quill1118_pp的個人專頁

同屋企人嚟食飯，換來一個不太開心嘅經歷。當晚店舖大約七成入座率。餐廳作為集團經營，味道質素管控算平穩，但係以服務而言，就非常差。上菜方面，可以喺20分鐘內上晒百道菜，好聽啲就係有效率；唔好聽，就仲快過食快餐，到底係享受定係催逼？最令我驚訝嘅係店舖嘅外籍女性manager，成場黑口黑面，我哋未食完嘢已經趕緊要收碟（我哋當時只係喺店舖大約1小時），我嘅家人同呢位manager講似乎太急，呢位manager竟然話：「I’m just asking」跟住照收碟，頭也不回就走。呢度價錢中上，但係作為分店manager，最基本俾人感到舒服同埋尊重嘅招呼都冇，令人失望。唯一欣賞嘅係同分店嘅supervisor知道呢件事，願意聆聽同埋同我哋道歉。但問題係上樑不正，做細嘅又可以補到幾多隻鑊？任憑食物幾好，都唔會吸引到客人。…查看更多

一連兩次光顧買外買，坦白講，糖水味道一般，沒有太大驚喜，芝麻糊比較稀及過甜，杏仁茶值得一試，然而，最令我難忘嘅係這間鋪頭嘅員工，態度非常一般。買嘢食，落錯order ,不會道歉，食物需時預備，也不會預早講一聲。我作為一個顧客，提出要買外賣，佢哋也可以扮聽唔到，要叫好幾次先至理會。這種工作態度，加埋啲嘢食又唔係特別突出同好味，又如何吸引客人繼續呢？俾咗兩次機會，以後都唔會再幫襯無謂要自己受氣咁辛苦啦⋯⋯…查看更多