comeatla的個人專頁

呢兩日去左北角Hyatt Centric staycation游完個水之後好肚餓package又無包晚餐所以去左北角匯搵食未入商場就見到有一間小巷弄門面都好吸引下一於就試吓啦難得我地有房所以就揀咗外賣走兩個人叫左二百幾蚊野食外賣都算快手而且都包得妥當鹽酥大雞扒配麻辣乾拌麵 $67雞扒好香脆 又唔會太乾啲麻辣醬撈勻左唔乾好夠味好有驚喜台式小香腸滷肉便當 $60小香腸有3條平時煎香左一樣既味滷肉飯不過不失份量好夠好飽肚滷蛋豆腐乾 $30豆腐乾係炸過再滷好入味咬開有汁 滷蛋ok炸花枝丸 $30普通炸丸 ok無乜特別綜合甜不辣 $30平時台式餐廳未必有甜不辣食呢度有即刻叫左黎試呢度係炸甜不辣配甜酸醬煙韌得黎唔會太硬甜酸醬好開胃苿香珍珠奶茶 $17珍珠唔太甜 奶茶都幾好飲十七蚊大大杯都幾抵…查看更多

九龍灣淘大新開嘅高質𝖢𝖺𝖿𝖾 From Seed To Wish淘大好小可有D咁文青同靚裝修既餐廳. 簡簡單單又有好多植物包圍住, 好多打卡位同埋好CHILL. 🌿🍴FSTW ALL DAY BREAKFASH 份量都幾多下, 最驚喜係以新豬肉做泰式生菜包, 好有新意!🍴FSTW A.S.S AOCADO SMOKED SALMON EGG BENEDICT賣相吸引, 蛋黃一篤, 蛋汁流到成個都係, 而且麵包很脆口, 口感非常豐富.🍴CARBONARA好好食, 奶油味好重但唔會覺得漏. 🍴SHRIMP AGLIO E OLIO辣味剛剛好, 又惹味同埋唔會油, 平時食到底你會見到有d油浸住, 但呢個真心出色. 🍴SALTED EGG YOLK WINGS金黃色起沙, 單骨, 食起上黎好方便. 滋味🍴MEXICAN CHICKEN QUESADILLA 墨西哥餅絕對係低卡之選, 入面有雞肉, 芝士,蕃茄. 總結:值得再來既cafe, 下次有時間要試埋手沖咖啡, 聽聞仲有lunch set 幾抵下. 附近返工既朋友仔又多一個選擇.😋📍九龍灣淘大商場三期戲院大樓地下⏰12pm-9pm…查看更多

疫情關係 一班朋友都慣左係屋企開party始終都舒服同安全過係出面次次開party都要搵下新野食今次搵到一口沙嗲呢個串燒專門店正宗星馬風味沙嗲串燒再配有原味和辣味花生醬去到西環取貨 地點有點隱蔽搵左一陣要打電話去問問先搵到原來係樓梯轉角好欣賞佢地既packing好細緻有保溫袋穩穩包住四大包串燒番到屋企即刻黎試試這家傳正宗沙嗲風味祖傳祕方來自馬來西亞柔佛州既串燒我地order左豬雞牛羊四款佢仲好貼心跟埋個專用電燒烤爐首先我地食左羊先有幾位朋友好擔心羊會有羊羶味個專用電烤爐又幾好煮得好快 大慨5-8分鐘就搞掂個羊串醃得好好味燒完出黎一D都唔羶 好快清哂我地就即刻燒埋個豬串 一包12串豬我地就燒耐小小但出黎一D都唔會鞋口 肉汁鮮美雞同牛串都好快燒埋大家一瞬間就清晒 食到舔舔脷…查看更多

當尋日天文台考慮完又考慮之際Lunch Time前終於講到4-6時會掛8號我大愛既公司即時宣佈咗大家可以即走咁即走嘅同時都要食lunch架咁高興梗係要搵間嘢開心吓銅鑼灣登龍街多野食就係人都知除左地舖外 永光中心其實好多正野反正唔使返公司揀咗間燒肉慢慢嘆燒肉酒場lunch set都好多選擇趕時間既有好多石頭飯呀烏冬之類選擇我地慢慢嘆就揀左燒肉我係羊肉lover揀左羊肉五品有羊柳 羊西冷 羊卷肉 羊腿 羊架超抵食既餐 食盡五大最滋味既部位 肉質新鮮 啖啖肉 一般人最怕食羊肉會好羶但係佢一D都無 好正😋朋友貪心揀左六品燒肉盛盒乜都有齊哂 有羊卷肉羊腿牛板鍵豬腩片柚子雞同薄切牛舌每樣份量啱啱好 肉質鮮味有咬口另外跟餐仲有一大碗飯 前菜椰菜沙律 仲有個麵豉湯真係飽到上心口要大讚一樣野先 食燒肉最怕食完成浸味但係佢哋嘅抽氣系統非常好佢非常貼近個爐所以幾乎啲煙一出就吸走晒唔會太大浸味 Good👍👍…查看更多

小曼谷呢間咁出名既餐廳, 唔一定要去九龍城先有.而家開左係銅鑼灣啦, 位置係總統戲院對面有個新既大廈. 一落到地庫已經係幾間新開既餐廳, 門口係一架大火車, 小朋友見到好開心, 都會係門口度打卡.入面都裝修到好似坐左係火車咁. 我個位仲係對住個LIVE BAND (雖然遇唔到有人唱歌)2個人叫左3碟野食. 每碟份量都好多. 🦐泰式炸蝦餅 (S) $82好彈牙, 食到粒粒蝦肉, 配埋甜酸醬, 非常開胃.叫左細SIZE但一上台都幾大份下. 一共3件, 每件切開一半, 6大粒, 2個人食都幾多下. 🐟泰式明爐烏頭魚 $228食泰菜,我最愛就係泰式明爐烏頭魚原條魚熱騰騰, 下面有火坐熱住, 愈吃愈開胃. 同埋一D都唔腥. 🍀馬拉盞炒通菜 $89可以要求”少油”或”少味”. 開頭一心都諗住呢個菜普普通通啦, 點知叫左少油, 成碟菜都變得好好味.平時出面食個D都係比較偏油. …查看更多

💛💛今日帶媽咪黎呢間人氣既申子居酒屋食LUNCH💛💛壽司定食配烏冬 $258包左一碗烏冬仔、麵豉湯、前菜. 壽司有三文魚籽、海膽、甜蝦、吞拿魚、帶子、深海池魚.刺身有三文魚. 所有都好新鮮. 牛肉壽喜燒定食 $188牛肉份量都幾多下, 我地2個人食都覺得好多. 個底入面有好多菜,豆腐,粗粉絲, 味道好夾. 仲有個飯仔、麵豉湯、前菜. 極上塩燒牛舌芯 $88牛舌平時多數都係厚切/簿切. 牛舌芯本身唔係咁多, 去除牛舌尖，舌根，舌苔及兩側後，只剩下20-30%, 係比牛舌更加軟腍最軟滑.配小小鹽+檸檬汁, 牛味濃多汁好juicy.手打墨魚棒 $78推介!!食到有粒粒新鮮墨魚肉, 爽口彈牙. 再配埋生雞蛋一齊食, 好有口感!汁燒活白鱔 $78超好食, 個皮脆脆地, 白鱔好嫩. …查看更多

同朋友搵食搵到銅鑼灣Cubus，呢幢大廈一向多餐館選擇，貪過口癮食中菜。一眼睇晒廳座，大紅燈籠高掛得來唔老套俗氣。獲安排坐半卡位，落單要兩客商務套餐後，侍應服務快速開茶又端上佐菜炒豆蝦乾。豆身無炒到好乾好硬，蝦乾醃入味咸咸地又煙韌，小小一碟二人分享點到即止，NICE! 精選保健老火紅蘿蔔冬瓜湯，平價食材但足料夠味唔係淡淡口，無煲到好出肉油份，消暑良品。前菜海蜇頭木耳青瓜伴胡麻茄子好快上到。茄子爽口完全唔會過腍變"霉"，配以清新無得輸百搭芝麻醬，唔同平時酸辣涼伴茄子食法。選用海蜇頭無呃人係碎絲，搭配木耳青瓜全碟都咀嚼感十足，非常適合開胃菜！點心拼盤脆皮焗叉燒包拼黑松露帶子餃，兩件都係一口點心，細細口女仔好啱食。迷你雪山叉燒包要趁熱食，皮尚算薄餡又小小爆，一啲唔油膩，蜜甜味剛好。帶子餃外形好似刺身壽司，餃皮都軟綿綿，餡肉半肥瘦適中唔張口，整粒有點油重。主菜蘇堤春曉東坡肉，賣相正常又色澤鮮明，每層肉亦分明。外層豬皮油脂唔油冧冧張住口，入口溶化。咬落去每一層肉食到既鬆軟得來本身嘅結實，唔係鞋口硬掘掘，滷到每啖肉有醬油味同時唔會失去肉味，絕對考功夫！另一主菜福建紅糟煮海中蝦，福建紅糟酒香帶少少酸辣味，可以將剛剛嘅東坡肉味道散走，搭配米通鬆脆，過癮喔！海中蝦細心切殼離肉，食客輕輕咬開就食到彈牙蝦肉。主食川辣擔擔麵、嫩雞煨麵輪住出場。雞麵湯較稠身開雞味稍為油重，濃厚味道。麵身較腍，條條分明，搭配湯入口營造到小小掛湯感覺。雞絲肉身正常彈牙，GOOD。擔擔麵嚐湯入口強勁花生麻醬味道，唔辣非常適合食唔到辣嘅朋友仔，但呢碗真係相對少少"漏"。最最最HAPPY甜品：番薯芝麻湯圓拼牛油果乳酪凍糕。蕃薯軟綿入口即化，糖水甜度爆錶有嗆喉但薑味濃郁有所挽回，芝麻湯圓咬開溢出黑芝麻糊，想食多粒啊添。神奇的事係牛油果乳酪凍糕入口都係滑溜綿香，中和蕃薯糖水重甜味道，唔通係經精心搭配！？順帶加分位侍應訓練好好高控制上菜時間、換餐具之外，亦有細心留意食客嘅需要。我同朋友兩個人SHARE主食時，可能侍應擔心我哋搞到成枱都係，有細心問我哋仲分開兩碗，讚啊！…查看更多

朋友帶我地黎食飯, 呢間既裝修好有香港昔日情懷. 好似返左去80年代.我地4個女仔都忍唔住玩左一輪打下卡. 下次想帶屋企人黎食飯, 一定好中意.店員話之前係做小菜, 而家轉左新餐牌,火鍋店. 香港人一年四季都可以打邊爐, 最緊要有冷氣, 呢度冷氣好夠.我地點左雙拼湯底, 麻辣湯底+藥膳湯, 西班牙豬肉, 羊肉片, 九肚魚, 白膳片, 鬼馬蝦膠, 手切封門柳, , 魚皮餃… 樣樣都好新鮮, 我個人最中意就係食鬼馬蝦膠, 油炸鬼+蝦膠. 非常出色📢另外仲有個驚喜, 我地叫左一枝hoegaarden ($48). 竟然送左一份安格斯牛頸脊刺身. WHAT??!! 仲要份量都幾多下, 個size成個籃球咁大. 店員教我地係一片肉+生洋蔥一齊食. 開頭大家都有d怕怕, 始終怕生冷野. 點知食完第一舊, 大家都大讚, 停唔到口. 推介!…查看更多

是日朝早同同事喺金鐘處理文件，太古廣場選擇唔多，惟有去海富，見到呢間舖有便當販賣機幾過癮。望下餐牌，款式每日精選每日四五款，相片幾吸引，$50- $60左右就試下啦。雖則全自助，但都有位姐姐喺度輔助大家買飯，見有啲人用QR CODE掃瞄完就拎飯，我同同事大鄉里出城咁用八達通，快手出餐。平日用汽水機多，見住機器去挑個飯再運返落嚟感覺又幾新奇。出餐捧個上手但未至於焫焫焫著但都暖暖地，部機保暖功能OK。快快手返到公司同同事望下個餐盒，賣相絕對無大廚鮮製咁靚但都幾好，一份係柚子照燒雞併牛丼，另一份韓風豚肉泡菜春雨。照燒雞係約半隻手當份量，入口小小照燒汁味，肉身唔乾唔鞋口，都正常喔。牛丼嘅洋蔥入晒秘製牛肉汁嘅汁味又腍身，GOOD啊！牛肉片有幾四五片大大片，厚度唔係平時薄切係稍為厚切，入咗味都充滿咬感。至於飯，都係軟冧冧身，唔會硬磞磞。整個份量一個正常女仔都會夠，甚至淨返一兩啖咗，男士就可能8成飽。同事嘅韓風豚肉泡菜春雨多咗一件玉子、醃漬蓮藕及醃漬大根，份量小小地，開胃一流。豚肉泡菜炒泡菜量唔算多但都會食到有泡菜而非淨醬汁炒。豚肉都係四至五大片厚切，少咗一種鐵板/ 鑊氣味，感覺無平時咁熱氣但又食到少少嗰種味道，整體都唔差！白飯剛好有啲泡菜汁伴住，成個食晒~ 跟套餐會附送買指定飲品，最衰無試埋個湯啦！…查看更多

Weekend 要遠離市區去揾好嘢食，呢度真係啱哂！好有A little get away 感覺！而且Omakase黎講價錢真係非常公道，食材用料新鮮，但唔係好有驚喜。比較特別嘅係個前菜嘅醬魚合桃，好野味👍同埋個甜品焦糖豆乳布甸真係好香豆味、非常滑溜👍我地order左$780嘅午市Omakase分別係：日式雜菜沙律前菜：自家制豆腐、醬魚合桃、蝦、蕃薯刺身：左口魚、赤身、Toro燒三文魚壽司：深海池魚、牡丹蝦、備長炭帆立貝、金目鯛、瀨尿蝦、海膽麵鼓湯甜品：焦糖豆乳布甸溫馨提示：如果帶小朋友去就Book 卡位（好似有3張卡位），食omakase就吧枱位好啲（只夠坐3 pair 客），食定食就窗口位（2人高枱，但得2張）:)…查看更多

今日去左搵教主打卡🥰 打完卡就去左呢間澳洲餐廳dinner🇦🇺我地之前食過架啦, 星期6/日 要大排長龍, 靚景又咖啡☕正, 一定多人黎啦 今次夜晚黎, 大玻璃對住大海景, 好chill呀. 夜晚環境好有氣氛, 有情調，我地每人一份burger board,可以選唔同味道既薯蓉架.🍔和牛M7 WAGYU BEEF BURGER $238 和牛超嫩, 牛味濃, 份量都幾多下. 麵包加左牛油烘過, 脆脆地. 可惜包皮有提子乾 (我唔中意) Yogurt 加咗蜜糖, 勁好食呀, 直頭想食多一份. 🍔烤脾GRILLED CHICKEN THIGH $178 雞我覺得比牛更出色, 有雞鮮味. 推介. 另外加左$20薯蓉改左咗XO醬，好似食緊蘿蔔糕咁, 幾香口. 有驚喜野飲方面我地簡左手工啤, HAPPY HOUR 時間緊係啤一啤.🍺NINETYS COFFEE BEER (choco) - 超濃咖啡味, 都幾特別, 可以一試.🍺PALE ALE CITRA – 比較清爽, 呢款岩女仔飲, 易入口同埋都好夾食肉類.…查看更多

由朝忙到黑 食飯都無時間 仲有份project要趕住交拿拿聲落樓下買個外賣就要番上樓食呢間黑蒜好多同事都推介 今日就試下佢佢有5款餸揀我揀左黑蒜清湯牛助條加住家湯同事揀左鮑魚冬菇炆雞加奶茶最驚喜個餐係會跟埋兩大粒咖哩魚蛋好似長洲個D大大粒魚蛋咁急不及待就番上pantry開餐本身佢個包裝都好精美實淨我個牛肋條份量好多, 食食下都有6-7舊大大舊炆得好入味 送飯一流同事既鮑魚冬菇炆雞 當然就無鮑魚啦但係佢個雞炆得好嫩滑而我地最欣賞既係佢個飯呀佢係雜穀飯上面加左D飯素本身齋食飯都好有口感層次 菜既份量都相當多 唔會油膩 要提番杯奶茶, 佢地自家製紫荊奶茶茶味燶夠香滑 呢個外賣誠意十足 100分 難怪咁多同事推薦我地食到飽一飽又開工啦…查看更多

行開旺角攰攰地搵嘢食，女人街食肆臨立久唔久就轉新餐廳，見到呢間好似新開就試下，黃色搶眼地下門口玩味夠濃。🤟🏻🤟🏻樓上雅座到閣樓等咗約10分鐘獲排入座。餐牌眼花繚亂好多選擇，主打石鍋米線 ($85起)🍲、車仔米線 ($35起)🍜及籠仔荷葉飯 ($40起)，仲搭配埋串燒，選擇困難症患者應該要花好耐時間先點到餐。想試多啲嘢食，所以兩個人寧一碗米線兩份食加勁多串燒，並無揀食碗米線。見到石鍋九宮米線幾吸引🤤🤤又特別就選咗再揀咗九款配料(封門牛柳🥩、豬軟骨、冬菇、蘿白、花膠、蝦仁🍤、炸醬、雞翼、墨演)跟肉骨茶湯底。隔咗10分鐘左右侍應送上一盤鮮配料、米線及湯底，有啲似打邊爐感覺，幾得意🤩🤩！再隔咗一個字左右送上埋石鍋。侍應姐姐就好似炒餸，將配料逐碟落入石鍋炒拌，再加入米線及湯，蓋上蓋，提我哋可以一分鐘就食得，如果想米線腍身啲就焗耐。說時遲那時快，焗緊米線之時，幾款小食紅油皮蛋($18)、南乳雞翼($20)、煎餃子配泰式辣醬($15) 同串燒陸續上枱，失控叫咗好多串燒： 茄子($25)、脆肉瓜($10)、金菇($10)、雞軟骨($220、雞腎($15)、扇貝($20)！碟碟都好吸引，開動！😋😋紅油皮蛋一隻切件麻油味香，辣度可以加少少，但都夠惹味。南乳雞翼南乳香氣濃郁，外脆內嫩並無炸到乾身，抵讚！餃子🥟🥟似日式餃子，薄皮韭菜內餡配泰式辣醬無得輸，三隻二人分剛好。串燒金菇燒到外面燶燶地，入口滿口孜然味，保留內暖軟身菇味；脆肉瓜一人一串剛剛好，都係有瓜汁唔會燶身；🐓🐓雞軟骨、雞腎仲係煙韌，咸咸地幾時都好百搭好味；扇貝勁多蒜呢，少少偏油，爽口無腥味，推薦！期待的原條燒茄子🍆，望到好滿足，多蒜有少許椒，無切件上要啲時間處理切開，入口即溶，都係必試！可惜無點到韭菜，留下次。掛住食小食都唔記得咗個重頭戲石鍋米線，變咗腍口米線。湯底肉骨茶係黑茶底，唔重胡椒味架，但係花椒八角嘅藥材味仲保留到，微甜苦苦哋，好味！各樣配料都誠意十足，花膠焗耐咗都係爽口彈牙，炸醬無點到辣款，些微偏咸稍重豆瓣醬味道，但係配埋線入口撈埋又MATCH 架喎。豬軟骨本身醃咗但浸湯後又帶骨茶味，一大啖入口彈牙，多層次！👍🏻狂風掃落葉食到肚脹，兩個人連正常量米線一碗都食唔晒，但係埋單落樓一人百幾蚊左右，旺角呢個價都OK啦！🥳🥳後記：🥤凍咖啡水吧手勢好好，有茶記咖啡濃香味，甜度適中，唔係水鬼尿。…查看更多

以前一直好鐘意食橋底辣蟹知道佢再開番 梗係要即刻book黎開餐啦咁啱見到佢有個晚市套餐4位用$1180已包埋招牌炒辣蟹仲要有聖子皇食 即刻就決定要呢個餐因為朋友遲到 我地等待期間仲送上雞腳俾我地前菜享用首先上左個足料花膠杞子燉雞湯先 好鐘意佢用個鐵碗上湯KEEP住熱辣辣 慢慢飲都唔怕咁快凍正呀, 招牌炒辣蟹上啦我地只係揀左最小辣, 辣度啱哂我地幾個女仔啖啖肉熱辣辣 非常新鮮 肉汁鮮嫩好耐無食過咁正既肉蟹啦呢個套餐非常抵食我地再揀左蒜蓉粉絲蒸聖子皇比我地想像中大隻 一人一隻好美味柚子脆香骨同霸王雞都水準一流食哂呢幾味都已經好飽差D唔記得左仲有清蒸海沙巴班仔師傅蒸得剛剛好 一起肉就離骨仲有個炒菜同埋干炒牛河牛河比正常一般多好多牛非常抵食飽到震最緊要係仲有紅豆沙送非常完美的一餐 同幾個好朋友一齊吹下水食下飯有美食 有正蟹 笑到聲都沙埋 …查看更多

是日同同事溜咗銅鑼灣搵食。呢條街一向多餐館，想食日本菜，就試咗呢間居酒屋。居酒屋帶小小西式酒吧感覺，陳列不同日本酒。店舖仔細細可容納約20人，多人飯局就應該難啲了。午巿套餐唔算多選擇，但每款都好吸引，熱食、凍食都有。兩個人分別點咗兩份套餐及兩份小食。食客數量唔多，好快送餐。先上沙律及關東煮大根，沙律嘅醬汁獨特，唔係一般千島醬/ 柚子醋，酸甜得嚟有些微蕃茄味，開胃~ 菜亦好新鮮。關東煮大根入晒色腍軟身，味道唔濃烈或者好咸，可能中和味蕾方便好好品嘗主食。朋友嘅軟骨漢堡扒伴金文拔芝士&洋蔥果醬配白飯接住上枱，扒身色水夠，半隻手掌大小但厚身，望到塊芝士口水流流，仲有沙律菜伴碟。汁醬味有點似薑汁燒，洋蔥蓉入口即溶，扒身無一切散開，十分結實，入口又帶點彈牙，配合半溶芝士及汁醬，肉汁喺口腔慢慢滲出嚟，絕對PERFECT! 白飯軟腍度適中唔笠口，呢個主食推薦！期待嘅明太子蓉火炙左口魚裙邊丼嚟啦，左口魚裙邊嘅油身、明太子醬嘅橙色配合埋魚籽嘅精瑩通透，成個飯都好吸引，份量亦都啱啱好！左口魚裙邊入口嘅油溢韻味喺口腔迴蕩，唔想吞落肚，明太子醬嘅暖滑口感亦都配合得十分好，爬飯入口停唔到，要點要點！至於小食蟹肉味噌，絕都係驚喜！磨幼身嘅蟹膏變得滑身，加埋本身香味，細口品嘗獨有鮮味，送飯又得。特製鱈魚乾濃魚乾味，脆身似薯片、墨西哥片口感，沾上蟹肉味噌，又係另一種食法。提供埋青瓜沾食，開胃佐酒之選！對蟹類、內臟系無敏感嘅朋友絕對要試，大讚大讚！！另一客小食雞骨腸 (一客2份)係不過不失之選，咬落去皮脆，聽到腸衣裂開聲音，內裡雞肉身嫩滑暖暖口感，份量上亦都係唔係一支骨"掗"晒條腸，真係啖啖入口到尾末先咬到骨頭架，可試可試！總體而言，呢一個價錢係銅鑼灣黃金地段食午餐、一分錢一分貨得嚟超出小小預期！…查看更多