CaCa723's Profile

今天12:50到大埔超級城分店食午餐，落單時是一位戴眼鏡嘅女士，佢講野態度好唔禮貌，本身佢講野又細聲，多以我多次聽唔到而吓？咗一下，佢就黑晒面拖長聲線答野，我用廣東話問佢個Benedict 係用咩包，佢用英文答我，咁我無預你答英文，佢又細聲，咁我咪吓咗一下，佢即刻黑面，整過個程我覺得佢以為我唔識英文，有啲睇唔起我咁，其實我識但只係太細聲聽唔到，呢啲人真係唔適合做前線。如果唔係我個女趕住返工，周圍鋪頭排晒隊，我真係會走講返食物方面，無論賣相味道都好好，值得一試👍🏻👍🏻而其他員工態度有禮，所以希望管理層如果睇到呢編食評，要好好培訓下有關同事，唔好浪費廚師心血…Read More

今日朋友話朋友食神推介好味蛇羹，山長水還去到西環，原來只限蛇羹好味，糯米飯暖唔熱，有半碗飯焦，應該似中午賣淨焗住，咁同伙計講碗飯有好多飯焦，佢答一句：哦！有飯焦！跟住就無理我地同其他客吹水，我地仲叫咗碟例牌雞，唔記得咗影相，但賣相似求其攞兩個位斬，同埋個雞好鞋，但服務招呼同其他食物真係無下次！蛇王海，真心佢個蛇羹真係做得唔錯，所以建議佢繼續專心做蛇羹就算，無謂趕走晒d客影響埋蛇羹銷路啦！建議換埋個肥妹樓面！…Read More

今晚去食飯，叫了一個咖哩吉列豬扒蛋包飯，加了$48湯、沙律、飯套餐， 因為無預計會有事情發生，所以無影上檯相，黎到嘅時候，咖哩汁圍碟邊一圈，咁食到一半發現唔夠汁，咁就叫侍應想要多少少汁，咁佢答我無問題，轉頭就有另一位男侍應埋黎遠望我碟飯，然後同對講機講兩句就埋黎，同我講小姐唔好意思加咖喱汁要加錢，我話吓！好明顯係你個汁唔夠，點解要加錢，我又唔係要黎飲，我只想要多少少都唔得？你見到碟飯都睇到唔夠汁，咁都得？ 咁佢行開咗，轉頭又黎第三個侍應同我講唔好意思加汁要加7元，我真係有d火，你就咁咖哩蛋包飯又係咁多汁，咖喱吉列豬扒蛋包飯又係咁多汁，個豬扒要點汁架嘛，唔通乾爭爭食，點會唔預多少少汁用黎點肉，咁你又比多個套餐人加，我仲有碟白飯都未有汁，用咗我個女個白汁烏冬果汁撈，我都算喇，唔加就算，一次無回頭，做生意咁死板，咩set定份量，最好笑係我食完走，行過隔離檯，碟碟咖哩個汁都唔同份量囉，隨手落，只係比多少少汁點埋果幾舊豬扒都唔得，佢咁樣擺明趕客。其實呢間餐廳食物味道唔差，只係因為少少咖喱汁而令客人失望，我真係唔相信係日本餐廳管理方法囉。…Read More

決定去wing's kitchen食飯, 最主要見到openrice介紹為浪漫情調、慶祝紀念日, 點知...........間野嘈到傾唔到計! 因為樓底矮, 坐位迫, 每人講一句都嘈到死, 仲要好多大檯, 10個8個一檯, 檯頭叫到檯尾傾計, 隔離檯多得佢地唔少:(:(:(server真係差! 差! 差! 2個侍應十下十下, 我落咗單15分鐘之後, 佢行過黎同我講佢落漏單, 可唔可以再講返我想要咩?跟住每樣野都要追2次先有食物質素, 個南爪忌廉湯, 浠到無味, 個pizza都叫做成晚最好味, 意份一人一汁已經無晒, 份量勁少, 甜品果個朱古力奶凍, 無奶味無甜味連朱古力醬都無朱古力味, 真係唔知佢想點??? 洗手間先攪野, 要去其士大廈入面上1樓先有, 但夜麻麻上一個收晒工嘅商廈, 你都唔好話唔驚, 同埋唔熟地頭上到去都要搵, 所以未急就要去定先!最後快手食完轉場搵地方傾計。…Read More