jasmine_ho's Profile

好多個月冇寫食評了, 今次為左樽奶茶而專登上來寫的!!今日去凱施餅店買麵包吃的時候, 意外發現了原來他們出了自家奶茶!! 仲見到佢張海報寫係用Lipton茶葉的, 於是買開麵包就用優惠價$12換返支飲下. 原價要$15.未食個麵包之前飲一啖濕濕個口, 一飲之下, 相當驚喜, 呢樽"港式風味奶茶"好好飲, 仲見佢標榜冇加防腐劑和人造色素, 每日新鮮香港製造...飲落茶味好香, 奶味都好香, 口感滑, 甜度對我來說也是啱啱好, 非常唔錯! 我本身飲開太興既冰鎮奶茶的, 我認為凱施呢隻同太興都有啲似! …Read More

愛吃甜品的我..知道這間芝士控必去的店又推出了新野:半熟布甸..當然要去試一試啦 布甸有兩款口味: 半熟芝士布甸 & 半熟焦糖雞蛋布甸, 我就先試試焦糖版本!睇番「半熟焦糖雞蛋布甸」在店面的介紹, 產品係採用100%北海道純牛奶及特選焦糖製成, 牛奶味真係好香, 蛋味亦都夠濃, 布甸的質地勁軟滑, 比起在超市買的焦糖雞蛋布甸軟滑N倍! $22 我覺得都抵食! 食落口的口感真係好柔滑呀~ 稍一不慎都會"shu"左落肚食到底部仲有焦糖, 甜甜地苦苦地咁, 幾好味~ 下次會試埋芝士版本的布甸…Read More

突然想食栗子味的東西, 就來了東海堂買一件栗子撻回家試試:)都幾有驚喜, 本身都幾鍾意食栗子蓉, 呢個撻真係啱晒我, 因為真係有好多栗子蓉㗎~ 上面仲有原粒栗子, 食到個塔既CORE位置先有少少海綿蛋糕同埋少少cream, 海綿蛋糕都幾軟熟, 仲有個撻底同海綿蛋糕之間有層朱古力添~ (不過我就覺得有少少畫蛇添足, 冇朱古力的話味道應該會仲好). 而塊撻邊都幾香幾好味, 口感好鬆脆, 好似食緊曲奇咁下次一定會再encore! …Read More

今天路經這間泰國菜，就試一試他們的阿來海南雞飯！價錢和其他餐廳差不多，＄54一碟～有埋熱飲～油飯雖然色水唔黃，但原來都好夠香味～呢間的油飯好好味呀！飯質亦煮得唔錯，飯粒唔硬又唔會太稔身，正～至於海南雞，賣相都不錯～份量都唔少～雞是去骨的，啖啖肉，食落口肉質幾嫩滑彈牙，雞味都很香，而且唔會件雞唔會好多肥膏！配菜青瓜都幾爽口呢～haha海南雞飯附上一碟泰式醬汁，我覺得好好味，味道好香濃，夠酸辣又開胃～用來點雞食會更加好味！是一亮點呢！下次會再來幫襯！…Read More

從朋友口中得知半熟工房的綠茶芝士撻又再推出, 今天放假即刻去尖沙咀買來再品嚐!! 早幾個月吃過兩三次, 超喜歡吃, 點知之後呢款限定口味停出了一排, 好彩原來佢又出番喇!! 有種失而復得既感覺....依家出番真係要勤力D去食多幾次先得...好好彩, 去到熱辣辣出爐無耐, 一食落口 久違了的口感又出現番喇,  脆脆地又唔會硬的牛油撻皮~ 好鬆化~ 軟滑餡料~很喜歡這種餡料的質感, 唔會好稀流流, 口感滑滑之餘又帶點texture~~味道有好香濃好香濃的抹茶味, 但完全唔會覺得苦~ 而且仍然保留住香香的芝士味, 我覺得兩種味的比例剛剛好, 因為加左抹茶的味道, 食完一整個都唔會覺得膩, 可以追加多一件 真係超級好吃...!…Read More

之前聽朋友講呢間台灣菜蠻正宗的，今日和男友黎開香港區就試下啦～店鋪裝修好有特色，真係好似台灣夜市的佈置一樣～店內燈光暗暗地，感覺幾舒服，不過地方就真係比較細，所以一路食 比後面的食客一路頂到。。哈哈，坐得唔太舒服~ 食完都急急腳走了。講講食物：魯肉飯味道同賣相真係唔錯, 難怪咁多人都冒名而來啦~ 雖然粒粒魯肉都幾肥, 仲有D係一大舊肥肉, 不過食得就預左啦~而且又真係肥肥地先夠香㗎~ 所以食左先算啦~ 味道同在台灣吃的都幾相近, 我食飯好鍾意撈汁的, 呢個魯肉飯就夠多汁了~ 唔會乾~ 同埋白飯既質地都煮得幾好~~食晒一碗 女仔的話都夠飽飽了~椒鹽魷魚穌呢個開頭食幾條覺得幾正, 但愈食就愈鹹了, 椒鹽好似落得太多了, 不過真係好香口 外面脆入面魷魚煙"un"~亦都唔會食到成口炸粉~ 本身好想試"柯仔煎"..點知坐低時間大約下午5點半,  落單後店員告訴我們佢地開始晚市, 而晚市餐單上是沒有"柯仔煎"的....唯有下次吧..…Read More

是晚黎左呢間食米線~ 呢間米線店裝修真係好特別, 好似番左學生時代咁, D 枱同椅子都係學校款~ 連份MENU都成本校簿咁~好有新意好得意~ MENU上面都有好多套餐好多款~仲有雞煲添~我就點了口水雞米線 (酸辣湯底) (小辣)! 因為見MENU上面"豬腸"張相片好似都吸引...所以加埋豬腸~米線黎到聞到幾香~飲一啖湯底, 覺得呢個酸辣湯底幾特別, 同平時"X仔" O個D好唔同, 感覺新鮮~ 呢種酸辣湯底都幾香幾開胃~米線份量就一般啦, 如果再多少少會開心D...HAHA~ 而豬腸真的唔錯喎, 幾林幾入味, 而且應該都洗得乾淨既. 都有好多件~ 反而碟口水雞就有點失望了, 望落份量已經比較少, 一夾上口發覺原來有唔少都係雞皮同埋肥膏.... 食到既雞肉不多. 不過口水雞都算不錯, 花生亦夠多.同埋, 要讚一讚這裡的員工很細心, 當我落單時問她D口水雞會唔會好辣時, 佢主動提出可以幫我安排汁分上~ 咁我就唔洗怕會太辣了~ 而且態度友善~…Read More

這條街兩邊有很多間米線店, 這間多年前試過一次, 印象中覺得唔太好吃所以這幾年都冇再光顧了. 上星期有天下午正在選擇吃哪一間之際, 路經這間門口見到都幾多人吃喎, 就心血來潮想試多一次, 看看今次覺得如何啦!這裡落單的模式跟車仔面一樣, 都是在紙上圈的, 我點了麻辣菜肉雲吞米線 (小小辣), 來到之後即刻試試個湯底先, 幾好喎, 辣度對我來說剛剛好, 麻辣味又很香, 有驚喜呢! 雖然是下午茶, 米線份量都很多, 這裡的米線是偏粗身的, 但質地都還可以, 不會太稔身. 配菜有肉碎, 韭菜, 酸菜, 沒有平常米線有的腐皮. 唯一不足就是菜肉雲吞, 因為點單紙上有隻手指公在菜肉雲吞旁邊, 原以為會好吃的, 點知一食之下就有點失望了. 皮不算薄, 尤其唔太喜歡菜肉餡的味道, 麻麻地. 下次不會再點這個餸了. 其他地方如店內整潔 服務都是不錯的.…Read More

有時想食意粉的話都會來這間主打生蠔的小小西餐廳. 今晚就吃了晚餐其中一款-香煎牛柳配燒汁磨菇意粉! 首先要讚一讚塊牛柳, 真係煎得幾香, 其中一塊仲有D燶邊添, 肉身唔會鞋, 而且都有3小塊, 份量算頗多~ 燒汁既味道都唔錯, 幾香, 亦都好夠燒汁 唔會食食下乾爭爭. 意粉煮得幾好, 質地彈牙, 軟硬度適中~ D燒汁都幾入味! 呢度最大缺點係店舖太細, 枱子好小, 所以如果想叫多D食物都唔知點放, 同埋感覺都幾迫人, 每枱位置又好近, 所以如果想在這裡慢慢食傾下計就唔適合了. …Read More