jcheung612's Profile

今日黎到呢間韓式外賣店非常驚喜，竟然連醬油蟹都有，好多韓國餐廳都未必會有！不過今日只係買定外賣返公司食，就只係買左個飯卷。雖然係外帶，但啲飯返到公司食依然唔會太硬。呢度仲有好多唔同嘅選擇，出餐快手，非常適合上班一族外帶返公司！…Read More

今次主要只係想搵個地方坐下等朋友，唔太肚餓，所以就只係點左幾個刺身。本來諗住呢度主要係食火鍋，其他野未必太好食，但竟然有驚喜！刺身比其他同等連鎖店新鮮，質量亦比較好，價錢合理。唔食火鍋嘅朋友都可以黎試下。…Read More

繁忙嘅中環午飯時間，呢度雖然地方小小，加埋限聚令，但大部份人都係買外賣，依然搵到位坐。點餐冇幾分鐘已經有野食，最適合趕時間嘅上班一族。叉鴨飯，叉燒肥瘦平均，燒鴨夠肉。唔想食燒味既，不妨試吓咖喱，小小甜甜地辣辣地都可以開一下胃口，牛筋軟淋，牛腩入味。雖然地方細，但完全唔逼。以茶餐廳黎講態度亦非常好，喺繁忙時間亦都冇被趕嘅感覺。今時今日喺中環四十幾蚊食到個飯仲可以慢慢嘆真係無可挑剔，食物味道亦都唔錯，會再黎！…Read More

嘩嘩嘩，今日去咗間好靚又好食嘅餐廳，雖然係工廠大廈入面，但一入門口簡直似去咗叮噹嘅隨意門一樣，進入左歐陸風嘅另一個世界。鰻魚蛋包意大利飯，一睇已經好靚，但仲要配合會跳舞嘅木魚花，簡直不得了，哈哈甜品仲有個優惠價，一蚊可以任食芝士蛋糕，本身我都驚好飽好漏，食唔到，因為為我怕食半個已經食唔落，但係佢嘅芝士蛋糕恰到好處，唔太甜，亦唔會太厚，我足足食咗三件咁多，我比較鍾意清新嘅味道，所以我特別推介柚子味同蘋果味，但係如果鍾意濃味，嘅朋友絕對可以試吓朱古力同抹茶味都係好正！仲有大窗口，係可以望到海景嘅添…Read More

今日放工去咗間BBQ BAR飲返杯，食小小野，雖然地方細細，但係食物嘅款式都算多種類。安格斯一口牛，肉質鮮嫩，係我最愛，講開最愛，不得不提及蠔，淨係燒蠔，都有七種唔同口味，我梗係唔放過佢啦，今日就點左四款不同口味。有黑松露，蒜蓉，芝士煙肉，薑蔥酒香，當中黑松露，蒜蓉，芝士煙肉，都係我既推介，而燒鱔，皮脆肉嫩，好食，薄燒豬頸肉，亦好脆口，送酒一流。服務員招呼都好親切，仲有室內外坐位選擇，正！總括嚟講係一個晚飯飲酒皆宜嘅好地方！…Read More

上次行開去咗個下午茶，食咗個火山芝士泡菜炒飯+1個牛豬燒烤套餐，個芝士泡菜炒飯略嫌芝士太少，冇乜芝士味，而啲蛋亦有啲老，味道就還好，但個燒烤都唔錯，啲肉都新鮮招呼就真係麻麻哋成間舖好似冇乜幾多個侍應，有時要叫野都等咗一段時間…Read More

今日喺太和，諗住飲杯啤酒就黎左芝加哥串燒酒場，點知有驚喜。酒吧嘅格局，但串燒嘅種類同質素媲美居酒屋，清酒嘅選擇亦都好多。餐牌都做得好有心機，特別係清酒同威士忌，都有簡單嘅介紹。鵝肝同燒雞翅包飯係必食，外脆內軟；燒白鱔亦都燒得剛剛好，皮夠脆，但又唔會太熟。其他大路嘅串燒亦都中規中矩。環境同坐位都舒服，有啲音樂，同朋友或情人傾計，都唔會怕比隔離枱聽曬，仲有2張室外枱，食煙嘅朋友就最岩整體體驗完全超出預期，一定會再黎！…Read More

同朋友聚會，去旺角任食雞煲打邊爐，一來先上雞煲，叫咗個中辣，都ok 有啲辣味，個味還好，但唔知係咪坐房，其實無乜人理，好快就干水，但D雞又未熟，都唔再叫啦，就轉打邊爐，包咗一碟海鮮，有啲聖子，鮑魚，扇貝，蝦，同一碟牛，分量人頭一，咁上下。包咗果一碟牛，質素都還好。之後有張紙係任叫，一睇張紙，食物選擇小，我睇完成張紙得一樣野係可以食得落嘅就係脆骨腩，本身平時都好鍾意食牛嘅我，見到碟任叫肥牛，一片都唔想食，係一啲好肥，完全無食欲既牛，飲品選擇亦唔多，呀，仲有我叫咗個，麻辣湯底，一啲麻同辣都無嫁。。。埋單每個人平均$450…Read More

今日去咗間和牛任食燒烤，見到都幾多人幫襯，一來上咗三文魚腩，蝦，帶子魚生，刺生質素幾好。再上一碟不同部位嘅和牛，有6種，都幾好，等我試完覺得邊款好食，就可以再叫，不過試咗6種，得一款我係覺得ok既，因為如果連一款都無，我唔知可以食什麼，我比較怕韌，我係試食果時,有2款係要硬吞，有2款直情係要吐反出嚟。唔知係咪A4和牛，係咁嘅質素呢？不過下次都唔敢再試，其他野都係好普通，2個人埋單，大約$1100。…Read More

好多串燒都好好，燒鷄皮大蝦，燒牛舌，燒雞軟骨，免治雞肉棒。和牛，有啲靭，忌廉薯餅，較乾，個蟹膏海鮮炒飯亦有點兒失色啦服務員態度非常好，親切細心，令我都多一份溫暖感鋪頭唔大，亦多人幫襯，如果想試可能要預早留位呀，但食物略嫌上得較慢，可能幾枱人一齊做…Read More

路過成日見到佢有一個好似high tea咁嘅下午茶tea set，覺得幾得意，一直想試下黎飲茶。佢地嘅點心同傳統嘅有少少分別，某部份加入了其他國家嘅風味，有少少fusion嘅感覺，幾得意。整體黎講，地方幾舒服，食物唔錯，係同家人飲茶嘅好地方。…Read More

疫情下習慣了買外賣返屋企食，而意樂係我幾個首選之一。佢有一個二人餐，好多野好抵食。另外佢地有一個鰻魚炒飯，只係50蚊左右。佢地所有嘅食物基本上都幾好食，價廉物美…Read More

炸物係生酮人士必食之選，而講到性價比，應該冇一個地方比得上肯德基家鄉雞。比起以前嘅兩件雞餐，宜家嘅三件雞餐更加到位，非常滿足。唔夠可以加兩件巴辣香雞翼，再加個葡撻做甜品…Read More

同老婆喺山林道中午放飯，跟埋佢兩個同學黎到籽樂。我叫左個鴨胸胡麻醬冷面，老婆叫左個黑松露忌廉汁意粉。兩個人兩百蚊。味道同份量都好唔錯。環境簡潔舒服，係一個休閒好地方。…Read More

本身去呢度食嘢係想飲下佢既咖啡既，咖啡是可以的，但我竟然係比佢個牛肉漢堡吸引，份量足，好食，但為食嘅我再加多個薯條，最終我比最高分嘅係個牛肉漢堡，值得試吓呀難怪鋪仔細細，仲要係工廠大廈，都好多人幫襯…Read More