土星一休's Profile

荃灣其中一間的老店，上海麵荃灣區都無幾多間剩（上海麵係我喜好），哩間相對算係唔錯，水餃雲吞都過得去，但我比較鐘意佢既香矛豬扒，已食多年仍然保持水準，幾乎零失手，無一次試過太乾或太韌，而個湯麵可能會有人覺得比較淡口，但啱我味，豆漿都好濃味，去十次有九次都係哩個選擇另外佢地既饀餅同葱油餅都非常出色，每次食既過程都見到有唔小人買外賣，直得試試，唯一比較差就係每次食完都會留到個身有陣油煙味，因為佢地係喺近門口位煎野…Read More

數年前喺附近返工，經常都會食嘅小店，今日路過再黎食碗粉仔，鍋貼，豆漿。兒時粉仔係我至愛，當年屋邨自家製推車仔喺樓度買（真係自己屋企度製作）而買粉仔的正正同我住同一層，所以每次都食到最新鮮熱辣嘅粉仔，十分懷念，哩間有7成接近當年嘅口味，可惜唔係每次水準都保持得到，但比起較出名嘅某某狗仔粉啱我口味，而且價錢都差好遠，今次都保持到水準，煎鍋貼都唔錯，唔可以話好好食，但18蚊5 隻嘅價錢已經相當唔錯，豆漿咪豆漿囉，無咩好講啦😂而哩度啲上海麵係用粗麵，我個人比較喜歡食幼，都係哩個價錢我覺得都好OK。…Read More

每日夜收工無煮飯就多數係食佢，快餐店有樣野好係選擇唔多，即係處理既野唔多，衰晒有個譜，茶餐廳就可以好飄忽，可以衰到你唔信，剩係個飯佢每次都保持到水準哩下就值得幫親，今日又有冬瓜盎喇，夏天黎就有，原隻冬瓜仔，湯就唔會太鹹，ok, 加個小菜蜜桃冰梅骨，不過不失，唔會有咩驚喜都重好過難頂，70幾蚊都唔係話平，但係唔同一般例湯既冬瓜盎就可以接受啦，加多8 蚊雞再就有個府乳通菜，不過最慘係有好多時炒個菜都可以等成半粒鐘，啲姐姐又成日都好似喺度發呆就真系有啲火滾。今日上商場時撞啱佢地派傳單有優惠，咁就慳左7蚊雞。…Read More

荃灣已經買小見小既食蒸飯既地方，睇住一間間多年老店結業，荃灣蒸飯店已經所剩無幾，有次下午茶時段用套餐價錢食左個鳳爪排⻣加山竹牛肉，30幾蚊都算係底食，而且食物質素都算可以，可惜個飯就有啲小，只係得一個砵仔既飯，同埋都應該係飯還飯煮，餸還餸蒸，但係最慘係上菜太耐，差啲趕唔切返工，到早幾日收工再去食晚飯，叫左個肉餅飯同蝦餃，食物都算唔差，但喺非特價時段要成雙倍價錢就有啲唔係咁底食喇，而且個飯同特價時段係無分別（只係我一廂情願以為會多啲）咁叫可以喺特價時段先會再光顧。…Read More

上星期喺海旁跑完步肚餓，本打算到長發商場間意式餐廳食野，點知下晝差不多兩點都要等位，只好另作選擇，見隔離有間泰國餐廳唔需要等位就即管試試，我朋友點左個生牛肉船河，而我就叫了個泰式炒金邊粉，點知全場得三幾枱客都要得10幾20分鐘先上到餸，差啲比乍餓死我叫的泰式炒金邊粉雖然唔係好泰式，但都算是還可以，而我朋友叫嗰個生牛肉船河就一啲泰式都沒有，沒有任何香料香草之類既野，真真正正係叫有生牛肉同湯河，而且牛肉只有三幾片，河粉就多到咩咁，咁樣既質素唔怪得之唔洗等。…Read More

郊遊由梧桐寨到大帽山後喺川龍搭車到荃灣，見到哩度有韓國燒烤就去試吓，環境不錯服務都相當好，而且一坐低就有大量前菜任食唔嬲，我就對個沙律汁非常喜歡，重有芽菜泡菜都相當好味，再加上開爐時會有菜甫蛋同芝士粟米伴邊，哩個都相當好食，而且食完仲可以不斷咁再加（應該係，我只係加左一次咁大把）肉類由友人飛板，食左唔小部位既牛肉，質素都相當唔錯，仲可以無限咁添加菜包住啲烤肉黎食，即刻無咁熱氣，而我最鐘意就係嗰一大枝既燒酒溝啤酒，好飲到呢。…Read More