ctfoodtravel's Profile

睇到有foodie介紹駿景軒嘅中菜好好食，今日一於嚟試下😆環境同服務都好好，坐得好舒服👍🏻呢度嘅焗胡椒蝦好出名，未食已經聞到好香胡椒味，蝦肉新鮮彈牙，果然名不虛傳🦐跟住嗌咗坊間比較少見嘅咖喱豬肶仔，師傅特別將麵包切成一粒粒，賣相精緻之餘又方便進食。咖喱味道香濃，豬肶仔炸得香脆，而且分量十足😋黑松露手撕雞亦相當有驚喜，外表睇以為係脆皮雞，原來入邊全部已經係拌好黑松露嘅雞肉，好有心思🥰最後仲有安格斯牛肉石鍋炒飯，好食又飽肚🐄…Read More

同朋友行完D2 Place想搵地方食飯，咁啱見到呢間日式燒肉餐廳環境好似幾好😛一於入嚟試吓👍🏻店內環境寬敞，通風都唔錯，唔會食到成身油笠笠😆餐廳仲做緊啤酒買一送一優惠😍Yebisu都只係$68，抵！我哋先叫咗和牛極致六點拼盤同上等牛舌，拼盤分別有內腿肉、友三角、鞍下、和牛芯等🐮個人最鐘意和牛鞍下，雪花非常均勻，入口即溶，肉味濃郁👍🏻最後仲叫咗和牛咖喱飯，咖喱味香濃不辣，和牛嫩滑，屬飽肚之選😋…Read More

尖東呢一帶有好多酒吧餐廳，好似紅葉茶屋咁嘅日式Cafe就比較少，今日一於嚟試吓😋主菜我哋叫咗牛肉壽喜燒定食同埋火炙刺身三文魚及鰻魚茶漬飯。每款主菜都會跟兩款前菜，壽喜燒牛肉份量多，醬汁香甜。茶漬飯可以選鰹魚昆布湯或蝦濃湯，我哋揀咗鰹魚昆布湯。店員會附上茶漬飯嘅食法，相當細心👍🏻呢度嘅抹茶甜品樣樣都好吸引，我哋叫咗抹茶tiramisu同抹茶白玉。兩者賣相都好精緻，個人比較鍾意抹茶白玉，香甜軟糯，非常煙韌😋…Read More

西環呢頭有好多環境chill chill，坐得舒服嘅酒吧餐廳🍻聽講Cafe 2 Oyster n Grill做緊生蠔買一送一優惠，今日放工就嚟同朋友試下😛先點了六款生蠔，分別是Spain Pearl, Japan Sunofureko和France St. Martin🦪個人最鐘意Sunofureko，肉質比較清爽但仍濃味👍🏻Main course order 了燒西班牙豬肋骨配黑醋燒烤醬及麻辣牛肉芫茜pizza🍕豬肋骨分量大，足夠二至四人share👨‍👩‍👧‍👦Pizza搭配了中式的材料，但係估唔到又幾好食😛最後甜品叫了心太軟，配埋雪糕食perfect🤤…Read More

Happy Friday最好就係去食返餐好😋銅鑼灣新開嘅Giacomo Ristorante裝修好elegant，今日就試下佢個3 courses lunch menu🍽Appetizer分別order了帶子及burrata cheese，前者配上煎香的黑毛豬火腿，咸香惹味😋而後者則較為清新🌿Main course則點了海膽扁意粉和羊肚菌寬條麵🍝兩款意粉口感都是al dente，而且相當足料，啖啖鮮味🤤甜品榛子朱古力撻入口香濃，配上榛子脆脆和gelato令口感更豐富🍫…Read More

Home office 咗一段時間，總算有機會可以出外食飯。難得約會，當然要搵間咁上下好食嘅先得喇😋牛魔餐廳位置鄰近K11，餐廳樓底頗高，枱之間嘅間距足夠，坐落都幾舒服。就坐後先有三碟小食，分別係泡菜、醃青瓜同埋中華沙律。熟食點了海鮮薄餅，以麵粉同蛋漿煎成嘅餅底再混入切片魷魚同少量蔥，岩岩上枱時非常好食，最緊要係配埋個汁👍🏻另外兩款燒物，分別係燒虎蝦同埋m7肉眼扒。廚師上碟前先將虎蝦開邊再挑蝦腸，處理得非常乾淨。燒嘅時候建議將蝦殼嘅一邊貼爐底燒，等蝦肉由透明轉成奶白色時再反轉輕輕燒一下，能有效避免蝦肉黏在網紋。另一款重頭戲m7肉眼扒，燒時候要小心爐溫同時間，此外要小心扒嘅油脂流得太多引起爐火。我就鍾意燒得岩岩熟透而且有少量焦邊，配埋燒肉汁加少少芥末就一流。…Read More

日式定食五花百門，但真係好食到留下深刻印象嘅唔多。呢間一杯屋主打燒物，亦有刺身等其他日式料理選擇。就坐後先來兩杯提子乳酸梳打特飲，粉紫色的飲品頂部有層厚厚的泡沫，味道甜甜帶微酸，飲品內的提子皮更帶多一點口感。定食的前菜是茶碗蒸和沙律，茶碗蒸的蒸蛋非常嫩滑，而廚師在蛋內加了不少日式元素令整個蒸蛋一點都不單調。主菜定食除了味噌湯外還有芝麻醬豆腐和淮山茸配蛋黃，以淮山茸配蛋黃作配菜比較少見，口感似納豆，店員貼心提示加入醬油和芥末混入飯內一起進食味道最好。主角牛舌的確無懈可擊，過往坊間的牛舌口感大多似牛餐肉，導致食慾大減。而廚師以炭爐燒至剛好，中間留有一點紅，口感煙韌，而焦邊更帶著陣陣的炭香味，回香十足。除了定食外亦可單點牛舌串燒，味道同樣精彩，令人一試難忘。…Read More

去到fine dining餐廳，除了想要一流服務和食物質素外，餐單的規劃同樣重要。而這家餐廳就正正符合上述條件。它位置鄰近Apple store，不太難找，內部裝飾很有情調，非常適合情侶作為特別日子慶祝的地點。餐牌有兩款，只有在星號的餐牌內才有價錢，另外則只有食物內容。這次我們點了兩份9 courses set dinner。先來兩款烘熱的麵包，所提供的牛油是由乾蕃茄與蒜蓉混合而成，非常可口。另一碟amuse bouche棉花糖伴墨魚汁脆片亦一併送上。冷盤則有風乾肉併盤，配上少量酸瓜和乾果作平衡。接著是金槍魚伴白露筍，兩大塊金槍魚由清酒醬汁醃漬，味道很有日式風格。另一款則是帶子配香檳啫喱，香檳啫喱內再加入白提子片，大大加強其香甜味道。放在上層的帶子包外表像蝦餃，餡內混合著蟹肉、蟹子和藜麥。而外皮的帶子相當考功夫，廚師雖把整顆帶子掏空，釀滿餡料後仍毫無破裂，可見其功夫所在。而煎鵝肝配薑泡沫亦相當有新意，廚師用上子薑而非老薑減去辣勁。鵝肝煮至恰當好處，仍然保留口感，值得一讚。熱湯隨著前菜後送上，店員先把暖暖的碗放在檯上，再澆上熱湯，整碗喝過後，我倆雖然半飽，但仍對主菜十分期待。先上一碟A4和牛意大利飯，香煎過的和牛份外好吃，每口都回味無窮！意大利飯內有醬油味道，像是西日混合菜的風格。美味和牛過後，店員為我們送上雪葩清清味蕾，再送上下一道菜。大部份餐廳都很少會把甜品夾在主菜之間，而設計餐單的廚師就貼心地安排此道甜品在兩道主菜之間，免得味道過膩，很有心思。而另一道主菜就是燒西冷羊扒配芥末蓉。放在羊扒上的芥末蓉外觀似是保雲酥羊架，但就比其美味得多。切下一片則見完美的medium cook，廚師功夫非常了得。最後送上咖啡/茶和甜品，建議點黑咖啡配他們的雲呢拿雪糕，為整頓晚餐劃上完美的句號。…Read More

心癮起想食粉麵，但又唔知食邊間好，咁岩見到商場內大大個海報寫住蝦麵店就決定去食佢地除左散叫外仲有一/二人餐，原先打算單點兩碗麵，但套餐乜都有真係好吸引落單仲可以用手機scan QR code自己落，好先進我地兩人分別叫左蝦肉肉片同海鮮麵，兩款都揀佢地推薦嘅辣味蝦湯底。湯底用蝦頭和殼及各種香料熬數小時才完成，一啖麵再配一啖湯底真係回味無窮套餐所提供嘅麵比單點細，但其實份量剛好，配料亦非常豐富，每碗麵都有足夠份量嘅芽菜同通菜，淨係麵食都已經好滿足。而小食最深刻嘅係白胡椒肉骨茶，配有兩條豬肉骨同芽菜，另外再有切件油炸鬼去蘸湯底，係套餐必點推介。一個二人套餐有齊小食、湯、菜、兩碗麵、甜品仲連埋兩杯野飲真係無得彈我地兩個食完都好飽，最緊要食物質素真係對得起個價錢，值得再食…Read More

朋友是個拉麵迷，不論任何情況，有拉麵他都必會選擇。在網上見很多評價對這間由日本人主理的拉麵好評，便帶友人帶慶祝他的第一份工作。店舖面積不算大，但就有濃厚的日式風格，在樓面當值的女店員十分有禮，招待滿分這裡點餐的方式有點特別，拉麵類的要用檯上的點餐紙圈想起要的種類，而小食或飲品則可直接向店員下單。光是餐牌，朋友已經能判斷出是四國的拉麵風格，我倆不約而同都點了No.1拉麵。根據朋友所言，要試師傅的功夫一定要點他們的招牌菜。點餐後，店員建議可以先食檯上的辣芽菜作前菜，但要注意不能直接用公用叉來吃。另外我們又點了一份炸雞軟骨，這個小食十分精緻，用小碗盛載著滿滿的雞軟骨，放上一小角的檸檬。炸物香口惹味，是一道伴酒的最佳小食。拉麵湯底濃郁，在碗邊上的氣泡可得知是近期流行的「泡沬系」做法。不但可以增添湯的濃郁感讓麵跟湯汁更加融合在一起，實際口感都不會像一般豚骨拉麵那吃到後來會膩的致命傷。拉麵可供食客自選軟硬度，朋友喜歡較硬的口感。廚師在上檯前把日式叉燒先輕輕燒過，令每塊叉燒都帶著陣陣炙燒壽司似的味道。我個人比較喜歡在旁邊的醃菜，不鹹亦不酸，伴在湯底味道融合得恰好處。我們都覺得湯底非常美味，朋友更加追加替玉（額外麵底）來嚐盡整碗湯底的精華，更是對拉麵師傅的尊重。整個拉麵吃過後，完全沒帶口乾的感覺，可見得他們是貨真價實的拉麵店。…Read More

星期六晚最啱同friends去食返餐好放鬆下😚呢間喺西環嘅餐廳主打手工啤酒🍺嘢食方面都相當有質素架👍🏻見到林林總總嘅啤酒又點少得叫返杯，但種類太多又唔知揀邊隻好🤔店員就推介我哋試一set六款嘅beer platter🍻上枱時店員仲會續一介紹添👍🏻左邊數過嚟3款口感比較light，aftertaste唔太強😚而另外3款之中，黑啤帶有濃濃嘅berries味道，最右手邊嗰隻就比較fruity，帶柚子味，果味清新🥰Appetizers先叫咗Nicoise Salad同mussels🥗最欣賞salad用嘅鯷魚好新鮮，好開胃👍🏻而青口隻隻都相當飽滿🤤chorizo嘅咸香同白酒嘅酸味balance得好好，食完青口記住要用餐廳自家制嘅sourdough點埋個汁🍞Main course就叫咗Ribeye同Salmon🥩前者點咗medium rare，生熟度啱啱好👍🏻而三文魚簡單少少檸檬調味已經好夠🍋魚片相當香脆，肉質亦嫩滑😋甜品就分別order咗brownie同埋pavlova🍫廚師將brownie放上灼熱嘅鐵盤上，上枱時店員會將暖暖嘅朱古力醬淋上😋朱古力醬經過頂層榛子味雪糕時會立刻凝固成為薄脆，包住成球雪糕🍨令口感更加豐富👍🏻另一款甜品pavlova蛋白餅帶有陣陣椰香，又唔會過甜。配上菠蘿薄脆同埋芒果汁，成個配搭似甜品版嘅Pina Colada🍹好有熱帶風情🏝…Read More

荃灣真係有好多好嘢食😋今次就嚟到一間以泰菜為主嘅酒吧餐廳🍺呢到嘅cocktail好有特色，好似集齊甜酸苦澀四味嘅「孟婆湯」🍵又有巨峰提子味嘅Dancing Grape🍹前菜分別叫咗青木瓜手撕雞沙律同泰式豬燻蹄🥗前者加咗芝麻醬，好開胃😋後者就配上酸辣汁，燻蹄亦好爽口👍🏻主菜就叫咗鮮果青咖哩海鮮同紙包香茅焗鱸魚🐟咖哩最特別嘅係加咗無花果，估唔到甜甜哋又幾夾😆而焗鱸魚就好重香料味，魚肉都好滑👍🏻…Read More

Dazzling Cafe 是眾港女必到的打卡地方, 餐廳位於The One內L3樓層, 與地鐵站大約3分鍾路程便到達。平日有到尖沙咀逛街的話, 都會有經過這間餐廳。幸好今天排隊人數不算多, 總算順利入座。餐廳內非常熱鬧, 店內色調以粉色為主調, 店員打扮得像女僕般，更明確地是顯得餐廳主題。他們除了精美悅目的甜品外, 還有主食餐牌供客人選擇。每位客人都需要點最少一杯飲品，於是便向店員詢問她們的推介。我們分別點了仲夏熱帶水果茶冰和Dazzling Special Tea。水果茶用上爽脆的富士蘋果和橙片，茶香又帶有香濃的百香果味，可選冷或熱飲。而另一款據店員所說是以綠茶為基底，再和不同的果香混合而成，最特別是那片乾橙片。主食點了我喜愛的明太子義大利麵，特調的明太子醬汁帶著香濃的鹹香味加上大量紫菜絲，如果再加上煎帶子會更錦上添花。友人則點了黑松露義大利麵，餐廳在黑松露的份量絕不吝嗇，整碟都佈滿松露的點綴。值得一提的是麵條有咬口，個人很喜歡。最後到草莓繽紛冰淇淋鬆餅作結，份量足夠兩人分食，旁邊附上四款醬作不同食法。雪糕中間的果肉給我大大的滿足感。而且我們更加追加了麻糬在鬆餅內，切開後更清楚看到誘人的QQ麻糬。…Read More

米線店在荃灣向來都素有名氣，這次特意來到雲家小鍋米線。店舖雖小，但店員招呼客人卻十分熱情。我們先點了兩款小食，分別是涼拌墨魚頭和麻辣豬耳。兩款小食份量充足，不但附上酸辣汁，而且更淋上自家製的蒜油，令小食更加可口。涼拌墨魚頭口感爽口又不會過靭，入口後又有淡淡鮮味，可見是用新鮮海鮮而不是冰鮮的雪藏貨，以此價錢來說絕對值得一試。而豬耳則相當有咬口，容易與朋友們分享。米線有兩種湯底，分別是酸辣及麻辣，後者更被稱為「麻辣王」。我們分別選了腩肉、豬頸肉和炸醬與腩肉和螺旋草的配搭，辣度則選了小酸辣與小麻辣，對於辣勁接受程度比較高的朋友建議選擇中辣或以上。湯底鮮味濃郁，簡單地點選淡味的配料更能品嚐廚師做湯底的心思。腩肉片預先醃過，入口充滿著鮮甜肉汁，非常好吃。螺旋草味道與口感都像海帶，而相比海帶更有濃香的海水味，也是另一款推薦的配料。相比大部份知名的米線店而言，雲家小鍋米線對製作食物的熱誠與執著，從各款小食配菜都是自家製作的便可得知。 擁有這份堅持的餐廳，在香港可說是買少見少，有機會再到荃灣時，必定要再次光顧。…Read More

Catee以貓做主題🐱環境好之餘嘢食都好有心思❤️好似跟set嘅餐包、湯同沙律咁，就一啲都唔馬虎👍🏻餐包分別有兩款，點少少黑醋同olive oil已經好好味🍞沙律配上藜麥同芝麻醬，開胃之餘又健康🥗Main course我哋分別叫咗Salmon Wellington同Seafood Paella🥘前者溫度掌握得好好，唔會overcooked，配埋刁草忌廉汁，相當滋味👍🏻而後者以煎pan形式上碟，賣相吸引🤤海鮮有蝦、蜆同青口等🦐好足料👍🏻甜品綠茶蛋糕細細件，份量啱啱好👍🏻而跟餐飲品仲可以轉mocktail🍹兩個人埋單都係around六百，都幾抵食😋…Read More