miranda88's Profile

自己對車仔麵好求都高的，呢間定期都會去幫襯，現在3餸已去到$45碗。因為佢的餸整體都算好味，我食開濃味嘢係接受佢的濃味腩汁。今日去到再特意留意四周情況，覺得我可能唔想再去幫襯，雖然一向佢地說話都係大大聲，對我又唔係特別差，亦冇特別好。但見佢對另一男顧客好像不太禮貌，個客因怕被員工行出行入而為坐入咗一個位。對其他客都係好似不太客氣，可能認為生意唔憂做。油麵比最初食的幼咗，口感冇咁好。其實味精都唔少，通常飲汽水解渴。…Read More

於平安夜前夕選了米炊開心星期五，訂了8點時段，這是第二次惠顧，覺得日本飯煮得好好食，再加上美味的日式咖喱，真係好夾！兩人叫了一個燒烤上牛腰柳肉、1吋牛脷、旋風炒蛋、野菜飯。另一個係M4草飼和牛肉眼250g.再要咗杯啤酒。有一個意見，就係和牛肉眼扒未能控制到所落的5成熟，較要求的生，但因為是熟成肉眼，所以，都可以接受較生的質地。好滿足的晚飯。服務算是幾好！…Read More

同屋企人平日晚上去食，因為冇套餐，所以散叫。兩條黃花魚、小籠包、春卷、上海炒年糕、咕嚕肉、鍋貼、干扁四季豆。味道都算幾好，但份量好細碟。咁就冇咗$900幾。經濟唔好，都係揀另外啲餐廳抵啲。而且，侍應執格好嘈，大大力放落架車度。真係影響環境，好似茶餐廳都靜過佢。有些冇影到相。…Read More

星期六中午行過望入去都幾多人，就去試下。我睇咗門口的餐牌（廚師推介N4$58),入去睇咗好耐餐牌到最後都係叫N4.原來午餐$78可有一碗粉+小食+飲品。我就叫N4(走炸豬皮）+春卷小食 + 一罐普通可樂。點知嚟到碗麵仲有豬皮，便通知個職員，佢幫我拎比廚房拎番起炸豬皮。送嚟碗麵就係咁小餸（我仲問個員工如果唔跟餐是否一樣咁多餸？佢答係。已經有點失望，但我都係試埋先，啲餸唔好食，肉就係唔滑又冇咩味咁囉。全碗粉都係靠個湯（因為夠濃）。春卷就普通啦，唔難食。…Read More

迎月飯局唔想同人迫就搵咗呢間印度餐廳，但原來都滿坐。見佢全部都係😊的食評，食完我都係滿意的。4人叫咗兩杯啤酒、兩杯飲品、咖喱羊、咖喱牛舌、木瓜沙律、三款餅同兩款特式食品。埋單每人$150，都算抵食。木瓜沙律比一般餐廳的辣，好在我哋算食得辣，如果唔辣得真係唔好叫。…Read More

今日去咗土瓜灣，就係地鐵站出口對面見到呢間日式餐廳，決定同朋友去試下。午餐選擇款式超過10款，而價錢有$70-$120左右。有壽司、拉麵、魚生飯等多種種類。咁話哂第一次幫襯，就揀咗壽司配烏冬。朋友揀咗5款壽司+熱烏冬。我就揀咗8款壽司+冷烏冬。壽司都選好味，可能始終係小店，預咗唔會好多刺生的款式。壽司飯有水準，個烏冬煙韌度適中。午餐配沙律及麵豉湯。我哋兩個今日唔係好肚餓，夠飽！埋單$200。個wasabi 係有粒粒的，算有誠意！懷疑老板係日本人，等我下次去問下佢先。…Read More

見佢都開咗一段時間，今日經過就試試佢。叫咗3餸（大腸、鴨血、杏鮑菇、油麵試下），再加杯熱黑糖奶茶。終於送上食物同飲品，個樣睇落好味！食第一口係鴨血，完全冇味。咁就再試下大腸，話哂係滷水食品店，而且顏色唔錯，但食落唔係想像中的味道，淡到呢，唔似食滷味咁！再試埋杏鮑菇，都係淡淡的，但反而索到汁係外面，所以，有少少味。心諗，好在叫3餸啫，如果唔係，肯定唔開心。咁嘅價錢，應該可以食到好味的車仔麵、米線或者河粉。食咗兩啖都頂唔住咁淡的味道，基本上係冇咩鹹味。最後拎咗碟辣椒油加味。杯熱珍珠奶茶冇匙羹，只比膠飲管我（其實我唔想用膠飲管）。問員工，佢話冇熱飲匙羹，佢話要匙羹可用食麵的匙羹，我真係O咀。飲品味道算正常啦！不過，本人真係試完就算！但我見隔離的女仔叫咗好大碗麵（冬粉底），因為見到好多款餸，見佢食到sir sir聲。食物味道真係好個人，唔啱我呢個鍾意食嘢的人。…Read More

第一次去試石田屋，揀咗平日去食午餐，環境都算舒服。柯打咗兩款和牛（好似係脊及牛肋肉），兩款都有增量。第一款食落有啲筋咁，第二款好好味！個餐係任食沙律同白飯。燒肉真係好送飯，食哂一碗飯。店員問是否需要多次沙律？雖然任食，但真係飽到食唔落啦！…Read More

上次晚市行過都見多人，諗住搵晚試下。昨晚試咗，唔係食評講到咁好味。因為冇訂座，所以比正價二人餐。有沙律，但份量真係嚇到我。我已問佢正價是否都係一樣份量，佢答我係。叉燒就唔係出色，食落都幾韌。麵份量較少，我真係食埋餃子（好少見到煎到不同色的餃子底）同甜品（可以不試）都未有一半的飽肚感覺。個麵豉湯底又唔夠味（忘記影佢相），未試過淡到咁。只影咗牛奶湯底的麵。唔知係未做折扣所以份量咁細？但我冇用折扣㗎！伏咗！冇下次！…Read More

一班人疫情唔出街食生日飯，買啲燒味煮兩味就攪掂。一生人未試過一次過買咁多燒味，燒鵝一隻，其他每樣一啲。叉燒、切雞、油雞、燒肉、乳鴿、燻蹄、炸雲吞同炸鯪魚球都買埋。可惜冇比到蜆介。但整體食物質素都好滿意！…Read More

3個人第一次去呢間餐廳食晏，見到套餐有幾類價錢及食物種類揀。於是揀了分別3款價錢的套餐，發覺3款都好味。決定會去再幫襯，食埋其他食品。原來套餐包埋飲品。最後仲有甜品，大大球包裝雪糕，好味又滿足！1. 韓式炒粉絲（睇顏色唔係好深色，但都夠味）2. 韓式炒年糕 （辣得好好味，年糕好有口感，唔會太軟）3. 牛肉壽喜燒 （可揀珍珠米或烏冬）我地仲試埋炸雞翼，好脆又好味，勝在唔會好油。…Read More

第一次惠顧，餐廳環境舒服又清潔。係荔枝角算係一個好選擇！點了3款食物，我哋3地都很滿意！😋仲話嚟緊要再去試多幾款食物。套餐有4大類型，有平有貴！平至$50幾蚊，包埋前菜、飲品同甜品（雪糕），抵食啦！最重要係好滿意味道！名稱大約係（因為冇影menu)1. 韓式牛肉炒粉絲2.韓式炒年糕（好辣，啱晒鍾意食辣的我哋。年糕口感👍🏻）3. 壽喜燒牛肉煱（可選珍珠飯/烏冬）我們仲試埋個雞翼，好脆又唔油！…Read More

星期日中午諗住去試下，睇個價錢都唔會特別期望。鰻魚一睇就知係細條品種，但食到有些骨、飯太濕。我食鰻魚3食，問員工即係邊3款。佢話可加鹽、湯及就咁食。最後原來唔係加鹽，係加wasabi。整體算普通。…Read More