黃學彬's Profile

第5次黎鬼滷食，重點係其實真係次次都有唔同感覺，中間有1次係失望過，可能係師傅心情唔好掛（講笑je，可能一時失手掛）到第4次再比多次機會佢，又回復返好滿意既出品，甚至係服務（變本加厲），好太多太詳細啦講解，有咩特別新鮮野都推薦晒。好，正題。果晚係成10點先去，都仲爆晒場咁，好彩係去既途中打定去問同留位。首先佢推薦酒醉鮑魚，爽口彈牙入味。之後佢推薦條凍魚，魚肉滑到嚇親，咸味岩岩好，魚既熟度亦剛好，仲咁貼心見我地食完一面仲剪埋條骨唔使我反魚。我5次黎都必點：世一普寧豆腐，3個人食左2碟15件，唔使再介紹，必點既。蘭王蛋蠔餅，我最愛但係可惜中間果次失望就係因為蠔餅。不過今次改善左，蠔仲大隻左，正。滷水拼盤，唔同左啲，濃郁左味道但係唔係咸，唔好誤會，一樣好好食，尤其雞，鵝肉，鵝腸好好食。仲有飲品個罐好特別。簡單講，可以5次覆卓一定有原因，因為好好食，銅鑼灣黎講又唔算貴，可以一試再試。…Read More

因為夜晚要係太角咀體育館比賽，所以就比賽前約埋幾個隊友黎食我多數去開太子旺角都會去食既飯堂（The Steakhaus）以前呢間應該叫慢煮工業，依家裝完修唔同左樣咁，唔知係咪轉左手啦。夜晚單點同QR Code落單，就狂嗌野食。蜆肉（兩倍）蝴蝶粉：每次必點，蜆多到爆，無沙，個汁仲好好食羊架：望落好生，但係食落口係估唔到咁驚訝咁驚豔咁驚喜！淋到爆但係入味，呢餐mvp豬鞍：水準仍然好味，不過今次有啲overcooked.....唔係差架，係唔夠完美咋。蟹餅：改錯名啦，應該係壓縮蟹肉球，成個都蟹肉黎既，係呢班朋友第一次黎就讚到飛起既野食。炸蕃薯條：其中一個朋友又讚到飛天，比薯條好食架牛肉：應該係唯一失望既一道，雖然慢煮左但係有啲韌，咬唔太開，同咸左小小。青蘋果呢杯飲品：係打卡要嗌既鬼佬油炸鬼同椰子雪糕：有病架，椰子雪糕好好食，鬼佬油炸鬼都好正，不過好飽啦已經。。…Read More

話說因為物理治療（係呀我兩篇都係因為物理治療黎尖沙咀）所以係附近搵野食。係呀，又係明星開既舖頭，其實只係咁岩得咁Q架咋，食左search發現係以前幾鍾意既女歌手開既，佢既某幾首（好似得幾首其實）都好紅。扯線風箏呀:):)第一次去食一個人就嗌控肉肉燥飯加生乳椰芒楊枝甘露，外加小食滷水牛肚:)。價錢就見人見智，畢竟負擔能力唔同。個飯非常好食，唔係一般出面罐頭，我好欣賞佢有啲紅蔥碎增加層次口感，亦令個飯更清新。飯唔太硬唔太軟，因為肉燥較濕如果飯都太淋成件事就會錯晒。控肉控制岩岩好，太淋唔得太硬唔得，加上入味，非常得我心。好，重頭戲黎啦，係個小食。滷水牛肚個汁比坊間甜小小，牛肚淋淋的入味，勁好送飯添，好耐無食過咁好食既牛肚，真係必點項目。飲品就...一般啦，唔係唔好飲，但係可能真係比個牛肚既驚豔蓋過左。第2次係岩岩7日後。今次朋友做gym，我都係物理治療（同一間黎），中間有時候我地食個飯先，就帶佢再訪呢到。今次佢食烤雞扒肉燥飯，我就試牛寶（牛筋牛展）麵，可以揀粗定幼麵。我揀粗麵。湯底微辣但唔會蓋過湯既味，牛筋唔會太淋唔會太韌，粗麵掛湯，牛展反而覺得可以淋小小，因為佢係厚切（好事黎既）。我嗌左杯芋圓芋泥奶，都係一樣，不過不失咁lor。服務唔錯，第一次個哥哥比印花卡我，我仲過好少黎唔使，不過佢話一年既keep，咁拎左估唔到咁快就黎，就又吸左印仔。推薦級數係：可以一戰，唔會失望但係唔會突登出黎為左食佢咁解，但係經過開會黎食既。…Read More

因為要物理治療，過左尖沙咀，因為知會好痛所以忍口，做完先食野，驚真係痛到嘔正如所料，結果係痛到作嘔。入正題，搵野食期間經左誠品，諗坐再散咁啲痛楚先食Brunch，亂行下見到呢間望到海景既cafe/餐廳，一查之下係新開既，再睇睇下原來係某位我都覺得佢高既藝人開既餐廳（本人180cm），咁就入去食。本身睇中厚切豚肉滑蛋飯，可惜無晒，橫掂都係就轉最貴既和牛三文魚籽飯啦，另外加杯抹茶椰子雲霧。估唔到平時三文魚籽凍食，佢因為舖滿飯面所以暖暖地，又幾好食，雖然唔係果種一粒粒爆開，但係真係幾配合飯。飯就軟硬適中，不過飯味唔太夠。和牛有3件，係大件份量足既，味道亦係肉味都夠（和牛唔好期望牛味好濃），調味適中，熟度就因為和牛較油膩所以熟啲都ok，大約7到8成左右，但係甘香油脆既（係youtuber到學呢個字）。抹茶椰子雲霧：都ok既，就係椰子水加抹茶咁，甜度岩岩好，抹茶味都濃既。新開係值得一試，見唔見到明星就睇你運氣，不過呢到服務態度唔錯，環境都幾好既…Read More

同朋友經過見到個名“鬼滷”咁搞笑，估到滷水野但係唔肯定，就入去試下睇下咩料。上到去就好有比人打卡既feel，問左店員係新開既，又可能係因為新開啦，啲佈置裝修又特別，都幾有打卡感覺。咁之後就因為人數唔少，8個人就乜都嗌啲，樣樣試下既心態下嗌左幾多野😂一開始其實有爆谷做小食不過唔記得影，大家呢幾年都肚餓啦搶住食。叫左個八爪魚沙律，八爪魚又夠淋，沙律醬好好味酸酸甜甜好開胃。之後就係潮州打冷必點既滷拼，有腩肉燻蹄鵝腸豆腐豬脾，重點係有滷水蘭王蛋😍全部入晒味👍🏼唔係死咸滷水味較出面既淡啲，唔會搶口。之後個豆腐係普寧豆腐，老土講句外脆內滑到好似炸豆腐花咁🫠🫠條大眼雞就食小小，本身唔太食熟魚，不過食左果小小令我想再添食時已經比佢地食晒，魚味濃同入晒味，啲汁完全配合晒條魚。成餐最期待既“蘭王蛋蠔餅”😂本身係蠔餅加蛋既發燒友，呢個crossover，蛋味濃加上大大隻蠔仔🤔🤔係想一個人自己叫多一餅既。好啦，韓式做法生菜包但係配蜆仔肉，蜆仔肉突出，勁多既蜆仔成座山咁，用生菜包住食中和返蜆仔個咸香味，不得了，用晒生菜仲要就咁食啲蜆仔肉😅不過建議如果有剩，留返去，一陣講原因。下道係9菜鴨血，用鴨血代替豬紅，雖然唔太分到😆不過味道岩岩好，鴨血彈牙。last係蠔仔粥，無得輸，唔識講，飽到上心口仲食多2碗。蠔大隻，最緊要係個粥底，真係飽都食多碗。最後甜品係冷糕，好surprise 餐廳用就黎絕種既冷糕做甜品，面脆入面全部係花生椰絲糖，完美地收尾🤤🤤🤤佢最得意係有得order野飲，野飲好特別，睇下你地留唔留意到，或者自己去發掘下啦💛絕對係打卡位。…Read More

今日放假，想搵地方行下chill下，日日係繁忙既城市，日日都係工作中渡過時光，當然想搵下有無咩地方可以放鬆下，結果就搵到個出口。舖名叫Exit，係呢個租金咁貴既銅鑼灣，仲要頂樓位置，但係野食野飲既價錢咁親民（相比之下），地方舒適，環境設計黑白為主，亦好適合打卡。講返野食，all day breakfast，5點前有set所以簡單嗌左呢個，味道中上啦又未去到驚豔既，不過呢個價錢（$108）已經連埋hazelnut latte，仲想點。。。講下杯hazelnut latte，拉花靚，不過咖啡味唔太濃，適合我呢啲唔可以飲太濃味既人😂總之，終於搵到個可以放假去hea下chill下既地方👍🏼👍🏼…Read More

九展E-max入面無咩特別show就會好似死城咁，今日去捧朋友場，新開既泰國菜，因為新開應該好多野都未run順，出錯枱之黎又等好耐先黎返個沙律，黎錯鳳爪之後等好耐先換返柚子沙律，不過等得值得既，柚子蝦沙律非常好食，小小酸甜小小辣，另外嗌左一個一人餐4人分再加小食拼盤，個餐包左一個炒飯一個湯同飲品仲有甜品添，加個馬拉炒椰苗，一人一款飲品，又椰青同青檸梳打，最後約500幾蚊，都算抵食既，等遲d佢地再多d經驗，run得熟習d同再小小調一調味，就非常好要再返去食多次。…Read More

成班同學聚會，識左十幾年，聚會既原因已經變左做派帖😂本身去左一間食海鮮pizza既餐廳，但係太嘈又太迫仲太凍，所以一食完飲完杯野就走，當諗緊去邊，我就諗起好好好耐前黎過一次，氣氛環境都好適合傾下計既地方，就係呢到啦。星期五晚周圍都係人，想傾下計飲下野食下野好難，好彩咁岩呢到我地黎時仲未full，店員仲好禮貌地幫手請一枱客讓左梳化位比我地 行9人，非常喜出望外！之後order左野食同野飲，包括黑啤cocktail同我呢杯mocktail，我地因為之前果間餐廳野食款太少，結果個個都餓鬼咁，黎到係咁呃蝦片，呢到既員工仲不停幫我地refill我地既雙眼係發晒光架，感謝呢兩位員工不停refill返。埋單9個人先1426蚊，叫左幾樣泰菜同雞泡魚干，抵啦推薦！！！…Read More

好好味呀，講真，尖東咁既價錢，咁值食夾大件，都算係咁啦，款式唔算太多，不過小食店黎講真係算有得選擇下架啦，講返味道，性價比太高了吧，幾十蚊食到慢煮咁多個鐘既野食，牛扒因為慢煮所以好淋，簡單調味已經好好味，牛仔骨老闆仲細心切開幾件方便食，其實使鬼咩一食落去都淋晒成件咬都得啦，仲叫左又係燒粟米咁Q既燒粟米，加左芝士同佢本身慢煮過真係無得輸。更估唔到見到隔離個女仔叫蘿蔔糕條，心諗港女識唔識野架蘿蔔糕唔係酒樓食唔過年食黎慢煮食？？對唔住我錯了。XO醬炒蘿蔔糕蒸既煎既，你地邊個見過？我見過，我真係見過。炸既我就第一次見。結果係我都叫左一份加既half portion，加埋泰式甜辣醬我輸了，好飽。但係唔食甜品女仕們點會算數？所以呢到仲有個甜品西多士，你以為無特別？無錯，佢無乜特別。不過當你試完就發覺內有乾坤！我叫既係綠茶醬夾心，估唔到會咁夾，香濃綠茶醬中和左西多士既油膩感，oh my god，，so suprise！！！食醉當然要飲飽，叫左支lummy同文青啤酒扮文青，豐富到飽到滿足一個點 ： 頂點。太好了。。…Read More

今日朋友還返相機比我,,佢係過海返工既,,咁我過開海就不如去試下新店,,係韓國明星神話既主題餐廳~之前早2個幾3個鐘訂位,,佢就send個是日menu比我睇,,我就揀左各一種main dish,,首先一入到去就見到好多韓星,,都係神話既相,,海報,,手印,,tee咁樣~之後食既開始,,前菜同湯先,,係多士同周打蜆湯,,多士軟硬適中,,個湯直頭very good,,隻隻蜆肉大大隻~湯又好飲,,其實好想叫多碗a la cart....好啦到main dishes,,選擇左各一款啦:)~包括:仲有呢個之後覺得黎到cafe唔飲野唔得架wor:(,,但係夜晚啦都,,唔想飲coffee......就叫左店員推介~店名一樣既eusha eusha:)~咁另一杯就飲左有小小coffee咁多多既唔記得咩名啦不過~有pineapple,,milk,,coffee同coconut既~finally到左甜品時間啦~係個呍呢嗱雪糕,,有coffee同焦糖咁既雪糕~超正呀!!!!~係中環既soho區位置,,絕對係非常值得同抵食既~味道好,,我推介一試~…Read More