Kelkel sir's Profile

食飯可以係填飽個肚，亦可以係一種享受。特別係經過一日的辛勞，之後在一間有質素的餐廳同另一伴共進晚膳，就成為了苦中的一點。今次去左黃埔呢間flames，由入門口開始已經有一種高級的感覺，裝修以黑白為主調，再由植物襯托出自然的和諧舒適，在未有野食前已經令人放下日間的緊張工作情緒。而在食物方面，頭盤為loaded nachos ，香口脆片加上肉醬及半溶芝士，口感多元化而且作為頭一味菜式或小食都十分適宜。再叫左個12安士肉眼，表面以燒烤的方式將肉汁鎖緊，再以本身的熱力令肉眼達到7成熟，既可以有肉的柔軟，又唔會充滿血水，值得一讚。再加上露蘑菇意粉，奶油香味再加上蘑菇的香味，口感豐富之餘亦十分飽肚，如果一個人來，我相信呢一個意粉已經可以令我再次光臨。…Read More

一條麻甩佬冇嘢做，想搵好嘢食，最好就係男人的浪漫--打邊爐🍲 。 不過又諗起如果淨係一個人去打邊爐會好悶，之前聽人講過芝士雞煲十分正，所以慕名走去試一試。入到去間餐廳可能太早喇，大約六點半，周圍嘅人唔多，以為奶嘢。但係點都頂硬上試下個雞煲先，由於第二日要返工所以叫咗個黃金芝士雞煲，費事太熱氣返唔到工。的確冇令人失望，成個煲用了十分豐富，啖啖都係雞肉而且有芝士嘅濃郁味道包圍住炸過嘅雞，簡直就是男人的個人浪漫。再嗌咗個海蜇木耳，惹味得利有少少辣，令味覺十分刺激。 但係最尾都係要叫返個竹蔗茅根頂一頂，始終食雞煲再食辣嘢都係要中和下。…Read More

泰式食物一向都好惹味，如果做得好啲嘢食亦都令人回味無窮。今次食咗個名好特別的泰式菜，入到去個環境十分清幽，亦都見得店主嘅設計情調，以泰國及新穎嘅風格進行設計，未食嘢已經令人有一種舒適嘅感覺。嘢食嚟到，最令我深刻印象嘅係炸蝦餅，蝦餅嘅製作方法唔係攪碎而係有蝦嘅質感。另外值得一提嘅就係個串燒，唔會乾噌噌，香口之餘仍然有應該有嘅肉汁。仲有一個值得要試嘅，係椰汁海鮮湯！初頭以為冇乜特別，但係飲落去勁鮮甜！除咗有魷魚、青口，重有有兩隻大大隻嘅蝦，完全落足料。最後食埋原個菠蘿炒飯，亦都冇我有啲出奇，因為以為會好油膩，但係佢並唔係落咗好多油去炒，係菠蘿的中和之下成個飯分清新。…Read More

同事介紹平日一至四兩點後過嚟食，可以有半價優惠。其實都冇乜期待，感覺因為半價都唔慌好。係事實卻令人十分回味。先嚟一個片皮鴨，完全冇鴨嘅騷味，十分香口，再嚟一連串嘅日常美食不過不失，重點有兩個，松子魚及酸菜魚，真係一流！魚肉香骨，外皮爽脆，入口即溶，呢啲字眼形容佢做嘅松子魚真係冇得輸。 …Read More

得閒出嚟食個沙嗲牛麵，諗住是但搵間茶餐廳，呢間的確令我有驚喜，沙嗲味濃郁牛肉唔會韌，而且唔係普通嘅多士，係用丹麥包十分香口。另外炒蛋亦有功夫，香口得來唔會老。唯獨是個咖啡比較差少少，希望可以用啲比較靚嘅咖啡豆…Read More

近排流行Omakase，即係廚師發板嘅意思，喺日文裏面嘅意思即係「交給你了」，當你講得出呢句說話要對個廚師有十足的把握同埋信任。今次嘗試尖沙咀亞士厘道「鰭真」，完全可以講得出"omakase"！餐廳環境擁抱維港，可以喺BAR枱一路同廚師傾偈，了解我哋今日食嘅嘢，一路欣賞香港嘅景色，真係一絕。而且餐廳嘅位置唔多，不論侍應或廚師都全情投入於同客人之間嘅互動，喺不知不覺間就食咗兩個幾鐘。食物梗係一流，食嘅嘢全部都係珍貴嘅食材，有黑鮑、野生拖羅、平政魚、魚翅、喜之次等，但係最珍貴嘅並唔係食材本身嘅價值，而係可以睇得出廚師對每一件食物都用心製作，就住食物本身嘅特質、口感、油份作深入嘅研究，然後選擇最好嘅料理方法，再加上不時不食嘅大前提下，所有食物都時令當造，充分展出不同食物嘅完美狀態，每一件食物擺落口都令人充滿難忘嘅回憶。…Read More

喺朋友推介下，知道大尾篤有間餐廳個廚師來自歐洲，幾大都入去試試。今次嗌咗幾個食品，不過始終自己一個人冇得食太多。前菜有法包、蔥油薄脆，爽口，令人胃口大開越食越想添加，再嚟一個巴馬臣火腿，乜嘢叫做入口甘香，食完呢個前菜即刻知道。不過未完，前菜再加多個炸吞拿魚波，咁就差唔多啦。但係重點要提一提佢嗰個黑松露湯，飲落去勁香口，因為佢唔係用麵粉開，所以完全將黑松露嘅味道發揮曬出嚟。既然來到西式餐廳，冇理由唔試下佢個鵝肝，入口即溶外皮香脆，米就係形容緊呢樣嘢囉🥰🥰。而今次仲有個主菜就係照燒汁雞髀，唔好以為得一隻，今次有兩隻大雞髀，食完呢餐飯簡直抱住個肚走。…Read More

做到悶悶哋，約咗同事去食下午茶，我見到個名好特別叫做：哥哥添飯 妹妹泡茶，即刻衝入去試，睇下點樣添飯同泡茶。話時話佢個妹妹泡嘅茶真係好鬼好飲，嗌咗杯鐵觀音完全係靚嘅品質。 我嗌咗個蟹子蟹肉蛋餅配薯條，食落去個好咁好豐富，有蟹肉嘅鮮味亦都有蟹子嘅海水味，同一時間蛋餅嘅嗰種口感，充斥住成個口腔感覺十分滿足。同事嗌咗杯老細萬歲黑糖珍珠奶茶，佢話飲得出裏面有蜜糖嘅香味，同平時嘅珍珠奶茶完全兩個級數，加多個經典酸菜焢肉刈包，基本上呢個茶餐夜晚都唔使再食飯，除咗味道勁好之外，份量亦都十分之滿足。…Read More

四坡坊喺個好多嘢食嘅地方，見到有間日本餐廳裝置擺設都好有舊式和風嘅味道，所以入去試試。叫咗幾樣嘢食，胡麻秋葵、豆腐唐揚、蒜香雞軟骨、黑豚五花腩、鹽燒白鱔、羊架、蟹膏海鮮炒飯。豆腐唐揚令我十分驚喜，外皮極之鬆脆，但係內籠十分幼滑，味道亦都十分清新，完全唔似炸嘢。二其他嘅燒物，都做到十分香口，而不失食物原本嘅味道，令人津津回味，好想食多兩啖。最好味嘅係蟹膏海鮮炒飯，食落去粒粒米飯都有蟹膏黐喺上面，完全感受到“味吉陽一”式嘅好好味呀！！另外現場只有一位侍應，雖然人數好少但係服侍極緻周到，當我哋個杯冇茶即時會幫手添茶，完全唔需要等我哋慢慢叫人嚟，值得一讚。…Read More

好耐未試過打邊爐，突然興起想食一次，唯有上openrice睇睇有邊間好，見到呢間好多好評所以就去試下。得出嚟嘅結果的確冇令人後悔。佢嗰度有好多唔同種類嘅嘢食，如果肚餓嘅即時可以叫刺身、天婦羅等等即刻醫肚。原本都冇乜大期望，但係刺身亦都唔係hea你，都有一定嘅水準，再加埋服務一流，都未開始打邊爐已經令我好滿意。好啦，到講下邊爐配料，牛肉好正！都有唔同品種嘅牛肉畀你揀，同埋有唔同位置，就算個人喜好而選出自己最鍾意嘅部分，基本上已經超出咗任食火鍋嘅境界。再加埋佢雖然限時，不過上菜速度極快，基本上都唔會用到所有時間已經食到好飽。總括一句呢一次嘅牛之鍋之旅，令人十分回味可以再嚟，唯一擔心嘅就係變肥仔。…Read More

自從疫情開始都好耐未試過食魚生，始終怕中招。不過而家見緩和咗，就去搵下好嘢食。今次去呢間餐廳係喺觀塘叫丼瀛，同事介紹有一個叫做十二風味嘅套餐，果然冇介紹錯，一次過可以食齊好多唔同嘅種類，雖然係淺嚐，但係數目都比較多所以都足夠，但係如果兩個人食嘅話就會爭啲。所以今次就要嗌多少少，嗌咗個鍋燒烏冬同埋海膽熔岩，雖然烏冬比較平凡，但係個海膽熔岩就令到我十分之驚喜。食落去海膽嘅鮮味即刻必曬出嚟，到而家都仲好回味。而家呢個份量就啱啱好足夠兩個人，食完滿足到自己嘅口感之餘又唔會太過飽濟。…Read More

經過一星期辛勞工作，要去試好獎勵下自己去食好嘢。今次去咗人氣燒烤舖，炑八韓烤。一嚟到嗰啲侍應嘅服務態度已令我覺得好正，佢哋會主動同你吹下水，話畀你聽應該點樣做法，啲嘢食有乜嘢好食等等資訊。我哋嗌咗一個五花肉、海鮮什錦套餐、泡菜餅、士多啤梨乳酸梳打、薄荷乳酸梳打。啲肉醃得好好食，就算唔落醬汁，都有韓式嘅肉味。而且呢度有個更好嘅地方，就係食烤肉嘅同時，佢會提供好多蔬菜類嘅選擇，做到享受燒肉而且同時兼顧健康。另一方面佢會有一個雞蛋同埋芝士做燒烤爐嘅邊圍，初頭我哋唔知係乜嘢，但係食落真係不得了，芝士味濃郁配合生菜食，令芝士唔會有油膩嘅感覺，另一種邊係蛋漿配合泡菜，令到蛋同泡菜之間嘅辣可以互相中和。值得一提既係佢嗰個嘢飲，韓式一定有泡菜亦都一定有辣嘢，食完辣野飲返一啖乳酸飲品，即時消除辣嘅感覺。…Read More

行到將軍澳，諗住試下禮記出名嘅點心，但係同伴想食中式晚餐，所以臨時轉變，叫咗三個餸，第一個係錦鹵雲吞，第二個係上湯菜膽雲吞雞，第三個係鰻魚櫻花蝦炒飯。先講下錦鹵雲吞，個脆皮雲吞充滿蛋香味，再有個出其位就係裏面包嘅餡，值得大家嘗試。台菜膽雲吞雞個雞好滑，而且雞的味道濃沃，但係如果比較鍾意食濃味嘅，就未必咁適合，因為佢都係屬於比較清淡嘅餸菜。最尾一個櫻花蝦炒飯，十分夠鑊氣，而且每一個飯粒，粒粒分明，唔會炒到一pat嘢咁。…Read More

行過見到個名好特別，所以供上去試下乜嘢叫做吉列牛忌廉。估唔到原來係有個已經炸咗嘅牛肉，在買上去石板上面燒，除咗食之外亦都好好玩，佢炸得呢隻有外皮脆，要再加埋自己燒烤先至可以熟，完成咗我好耐都想食嘅食板燒嘅心願。另外一見到成本白雪雪嘅嘢，老實講望落唔太吸引，但係一落筷子就好大陣咖哩的香味，食落口感好滑，不過唯一唔好就係啲料少咁啲。另外一個係雞軟骨餃子，外皮脆口，內裏嘅餡亦都好豐富，雖然喺韓國餐裏面雞軟骨餃子都見得多，但係呢度做出嚟嘅口感都真係做到外脆內軟。…Read More

今日去呢間餐廳環境十分優雅，最難忘係一開始呢個頭盤，黑松露麵包，松露嗰陣味道配合麵包真係好正。跟住令我好深刻印象嘅係個豬扒，肉質鮮嫩，食落去仲以為食緊高質和牛咁，並沒有一般豬扒咁韌。仲有個超級正嘅帶子意大利飯，喺呢個飯裏面仲要有埋海膽，所以加埋個浸海水嘅鮮味再加埋煙韌嘅感覺，配合埋食落去嗰種creamy嘅感覺令人十分回味，下次去一定要再食過。跟住要講埋個湯，原本望落去個樣似係龍蝦湯，不過當試落去之後，口感清新，真係估你唔到係西芹雜菜湯，呢個做法令人好驚喜。…Read More