黑妹's Profile

跟友人吃完燒肉意猶未盡，天寒地冷最好吃碗熱糖水暖肚，正想著應該去石磨坊還是去發記，朋友問：發記？食糖水架？…哦，原來朋友未光顧過發記，一於去試試。由於早幾日去飲宴時吃的紅豆沙落得太多粉，口感差勁，所以我要了一碗紅豆沙補數，發記的淨紅豆沙一碗盛惠$17，都幾貴，紅豆沙甜味適中，可是比較稀，朋友叫的芝麻糊也不見得好，我想去發記還是吃生菓類的糖水比較好！…Read More

30/1/2008跟朋友到旺角盛八晚飯，下午打電話訂檯，七點半到達，想不到竟然還可安排坐卡位，兩個人點了以下食物：燒汁牛肋骨肉：油脂分佈平均，醃得不錯，藉得一試特上厚切牛胸腹：平平無奇自家制海鮮煎餅：煎餅只有手掌般大，味道OK，醬汁最好味山葵手羽燒：只有三隻雞中翼，每隻開半，共六份，燒過後加些Wasabi豉油，很普通，可以不試泡菜芝士雜錦石鍋飯：其實原本想試生牛肉石鍋飯，不過朋友嫌太多牛肉，所以才試試這個，上桌時服務員可以代為攪拌，味道特別，加多些醬汁味道更好另外惠顧滿$250以匯豐信用卡簽賬可以免費享用鹿兒島生薑黑豚一客，味道很好，但略嫌多肥肉，這個優惠店員不會主動提出，要客人自己查詢才有的。吃了兩個小時全場入座率大概有八至九成，比我相像中少人，可能跟天氣寒冷有關！…Read More

上星期二晚去大角咀辦點事後再出旺角買d野，九點幾想吃個quick dinner，於是光顧這家旺角中心對面的樂園牛丸大王（因為方便搭車返屋企），每次去樂園都必定會吃牛肚，因為樂園的牛肚一定是金錢肚，而且炆得好腍，於是叫碗紫菜牛肚麵，因為時間不早所以不算很爆滿，但叫的食物還是要等五分鐘才送到面前（對比總店速度真是慢了），等候其間有幾個阿姐大大聲你話我我話你，有少少火藥味，好似街市。碗麵味道OK，但不夠腩汁，匆匆吃過便埋單走人。還是覺得舊金聲戲院附近o個間好一點！…Read More

16/1/2008（星期三）和朋友到銅鑼灣晚膳，朋友想吃日式燒烤，原本想試盛八，但冇位，後來在崇光旁邊條街很多餐廳的易拉架廣告中選了和幸。兩個女子原本想order一個大約$400有幾款唔同牛肉的拼盤加小食同烏冬，但遇上比sales更勁的非一段waiter，話叫拼盤d牛肉唔靚架…係澳洲和牛唔係日本和牛呀…點點點點，最後被游說order了$330（100gm）但minimum要order $660 （200gm）的日本和牛，以及$135五片的汁燒澳洲黑毛和牛，然後又在推介下要了兩隻牡丹蝦刺身，其實sales哥哥還在不斷推介蟹腳呀鮑魚呀，總之我地話“唔需要喇”佢就會sell另一樣貴價菜式，最終我頂唔順同佢講：我真係好想食芝士年糕同稻亭烏冬，你可唔可以俾d空間我個肚？佢先肯放棄。講返食物，牡丹蝦刺身很新鮮，吃完後還可以幫客人將蝦頭部份炸熟；日本和牛200gm size大概同一隻手掌差不多，切成條狀，沒有醃的，朋友燒六成熟，我怕生，燒到七八成熟，但都軟腍腍的，加少少鹽同黑椒吊味好一點，味道幾好，但不見得有入口即溶的感覺，$660似乎貴了一些；汁燒黑毛和牛味道很好，或許我始終喜歡吃味道濃一點的食物，所以我覺得這個比日本和牛還要好吃；芝士年糕是自己放在爐上燒熱（翻熱）的，頗有趣，但其實味道和坊間的差不多；稻亭烏冬不夠滑，但朋友喜歡它有嚼勁，但湯的味道頗淡。原本sales哥哥問我們要不要order甜品，我們見不太吸引所以打算埋單出去食雪糕，到另一位服務員（似乎比較高級的）將單遞給我們時問：你地無食甜品呀？我請你地食丫！然後就送了一客類似台灣的峰蜜蛋糕六小片給我們，食法是在爐上燒熱來吃，味道ok，如果要用$38 order就不太價了！不過講到尾，我覺得佢送甜品係因為見我地埋張單要$1200囉…Overall這間餐廳食物水準中上，環境尚算舒適（因為我地坐卡位），但價錢真是貴了一點！…Read More

難得入元朗朋友家打邊爐，當然吃埋糖水才盡慶，朋友想到B仔吃腸粉，可是想吃糖水的我對B仔印象麻麻，途經泛后分店，即管試試。泛后的選擇不多，恰巧見到隔鄰吃百合紅豆沙，也跟著要一客，紅豆煲起沙，豆的份量也恰當，甜度適中，雖然不見百合蹤影，但$10一碗，算不錯了。另一友人的芝麻湯圓雖然不算薄皮，但芝麻餡足，配上甜薑湯，也令人滿意。而原本想幫襯B仔的朋友則叫了一客腸粉（$10/7條）加魚蛋（$5/大概7粒），腸粉質地OK，朋友堅稱B仔的醬汁較好；而魚蛋不知應該怎形容，總之每人吃了一粒已經不想再吃，因為實在太差！…Read More

剛過去的星期三和舊同事聚舊，原本想試新東記但怕生意好吃完不能久留，由於曾光顧銅鑼灣新星晚市，覺得小菜做得不錯，而且亦見很多食客惠顧火鍋，知道新星在尖沙咀開了新店所以試試。尖沙咀新星地點比較偏僻，在赫德道瑞士餐廳附近，我們四人大概七時到達，可能客人不多，所以服務員應我們要求安排我們坐在靠窗的半圓型檯，非常舒適。是日有兩款特價$8湯底，我們選了花彫醉雞窩，湯底很足料，花彫和雞件放在另一大碟另上，由客人親自放入窩。火鍋配料方面，我們點選了碟碟$28的蝦丸拼墨丸，菜餃，蟹粉包心丸，牛筋丸，西生菜，炸魚皮等等，另加雜菌，蠔，手切牛肉及蚌，份量非常之多，除了蝦丸拼墨丸質地較硬，其餘食物都不錯，飲品方面選擇不太多，所以大家都喝汔水和橙汁。四個人吃了很多也吃剩不少，可能新店關係全晚也未見滿座，我們坐了差不多四個鐘埋單$560，值得！備註：新星正價時段大部份食物碟碟$28，點選餃類丸類還好，但連豆腐，粟米和各類蔬菜都要$28一碟好像貴了一點，聞說9:30pm後$68任食，連茶水加一每位大概$100，可以試試！…Read More

剛過去的星期一晚放工收到朋友電話約食飯，在MegaBox行來行去最後走入這間位處二樓不顯眼的餐廳，當時大概8:45pm，只得我們和另一台客，我們order了三個set dinner大家share。先來了兩客鮮蝦濃湯和一客忌廉粟米湯，蝦湯很稀，蝦不太新鮮；朋友的忌廉湯則是很普通很普通的茶餐廳白湯，認真麻麻。另外有兩客頭盤，雞肉沙律普通，芝士煙肉焗薯好味道。主菜分別有煎三文魚牛柳（最好吃），紐西蘭西冷牛扒（還好），石窩海鮮意粉（一般）。原本只有兩個餐送木糠雪糕，但待應見我們有三人，就多送一客，雪糕味道一般。但餐飲檸茶咖啡味道尚可。不知MegaBox的餐廳是否比較早關門，9:45pm已經想我們埋單（同時亦見幾位餐廳員工換好便服收工），所以我們都沒有久留，埋單走人。由於其中兩個餐用信用咭有七五折優惠，今餐三個人共$320。此餐廳環境OK，但食物水準真的有待改進。…Read More

星期五適逢返shift，放晏，一個同事仔提議我和另一返shift同事等她放學一起吃飯，立即和議！一行三人選擇去打冷，陵發地點非常隱秘，即使同事仔帶路我也攪不清方向，但晚上九時多依然其門如市，餐牌上選擇不多，三個人點了豬紅韮菜，大眼雞（兩款我都不吃，但同事仔話好好味），還有豉椒灼蜆，煎蠔餅及蠔仔粥。豉椒灼蜆原來是將蜆灼熟再加豉椒汁，感覺有點怪，還是平時大排檔的豉椒炒蜆比較惹味；煎蠔餅鬆化，蠔仔大大粒，味道不錯；蠔仔粥用料十足，值得推介。另外叫了一枝大啤，三個女子，飽晒！陵發餐牌的食物全沒有標價錢，以上四餸一窩粥一大啤埋單盛惠$220。下次有機會想試試鹵水鵝片！…Read More

昨晚慶祝朋友生日，一行九人到了這間餐\廳，為免煩惱選了個八人餐\（$888），包括以下食物：忌廉南瓜湯：很creamy，有南瓜肉，但有朋友嫌奶味太重香草蒜蓉包：上次光顧時覺得頗美味，但今次略為失色，包很重身，咬落口感奇怪，好像落了過量麵粉Pizza兩個：餅底薄又脆，朋友一致好評，我覺得海鮮比番茄吞拿魚好吃意粉兩客：有幾種口味選擇，然後任配意粉，闊麵，天使麵，扁意粉，由於有九個人，所以每人只可試其中一款，我試了素菜扁意粉，味道OK芝士肉醬焗薯角：大熱之選芝士肉醬焗茄子：因為有一道菜售罄而改的，味道不錯白汁芝士焗西蘭花：西蘭花可以再熟一點蜜糖柚子雞翼：好味道甜品：Vanilla雪糕（一般）+ 細細件暖朱古力批（有點像Mrs Field的朱古力批，好味道）餐\飲：可加$10轉餐\牌內任何特品，但我上次試過麻麻，所以order了最普通的檸檬茶我們另外加了一個1.5 lbs士多啤梨cheese cake（$200），waiter會將燈光調暗才捧出來，頗有氣氛，cheese cake賣相很好，但質地不夠實，但原來這間餐\廳是慶生日熱點，waiter一晚竟然捧了三次蛋糕出來: )在尖沙咀區吃一餐\飯可以坐足四小時，很難得！…Read More

昨晚在九龍塘陪朋友試完婚紗，一行六人於九時正抵達又一城，想吃一個quick dinner但又不想去food court，所以就選擇了去EXP，order了六款食物：西柚香芒蕎麥麵：先來個冷麵，酸酸地，開胃之選加州牛油果大蝦Pizza (薄)：餅底很脆，每件都有大大隻蝦加大大件牛油果，配千島醬及蟹子，每次光顧必食芥末牛肉Pizza (厚)：餅底鬆軟，牛肉夠腍，配上芥末汁，夠惹味蕃茄忌廉汁大蝦意粉：汁creamy，大蝦沒有太多雪味，也夠爽，不錯香辣豬頸肉炒米線：朋友之前吃過覺得好味，但是晚有點失準，席間大部份人都吃到有酸味（唔新鮮?!）沙嗲串燒（半打）：要了三串豬肉三串牛肉，味道OK由於已經過了正常吃飯時間，大家都不太餓，加上沒有order飲品兼且有折扣優惠，所以埋單只需$330，很經濟。順帶一提：星期一至五下午一時前入座，order飯/意粉/Pizza可免費任選任何一款果汁。…Read More

早幾天跟兩個朋友相約到尖沙咀食韓國菜，途經此店想起在openrice有不錯的評價，又剛巧有客人埋單不用等位，就即管試試。三個人有兩碟共五款前菜，味道okay。因為席間一個不吃牛另一個不吃辣，所以選擇不多，只order了以下兩款：海鮮煎蔥餅：多粉，比較腍，真的有點似中式煎薄撐，一般即製年糕窩（二人份）：配料很多，有韓國年糕，粉絲，出前一丁，魚片，脆皮腸及蔬菜，雖然組合奇奇怪怪，但滾起來全窩變成橙紅色，甜而不辣，很惹味店內寫住惠顧晚市要90分鐘交檯，不過可能沒有客人輪候關係，靚靚女東主都沒有催促我們結賬。見旁邊一檯叫了幾款有牛肉的菜式，賣相很不錯，下次會再來光顧試試。…Read More

昨晚原本打算跟朋友到尖沙咀LCX的California Pizza Kitchen，但可能是weekend前夕，坐無虛席，行前幾步的魚一丁同樣多人，再向前行就發現有間stage cafe，我之前只幫襯過牛頭角淘大店，不知原來這裡也有分店，眼見似乎很快有位，所以就試試！LCX店跟淘大店在食物質素及價錢上都很不同，當然一分錢一分貨，明顯LCX店各方面都比較優勝，是晚set dinner有四款，main course分別是羊架，肉眼，意粉及飯，我order了一個大蝦香草汁天使麵，味道不錯，份量還比想像中多少少，另外亦試了朋友的羊架，不太"蘇"，幾好；而肉眼都很，墊在牛扒底部的豆也很好吃！還未講餐湯，餐湯是任選餐牌上任何一款湯的，我選了南瓜薑湯，南瓜配上薑味道很清新，但淡了一點，朋友order的酥皮龍蝦湯，都OK！餐後甜品我加了$20轉焗朱古力布甸伴雲糕，其實即係等如朱古力心太軟，切開有朱古力漿流出來的，味道很好，但吃半件已經很滯！朋友的芒果千層則一般！雖然此店並沒有甚麼裝修可言，店員服務態度一般，而且晚餐價錢要$128-148卻連飲品都冇杯，但整體食物賣相及味道不俗，加上一覽無遺的維港夜景，都是值得再來的！…Read More

夜晚一大班人去o左apm Suzuki 食飯，裡於拍長枱，我地四人為一組各自叫o野食，我地一組都懶諗，所以叫o左四人餐！餐湯我選了芝士南瓜湯，南瓜味不夠濃亦不太有芝士味，朋友選的龍蝦湯似乎比較好，幸好有塊香脆的蒜蓉包。主菜前先o黎個份量極細o既雜菌酥盒x2加兩舊煎過o既飯夾住塊微煎過o既三文魚x2，兩者味道皆麻麻。主菜有四款，正確名稱唔記得，食物大致如下：牛柳：幾嫩，牛柳夠腍，四款主菜中最好的一個。薑汁豚肉飯：用鍋仔上，餸汁夠多飯夠熱，都幾好咪。芒果汁雜菌雞卷：雞好”鞋”，配搭雜菌同芒果汁味道唔match，不太好吃。豬柳：只可以話係一堆好重牛油味o既薯蓉上面放o左兩塊似乎毫無醃過o既朱扒，又冇乜汁，實在頗差。甜品有兩款，但大家都棄燉蛋要豆腐芝士蛋糕配綠茶雪糕，綠茶雪糕普普通通，豆腐芝士蛋糕都OK，但另一組朋友跟我們分享的大大件芒果咖啡蛋糕比較美味。總括散叫的食物好過套餐，待應的朋服態度比我上次光顧時好了一點，但論口碑還是朗豪坊或銅鑼灣的店比apm 好些！…Read More

早幾日同朋友聚舊，出旺角打邊爐，願本諗住去稻香，但朋友話要去金雞廣場間海港，皆因佢幫襯開荃灣o個間，覺得又抵食又好食，所以一齊試試旺角新店。其中一人要八點幾先到，所以我地食九點特價火鍋，由於早攞飛，裡面又有枱，職員八點九就俾我地入去。我一攞起手就諗住剔鴛鴦鍋，好彩朋友制止住我，原來每晚特價時段都有兩款$1湯底，我地揀o左冬瓜豬骨湯，另外火鍋配料大部份都係$12，我地要o左：水餃拼雲吞、蝦丸拼墨丸、金菇、本地肥牛、魚腐、鮮支竹(仲有一樣唔記得)，再加兩碟$18o既帶子片同花膠筒，另外見枱枱都有燒鵝，梗係要碟例牌再加碟燒肉，終於四個人就叫o左九碟火鍋配料加兩碟燒味喇，大部份o既食物都唔錯，其中以$12蚊一碟o既手打蝦丸拼墨丸最抵食，花膠筒o係出面好少見，最o岩女士養顏，招牌貨燒鵝亦有水準。四個人冇特別嗌o野飲，飽到食淨o野，都係位位$70，唔怪得全場爆滿，真係抵食。…Read More

昨日下晝同朋友去到德福搵食，可能已經兩點幾，見翡翠拉麵難得唔駛等位，於是就走入去幫襯！同朋友order o左紅油五香牛肉拉麵、小籠包同埋蒸北京水餃，待應話北京水餃即包即蒸，所以要等三十分鐘，橫掂我地唔趕時間，照等。紅油五香牛肉拉麵其實係清湯底o既五香牛肉拉麵上面灑上辣粉同少量辣油，但都唔錯。小籠包皮簿餡靚，但order o左唔駛兩分鐘就上，個皮比我上次o係銅鑼灣食有少許韌，加上裡面o既肉汁湯唔算好熱，所以我懷疑唔係即時蒸，但都算OK。北京水餃即包即蒸，新鮮熱辣，但唔知點解六隻中只得三隻咬開後有肉汁流出，都幾好味。我地食完坐o左好耐，待應不停幫我地加茶，最後問我地要唔要加甜品，我地就加o左客碗豆黃，都幾OK！埋單$120，坐o左一個鐘有多，都好合理！…Read More