foodloving's Profile

難得有一日假期，就去咗旺角嘅呢間樓上餐廳食午餐🙈休息一下之餘仲可以欣賞一下城市美景😝餐廳佈置好grand，亦都設有一個酒吧位，就好似酒店內的西餐廳一樣🥰是日餐湯~南瓜湯好creamy濃郁，陣陣南瓜香甜味在口腔內揮發，配搭啱啱烘烤的餐包，香脆的餐包吸收了餐湯的精華~炭燒美國安格斯西冷牛扒伴燒汁~主菜好驚喜，首先賣相好靚，牛扒燒得剛剛好，肉質厚實，富油香而不膩，容易咬開，一切開就見到滿滿的肉汁流出來，不需要調味味道已經十分濃郁，配搭綿密的薯蓉，爽脆的四季豆，整體層次豐富☺️是日甜品~怎可以少了飯後甜品，朱古力蛋糕味道濃郁而不膩，朱古力在口腔內溶化，甜甜的味道令人心境開朗🤣最後以一杯熱檸水作結，為豐富嘅午餐畫上完美句號😊…Read More

咁啱黎開上環呢邊，決定喺度搵間Cafe食lunch休息吓~估唔到就比我喺街口嘅角落搵到呢間Cafe🙈店內環境好舒服，帶有陣陣的咖啡香，環境亦十分開揚，感覺好舒適~一向都幾支持自家製款式，所以就揀咗自家製肉丸意粉試吓🙈自家製番茄肉丸意粉~扁意粉配上番茄醬，酸酸甜甜十分開胃，加上自家製肉丸肉質較為厚實，調味剛剛好，不會過分鬆散，整體配搭幾夾，肉味濃郁~肉丸份量夠大粒，每一碟都有五粒，份量都幾多，食完已經好飽😝Rose latte~咖啡豆經過炒製，酸度同咖啡味平衡，味道有層次，加入少量玫瑰乾花，香氣已經十分突出，為整杯咖啡更添層次☺️…Read More

喺尖沙咀行街，發現有間以黑白色風格為主嘅Cafe，決定入去坐一陣休息吓🙈店內”黑白分明”，以型格風格為主，但仍然帶俾人一種舒適寫意嘅感覺~有不少自家設計的菜式，最欣賞係佢其中一款中西合璧的飲品🥰Warm flow~呢款係以鹹柑桔配合菊花為主的飲品，由餐廳自家設計，有凍同熱可以選擇，天氣有啲凍所以揀咗熱飲，菊花味較為陣陣幽香，沒有比鹹柑桔的味道遮蓋，帶有酸酸甜甜的感覺，味道醒胃🥰Squid  ink  spaghetti  with  pan-fried  scallops~意粉沾滿了滿滿的墨汁，鮮味濃郁，配合剛剛煎的帶子，肉汁豐富，鮮味更為昇華，配合少量車厘茄，酸酸甜甜的感覺更為開胃🥰…Read More

8號風球咩餐廳都冇開，好彩仲有平時最鍾意食嘅牛腩粉🤤多人到排長龍，好彩都好快有位🥰牛腩墨魚丸河粉~唔知係咪因為多人關係，一叫嘢食5分鐘內已經上菜，真係啱晒平時趕時間返工嘅人😝質素都算係快靚正，河粉熱辣辣，牛腩汁湯底濃郁，陣陣嘅牛腩香氣令人未食已經好開胃，河粉通透，吸收晒牛腩汁精華，而且牛腩啖啖肉，半肥瘦帶點油脂，富油香，墨魚丸質感亦十分彈牙，粒粒墨魚粒夠爽脆，忍唔住想食多碗😝最後點少得一杯凍檸茶，酸酸甜甜的為整道午餐作結🤤…Read More

喺佐敦做完嘢好肚餓，行行吓街先發現原來開咗間新餐廳☺️餐廳主打高質素快餐，不少款式都是西餐菜式，但就唔需要等太耐，啱晒我呢啲做完嘢超肚餓唔想等嘅人🥰是日餐湯~餐廳採用自助形式，可以按自己份量需要取餐湯，是日餐湯係粟米湯，味道濃郁，夠creamy，忍唔住想再飲🤣白松露忌廉炒野菌配自家製蒜蓉包~前菜揀咗最愛嘅炒野菌，白松露的香氣同菇菌類十分夾，令香味更加突出，而且菇類吸收晒忌廉汁味道， 十分濃郁，蒜蓉包亦夠香脆，陣陣的蒜蓉香氣沾上忌廉野菌汁，令人食指大動😝磯煮鮑魚照燒雞意粉~雞肉夠嫩滑，沾滿了照燒汁，調味剛剛好，鮑魚肉質厚實，加入少量菇菌，令質感提升，選擇左扁意粉，麵條粗身煙韌，加入照燒汁有少少似日本同西餐fusion菜式☺️特濃朱古力蛋糕~蛋糕質感口實，朱古力味十分濃郁，卻不至於過甜，剛剛雪過有少少似雪糕蛋糕嘅質感，繁忙工作過後食一啖已經開心晒🥰…Read More

原來觀塘最近開咗間新嘅餐廳，喺附近返工決定買個外賣嚟試吓🤣門面裝修有個打卡位，充滿人文氣息，感覺有點似傳統文學與新派特色融合的感覺，作為文青的我當然要打個卡🥰舖頭內部感覺則比較有中國傳統特色，不論擺設和裝修都有懷舊的感覺🙈不過趕住返工，都係買咗份外賣，作為手撕雞愛好者嘅我今次就試吓比較少見嘅手撕鴨🤤手撕鴨便當~鴨肉十分嫩滑，富油香，啖啖肉不是太肥，配合白飯與飯素一齊食味道更為豐富，沾上少少鴨肉醬，微微甜的感覺令味道更是昇華，涼拌小菜選擇了青瓜，帶來一點清新的田園氣息，食完飯有差足電的感覺🥰下次決定要試吓佢嘅手撕雞係咪同手撕鴨一樣不錯先😝…Read More

放工喺附近行吓，搵到間隱世米線小店，作為米線愛好者嘅我當然要試吓🙈裝修幾靚，招牌霓虹燈夠搶眼，食物選擇亦較多☺️招牌涼拌涼皮(配蝦膠腐皮卷+潮汕芫荽牛丸)~好少舖頭仲有買涼皮呢款家鄉傳統食物，見到有當然要試一下🥳滑嘟嘟嘅涼皮拌芝麻醬，青瓜，脆粒等等嘅配菜撈埋一齊食十分清新，煙韌嘅質感🆚爽脆的青瓜🆚脆脆的粒粒令整碗食物層次豐富，在炎炎夏日當中更是令人胃口大開🤤芫荽愛好者更是要試一下呢款手打嘅芫荽牛丸，肉質厚實彈牙，更帶有芫荽的香氣~蝦膠腐皮卷亦夠出色，蝦肉經過手打，比坊間的彈牙，用腐皮包裹住炸，沾上少少調味粉，香脆得來夠香口，忍唔住想食多幾條😬蒜泥白肉~怎可以不叫蒜泥白肉，新鮮的豬肉沾上辣椒油和新鮮磨成的蒜蓉，富油香，更為味蕾帶來一點刺激感😆塊塊豬肉都是厚切，配上極多蒜蓉，味道好吸引~凍豆漿~豆漿鮮制，豆味清甜，在炎炎夏日當中為呢一餐畫上圓滿的句號☺️…Read More

見最近觀塘開咗間新嘅Cafe，決定放工喺度食嘢坐一陣減吓壓🙈餐廳嘅裝修好有心思，牆上嘅壁畫好靚，望住有心曠神怡嘅感覺😝同時亦係打卡嘅好地方😀American style all day breakfast~材料好豐富，薯餅同坊間普通嘅炸薯餅唔同，唔需要逐份切開，因為整成一小塊三角形，容易入口，外皮香脆，內裏的薯蓉卻夠綿密🤤煙三文魚切成玫瑰花狀，煙肉包裹著大啡菇粒，香脆的煙肉🆚質感口實的大啡菇粒形成強烈對比~香草腸經過烘烤，味道Juicy，配合酸酸甜甜的藍莓田園沙律一解膩感~黑松露炒滑蛋亦有嫩滑，忍唔住想食多份🤤Rose latte~坐一陣嘆埋杯rose latte身心舒暢左😂淡淡的玫瑰花香融入於咖啡當中，不會搶過咖啡focus，微微的襯托令整杯咖啡更有特色😝…Read More

返工好辛苦，放工一定要慰勞下自己😝裕民坊最近開咗好多新嘅舖頭，見到呢間裝修幾好氣氛不錯嘅餐廳，決定試一下❤️整個餐廳嘅佈置就像花園一樣，感覺寫意~法式刺身帶子牛油果醬八爪魚海鮮塔~好味嘅前菜!!粒粒刺身帶子沾滿了黑松露醬，混入新鮮的蟹籽，味道十分鮮甜，配合中間一層牛油果醬，為整體增添清新的感覺，最第一層的八爪魚粒粒帶來不一樣的口感，整體層次十分豐富，味道亦比我想像中夾😻😻黑松露野菌釀法式雞胸配菠菜忌廉汁~雞肉經過慢煮的方式，肉質十分嫩滑，最外層的雞肉剛剛熟透，仍然保持肉汁，雞胸的外層被煙肉包裹着，應該經過少許的烘烤，煙肉香脆，與嫩滑的雞肉形成強烈對比，調味剛剛好，沾上少許菠菜忌廉汁，令味道層次較為豐富☺️底層的薯蓉亦夠綿密，☺️…Read More

好耐冇約朋友出嚟食飯，就揀咗近近地呢間餐廳食飯，滿足朋友想食辣嘅願望🙈蝦仁雞粒黃金炒飯~一想啲見到粒粒飯都係金黃色已經好吸引，份量很多，足夠兩個人食飽，午市套餐價來講算係超抵🙈有大量嘅蝦仁，每一粒都夠彈牙，亦有啖啖肉嘅雞粒，味道層次豐富，炒飯亦夠鑊氣☺️冒菜粉(香辣湯+蓮藕片+金針菇+鴨血+滑雞片)~香辣湯夠惹味，冒菜粉吸收晒香辣湯嘅精華，味道辛辣可口，質感亦夠煙韌，配合各種配料味道層次十分豐富，忍唔住想繼續食🥰蒜泥白肉~怎可以少了我最喜愛的蒜泥白肉，豬肉設成薄薄片狀，每一塊都沾上了磨成泥狀的蒜蓉，既有香辣的刺激感，亦有蒜蓉的香口🙈令人食指大動😝黑糖桂花冰粉~第一次嘗試冰粉，冰粉就像晶瑩剔透的啫喱，沾上了帶有淡淡清香的桂花黑糖，味道十分清甜，沒有普通甜品的膩感，係夏日消暑良品🥳芝士奶蓋茉香綠茶~怎可以少了一杯飲品，鹹鹹甜甜的芝士奶蓋配上淡淡清香的茉香綠茶，沒有掩蓋了綠茶的甘香，消暑良品😝芝士奶蓋炭燒烏龍茶~個人更喜愛帶有炭燒味道的烏龍茶，味道同芝士奶蓋的鹹甜出奇地夾，帶有少許煎茶的感覺，味道幾不錯👍…Read More

喺附近返工，先發現原來之前食過幾好食嘅炸豬扒店開咗新分店，放工就決定喺度食晚飯🤤新分店的裝修很寬敞，有日式設計的感覺，餐牌亦加入了新菜式，毫不猶豫地選擇左大阪燒豬扒飯一試🤤大阪燒豬扒飯~一上碟就看到滿滿的大阪燒材料，感覺有如食緊真的大阪燒一樣，只是換了炸豬扒作底，炸豬扒king size，比我塊面還要大😍剛剛炸起鬆化香脆，薄薄的炸醬包裹住啖啖肉的厚切豬扒，肉質軟稔，配白飯格外滿足😍白飯吸收了豬扒精華，味道格外香濃，軟熟質感忍唔住扒多左幾啖飯🤣順帶一提，如果女士們怕太大碗飯食唔晒，可以選擇小飯，會有減一蚊的優惠~…Read More

約咗朋友喺逸東酒店食飯，最鍾意入邊嘅一個小food court，不同種類嘅菜式應有盡有，尤其係越南菜，今次見到轉左餐牌，就決定食下新菜式🥰餐牌設計得好清楚，仲有圖做參考，有不少新出嘅菜式~越式扎肉撈金邊粉~平時撈檬粉食得多，撈金邊粉第一次食，質感比起平時檬粉更煙韌，撈埋特製醬汁，按個人需要控制分量，味道酸酸甜甜的，調味剛剛好，不會過鹹~扎肉份量很多，絕不會唔夠餸，仲跟咗一隻煎荷包蛋同埋不少沙律，感覺好refresh，係炎炎夏日嘅開胃良菜~加咗少少錢轉左set，包左兩件春卷，同一杯飲品，春卷剛剛炸起，外皮仍然保持香脆，內裏的素菜即仍然是熱辣辣的，軟軟的質感與香脆的外皮形成強烈對比，點埋醬汁食味道更豐富~火車牛魔粉~越南菜怎能少得牛肉河粉，牛肉湯底尚算清甜，有大量不同的牛肉製品，滿足了喜歡食不同牛肉部位的願望🤤牛腩軟腍，牛柏葉則夠爽脆，而牛丸汁夠厚實彈牙，一碗麵食到不同層次的口感，配合嫩滑的河粉，即使係女仔都會不知不覺食晒成碗🤤自家製手打蝦餅~驚喜之作，想不到賣相如此有光澤，而且剛剛炸起外皮依然十分香脆和熱辣辣，內裏的蝦肉則十分嫩滑，更食到粒粒彈牙的蝦肉，點埋醬汁酸酸甜甜更是開胃🤤牛油果奶昔~🥑和🥛同樣是最愛的食物，今次組合起來為我帶來意想不到的驚喜，牛油果融入於奶昔當中，味道不會過甜，有清新的感覺，質感亦十分creamy，從喉嚨滑過時帶來透心涼的感覺，是消暑良品☺️…Read More

之前喺旺角分店食過覺得質素不錯，而且裝修有心機，今次見開咗新分店，就同男朋友(⚽️球迷)來朝聖🙈~Set lunch E~是日餐湯為南瓜湯，南瓜蓉融入於湯之中，味道濃郁，帶有濃濃的南瓜香，啖啖南瓜蓉令口感豐富，質地比較稠身~配搭啱啱烘烤完的蒜蓉包，香脆的包面加入濃郁的蒜蓉醬，沾一沾南瓜湯，味道比想像中更夾😝意式香煎可持續深海石斑魚柳~賣相好靚，石斑魚柳經過香煎， 外皮帶有少少脆的感覺，魚肉則能保持嫩滑，不帶魚骨，可配白飯或意粉，配菜更配上烤蕃茄和甜番薯茸，感覺十分清新，甜番薯茸清甜與綿密的感覺更是令整體口感更為豐富🤤🤤鮮蕃茄薯仔蓉蟹肉湯~賣相十分吸引，見到滿滿的蟹肉和蕃茄蓉在湯中，蟹肉的鮮甜與蕃茄的酸甜融為一體，味道很夾亦很開胃，忍唔住想食多一碗🤤🤤蟹肉芒果木瓜牛油果沙律~首先第一層食到滿滿的蟹肉，混搭了沙律醬令蟹肉甜味更為突出，第二層則是芒果茸，第三層以後則是牛油果蓉和木瓜蓉，每一啖都食到豐富的層次，木瓜芒果牛油果對我來說是新穎的配搭，味道卻比想像中更夾，不但沒有被遮蓋其獨特的口感和氣味，反而互相補足，令鮮味更為突出😝😝白松露忌廉美國雞髀扒~雞髀扒king size，比我塊面嘅size還要大，淋上了滿滿的白松露忌廉汁，雞肉吸收了白松露的精華，令雞肉充滿香氣，而且肉質亦像慢煮般嫩滑，雖然經過香煎，但卻能鎖住肉汁，厚實的肉質與爽脆的菇菌形成對比，層次十分豐富，配菜同樣有雜菜和甜薯蓉，增添了一點田園清新感覺~法式焦糖燉蛋~怎能少了甜品，蛋殼形狀的小杯裝上金黃的焦糖燉蛋，剛剛製成的焦糖形成一層的脆面，與嫩滑的燉蛋一同在口腔內溶化，由於加入了少量的雲呢拿籽，香甜味充滿整個口腔🤤旁邊拿破崙脆脆的，連同吉士醬和雜果味道層次十分豐富😝最後嘆番杯熱檸水，為整道午餐畫上一個完美的句號☺️…Read More

行開尖沙咀呢邊，三點幾有啲肚餓，就決定喺附近食個下午茶~經過呢間台式小店，入面裝修以木為主，好有文青和休閒感覺，就決定喺度休息吓~店入面主要座位都是向牆的，不怕同人面對面坐對住人哋食，反而望住牆上的明信片，反而能夠靜靜地享受個人時光和眼前美食都是一大享受☺️餐牌選擇尚算多，有我最喜愛的台式蛋餅，配搭亦較大眾化，今次就揀咗芝士同粟米嘅配搭☺️芝士+粟米台式蛋餅~製作速度很快，等咗唔使好耐就已經有熱辣辣的蛋餅上碟，賣相好吸引，少量嘅醬汁淋在剛剛煎好的蛋餅上，傳來陣陣香氣😝而且份量絕不少，大大份作為下午茶一個女仔食絕對有多☺️而且蛋餅預先切好，方便筷子一拎就可以食，夾開就見到長長的芝士拉絲，十分邪惡😈寬容的芝士夾住大量粟米，既有芝士的鹹香，亦有粟米的清甜，外層包着一層厚厚的蛋餅，與蛋香味混合，亦有煙韌的感覺，層次十分豐富~百香果蘆薈綠茶~炎炎夏日中怎能少了一杯冰涼的凍飲🥤清甜的百香果加入粒粒蘆薈，口感十分豐富，配合綠茶的微微回甘，中和了整杯飲品的甜味，味道不會過甜，是消暑良品~…Read More

之前朋友推介過呢間餐廳，可以睇靚景，今日就決定來食lunch~搭lift一出門口就是餐廳，見到大大個招牌，可以先睇餐牌，侍應們亦很有禮貌~Set lunch選擇尚算多樣化，有海鮮類，亦有不少肉類可選，包沙律和餐湯，比較想食海鮮類的我今天就選擇了鱸魚🐟~餐廳內部裝修是酒吧風格，中間位置是調酒的區域~今次坐係側邊位置，可以望住城市靚景食飯~天氣好，望住陽光普照嘅景色胃口亦大開☺️是日餐湯為意大利菜湯，十分足料，有不少蔬菜，而且味道酸酸甜甜的，感覺十分開胃，配合剛剛烘烤過的麵包，沾上少少菜湯，味道十分夾~麵包外皮仍然能保持香脆，內裏則有鬆軟的質感，忍唔住想食多個😝至於沙律加入少量黑醋，味道亦是酸酸甜甜，黑醋分量剛剛好，不會搶了focus，感覺很refresh☺️香煎加州鱸魚配青紅椒忌廉汁~整體賣相不錯，外皮煎得香脆，內裏的魚肉質保持嫩滑，配上少量的忌廉汁，令味道昇華到另一層次，卻又不會蓋過了魚的鮮味~啖啖魚肉不帶骨，配合蘆筍和烤蕃茄等配菜別有一番風味，薯角亦是啱啱炸起，熱辣辣而且香脆，沾上少量番茄醬更是開胃🤤炎炎夏日中怎能少了一杯凍檸茶，糖漿按個人需要加入，冰涼而且酸酸甜甜的感覺為人帶來一點清爽的感覺😝…Read More