個麻辣真係好香，所以我地都忍唔住叫埋位個蜂巢豆腐去吸晒個鍋入面既醬汁，放入鍋一陣就已經吸晒味，本身豆腐都充滿豆香，確是好食！一邊食一邊吹水又一個晚上，人生就是這樣工作>放鬆食返餐>休息>再工作，定要從中找一點樂趣才不致白過！…Read More

一向偏向食川菜的我，成日都會失驚無神想食川菜，今日我又突然勁想食，所以就拉左妹子陪我去食，咁當然又係我俾錢佢就大食特食咁喇~~可能時間尚早，所以餐廳都唔算好多人，真心覺得好好，因我本人堅憎要排隊....入內安頓後就當然要快快叫野食，係一輪快速目測餐牌後，就order左碟紫薑皮旦，係我恨咗食好耐嘅，好期待又好開心，味道合乎期望，唔會太辣又軟香滑溜，係我細個時食到既味道來，令人懷念啊！食完小食後，就到左我同妹子都好期待既四川干鍋，因為我同妹子都未食過，所以在一坐底睇到就立即話要食喇！這個鍋入面有栗米芯、紅薯珍珠粉、臉豬肉、枝竹等，好夕料又入味，重口味！我最like！全部野都好惹味，搞到我越食越肚餓，食個不停，最後當然又係清哂～正！！好滿足！！！…Read More

今日又夜左收工，一定唔可以食咁多，唔係又會肥，但總係要食少少先得，唔係今晚又會瞓瞓下餓醒一個人收工都唔一定係要食老麥既~我今晚就揸車去左九龍城食泰國菜，一來我真係好喜歡食泰國菜，二來就係要去九龍城買燒雞翼比阿媽在餐廳坐好後第一時間叫左蒜蓉炒通菜食，一來打打底，同時都係我鍾意食，廚師炒得爽口，唔會太咸同夠晒味菜仲好青綠食完個菜打底後，就到焗肉蟹粉絲蟹煲出場嚕！隻蟹好大隻及都好多肉，粉絲亦吸晒味，單食都好正食下休息下再飲埋杯冰涼椰汁冰真係成個人都好減壓，即時充滿電！充滿電後就當然係要買宵夜俾阿媽，我的一天就完[人生就是這樣重覆又重覆，只要從中找到一點快樂便已足夠]…Read More

韓國菜個個都鍾意食，但係坊間有咁多間韓國餐廳真係會令人唔知點揀，有一次行過尖沙咀，見到有一間韓國餐廳，就諗住入去試下啦~我都係上到去先知原來間店係米芝蓮推介，仲要有好多人食，睇嚟今次終於無搵錯餐廳啦~前菜好貫徹韓國風味，除咗有泡菜，仲有其他辣辣地，酸酸地嘅菜式，非常開胃人參雞湯佢幾乎放哂成隻雞入去，而且佢嘅肉好滑溜。雞湯清甜，飲完唔會覺得好油膩烤銀雪魚外面脆，入面滑，响上面加少少檸檬汁一齊食更加可以食到魚香，上面仲有少少芝麻，令碟餸聞落更加香蜆同青口係海鮮炒粉絲入面必不可少嘅菜，而且佢仲加咗魷魚嘅入面，所以食粉絲個陣嘅口感會更加豐富，粉絲好入味，唔會太咸，而且夠彈牙…Read More

長沙灣又多一間川婆婆，咁緊係要試下佢嘅水準係唔同其他分店一樣咁好啦，順便又可去埋附近買電腦野一如其他分店，燈光都係比較光猛，你一定好易搵到，入面都一樣好乾淨，坐得好舒服。都係有好多火鍋配料，咩種類都有，最吸引嘅當然係呢個鴛鴦鍋啦，不過今次都係叫番個簡單啲嘅湯底算啦午餐肉塊塊都好厚，而且份量都幾多吓，真係抵食之選阿妹懶係健康咁叫咗籃娃娃菜嚟食，啲菜幾甜，都好爽口，而且份量好多，打邊爐一定要食紅薯粉非常之滑溜爽口，放落個鍋入面煮耐咗都唔會爛，好飽肚好滿足！黑松露令成粒丸好香，令佢唔單純係鮮蝦雲吞，加上每一粒丸都好大，入面好足料，必食!蟹子丸就粒粒咬落去都爆漿，非常鮮味，因為入面嘅蟹子漿係塞都好滿食到咁飽就梗要飲返杯烏龍茶消滯，阿妹叫既咸檸七唔會太咸，打邊爐時識飲一定係飲佢地喇~~…Read More

家人一時興起想吃火鍋，我在網上稍作搜尋，便發現了這間酒鍋。套餐的食物種類繁多，看上去分量亦相當多。當中最令我好奇及期待的是酒鍋黑啤熊，不知它是甚麼外形。四款不同口味的湯底中，我最欣賞麻辣，我本來便喜愛吃辣，這個湯底對我而言味道洽到好處，既不會辣得刺痛，亦不會淡而無味。等待上菜時，一邊與家人聊天一邊欣賞夜景，也不失為一種享受!炸手工響鈴卷不會太油膩，卷中的紫菜更是使響鈴卷味道層次豐富。上菜時我和家人不禁大叫了一聲，為了保持肉類新鮮，底下放滿冰塊，儘管有點誇張，但可看出餐廳的貼心考慮!這些丸類中，最奪目的必然是酒鍋黑啤熊，樣子有點像熊本熊，外形可愛之餘味道亦不錯。這杯紫貝天葵味道清甜，味道似酸梅湯，飲落有一種消暑的感覺，吃得有點悶熱時喝一口，立即感到冰涼舒暢。今次高級火鍋的經驗，令我與家人對火鍋有另一番體會，價錢係貴少少，但物有所值，所以好開心~~…Read More

今天與朋友經過店舖，以為是個遊戲樂園，進內時才得知是樂園與餐廳融合的Cafe!我們頭一次來還以為不是餐廳，看見餐牌後才發現這是Comic Park &Cafe!確實非常引人注目及好奇。餐牌上的五款晚餐有多種搭配方式可自由選擇，一點也不單調!野菌飯份量大，什扒不會煮得太老太過火，仍保持軟身，醬汁味道亦非常香濃。雞粒與蘑菇粒頗大顆，雞粒仍保持鮮味，香草味也頗香濃，意大利粉不黏糊，軟度適中。飯後我與朋友到樂園區玩玩才離開，十分興幸我們誤打誤撞進入了這間樂園餐廳，才有個難忘經歷!…Read More

每次去食飯都想食韓國嘢，今次亦都唔例外，仲可以同埋一班三五知己一齊去，一路食一路吹水~見到呢間餐廳好吸引，於是就走咗入去試~有好多唔同嘅坐位任君選擇，地方又大又乾淨，光線充足，食飯都食得舒服啲！不停咩都話要叫後，最後就叫左弘大至熱選套餐，因為個餐有好多嘢食，真係睇多眼都花埋~自己燒係我最鍾意嘅環節，加上啲牛嘅雪花好均勻，厚度適中容易咬，唔會韌，燒完之後香噴噴~忌廉配香辣炒年糕同卡邦尼炒年糕好特別，食起上嚟甜甜地咸咸地，好特別嘅菜式；甜辣炸雞好開胃，啲雞亦都好滑，又唔會太辣，朋友都話好食！芝士同泡菜炒飯係上佳嘅配搭，味道濃郁而且好香口，漢堡有好厚好多肉汁，食完之後勁滿足！我叫左杯藍莓乳酪沙冰，甜得嚟有啲酸，食緊熱辣辣嘅餐個陣飲真係透心涼朋友就叫左杯曲奇沙冰，有好香Oreo味，上埋仲比多塊你！同啲忌廉一齊飲好滑~…Read More

昨天為外公大壽，我們一家早前已決定前往禮賓傅慶祝及吃晚飯。看到2016 Hong Kong Tatler Best Restaurant獎狀時，我對餐廳菜式更是期待！餐廳的西式牆身設計配上中式茶樓的餐具，給人親切的感覺菜單菜式可謂老少咸宜，當中既有適合老人家的花膠燕窩，亦有年輕人們喜愛的雞翼與牛腩。羊肚菌燉螺頭湯非常鮮甜清新，而且有豐富的材料。口感彈牙的迷你鮑魚配上薄脆多士,對我而言是嶄新體驗!鮑魚口感彈牙，多士又好脆，食完1件，會好想食多20件牛腩味道濃郁，咸度適中，且肉質鬆軟。呢個花膠扒堅係正！膠質豐富又軟又嫩又入晒味！外公外婆讚不絕口！菜膽好清甜又嫩口，腐竹好香之餘仲吸晒上湯粕既鮮味，口感清新炒鮮奶配上頗多鮮蟹肉，毫無偷工減料之嫌，仲好鮮味，鮮奶炒得好滑，好食！糖水甜度適中，可嘗出淡淡合桃味，當中更有磨得極微細既合桃粒，口感十足，廚師功架十足，正呀！儘管禮賓傅的價錢較高，但在慶祝重要日子及節日時，仍會積極考慮再次光顧，只因其氣氛及菜式確實物有所值！…Read More

兩個人休息時間去咗食麵，真係食完先覺得真系好後悔點解之前無早啲黎食吖，白白錯過咗咁多次機會，真系令人好sad吖，不過好在我都唔算遲本來是有些少抗拒食麵，不過死黨話好像食，咁就跟埋佢入咗嚟喇。涼拌爽木耳既木耳真係好爽脆，色澤同口感都係好正，食過咁多木耳就算佢係最爽口~另外嫩滑秋葵上面加咗蒜蓉，滑而不膩，好好味而炸饅頭就甜甜脆脆，表面金黃光澤，最外面一層就爆脆，口感多層次，內外截然不同，又係好功夫呀！我就叫左個有黃豆同肉醬既麵，麵質彈牙，湯底好夠味KK就叫左個勾魂鮮椒涼麵，唔會好辣，口感都好爽口…Read More

尖沙咀的地道美食，我以前有去過，不過後尾因為搬屋所以覺得無咁方便，所以一直都無再去過了，近日有時間所以我就同friend一起去回味吓從餐牌度可以見到，同以前都係差唔多，價格同以前都係咁公道。我好鍾意食嘅皮蛋瘦肉粥，不過夜晚食就好似有D怪，所以最後就叫左其他嚕最後就叫左好多野吓，先來就係我最愛既腐乳通茶，菜好嫩，而且乾淨，油不會好多，腐乳味聞到都令人覺得食欲大陣，咁好肚餓，真係多點多食吖！仲叫左黑毛豬叉燒、唐生菜、牛丸甜酸齊蝦籽面等唐生菜好靚，叉燒分量好足，而且雖然見到有少少燒焦左咁，但係食落完全都唔覺得乾身，返而甜甜地又好入味；蝦籽面味道好濃郁，完全同以前食嘅無咩區別，感覺仲俾以前多左蝦籽~侍應仲見我地點咗咁多仲提醒話可能會食唔晒，其實真係睇小我喇，我好大食架~~墨魚煎餅之前好似未試過，好重墨魚味，我覺得係幾好食…Read More