琴日畢業，今日再約啲同學一齊去Lodge Bistro吃西餐。原本琴日book咗13:30吃lunch，但係入去之前見到個牌寫住13:45-14:30有學生優惠，叫一個set lunch就可以減$30，所以我地就遲咗15分鐘先入去吃。一入去，個侍應好有禮貌咁同我地講返今日的餐湯同埋廚師推介，同時佢都講有邊個main dish賣哂。我地吃個陣，羊同埋牛的main dish已經賣哂，所以如果中意吃羊或者牛的話就可能早少少去吃。學生優惠的set lunch包括：餐湯、main dish同埋餐茶。今日的餐湯係雜菜湯，附送一人一個餐包仔。個湯酸酸地幾開胃，而餐包仔夠軟熟。主菜我揀咗廚師推介：海鮮義大利餃子。用學生優惠，$118 (原價$148) 就吃到義大利餃子，而且又煮得幾好吃，海鮮夠足料，性價比高。同學仔就揀咗吃意粉。餐茶就揀咗熱檸水。有別於一般西餐廳，檸檬片同水係分開裝，有需要先沖一杯嚟飲，所以唔需要怕啲水去到吃完main dish後就凍哂。總括而言，城大學生真係要嚟呢間餐廳試下。一嚟性價比高，唔使收加一，二嚟好好service。…Read More
