FatFai的個人專頁

星期二同女朋友來食dinner buffet。一早book好位，window seat。book位時個服務員講話window seat已經望唔到海景．．．只係對住會展個地盤．．．有少少失望,而個buffet 10pm就完．．略嫌早．．．不過都無所謂啦～七點半去到，唔多人。一開始兜左個圈．．．我同女朋友都有個同一想法：‘乜咁少野食既．．．’不過行真ｄ，其實都ｏｋ既，只係熱食方面少ｄ。我地先食壽司刺身，我自己覺得壽司ｄ飯就怪怪地，刺身就好美味！海鮮，有好多選擇！蟹腳，螺，蝦，青口，龍蝦仔，好齊全，特別仲有好大隻好似好好味的生蠔（我不吃的）。而格離有個好ｎｉｃｅ的師傅，幫我地灼熟另一些海鮮，選擇就有開邊龍蝦，蝦，象拔螃仔，仲有好大隻的瀨尿蝦！！！（瀨尿蝦每人每次排隊只限一隻，因為數量唔多，而其他就無限的) 成晚灼左４，５轉呢ｄ海鮮，食左勁多，好正，咩都抵返哂！之後先睇下ｄ熱"食送"同沙律，原來都有驚喜，有個印度麵好好味，有蝦片好脆，但沙律就無咩特別。最後，除左必食的haagen dazs雪糕之外，仲食左個熱的布甸蛋糕（配吉士汁），超正。其他試了tiramisu，楊枝甘露，都幾好～埋單$298+10%一位，計返佢飲品任飲，而且有咁多海鮮，價錢都ｏｋ的！節目未完！！！食飽飽，要散散步。灣仔金紫荊同海濱公園就係格離，同女朋友出來行下吹下海風睇下海景，正！夜媽媽完全無大陸人，只有ｄ情侶係度談心，拍拖氣氛都好好呀！行完之後出返來又近巴士總站同碼頭，夠方便～頗完美的一晚！…查看更多

夜晚九點放學，同女朋友係太子搵地方坐下傾下計，最後係地面見到個餐牌，就上去試下了。去到門口，聞到好大陣貓味，我驚左一驚，好彩入到去就無了。地方都幾細, 只有八張抬(有四張for4個人的抬& 四張2人抬)。建議多過5個人就唔好上來這裡了。我閒日差唔多十點呢個時候就唔係無咩人。我們睇左menu好耐，其實d野食都唔係好吸引。我揀左煉奶花生醬厚多士，女朋友食牛肉湯天使面．．．因為叫特式野飲比較貴，所以飲杯檸水算～　仲叫人俾左貓貓玩具我地。不過果度的５，６隻貓貓，只有一兩隻活躍，最活躍果隻俾格離抬玩緊，我又吸引唔到佢過來．．．我地就出去玩其他貓。有兩隻在睡，有兩隻好乖咁訓係一間開放的房仔的梳化上俾我影相～都幾開心～而式野食方面，真係沒什特別，女朋友的天使面．．我覺得和米粉沒分別．．．我的厚多士就ｏｋ，不過唔夠熱．．．食完傾下計，聽聽音樂，但貓貓睡了，無得玩了～總括來說，都算是有特色有主題的ｃａｆｅ～滿意～…查看更多

女朋友生日, 來這裡食lunch buffet!所有服務員的態度都好好! 我們拿住扎花, 服務員又會細心的問我們是否需要暫放它在office~ 未食前已經加分!開餐! 刺身有幾款, 想食幾多叫人切幾多幾厚都得! 海鮮就正了! 我唔食生蠔, 未能品評。但我食左勁多龍蝦,仙貝。最正係龍蝦! 好新鮮, 好爽口的!一隻叉吉落去, 一檸, 然後就啖啖肉! 正!(哈, 有些失儀了) (朋友說他上次去無龍蝦,但有長腳蟹)沙律方面都有4,5款選擇!湯, 有中有西, 女友試了中湯- 淮山杞子花膠湯, 說都唔差! 她在遠處找到好脆的飯焦, 加入去一起食更正!熱食, 好多都好好味, 有款帶子和炒意粉較出色! 仲有海南雞飯, d雞refill得好快...想食雞脾雞翼的一定會有..飯方面就真的很油很肥, 幸好有白飯選擇。甜品, 我食了朱古力mousse, tiramisu, 檸檬撻, 雪糕。除左檸檬撻真係酸到陣之外, 其他都十分滿意! 最後滿意地飲杯咖啡, 真係可以說是100分的午餐。下次一定會來食埋dinner buffet!…查看更多

我就住係附近, 係屋企無野食就會落去食lunch, 食tea...呢度俾我既感覺...就係好清淡...各樣粥粉面飯,都好清淡...最抵就係d下午茶, 都算幾多野揀。基度山三文治就較特別較好味的~ 而係呢度千其唔好食面...因為佢整出來的面仲未淋的, 而d湯唔夠熱...點浸都浸唔淋...呢樣比較disappoint...最後...夜晚呢度10點已經收哂檔的了..…查看更多

由細個開始阿媽帶住周圍去飲茶, 都去過唔少地方...然而去過咁多間...我心水只有兩間, 呢間聘珍樓就係第一選擇了!無論環境,食物, 服務, 樣樣都做得好好。環境方面, 抬與抬之間唔迫,唔洗驚後面撞到人地, 而我來過這裡好多次,我發覺呢度無論坐滿人的大廳或房,一d都唔嘈,d人好斯文的(有時有幾抬大陸客就例外吧...), 地方都好乾淨,大廳的燈光稍暗, 都幾有格調。食物方面,我只談午市吧, 點心選擇都不少的,而且好精緻, 記得叫人俾碟XO醬或蒜椒醬(不過好似要十幾廿蚊碟...), 有佢酟下真係正好多! 有樣蒜椒醬煎東菇,必食!!另外,普普通通的炒牛河, 沙薑雞腳, 都做得好出色!服務,經理級果d就好好,傳菜阿姐都好好,反而房入面後生d的服務員就嘛嘛,要少少野就黑黑地面, 同d經理講下後佢都好識做, 送返好多甜品..D甜品都唔平的!食過好多次,午餐大概一百蚊位。價錢與質素相比,一d都唔過份~食得好開心~不過一定要book抬,唔係既話就要係出面的梳化坐好耐了~ …查看更多

呢間韓國菜...都去過差不多20次...次次都係lunch..直至最近先去過佢的夜晚燒烤任食~先講lunch個燒烤餐, $35(包加一)真係幾抵的,一個餐兩碟仔前菜(有得選),一碗飯一碗湯, 兩款燒烤物,我推介牛肉&雞肉, 最後有甜品, 我推腐竹蛋糖水。唯一不滿意的,就係d飯,有少少怪,珍珠米唔似珍珠米, "巷巷"地, 好明顯係cheap米...而唔係燒烤的, 就叫過佢的石頭飯, 沒甚特別lunch時間無乜人的, 坐邊都得~幾happy~而夜晚方面, 就好多好多人...我地一行7人就坐近lift的大抬~先講食物質素, 我覺得係比其他漢咩苑好, 而呢度都好多選擇! 未燒野食前記得叫碟饅頭..超脆,好正! 乜都係任叫,大食的人就最開心了~最後又要幾得食西瓜解渴~服務方面, 那個平頭經理的態度真係熱情..佢見我地剩返d鱔片,就教我地點樣點樣燒先好食...又話食完呢樣最好有食邊樣...熱情到有d煩...換板速度就慢左d...叫d阿姐換...佢又話要攤凍先...之後轉頭又唔記得...又要叫過...不過都唔怪得既..佢地真係幾忙...環境方面,自從舊年年中裝修後真係進步左好多,好滿意,好乾淨,特別係個廁所~最後埋單差唔多成百四蚊位, 原來要收茶錢的...雖然各方面都幾滿意, 食到捧住肚皮走,但呢個價錢就略嫌貴了少許了~…查看更多