傲飛's Profile

這間阿木當初開張時來過一次，出品簡直不能入口，湯麵嘅湯底完全無味道，第一印象太差之後都無再嚟過。今日再入去試一吓，叫個麻辣牛肉麵餐，一食之下嚇咗我一跳，湯底非常香濃夠味，牛展好淋夠入味，麵都係Q彈順滑易入口，我都即時望一望老闆娘，都係同一個台灣姐姐，但唔敢相信係同一間鋪一年間佢哋嘅出品有天淵之別！呢碗麵嘅質素應該起香港都數一數二喇，同老街果碗麵簡直無得比！另外佢哋個牛展一碗有四件大大件，一夾就軟淋可以輕輕夾散，份量絕對夠餵飽一個肥仔！…Read More

餐廳環境不錯，窗外可一覽尖沙咀及維港景色，一流！餐廳出品亦不過不失，唯份量太少，如你重複再點的點心他們都會給你漏單，到你離坐時也沒有提供，就連加茶水亦會看你走還是留才給你添加，實在對他們的服務態度有懷疑。再者小炒類餐點出餐速度極慢，我最小點了兩次咕嚕肉、上湯時蔬、蛋白炒飯（上錯伊面）及麻婆豆腐，都要催兩次單才到，還欠下麻婆豆腐及西米露沒到，第二輪的單只來了一半，如要控制成本就不應推廣優惠套餐免得客人該吃的吃不到，已一間高級食府來說，這樣的服務水平真是不敢恭維！樓面服務態度不差，唯有漏單及答應客人跟進入單後還是會有遺漏感到不值，這不應該在一流食府發生（至少大班樓這等街檔都沒有此情況）！唯有說：無下次！…Read More

無想像中咁難食，甚至係幾好食嘅下午茶餐，叫埋杯凍飲都先係三十六個大洋，我覺得起今時今日嘅香港都算得上係平，質素就起碼唔係滾水煮麵俾你，成個粉係有味道，已經好過好多茶餐廳。唯一不足係落單阿姐生手咗dd，要俾d時間佢去適應環境！…Read More

去食台灣麵當然就緊係食牛肉麵啦, 今次試新舖就叫左兩碗, 一碗麻辣牛肉麵同麻辣牛根腩麵, 黎到個樣係ok既, 但係食落就有d唔對路. 麵係好食彈牙,出事係個湯同塊肉度. 個湯好淡, 麻辣唔辣, 後加佢地自製既辣椒醬都係吊得少少味出黎, 根同肉淋但無味道, 好似白拾肉咁連基本牛味都流失埋, 佢地要從呢兩方面入手改善, 求其去台南搵間牛肉麵食都會好過佢.  忡有, 飲杯餐飲珍珠奶茶既珍珠係無甜味,但食落好似有d怪怪既膠味, 係咪要改用小小甜既珍珠? 店主可以考慮一下. …Read More

點解係食極都唔會飽嘅火鍋？仲要係起油尖旺地段？呢間火鍋店只係得個貴字，的確係失敗！我同朋友四個人，單叫火鍋配料有七折，你果一刻會覺得好抵食，有七折喎！但你一睇個餐牌同叫到埋嚟果碟嘢個份量你就知發生緊乜事！火鍋湯底有兩邊鍋，半邊最平都要$88，最貴去到188 、238，叫配料令我最深刻係碟脆肉鯇，一碟得六塊，索價$78！叫咗兩款牛肉，牛頸脊同封門柳，頸脊就肯定唔係頸脊嚟，擺明係呃客！封門柳就係普通牛柳，仲要係雪貨，解凍後肉係黑色嘅！分別係$208同$238！落樓埋單折埋都要$1500仲要唔飽，我去賤食場d嘢食仲新鮮過佢！要食環境？香港人都唔係蠢嘅！…Read More

大家如果想嚟食下嘢，要停一停，諗一諗先好入去！食物選擇不多，茶餐廳質素，係得杯熱奶茶係飲得吓，除此之外無其他特別可取之處。食物索價徧貴，一個茶餐豬潤出前一丁要收$48，真係得個湯公同飲品，可能連維記都多工夫過佢。完全唔值！服務尚算可以，打吓牙交就少不免。…Read More

Relax cafe in Kennedy Town 簡約嘅裝修 ，員工亦非常勤快，飲咖啡休息嘅好地方！ 但二樓坐位太少，容納唔到太多人，唔可以坐太耐，下午開始多客，如果有甜品會更好！…Read More

分量太少，食完等於無食，完全無飽肚感！鰻魚份量太少，仲要係碎上，even係鰻魚重都好同起日本食差天共地！味道還可接受，調味都有山椒同七味粉調配味道，坐位安排就非常差，有空位都唔入客，二人坐四人枱，坐果個好開心，排隊果d人就不斷鬧，搞到門口成村人排隊，隊尾到隊頭要起碼45分鐘，仲要order咗嘢食到上菜都要多成15 mins，即係由你排隊果一刻開始到你有得食就要成個鐘，保守估計咋！遲早無人會再用咁多時間等食！…Read More

五十幾蚊食個石窩烏冬本來尚可接受,但用呢個價千去食個質素欠佳既烏冬真係無法忍受. 味度平平,烏冬入口彈牙,絕對唔係江川用既噹噹烏冬麵, 但湯底誠意欠奉,淡而無味-不論豬骨還是咖喱湯. 不能同萬豚屋相提並論, 傻左一次都唔會有下一次架喇!食完好似俾人呃左咁...........…Read More