Steve0104's Profile

之前光顧過一次，當時覺得刺身，壽司不夠新鮮雪味較重，但機緣巧合下，再光臨第二次，竟然有驚喜，食物新鮮了，選擇也多，味道都是不錯的，每件壽司，刺身大少正常而手卷則是Q版的，不過咁樣仲好，可以試多啲唔同既嘢，反正是放題，好食的可以再order, 也有提供自助熱食，小食，甜品，飲品，總合來說各食物的質素，是認可的。不過環境稍為迫了點，而且坐在近走廊位，經常都好驚險的會驚被撞到，也有些吵，餐具，餐桌乾淨情況與服務都屬一般，再來食勁食一番還是可以的。不過加埋一要二百七一位就只能算是合理了！…Read More

來到朗豪坊搵食，當然是上4樓最多餐廳集中的地方啦！上到來整個飯堂都坐滿了人，其他個別餐廳都要排隊等位，唯獨呢間81番唔使等位，仲好多吉位，於是懶得搵位的我就決定試下呢間。我要了個泡菜牛肉飯，老婆要了個咖哩豚肉烏冬，但走咖哩，店家也沒問題的照走了！上來的泡菜牛肉飯份量不足，女仔食可能還可以吧！牛肉份量也覺不足，也不夠味，令人失望，食吉野家的仲好，又平啲又好食啲。老婆的烏冬，面質都夠粗，份量相對我個飯好像多一點，但是豚肉也是沒什麼肉味，普普通通。 除了不用等位，坐位間有些距離，不會太迫外，食物差，服務一般。真係唔怪得所有餐廳都排隊等，呢間仲有咁多位，果然是有原因的。我都想講冇下次。本來百多元2個人食，絕對算平，但以吉野家都好食過佢，所以今次評佢為偏貴唔抵食。…Read More

今日細佬約食飯，老婆話想食好少少，而又有間想試下既餐廳，於是我哋3人就嚟到呢間Lab eat 試下。今日我哋3人分別叫咗一份肉眼扒套餐，兩份前菜蟹肉釀大啡菇和窩夫配白松露，一份海膽松露意粉, 一份甜品併盤。套餐包括了菜湯，很足料，味道適中。餐包鬆軟好食。套餐前菜的西班牙火腿配無花果，火腿普通無咩特別，無火果幾香甜好味。另外叫嘅前菜蟹肉釀大啡菇，菇肉夠厚，不過覺得菇可以再大一點，蟹肉也夠香。估計因為是前菜所以只有一件，還以為會有兩件添。至於窩夫配白松露，老婆嚴佢唔夠熱，只是暖的，我覺得暖暖地可以一口食進去也不錯，可以再熱一點就更好。雖然配黑松露會香一點，但配白松露又是另一種香味。肉牛扒不會很難咬，容易切開，但老婆話六成熟的牛扒，牛扒的邊位唔應該有血水，我冇老婆咁識食，覺得整體來說，個扒算唔錯。至於pasta的海膽有海水味，細佬和老婆就不太喜歡，我反而喜歡有海水味的海膽加上黑松露的香口，幾好食。整個意粉是偏向濃味的, 份量也足。甜品併盤有心太軟，奶凍，雪糕，泡芙（因為大家都對馬卡龍沒有興趣，所以向餐廳要求換了泡芙）心太軟沒有外面甜品店做的那麼熱出晒煙，反而令我哋可以直接食用，我更喜歡這樣夠熱就好，其他的甜品（包括套餐的甜品）就沒什麼特別。整體來說是中上。環境來說，燈光稍暗有情調，坐得不會擠迫，可能當日打風食客只坐滿一半，所以亦未見嘈吵。衛生情況亦正常。侍應主動介紹當中有咩嘢飲（發現原來係因為套餐唔包嘢飲，正價食品當然也沒包嘢飲，不過總算係提供了介紹的服務）。本來我們透過Open rice book 了20:30的位，有88折，但埋單付款時發現88折不是對全單計數，店家解釋原來套餐是沒有88折的，我哋才晃然大悟，所以有時有折扣，得向店家了解清楚，如果店家能主動提醒就更好，免得有誤會。其他服務正常。食物質素與環境都唔錯，服務上仍有進步空間，價錢上就偏貴了點，未能算得上抵食。…Read More

今晚去接老婆收工後，邊行邊傾邊搵食既情況下，見到開始閃電，可能會落雨既時候，就下定決心搵間餐廳走入去食晚飯繼續傾。呢間餐廳係港式的西餐廳，有從回細個食扒餐的回憶。餐廳偏暗，想是制造浪漫情調，不過舊式的餐廳只能給我懷舊的感覺而非浪漫。差不多八點鐘左右的時間，食飯的人也不算很多。是餐廳過戲了嗎？可能來吃的多數會是熟客吧！坐位算寬鬆，位與位之間也不會太貼切，但冷氣略為凍咗啲。今晚有點肚餓，我和老婆各自叫了個主食，一份羊架田螺套餐和一份什扒餐，先上了一個忌廉湯和蒜蓉包，忌廉湯普普通通也不會太稀，料就不算多，蒜蓉包硬而不鬆軟，蒜蓉味略少，本身包身就不好，所以也不在乎是否夠味了！主菜上來略嚴有啲慢，可能自己也有點肚餓了，田螺味道只算ok 薯蓉就幾香，整個田螺薯蓉都夠熱，而什扒餐方面竟然係上雞膇而非雞扒，仲要好細的，讓我好奇怪，不過就多了少有的煙肉，豬扒夠鬆軟可以容易咬開，味道也香，牛肉是薄切的，也有點難咬，不過還可以，整個扒餐算是中規中矩，與此同時，老婆也切了些羊肉給我，佢將啲羊肉放在我的鐵板餐上一會，可能咁樣變得肉質實了，難咬了，食唔到。之後老婆再切了些羊肉俾我，今次冇放鐵板上，就真的冇咁實了，但還可以再鬆軟啲，所以只能說還可以。餐飲正常。侍應反應算快，不過唔算太多客既情況下都應該要快，也有主動為食薯菜既我哋提供茄汁，算是標準，服務正常，沒有覺得好與差。衛生環境正常，桌面乾淨，懷舊香港式西餐廳使用舊的餐具也是正常，也沒有感到餐具不乾淨。以港式西餐廳的價錢屬正常，但食品質素只是一般，就覺得偏貴了點，環境稍靜及不用等位是優點，冷氣稍為調高點溫度，會令人坐落更舒服一些。不過不一定會再來光顧。…Read More

今日因爲要準備週一的會議在公司加班到晚上九時，老婆唔想煮飯，於是就算打風也走了出去食飯，不嬲都有到紅磡食飯，但一直晚飯時間都見呢間泰國餐廳都好多人等位，所以都未曾試過，今日咁岩經過搵食，餐廳侍應叫著入去坐，話有位，於是就入去試下。因為老婆唔大食，所以叫了一個主食馬沙文咖哩牛腩和一份蝦餅和一杯咸檸梳打，咖哩味道夠香又有花生，但牛腩肉質一般可以再淋啲！蝦餅的皮不會很厚粉，蝦肉新鮮有咬口，兩份都份量十足，咸檸梳打本身夠咸梳打減輕了咸味，這樣渾合起來不錯。對食物方面整體滿意。餐廳的裝修、餐牌都有點老舊了，所以不是優雅的餐廳，不過地方都算大，不會坐得擠迫。也不算太嘈吵，可能是比較夜了，冇咁多人。服務人員多數是泰國人，平時晚飯時間招呼慣多人了，所以都不會期望對顧客有什麼介紹，而可能晚上十點不是太多人，招乎回應都算快，上菜時間也正常。餐桌碗筷都整潔，不過有少許彬壞。衛生情況正常，執靚個裝修，可以更加強乾淨的感覺。以咁樣既份量及頗為好味的食物，每人一百左右算幾抵食。下次可以試下其他食物，希望下次晚餐就算人多仍可保持食物水準啦！…Read More

今晚與友人晚宴，選擇了大家都方便回家的APM搵嘢食，朋友選擇了3間餐廳，1間西式吧，1間日式，1間中式，最近西式吃多了，日式果間又在其他地方比較常吃，最後就選擇了這間中式的京饌，起初打去book 位，說已滿, 要walk in, 晚上去到看看, 也不算太多人，不用等一下就已經可以進去吃了。食物方面：叫了1份牛柳年糕味道不錯，份量覺得可以再多一點，1份魚湯時蔬，都幾好味，不會太咸，蔬菜都夠多，1份銀絲卷，正常口味，1份小籠包，湯汁夠多，肉也幾香值得推介。環境方面：整個餐廳都幾大，每個坐位都是大的椅子，坐落都幾寬敞，桌面大小適中，大枱與大枱之間不算擠迫，但這次我們坐的2人枱，應該是原先可以由4人坐在一起的位置拆開的，所以坐得貼近一些。中式格局配中菜，非常正路！一班人一起飯叙也適合。稍有一點點嘈雜。服務方面：侍應可能稍為不足，不是一舉手就會有人招待您，要等侍應完成手上工作，才有空看到您，服務質量正常，沒特別差，也沒特別好！衛生方面：餐具整潔漂亮，桌面也乾淨，整間餐廳感覺也乾淨舒適！價錢方面：稍為遍貴一點，一個正常份量的魚湯菜，要一百多元，不過環境舒服，食物味道還不錯的餐廳，多付一些也是可以接受的。總結：環境，食物不錯，價錢偏貴一點，但仍可繼續試食其他食品與友人飯敍的餐廳。…Read More

是日慶祝朋友生日，見食評好像唔錯來試試。食物方面：龍蝦湯濃到偏咸，豬手亦太咸，羊架ok, 份量都足夠。餐飲選擇不多，大部份都是普通嘢，稍欠特色。環境方面：桌面太細，2個人還可以，3個人就已經太迫了，但當日見到4個人都是坐1張枱。位與位之間空間也少。環境也相當嘈吵。因為坐得近，傾計還不算要很大聲。服務方面：侍應對餐牌內容如何配搭熟悉，但部份侍應反應未夠快，可以再熱誠啲，令顧客滿意點。可網上訂位，有不用等位的方便。衛生方面：餐具正常，地面，餐桌都整潔，整體感覺都正常整潔。抵食方面：價錢算合理，3個人食600蚊，不算平，也不算貴。但只收現金，就感覺不太方便。地方少又只收現金，反映生意難做哦！總結：各方面都有待改善，再食機會不大。…Read More