為食貓貓chloe's Profile

這餐廳唔止一次黎過，無論環境，食物質素，服務等都保持到水準，所以成為咗我較常去幫襯既餐廳。上星期見到呢到出咗新菜式，於是就約埋朋友黎呢度聚下。我地兩個女仔，叫咗2個前菜及1個意大利麵。首先黎到係前菜--紅菜頭沙律伴法式酸奶（$158）。紅菜頭本來味道較淡，但配埋酸奶後，味道好清新，係一道好開胃既菜式。第二道--香煎煙燻慢煮北海道帶子（$178）帶子嫩滑好大只，而且好新鮮，帶子外面煎到金黃色，好香，可能係慢煮關係，所以帶子仲好juicy，不得不讚廚師的功架。旁邊伴有好多雜菌，底部有香濃白色醬汁，整體感覺很好最後當然係主菜--海膽香檳墨魚汁意大利麵（$178）。意大利麵既口感好唔同，較為硬身，我鍾意呢個口感。而且用墨魚汁整成既麵，呢種咸咸地既鮮味，唔錯。頂部有新鮮海膽，而香檳經烹調後冇咗酒味，卻留低淡淡既香檳味，啱晒好似我地咁唔飲得酒既女仔啦。而香檳酒又與海膽融為一體，配埋麵一齊食，真係好夾吖！！總結今晚既新菜式好有驚喜，我同朋友都好滿足…Read More

喜歡綠茶又喜歡食甜品既我，今日買咗呢間既綠茶雪糕做甜品。雪糕質地好滑，有淡陣陣綠茶味，又有香滑牛奶味，甜度啱啱好，好好味！！配埋個脆脆筒，簡直無得頂吖！！下次再試其他口味先。…Read More

下午茶買了麥當勞新出既粟米批，$7蚊一件，攞上手熱辣辣，香噴噴，已經流晒口水。粟米批外層炸得鬆脆，皮唔算厚。一咬過，內里既粟米汁就湧晒出黎，還有粒粒粟，咸甜比例剛好，超好味，一定要推薦俾大家…Read More

今日買咗新鮮熱辣辣即制火腿蛋三文治，份量好足，雞蛋炒得好滑，蛋汁鎖在蛋內冇漏出，好重蛋味，正！火腿微微煎香過，唔會太油，好怕被面包索晒油既感覺。呢度既三文治冇呢個問題，而且面包本身好新鮮，在袋內仍在蒸汽。整體三文治咸淡適中，下次一定再買。…Read More

午飯後來一客甜品，絕對一大享受。今日買咗呢度既芒果木糠布甸，$20蚊一杯，價錢唔算平。底層布甸好滑，好香奶味，唔太甜，中間的木糠碎梅花間竹地隔開布甸，視覺一流上層芒果醬亦有芒果味之餘唔太甜，又有兩大塊芒果同紅桑梅藍莓一齊食，中和甜味，好fresh…Read More

午餐黎呢度叫咗個鰻魚飯，一黎度好香噴噴，賣晒幾好。鰻魚份量不少，燒得好香，帶有甜甜的鰻魚汁，唔會太咸，上面鋪上蛋絲同葱花，好靚，鰻魚肉質好滑。再配埋下面既珍珠米，撈埋鰻魚汁，超惹味，真係想大聲講句“再來一碗！！”…Read More

今日叫咗香芋栗子露同芒果糯米糍做下午餐。芒果糯米糍係我最愛，外面薄薄的糯米皮佈滿椰絲，好有咬口，包住數粒芒果，又香又甜，超正跟著叫咗碗熱辣辣香芋栗子露，唔太甜，滑度可接受，有粒粒栗子同芋頭，兩者味道好夾。大家不防試下:)…Read More

今日黎到呢間餐廳，環境ok，唔太逼人，可能時間尚早。首先叫咗日式煎餃子，$20蚊，一碟五只，皮薄，底部煎得香脆，豬肉分量適中，有少少肉汁，唔點餃子汁食都好好味。跟住叫咗鰻魚拉面，$90蚊，鰻魚邊位有骨，要小心食，味道不過不失。反而拉面幾好食，面條彈牙，豬骨湯底濃郁，好香，加埋椰菜同木耳絲一齊食好好味，冇咁heavy…Read More

晚飯後選了呢度做飯後甜品，店舖雖然唔太，又冇位坐，而且地點唔就腳，不過勝在味道幾好。今次買咗紅豆綠茶雪糕，$38蚊，加咗$6蚊有棉花糖同加$6蚊有長崎蛋糕，合共50大元，價錢略貴。上層棉花糖唔太甜；長崎蛋糕味道一般；紅豆醬內有原粒紅豆，軟硬適中；綠茶雪糕入口香滑，有淡淡綠茶味，但唔會過甜，好好味…Read More

今日買咗呢款北海道牛乳奶凍（芒果味），每杯$19蚊，價錢算合理。一杯分量都唔少，下層係牛乳奶凍，好濃郁奶味，唔太甜，入口好滑。上層係芒果醬，帶有4至5粒芒果，酸酸甜甜，加埋奶凍食啱啱好。…Read More

經朋友介紹，專登買咗東海堂新出既宇治抹茶朱古力包，原價17蚊，兩點過後買減2蚊。一袋包有5件，份量適中。打開已經聞到香噴噴朱古力味，綠茶同朱古力扭作一團而造出的面包，賣晒吸引食落竟然有朱古力碎，雖然唔太多，但好濃郁又唔過甜，而且仲食到少少綠茶苦澀味，超正！！…Read More

從網上知道美心新出咗只面包--粒粒蜜糖厚切包，15蚊一包，價錢算合理，於是放工就買黎做早餐試下。一打開，濃郁既蜜糖味已經撲出黎，外表上雖然只見到少許蜜糖粒。但一咬，好香甜蜜糖味，加上係厚切，好有口感。不過食一件已經好飽，一包要3人先食得晒…Read More

今日買到新鮮熱辣辣紅豆蔴糬包，10蚊一個，價錢合理，超正。攞上手已經暖洋洋，個包外層已在各處佈滿大大小負既原粒紅豆。一咬，超級軟熟，中間勁多紅豆蓉，唔太甜，再加上軟綿綿既蔴糬，帶少少咬口，簡直無懈可擊！！！一定要係度推薦大家試下…Read More

放工路過這店見到新鮮出爐既北海道面包，依架仲做緊推廣賣$15.50一個，超抵食，於是就買咗個留番做早餐。雖然隔咗一晚，一打開仍然香噴噴，size都冇變，仲大過塊臉。切開的面包好鬆軟，咬落上面的一層甜甜地，中間的面包好鬆軟，都有牛奶既味道。由於份量超足，起碼要3個人先食得晒…Read More

今日有job做黎到呢個商場，幾間餐廳都大排長龍，於是就黎到位於3樓既餐廳外小食車買飯盒～～選了排骨紅腰豆涼瓜飯，32蚊，包一樽水。鐘意飯同餸分隔開，唔洗食埋啲汁健康啲，涼瓜冇咩苦味，排骨多肉冇骨，加咗紅腰豆，配搭雖有啲怪，不過味道同份量還可以。…Read More