kg.lung's Profile

 朋友推介一齊去呢間餐食晚飯，佢話之前去過打邊爐，D食材好新鮮，湯底又好味，所以想去試下食小菜。有得食我就梗係話無問題啦，自己上網睇時發現餐廳真係主打係做火鍋，連個名都係用個「鍋」字，唔知小菜得唔得架呢？！？薑蔥霸王雞隻雞蒸得啱啱好，食雞胸肉唔會鞋，入面仲有肉汁，調味做得幾好，唔會過鹹，廚師手勢唔錯。芥末豬柳粒蒜片／芥末牛柳粒就食得多，改用豬肉整又會點呢？有驚喜，雖然唔會好似牛肉咁煮到7成以保留肉汁，但係豬肉熟透都幾juicy，同埋芥末同豬肉原來味道都係好夾，呢個好食。…Read More

都有一段時間無去過蘭桂坊，今日朋友約咗我食dinner，話去蘭桂坊食，睇完餐廳位置，都預咗要運動一下架啦。其實又唔係真係要行好耐，只不過係要上一段山路，喺藝穗會附近。睇過menu之後點咗幾款，而較為特色嘅食物有Pappardelle，Baked Bone Marrow。Pappardelle應該係餐廳自家製嘅意大利麵，闊條麵煙靭好有口感，醬汁唔會太稀，可以緊緊咁掛喺D麵度，又濃又香，好好味。Baked Bone Marrow焗得啱啱好，唔會好乾，油油嘅質感，加上甜酸味道，配上薄脆麵包一齊食，好開胃。講返餐廳環境裝飾得好時尚，燈光較為暗，用餐會格外有情調。成個environment係好有feel，真係可以坐成晚。…Read More

前排上網睇先知Jan Jan原來係香港有兩間分店之前去日本旅行食過一次之後成日都心掛掛~終於有機會係香港食到啦!依家仲可以透過openrice進行網上訂枱，打電話都慳返~消費仲可以賺Asia miles，真係又食又拎!!餐廳除左主打既揚串之外，仲有刺身、串燒同各款唔同既主食每張枱前面都會有一兜椰菜，因為食揚串點既醬汁係唔可以點第二次，如果真要加D醬汁，就可以用椰菜去裝D醬汁去點啦~記得做個有禮貌既食客呀我地叫左雞翼、和牛串燒、炸生蠔、炸茄子、炸芝士、玉子燒等等當然唔少得仲有叫返兩杯啤酒爽一爽啦!! 食揚串配啤酒簡直係絕配!!揚串既水準同我係日本食既無分別，唔會有一種食到成口油既感覺，非常香脆之餘仲保留到食物既原味同新鮮度玉子燒都係驚喜之作，份量唔細，啖啖都充滿蛋香同微甜味道，連擁有「玉子怪」之稱既朋友都食得勁滿足和牛串燒有引人既串燒香味之外，肉質仲保持到好鬆軟同肉汁，簡直係高質呀!!…Read More

係呢附近探完朋友順便係度搵埋野食先返屋企早兩年係同一個位置食過飯，估唔到今日已經易左手轉做119 Italio Restaurant & Bar唔緊要，睇個裝潢好似都唔錯，今日想食西餐，於是入去坐低由於胃口唔算太好，所以只係叫左一碟意粉同一杯熱朱古力原來餐廳夜晚會有LIVE BRAND，應該幾好氣氛意粉軟硬適中，掛汁程度頗高有濃郁芝士味道，唔錯食到我最愛既芝士味，胃口似乎有少少喚醒左見到隔離既食客叫左個窩夫雪糕三文治望落色彩繽紛，仲幾香添即時連我個甜品胃都叫醒埋不過我怕食太多夜晚個餐會食唔落，所以只係簡單叫左個法式無糖燉蛋焦糖面幾脆身，唔會過厚或者燒得唔夠溶燉蛋部份做得幾好，好滑溜，仲有明顯既雲喱拿香氣，呢個燉蛋合格有餘…Read More

今日去左北角區做義工，活動完左之後就同班義工一齊去食晚飯，就揀左去金樂軒食啦除左日常小炒之外，佢地仲有羊腩煲、酸菜魚、雞煲同魚鍋食不過因為當中有部份人唔食辣唔食羊又唔鐘意食魚，所以都係叫返小炒食當晚叫左好幾款小菜，例如小炒皇、炒牛肉、椰菜花煲、炸蠔同蟹煲等等小菜都幾夠鑊氣，仲好惹味，份量都唔細，大家都食得幾滿意特別係個蟹煲，隻肉蟹大大隻，蟹鉗勁厚肉! 因為大家都好懶處理蟹鉗個硬殼，所以兩隻大蟹鉗都歸我所有~哈哈蟹肉一梳梳咁，好鮮甜，應該唔係雪藏蟹大家傾到興起都叫左幾枝啤酒飲下，暫且放下大家既政見、立場、壓力，暢快談談昨天明日，開心就係咁簡單…Read More

今日試新餐廳，好耐都無行過尖沙咀啦，今日難得約到朋友又可以去到，咁就開心啦。我地要食就食特別嘢，所以我地今次揀咗呢間係日本都幾出名嘅串揚專門店。要揀就揀啲特別嘅串揚，我自己心水有三串：黑松露芝士：面頭有parma ham同黑松露，再結合芝士。三者mix and match無論係味道同香氣都比人一種好滿足嘅享受。炸皮整得好薄。海膽湯葉卷: 海膽配炸物真係好正。北海道帶子串：帶子大大隻又鮮甜。感受到真材實料同師傅整串揚嘅功力，食落香脆之餘又唔會影響食材本身嘅鮮味。…Read More

近排公事好忙，時常喺公司OT到好夜，夜麻麻又肚餓，同事話不如食埋飯先返屋企。但係夜晚10點幾，好多餐廳都已經閂咗門，都唔知食乜好，落街周圍望，睇下有冇嘢食。行行下見到有間餐廳仲開門，就係上品火鍋，平時公司附近有好多餐廳選擇，所以未有機會喺度打邊爐，原來好夜先閂門，咁就入去試下啦。冬瓜豬骨湯底，見到係奶白色，已經知道係正宗豬骨湯，味道濃郁，未打邊爐就飲咗1碗。炸魚皮食得出係新鮮，好鬆脆，又無隔夜油味，咁大碟算係好抵食。牛肉夠淋，油花分佈平均，淥到7成啱啱好。牛味稍稍不足，不過脂肪搭救，口感頗佳。仲叫咗幾款其他配料，不過夜晚又唔食得太多野，都係想有得坐下，食飽先返屋企。…Read More