suyula's Profile

同男朋友補祝情人節，係OpenRice 訂枱有8.8折優惠。店舖裝修好古色古鄉，全店都有八城坐滿。去到用WeChat落訂有汽水食。點了成都麻辣火鍋和藥膳湯底。菜單有非常多的選擇，點了涼拌魚皮，雪花肥牛，耗兒魚，豬腦，功夫豬肝，手工韭菜餃，水蓮，乾貢菜，冰粉和老友鬼鬼。另收每位$25醬料費和水果。功夫豬肝好切得好薄。食品份量有點少，味道尚可。涼拌魚皮再加麻油後好食很多。麻辣湯不夠香，有點失望，希望日後有改善。…Read More

是日同男友食午餐，坐埋位，職員便立即帶位遞水。午餐有套餐選擇，滿200蚊加1蚊就有酸菜魚。叫了湘味梅菜扣肉，剁椒魚頭半份，加$40口水雞，加$10油菜，夠$200，所以加1蚊就有酸菜魚，抵食。酸菜魚份量足夠仲有埋薯粉，只需$1，抵食！！口水雞不過不失，但凍了少少，辣度普通。梅菜扣肉味道一般，送飯一流！最後到剁椒魚頭半份，一上到枱，份量非常多，值回票價，辣味十足，性價比高。員工服務態度良好，會再光顧。…Read More

午餐經戶戶送叫了三個麻辣湯麵，價錢幾平，本身打開個膠袋，見到餐具上面有隻生猛小強bb，咁都算！點知食到中途，見到湯麵有小強，真係嚇死，唔敢再食。連外賣都可以有兩隻小強，可想言之，餐廳入面有幾多隻小強。:(:(…Read More

養心殿之前係大鴻輝營業過，之後搬走了。最近又重臨大鴻輝8樓。今日路過，見到重開，決定去試一試。是日下午不多人，只有幾枱客。可能仲係裝修期間，令食客卻步。叫了寧醒養生煱，入面有兩個魚頭，半隻烏雞。湯底奶白色，藥材味重正。不過雞好似煲得唔耐，難以拆肉。店舖用電話落單，方便。七點半前結帳可享半價優惠，一個煱，再加四款火煱配料，埋單都係$400左右，抵食。另外仲叫了台灣滷水鴨舌，好好食。店內職員十分有禮，埋單會叫客人檢查多一次帳單，值得一讚。…Read More

生日訂了文華東方staycation連三道菜晚餐，職員服務態度好同細心。係出發前已經會問你想係酒店房食定堂食。前菜選了帶子沙律配甘筍蓉、青豆、櫻桃番茄乾伴柑橘醬汁，主菜選了烤牛柳及大蝦配菠菜、薯蓉伴牛仔肉汁，甜品選了意大利芝士餅配夏日雜莓及燴檸檬。前菜有4隻帶子,味道鮮甜，配上柑橘醬，非常開胃。主菜選了7成熟，如果選5成，味道應該更好。至於甜品，本身以為係tiramisu,點知原來係忌廉甜上蛋糕和朱古力醬，味道尚可。…Read More

飲品食物選擇多，有原條鮮魚，鮑魚，蠔，螺，帶子，窩夫，蒜味法包，雞皮，雞軟骨和平時當見的燒烤食物。座位夠闊，枱夠大，可放很多野食，值得加分。另外，每枱都會送有三串鰻魚，燒到魚皮脆卜卜，正。蝦可以自己夾，仼食，有時職員會幫顧客起殼。爐雖然望落去細，但有上下格，可以放好多串食物燒熟，而且店所提供的時間足夠，食足3個鐘。每枱也有調味提供。食物生鮮好食選擇又多，窩夫仲有得點朱古力醬。甜品有雪條和雪糕。員工服務態度好，會再次光顧。…Read More

路過見到$168烤魚送三個配菜加送酸梅汁，性平價高。先選擇了私房紅油蒜香清配清江魚，加埋午餐肉，時菜和烏冬。烤魚很快便送到，魚肉鮮甜，無骨，魚骨烤得好香脆，原條骨食都沒有問題。配菜為芽菜，薯仔和青椒。要讚既係員工服務好好，會留意爐有沒有足夠湯和加湯，這個套餐真抵食，會再光顧。店內亦設有外賣服務，紙盒包裝，並有即棄爐具，非常方便。用餐時見到有女顧客購買兩條烤魚，顧客取餐時更會幫手送埋去家中。唯一不足的地方係食物選擇不多。…Read More

是日慶祝生日，即日訂枱都有位。叫了特惠版，價錢$198位。所點的食材包括鮑魚，蝦，生蠔，蟹，蜆，粟米，南瓜，蘿蔔...海鮮非常生鮮。當中蝦係甘跳，店員幫我地落蝦，蝦生猛到彈起，彈到少少水落我手到，好彩水溫唔高。店員服務通度都唔錯，會提醒每樣食材應該落幾耐，先食海鮮，再食肉，之後食粥。打完邊爐後，店員會先將火煱內的油整走，好貼心，之後會加粥膽，南瓜，蘿蔔再煮成粥，配以油炸鬼，好味。價錢中規中矩，會有下次。…Read More

是日中同聚會，見到呢間放題好似唔錯，地點又方便，就決定食呢間。上到去，就即刻有位。食物方面，得刺身質素尚可接受，第一輪刺身好快就到，其他就不予置評:(。饅魚黑松露炒飯得好少饅魚絲，卡邦尼亞意粉淡而無味，燒蠔有腥味，其他野食絕不能用美味來形容。點知叫第二輪野食，頻頻漏單，就算寫多幾次都漏，搞到要揾職員求助，點知最後好多單都漏哂，非常失望。訂位優惠附送的蟹蓋，上網睇到明明有個爐俾我地燒，我地食概只係職員話已經燒好，食落口只微微暖，個味似係蟹膏加沙律醬，唔加飯會越食越咸。最有趣係見到對面枱竟然有爐燒緊個蟹蓋⋯總括而言，第一次食放題竟然可以怕點每一樣野都中伏，仲要漏單問題嚴重，唔會有下次。…Read More

見到新開，特登打電話外賣自取，叫了個海南雞飯（$55）。點知去都要排隊，甘我叫外賣自取有咩用？排隊有點混亂，前面概慢慢圈，職員入單又慢，好似唔熟識個系統點運作。之後到我拿外賣，反到公司，竟然發現職員漏俾醬，海洋雞飯最重要係個醬，竟然連個醬都漏俾，有無搞錯？講反個海南雞飯，雞係嫩滑，但無雞味，個飯雖然黃色，但就無咩味。至於個湯，飲飲下有苦味。$55概海南雞飯，雞份量多，飯就份量少，但應該不足夠男仕飽肚。:(以後唔會再光顧。…Read More

一入到店，店員立即安排坐位，不過個杯比較殘舊。兩個人，分別叫了蜜桃咕嚕肉，蠔餅，同沙鍋粥，沙鍋粥以180起，每種配料都不同價錢，我就選了兩款，我就選了蟹同花甲，岩岩好$180。留意沙鍋粥是即叫即整，需時約30分鐘。講反食物先，蟹同花甲都新鮮，沒有沙，粥非常鮮甜。蠔餅係跪身，沒有肥膩感，蠔仔份量都多，抵食。不過店舖需留意衛生，食飯那時見有幾隻蒼蠅。至於服務態度方面，店員非常有禮貌同有耐性。會再光顧。…Read More

獨個兒食lunch，明明已經過了食飯時間，都已經成3點，間店得反兩枱客，一黎叫餐舉左手勁耐，個女待應睇到都唔理。平時個男待應做野快手好多。落餐已經叫了個凍特飲，個女待應超級無記性，我等了半個鐘先有杯野飲。可能今日黑仔，個爐壞埋加上打風。講反野食，叫了黑松露菌汁香煎龍利柳多汁，龍利柳煎到面層脆脆，又嫩，加埋黑松露菌汁，好夾。仲有沙律食tim仲有燒過既菜菜。$58 （免加一）真係抵食，是日特飲有分熱同凍兩種，兩種都唔同。…Read More

呢排出job，甘岩就係億利大廈，呢棟工業大廈入面有好多野食，海南雞飯，台灣美食，意大利菜，法國菜等等。黎得呢到，當然先食台灣美食。位於一樓既程班長，平時中午已經大排長龍:(，所以小妹一點半先食lunch。去到唔洗點排隊，首先職員會幫你安排位值，點餐後，再去俾錢，然後坐反頭先職員為你安排既位。呢兩日分別食了紅燒牛肉麵同魯肉便當。紅燒牛肉麵，唔辣，牛肉肉質鮮嫩，好好食。野食加$8就有野飲，分別有山粉圓，紅茶，熱綠茶，東瓜茶等等。到魯肉便當，有好多配茶，但魯肉就有點過喊。:(…Read More

呢間九記牛腩係中環好出名，由公司行過去要用五分鐘到，但一到lunch時間，要等位都要等好耐，於是行過去叫外賣。一行5人，叫了兩個清湯牛腩伊麵，兩個咖喱，一個清湯河。等了十分鐘就有外買，時間都可以接受。雖然個碗細細地，女仔剛好飽肚，男仔就建議加底。伊麵勁似粗麵，唔似酒樓的伊麵。牛腩嫩滑，湯甜甜地。咖哩又唔係好辣，女仔都食到。不過，食完之後勁口渴，飲了成個下午水，:(一定落了勁多味精。試過一次就算，味道普通。…Read More

今日趁復活節最後一日假期，入大澳玩下，友人推介呢間素食店，由巴士總站行去約10分鐘，正值下午，幾乎滿坐。見到呢間店素食出名，叫了波蘿素雞$68同紅燒豆腐$68，仲以為素雞會好似素鴨甘，點知原來係用豆腐整，好心就改個餐名做波蘿豆腐，真係成肚氣，欺騙顧客。俾成150食兩碟豆腐真係火都黎。豆腐好鞋口，無豆味，街邊貨色，唔會再有下次，山長水遠黎到，真係令我非常失望仲有，這間只不過係掛名素食店，入面仲有肉食同海鮮。…Read More