~小小~'s Profile

環境係靚嘅，打卡一流，不過如果真係想食好啲，就一定唔會係呢度，屯市是但一間都好過呢間（屯市都係普普通通），可能我無食到其他人係咁讚既蟹湯麵🍜所以就中咗伏？原本都想食埋甜品，不過試完個麵就無勇氣再試，食咗一半放棄咗，老公就因為咁貴唔想嘥就夾硬食埋佢。檸檬鴨湯拉麵$108雞白湯拉麵$108追加叉燒$25雞皮餃子$58Total：$299另外員工感覺態度有啲散慢（佢哋完全冇唔禮貌，只係客人用餐感覺唔係咁舒服）後記：之後去咗第二度再食過另一餐晚餐😅…Read More

同老公食完飯，諗住去虹橋食窩夫，但係經過見到有間新開甜品都有得食，所以入去試下。坐底店員係禮貌既，order 個香蕉窩夫，同朱古力湯丸，過咗陣店員話冇香蕉，哈哈，於是轉咗法式焦糖燉蛋，先評一下朱古力湯丸，湯丸外型竟然唔係圓既，係三尖八角，內餡非常少，有啲咬開係唔覺有流心，個皮較硬，冇咗煙韌口感。至於法式焦糖燉蛋，個焦糖面夠脆，唔太甜，不過冇乜其他味道，質地都比較實淨，唔夠軟滑！總括黎講，試一次都可以既。…Read More

是晚零晨兩點光顧，叫咗六樣小菜，3罐可樂，埋單$46x(唔係好記得,因為唔係我找數),店家仲送咗碟小食，食材新鮮，價錢便宜，份量都算大碟，服務人員都親切有禮，地方尚算乾淨企理，味道方面，好食！！ 《拍青瓜$18》新鮮爽脆，醬汁野味，咸淡適中，有少少辣，分量算多，正！ :)《泰式生蝦$68》爽口，比起其他店舖算大隻，有十隻，略嫌醬汁唔夠辣！ :)《薑汁抄芥蘭》價錢忘了 口感爽淋適中，沒有苦澀味:)《蒜蓉煙肉燒生蠔$88/1打》新鮮即燒,飽滿,價錢便宜,冇食到有蠔殼碎!《小唐菜鍋貼》呢個係一個好耐以前既菜色,已經好少舖頭有得食,裡面係一d墨魚滑+小唐菜再沾上炸漿做出黎既! 炸漿夠薄夠脆,食到墨魚滑中有少少墨魚粒,要親熱食噢!!《避風塘茄子》冇影到相,香脆,炸蒜粒同辣椒都好多,頗辣,略咸了一點!…Read More

(蝴蝶邨龍翔酒家)差差差!!! 任食火鍋,冇錯係任食,不過叫咩冇咩!!! 同一轉野,入3次單,都冇野黎,問個侍應叫佢睇下廚房有冇單,佢就叫我再寫過,x@y*%z......第4張單終於黎,不過全部都唔係我叫個d野,粟米豬骨湯底變左紅蘿蔔紅棗芫茜湯, 唐生菜變左油墨菜,布包豆腐變左豆腐卜,手打牛丸變左黑椒牛丸,韮菜餃變魚皮餃,冇蝦,冇粟米,冇豬紅......不能盡錄,同個侍應講呢d唔係我叫,佢就話我叫個d冇哂,咁我話唔要,仲要比說話我聽,話我好唔要d野...:(.....而家係你地咩都冇唔同我講,仲夾硬比左第二樣野我,之後問佢咁究竟仲有咩菜,佢竟然同我講:我唔知入面有咩菜個喎!我話我唔想再寫黎寫去都係冇,你問下入面有咩?跟住佢又再重複地:我唔知入面有咩菜個喎!......真係x@y*%z......都唔知咩酒樓黎架,出錯哂d野,乜野都冇不特只,仲要服務態度勁差,你地有收加一服務費架!!!!!!!!!!!!…Read More