慧食人's Profile

以前好怕一個人食飯，但人大左總會因各種原因突破自己，所以依家我耐唔時會一個人去間高級餐廳享受一下。某一晚想搵間望海既西餐，於是揸車停左去海港城個頭搵野食。openrice search 下就揀左呢間cucina。一個人，一份pasta加杯酒，加個海，快樂其實好簡單！講返個意粉先，係Linguini with red prawn，揀呢個意粉係有原因。記得有一次去左另一間酒店食過個紅蝦刺身到今日都好想再食，一見到紅蝦，就問一問當晚serve我既waiter，呢個意粉好唔好食（其實正常唔會有人話唔好食🤣）。佢有推介呢個意粉同個豬，2揀1我揀左紅蝦，出面無咁易有得食嘛。果然好彈牙，同刺身當然有分別，但個蝦頭個陣蝦膏味，又係好難忘😋如此美景唔飲杯酒點得，不過我只愛甜酒, 所以直接問waiter有無好甜既酒推介，佢又好nice咁推介左杯moscato俾我，不過我無就低個牌子。都好大杯呀，我懷疑個waiter見我一個人，以為我想賣醉🤣🤣🤣呢度個view 咁靚，要望清楚d，香港真係好靚…Read More

近期通街都係黑糖鮮奶，真係飲到個人都肥幾磅。但一見到路人拎住杯上花紋，又忍唔住行去買杯！今日經過呢間，見佢仲有花籃係門口，應該新開，襯未有人龍唔洗排，即買！店員推介黑糖珍珠厚鮮奶，老虎堂都係呢個名，不過香港個間真係唔及台中飲既味道。講返呢杯花斑茶社既先，店員教插飲管後先飲一啖試試暖既珠，再攪拌均勻飲。第一啖係濃濃又QQ既黑糖珍珠，勁正！攪完係覺得個味mix得勁好，個味道令我諗返上次去台灣飲既一樣！個樣影相打卡又係一流遲d如果多人講，肯定又要排好耐…Read More

今朝一早開完會,辛苦到爆!個死人老細d野改完又改...我決定對自己好d,約埋其他同事一齊叫外賣, 食餐豪既獎勵自己!點解叫豪?因為我地平時都係食茶記飯盒,廿幾蚊個架之!之前有同事話公司附近開左間壽司舖,本來打算叫佢送上黎,但我又想落街抖下氣...於是我為人民服務去拎!先打電話落去落order,隔15mins就落去拎!入到去,見到有2個客係度堂食,心諗都唔知要等幾耐先做好我個order, 點知原來落到去,arm arm 睇佢整埋最後兩件...woo!無諗過叫外賣都可以好似堂食咁睇住佢整~睇落都好新鮮喇,拿拿林返公司開餐!我叫左個什錦魚生飯($58~幾豪), 原來話6點前送汽水~正,當然係我最愛既可樂啦!飲完條氣順返d!其實望返個魚生飯,$58佢真係值回票價,勁足料!!!另外,同事們叫左勁多sushi! 有6件係我架!有帶子,油甘同吞拿魚 (呢d唔多記得幾錢,好似都係$1x 兩件)呢餐雖然豪左d,但食完開心返晒呀!仲有15mins先開工, 我決定讚一讚呢間餐廳,因為咁豐富既一餐,又好味,又抵! 我又可以乘機係呢度鬧臭個xyz老細,以洩我心頭之憤…Read More