Tsuzuki79's Profile

本身勁愛胡椒豬肚雞！朋友食過評價唔差，諗住嚟食下，第一次食就已經係雞頸、雞髀頂骨，多肉嘅部分一件都無，我算，回去同朋友講時，朋友話之前佢响新界食果份係ok。好！俾多次機會佢！ 點知！仲離譜過上次，睇著好多嘢，但豬肚都無幾件、又係雞腳、雞翼尖、雞頸、雞脾頂骨🤬🤬🤬，忍唔住同職員投訴！$88蚊食雞骨！之後補咗幾件肉俾我！但係都無下次😡😡😡😡…Read More

見可以準時收工，諗住食個甜品俾自己開心下。遇到呢間店有梳乎厘pancake點都要試下（荔枝角搵食艱難🤦🏻‍♀️🤦🏻‍♀️），仲可以飲品買一送一，更加要食下。個梳乎厘pancake一嚟到，已經好無言。賣相一啲都唔吸引，球朱古力雪糕溶咗一半，都算主角好就好！第一啖覺得一口粉，安慰自己朱古力粉嚟姐，再食多幾啖，你完全覺得自己係食緊一個未熟嘅蛋糕，好漿，而唔係梳乎厘，啲cream仲要係一餅咁（你真係cream嚟的嗎？）。$88真係唔係好值，無下次！😑😑…Read More

朋友話北角有間唔錯嘅西餐廳，本來都都唔係好睇好，7點未到就話滿座，朋友堅持唔轉場，唯有等⋯⋯一間小小店坐滿人，仲唔少人叫外賣。打開個menu都唔少選擇，叫咗個雞翼、流沙薯條，雞翼味道唔錯仲有少少辣，小妹熱愛咸蛋黃，佢個薯條真係好好味，每一條都有蛋黃不過咸咗少少。主食叫咗一個墨汁意粉、一個青醬意粉、一個意大利飯、一個pizza。墨汁意粉有啲淡，墨汁好濃，唔用濕紙巾沒辦法清理好個嘴。青醬好好味，不過都係咸咗少少。但個意大利飯值得一讚，啲飯煮得剛剛好，creamy又帶有好香嘅黑松露味最後個double cheese pizza真係好邪惡，芝士味又香，餅底又夠薄。估唔到間餐廳真係唔錯…Read More

朋友話花園街有間泰國菜唔錯，點知行完成條街都搵唔到，原來係永珍，佢係一間餐館開二，一邊越南菜，一邊泰國菜。嚟得食泰國嘢點少得叫涼拌鳳爪、生包菜、春卷吖，叫埋傳聞好得嘅木瓜沙律，再加個炒粉，幾個人夠晒數。鳳爪好爽口，春卷、生菜包不過不失，木瓜沙律真係唔知佢好食在邊🙄食食下覺得唔對路，自問唔係鐵舌，但可以估某個餸落咗好勁味精😭就算一邊食一邊狂食茶，但食完餐飯個口都係勁乾，離開餐廳後再買咗支500ml飲晒都搞唔掂☹️真係無下次…Read More

朋友突然吹雞要食素。雖然有限時，但侍應生話無人等位的話可以坐耐啲。人到整了，侍應先嚟每人盅熱辣辣素老火湯，食味又夠香。轉頭再上一盆冰震生炒骨（唔講唔知係素），冷熱齊上～食完晒就開始出去攞嘢食，選擇都幾多。第一眼就見到自己最愛嘅焦糖燉蛋一定要囉，點知中咗伏，焦糖水汪汪，燉蛋實滴滴😂啲刺身壽司好真，食唔出做咩做，叉燒真係好叉燒🙈🙈最愛食佢啲咸蛋黃炸冬菇，但出奇地搵唔到素蝦食⋯⋯比較可惜係佢無咩特別嘅甜品，生果亦得蜜瓜同西瓜（波蘿係烤過的，乾又無味）⋯⋯唔係話好差，可以再食。…Read More

Happy Friday响九龍塘實在難搵食，小妹實在大鄉里從未食過牛角，今日等咗個幾粒，真係無話值唔值。第一次咩都唔識叫咗個信用卡套餐咩都有啲，作為一個大食妹真係唔係好夠食，但單點牛量唔多價錢又唔平，再唯有加幾個小食同一個壺漬牛肋肉，3個人啱啱好，睇到幾枱客都叫同一個飯（牛角飯），忍唔住跟單叫一個嚟試下，又真係唔錯喎，唔怪得人人叫啦。不過呢度服務就麻麻地，只係問佢要多一隻杯，侍應生答你佢哋無咁多杯俾唔到你，真係無言以對⋯⋯總體來說，未食過可以試下，但下次要諗諗…Read More

返工受盡氣，搵朋友訴下苦水加食餐好嘅安慰下自己，睇住個menu見到啲pancake 好想食，又聞到隔離意粉好香🤤決定聽一次魔鬼話KO晒2樣嘢😉先叫咗個大蜆意粉，啲蜆大大嘢又鮮味，意粉軟硬適中，再加咗紫菜絲响面更加好味。食完意粉，叫埋個哈蜜瓜pancake，個pancake入口就化真係無得頂，哈蜜瓜香得嚟勁甜，眨吓眼就食晒，連cream都唔能夠放棄，真係猶未盡🤣🤣KO晒之後心情好番，聽日新嘅一天再嚟過～Yeah…Read More

幫同事慶生順便試下大公館，職員安排咗我哋坐响房，環境好舒服而且安靜。點心其實幾貴，每款只得3件，味道亦唔係好特別。不過個樣幾得意，最啱影相。我哋人數唔多，所以叫咗個套餐再加幾個點心。上菜速度都幾慢，差不多係逐樣嚟，去到中段忍唔住追上快啲，但都無快過。我哋訂位時同餐廳訂咗10個壽包，問可唔可以蒸定先，職員話太早蒸出嚟個樣會唔好睇⋯⋯好吧，不過都希望佢哋唔好等其他餸上晒先預準。最後食完晒，壽包先開始蒸…原本諗住一大籠上，點知分開幾籠上，問佢哋點解⋯⋯佢哋話無咁大個籠😨有少少失望。呢間餐廳似乎過時過節、或者要招待客人嚟會比較好，平時食飯的話會好花時間等⋯⋯…Read More

朋友推介必食餐廳，完全唔知邊度值得推。未坐底服務員就問你飲咩茶，問佢哋有冇限時間又話無。啲枱本身排得好貼、櫈又大張，一張4人圓枱俾2張10人枱夾住响中間，服務員叫你唔好坐近另外2張枱，如果唔係另一張枱個位坐唔到人😑，我算，坐到就ok啦，星期五晚就下啦。落完單10分鐘唔駛松子魚就上，好明顯係煮定，汁係熱，但魚本身唔熱，魚肉仲係「霉」晒🤬之後上四小拼，味道還算正常，小籠包皮大厚，雲吞雞個湯有色無味。20分鐘上晒啲餸，快過茶餐廳，因為張枱細，都唔夠位放嘢，所以快快手不停食，食到胃都痛🤮🤮。之後服務員又開始趕人式幫你清晒枱面嘅嘢，我哋再叫多2個甜品，一放低就問你可唔可以埋埋張單😡平均消費$300，食得果半個鐘，啲嘢仲要難食，個場仲嘈過條街，真係差到頂點🤬🤬🤬…Read More

幾姊姐星期五臨時約食飯，千辛萬苦搵到呢間樓上店仲訂到位，而且無限時間。第一次去間餐廳係用Wechat點餐幾得意，又唔難操作，服務員姐姐好熱情，未點餐就先嚟芒果沙冰（包在餐內）俾你涼一涼先。每個餐都有湯、前菜、主菜、甜品同茶，加埋份涼唔少。我點咗個慢煮安格斯牛柳，肉質好嫩而且熟度剛剛好，三文魚亦都好香😋，前菜係紫菜雞卷做到好似壽司咁好特別，另外豆腐餅亦都好好食，甜品亦都ok。下次可以再嚟。👏🏻👏🏻…Read More

一行三人嚟到呢間小小嘅店大概可以坐10人左右，雖然開多2部冷氣機，但中午時段仲係比較熱。漢堡價錢唔貴而且加$32仲有冷壓果汁同薯條真係好實惠。因為即點即整所以等咗近20分先有餐上，知道我哋想share，職員仲好細心等我哋影晒相再幫我哋攞番去切開😂。不過漢堡包嘅味道就有啲參差，經典漢堡食唔到肉味，芥辣墨魚漢無芥辣味，而雞漢堡太重香草味亦太咸，甜薯條太薄亦有點炸過龍⋯⋯叫咗份BBQ雞翼同樣都係無咩味道⋯⋯雖然服務好，但其實都有啲失望⋯⋯…Read More

一向覺得呢度蛋糕唔差，諗住買個蛋糕嚟慶祝同大家長，所以專登嚟買。因為有小朋友食，擔心雜莓千層蛋糕會好酸，店員答話唔會好酸。點知⋯⋯酸到大人都食唔到，甚至乎啲莓酸到苦🤮🤮成個蛋糕掉咗一大半，一年一次嘅生日就咁破壞晒，真係嬲到震🤬🤬🤬…Read More

工作一週，最好嘅獎勵當然係食好嘢。話明奬自己點會唔叫海膽燒賣✨飲茶又點可以無蝦餃😉佢個三色點心拼盆完全滿足你心願😁想响和牛煎包同黑豚肉燒餅2選一，完全唔知點揀好，大家決定點晒佢，但味道就由燒餅勝出👏🏻喜歡食竹笙點會放過竹笙上素春卷，可惜太炸食好似食唔到竹笙咁😕。最後再叫XO班腩煎米粉，可能係第二轉叫等咗好耐都唔嚟，又追咗2次先嚟，雖然係等得耐咗啲，不過真係好食又特別，有時等下都值得👍🏻👍🏻…Read More

早知道星期一牛扒買一送一，今日拉同事一齊嚟食，估唔到全場爆滿😳（呢條街晚上有幾多人大家心照）。好多嘢都唔同咗，餐廳氣氛好咗，即使陌生人坐埋一齊，但所有人都好開心，又唔拘謹😁。職員見你搵唔到位，又主動幫你搵，之後又行埋嚟問你要咩、又介紹下嘢食、又幫你落order，唔駛好似以前出去排👍🏻，有時傾開偈開心得嚟，真心唔會為杯嘢飲出去排隊叫嘢。我哋叫咗2個ribeye（配薯角同沙律），個扒煮得剛好熟又唔太乾，好好味😋😋～而且以$298嘅價錢唔駛加一，就有兩份牛扒真係好抵食，再叫埋酒飲都唔會好貴。店經理（估係）好好，走嚟問你啲食物點，見佢每枱客都會行埋去傾幾句，忍唔住俾個讚佢…Read More