kiki928222's Profile

今次我去尖沙咀的紅葉茶屋，其實我之前去過其他分店幾次，今次終於嚟到呢間！🍁環境餐廳嘅環境幾舒適，裝潢雅緻，木系設計令人感到放鬆。座位安排得幾好，唔會太擠迫，適合朋友聚餐或者約會。服務服務方面，員工都幾有禮貌，對菜單嘅介紹都幾清楚，點餐時都好有耐心。上菜速度亦合理，唔使等得太耐，整體感覺都幾好。食物我點咗牛肉壽喜燒定食、三文魚茶漬飯、牛奶抹茶、四款串燒，仲有抹茶巴菲，整體都幾滿意！首先，牛肉壽喜燒定食真係唔錯。牛肉嫩滑，醬汁唔會太甜，啱我口味。配埋啲新鮮蔬菜同埋溫泉蛋，味道好豐富，每一口都好滿足！🥩🍳三文魚茶漬飯我覺得幾特別，可以用唔同方法食。先食三文魚同飯，感受到佢嘅鮮味，再加少少山葵，味道立刻提升。倒入茶漬，仲有啲醬油，味道更加層次分明，真係好好食！🍣🍚至於牛奶抹茶，飲落去好清新，唔會太甜，啱啱好，仲有啲香濃感，飲完之後都覺得舒服！🍵四款串燒都好有驚喜，每一串都燒得恰到好處，外脆內嫩，肉質鮮美，真係唔錯！🍢最後，抹茶巴菲就係一個大亮點，雪糕滑順，抹茶味濃，配料唔少，食落去真係好開心！🍦整體來講，紅葉茶屋嘅食物質素高，價錢合理，今次的用餐體驗都幾好。因為之前對佢哋的印象已經幾好，今次又再加分！下次一定會再嚟試其他菜式！😍…Read More

其實早排我已經同屋企人一齊食過一次潮味莊，但今次實在太想食啦！😂😂 一聽到有豬雜西洋菜湯，我啲口水已經忍唔住流出來！🐡🐡環境：餐廳入面嘅裝潢好有潮州風味，傳統同現代嘅元素融合得恰到好處。燈光柔和，氛圍輕鬆，無論係同朋友聚會定係家庭出來食飯，都好合適。餐廳雖然唔算好大，但令人感受到香港飲食文化的熱鬧。服務：服務方面，員工都好友善，唔會過於打擾。我哋一入到去就有服務員主動招呼，對菜單嘅介紹都好詳細，佢哋對食物的熱情讓我哋感到好受歡迎。就算有問題，佢哋都會耐心解答，服務態度一流！👍食物：食物方面真係無得輸！我哋首先叫咗豬雜西洋菜湯，湯底清甜，豬雜又軟滑，真係好暖心😍。接著試咗滷水拼盤，一大碟滷味，超多選擇，特別係嗰啲肉香味，簡直係一口接一口停唔落！配可樂一流🤣然後我哋點咗蠔仔肉碎粥，粥質滑順，仲有咁多蠔仔，食起來唔會太膩，真係好合我胃口！😋 最後，韭菜豬紅真係一絕，味道鮮香，豬紅煮得啱啱好，搭配韭菜，真係完美組合，食完心情都好好！結論：總之，潮味莊真係一個唔錯嘅地方，無論係食物、服務定氣氛，都令人滿意。下次一定要再來！我已經好想再試佢哋其他嘅美食啦！如果你鍾意潮州菜或者想搵個地方食好嘅海鮮，記得來試試！✨…Read More

好耐都嚟依頭食嘢，成條街都多咗好多新舖，唯獨十和田都開左好耐仲咁好生意，所以同朋友入去試吓先我哋分別叫左 一個火炙海鮮丼同海鮮刺身丼佢嘅飯底係赤醋飯，唔同一般丼飯嘅飯底，幾開胃。特別一讚，佢嘅所有刺生都非常新鮮，油甘魚帶子蝦超鮮甜！佢每一款刺身都好厚好肥美，食到停唔到口。另外我哋再加左生鮑魚刺身，$29好爽甜！值得一提，鯛魚湯好好好味，雖然$42份量唔大碗，但真係feel有好多魚去煲，無味精好鮮味👍🏻…Read More

今日經過海港城，行過有espresso alchemy，就捉左男朋友去飲左個下午茶餐廳就喺正cheesecake factory對面，好易搵我叫左個Banana Cake，佢就叫左個煙三文魚意大利飯同一杯Americano咖啡偏向nutty係男朋友鍾意既，有Roast過既味道。意大利飯都好creamy，唔似其他cafe咁一嚿嚿。另外叫咗一個banana cake, 超大份量，佢有用爐熱一熱再上，保持到濕潤感覺，幾好食👍🏻最後兩人都係食左 $207蚊，價錢以海港城嚟講，十分抵食…Read More

之前都有同同事食過，覺得味道唔錯，今日見男朋友想食辣野，所以帶佢去食，呢間餐廳以麻辣味噌嘅拉麵見稱，餐廳用好多魔鬼既佈置，營做地獄既感覺，佢之未食過就覺得一定好辣我地叫左個特製麻辣味噌拉麵，味玉辣麻味噌拉麵，同埋一個餃子。男朋友個拉麵份量啱曬佢，個叉燒係好似肥豬肉咁，同平時普通拉麵嗰啲好唔同，麵質都好彈牙，同埋佢包埋隻流心蛋，啲蛋黃流出黎，好creamy。我就叫左唔辣，味噌同蒜頭嘅味道好配合，麵質我都好鍾意。男朋友平時唔係好鍾意食炸嘅餃子，咁啱呢度就用咗日式煎餃嘅方法處理，表面脆卜卜，餡嘅椰菜同豬肉，味道配合得好好，唔似平時出邊食嗰啲成嗒麻油味，所以佢都食得好滿意😋😋…Read More

行過已經聞到好香咖啡味, 原本之前喺如心廣場嘅espresso alchemy, tst都開左分店, 咁岩下午茶時間, 即刻入去試下首先叫左杯Flat white味道好好，好香nutty 朱古力味，不錯朋友叫左long black, 佢係偏fruity嘅口味，啱晒佢而主食就係salmon toast,佢嘅分量好大份，兩個人食就啱啱好，作為下午茶好味甜品當然唔少得佢哋嘅signature matcha roll,一啲都唔甜，好健康，仲要係keto㗎最後兩人都係食咗200幾，大滿足…Read More

其實我每星期都會嚟尖沙咀做gym, 做運動之前梗係要食飽個肚啦, 所以紅茶冰室都係一間我想去嘅餐廳,作為一間茶餐廳佢嘅菜式選擇真係非常多,而佢每樣做嘅菜式都做得好好。個人好推薦大家叫佢嘅四寶飯佢嘅燒味做得好好，比對面嗰間燒味舖勁好食，而今日我就叫咗海南雞河粉，雖然佢唔係一般茶仔會出現嘅菜式，但係味道都唔錯。而我朋友就嗌咗常餐，佢嘅份量都好多，豬扒都幾好食。所以佢長期排隊入座，都係10分合理的。不過而家就多咗大陸遊客嚟等位…Read More

第一次去依頭，原來依個商場有好多唔同嘅Cafe，真係花多眼亂，原來193開嘅Cafe都係喺依一個商場，但我當然唔會去幫襯佢。行左一輪之後，決定入去一間小店，而一間小店充滿日本風情，好似去咗京都咁所以就決定入去試一試。等咗大概20分鐘有位，我哋今日一人一杯揀咗Matcha latte同埋ice Americano。而甜品我哋揀咗抹茶芝士蛋糕。佢嘅抹茶芝士蛋糕中間仲有少少流心，幾高水準。其實佢都有唔同嘅曲奇同埋鬆餅俾大家選擇，不過略嫌曲奇有點兒貴每塊都要$50。而佢嘅matcha latte係用日本嘅抹茶粉,所以好香濃,而且佢唔會另外在加糖我幾喜歡。…Read More

依間馬來西亞餐廳開咗都有一段時間，一路都係我食肉骨茶嘅首選，因為佢嘅湯底好好飲，肉已經煮得好林好遠，唔會好似平時煲湯啲湯渣咁實滴滴。另外佢嘅油都好香，會送嘅油炸鬼同埋黑醬油同成個飯都好配合雖然佢嘅位置比較唔方便，又會鰂魚涌地鐵站行，起碼需要10多分鐘，尤其是天氣熱嘅話行過嚟都會幾辛苦，佢舖比較小，可能會坐得比較迫同埋要等位，所以如果想食嘅朋友可能要預早去排隊等位，而且佢哋只收現金所以要去食之前要準備定好現金俾錢…Read More

今日放假約咗去朋友屋企，佢哋住荃灣所以一場嚟到當然你試吓新嘅餐廳。所以我哋決定未食下醉雞花膠湯底嘅刀削麵，之前喺荃灣某一間刀削麵專門店食，遇到超級難食嘅，所以今次要俾心機搵食評。因為我哋都好鍾意飲湯所以揀咗呢一間有藥膳醉雞同埋花膠雞湯嘅餐廳嚟試吓。我一食個醉雞湯已經好好飲差唔多係我全港食過最好食嘅藥膳湯底，比起鳳鳴居，我更加鍾意依度嘅湯底，因為個人唔鍾意偏甜嘅醉雞湯，所以依度好啱我胃口，食得出雞嘅鮮味同時唔會有太過多嘅紅棗味。雞都食得出好鮮嫩，而佢係用一個小鍋上，所以食到最後個湯底都好熱…Read More

離開太古城平時放lunch都冇乜餐廳揀，因為大部份都幾貴吓起碼要$100，不過依間餐廳我地時常都會嚟食，因為選擇多易攞位而且唔會收+1，如果想食清淡啲可以食沙律，而且可以另外再加薯條或者湯，隨自己的喜好加添唔同嘅食品。翻查一下依間餐廳其實係美心集團，出品一定有保證，意粉嘅味道清淡，但好有蘑菇嘅味道。今日比較肚餓另外加咗一個南瓜湯，而麵包係隨着意粉送嘅，加埋南瓜湯一齊飲10分美味，如果大家都係附近返工，一班人呢食lunch都係一個唔錯嘅選擇…Read More

之前喺太子舊店我好鍾意佢湯底，所以星期六諗起即刻來新店試吓，原來依家新店夜晚仲有火鍋，我就叫咗個醉雞麵試吓另外再加一個醉豬手，不過佢嘅醉雞係凍嘅同埋係另上，同我想像嘅有啲出入，以為係鳳鳴居嘅嗰一款，不過味道都OK，如果可以有熱鍋上個湯會更好因為食食吓都覺得湯底會有啲變凍。整體都好滿意環境舒適價錢都好合理，下次會再嚟試。可能下次嚟試佢嘅花膠雞湯底火鍋，我見佢嘅食物選擇好多，十分推薦大家嚟試吓依個湯麵。另外最豬手都好琳，個汁都好入味，同樣係推薦大家嚟試吓…Read More

今日book咗星期六嚟食lunch，之前已經同過朋友嚟食晚餐，覺得味道都幾好不過價錢就比較貴大概都要每人$600。所以今次見到Restaurant week有依間餐廳我都即刻book嚟試吓佢嘅lunch, 因為佢嘅set都幾豐富, 平平哋嘅價錢就可以試幾樣嘢我哋兩個人, 揀咗一個牛扒一個煎魚, 兩款都幾好食特別係牛扒煎得唔錯, 甜品都有兩款我哋叫咗一人一個你試吓, 焦糖燉蛋幾好食, 蛋糕就比較普通, 食到最尾已經十分之飽,滿足的一餐…Read More

今日想食好啲，見到開咗新嘅cafe即刻試吓因為我哋同行人數都比較多，所以等位都等咗一段時間，等咗差唔多30分鐘就可以入坐啦其中一樣我好鍾意嘅嘢就係佢有lunch set, 附近嘅一啲Cafe平時價錢都比較貴但依家好好,每個Set會免費包一杯咖啡我就試咗煙三文魚Toast, 分量出奇地好大份,一個女仔完全食唔晒, 我都淨係食到一半然後打包另一半返屋企, 如果大家喺附近返工都可以嚟試吓幾啱幾句女仔喺度傾偈食飯呀…Read More

今日嚟同朋友慶祝生日，試下佢個anniversary set menu, 有sushi set 或者鐵板燒set揀。$398 per pax我哋一行四人，大家都食鐵板燒set大致上感恩材料係因貨就價，牛同海鮮都唔太新鮮，師父全程都好趕急，大慨40分鐘已經上甜品，對於慶祝來說實在唔夠。不過當係一次體驗都唔錯，因為平時食鐵板燒一個人起碼都$600-$700, 如果從來未試過食鐵板燒嘅人可以一試我建議一個周年慶set到今個月都仲有, 食之前最好book定位因為都幾full…Read More