瑋瑋！'s Profile

近排有幾個朋友都不約而同介紹我去試吓係尖沙咀既同一間Cafe。佢哋都話好有特色，食物質素又幾好，值得去試試。不過我去cafe最重視就係杯咖啡，就即管去試吓得唔得啦我係The One商場行完街就過去，間舖頭都幾近The One，行1分鐘既路程就到。要上一層樓梯，成條樓梯都有店主既「滋滋」設計，好有心思，值得一讚！一入門口就聽到滋滋聲！原來Cafe既入面係紋身既地方，同店主傾左幾句，原來個店名來源都係由紋身既滋滋聲同咖啡機既打奶聲而黎。亦都係香港首間Cafe crossover 紋身既舖頭。要撐撐本土出品！我見好多客人都嗌舖頭好出名既Einspanner同Lotus Bisoff Latte，不過我真係麻麻地有奶既飲品，我就嗌左杯Ice long black試試佢哋真功夫。Ice long black $36真心高質，好少會見到long black呢d咁普通既咖啡會俾到驚喜我。首先凍既Long Black，佢都俾到一層咖啡油係面，唔係成日會預到。飲落佢地既咖啡果酸味都好出好岩我！最後就係佢地用既冰，係波波冰，係細節位睇到店主既心思！Chocolate roll cake $45蛋糕賣相不錯，食落唔算甜，岩晒怕甜既我。有香燶朱古力味，而且中間d cream都好香滑，Tea time 食件cake即刻開心晒。Cafe環境都好舒適，整體感覺良好，食物選擇都多，今次食完個蛋糕都飽了，下次再去既話應該會試吓佢哋d bagel，睇落都幾吸引！…Read More

同屋企人落新達廣場食午餐，一於試下呢間拉麵得唔得。麻辣牛肉拉麵$59追加半隻蛋$7舖頭得一款有辣嘅湯可選，呢個麻辣湯冇想像中咁辣，我諗只有譚仔嘅十小辣，如果一心諗住食辣一定會失望。個湯味都好平淡，無乜口味可言。麵質無得揀軟硬度，睇落有啲似公仔麵，食落偏淋，又冇乜咬口。半隻蛋，醃料尚算入味，流心程度都算不錯。牛肉其實就係用上肥牛代替，肥牛質素認真麻麻。整體嚟講係好一般。想醫吓肚，呢個價錢都可以接受。…Read More

同屋企人去飲茶，呢間會有驚喜俾到我。有位入座既時候，侍應就即刻俾一個茶包我，埋位後原來有一個泡茶枱，有自動出水同煲熱功能，可以按自已需要泡茶加水。唔需要再不斷叫人黎加水，方便不少，值得一讚的設計！蝦餃夠大隻，皮又厚度適中，不錯！湯米粉個米粉俾想像中大份，4個人食真係夠晒飽。值得一提係個米粉唔會煮到淋晒，食落有咬口沙薑雞特價三十幾蚊，有一大碟雞，d雞仲要滑口的生菜魚肉生菜份量都足夠，魚肉雖然大大粒，不過味道就普普通通。…Read More

星期日的中午，book左七位與朋友慶祝生日，餐廳地方都算幾大，我哋被安排坐到餐廳最入的位置，算係一間房入面，比較舒適及寧靜。如果被安排坐喺較出的話，可能會有點嘈吵，同埋會有幾多人會喺身邊行過，因為餐廳設有自助餐，而自助取餐區位於餐廳的門口，所以不斷會有食客走來走去。幸好我哋坐喺最入避免以上問題。餐牌上單點項目有太多選擇了，既然黎到有提供半自助餐的，而眼見自助餐提供的食材款式又多又新鮮，最後都決定叫左個自助餐。自助餐有可供配搭主菜，我就叫咗一碟羊。呢個羊係跟自助餐嘅主菜食落只有淡淡嘅騷味，唔食羊嘅人都應該接受到。生熟度控制得啱啱好，每啖肉都好香口…Read More

下午兩點半想食個飯飲個湯，相信係荃灣呢間絕對係不錯之選。有多款湯可選擇！蒜香龍躉蒸飯一上碟已經有香濃既蒜蓉味，飯粒吸收晒魚香同蒜油，不過食落就略嫌油咗少少，不過都算接受到。龍躉魚塊份量都不孤寒，每塊都啖啖肉，魚皮亦都好有咬口跟飯加多個湯仲可以有減10蚊優惠，個湯就畀咗我朋友飲，見到熱到十足朋友都讚味道不錯。…Read More

位於荃灣如心廣場新開張的鮨樂壽司店，開張以來都一直都見有人排隊，今日就即管去試一試得唔得！入座嘅時候侍應已經問我貴姓，用姓氏來稱呼，絕對係高級餐廳先會有嘅服務被安排坐喺bar枱，對住這一位女師傅，我哋所點嘅壽司，全部由這位女師傅製作給我們，除咗有得食之外仲可以有得睇中拖羅 - 吞拿魚醬油漬 - 大拖羅大拖羅叫咗兩件，都切得厚厚的，入口有香濃魚油味，雖未能即溶，但總算慢慢溶化在口中。美中不足的是兩件食落都有筋海膽三文魚籽卷海膽新鮮鮮甜，每粒既魚籽皮就比較厚，但整體總算新鮮，分量絕不孤寒令我最深刻的，一定係佢哋嘅服務，由入坐到離開，所有服務都值得一讚入坐同畀錢埋單都會用我嘅姓氏去稱呼，收碟加茶都好有禮貌。以呢個價錢，但提供到一般要每位千元以上的餐廳既服務，就憑呢個服務態度，我會再黎！…Read More

最近發現荃灣原來有一間地道既日式沾麵店。入到去有一個日本客人啱啱食完，日本客人臨走同店長用日文傾咗陣計，店長有一口流利的日本語，仲要為佢係日本人（可能真係），位日本客人都喺度讚碗麵好食我心諗我應該冇嚟錯地方了，整個感覺就好似我已經置身於日本一樣。講番啲麵佢有三個沾麵選擇，我叫咗個黑蒜油豚肉沾麵，免費送埋一罐可樂個湯有十分香濃嘅黑蒜油味，熱度十足！所以將麵夾落去食都唔會好快變涼。個麵亦都可以掛到個湯，每啖都食到香濃嘅蒜香豚肉味當食完整個麵之後，可以叫侍應再加啲木魚湯，再將湯飲清代表尊重個廚師。黑蒜油豚肉沾麵$83呢個價錢食到日式地道風味絕對物超所值 …Read More

話說今日返公司前要去北角匯一轉，有時間係附近食返個午飯。北角冰室係北角站附近，果到一列都係餐廳，只有北角冰室有個侍應走出嚟邀請我入去食，就即管試一試吧。午餐都相對便宜，都係四十幾蚊有交易。咁我就叫左一個xo醬通菜炒牛肉飯因為我去既時候已經過咗午餐時段，所以餐廳基本上冇乜客人。相信都係我叫嘅時候先即刻炒，所以通菜牛肉都新鮮熱辣通菜新鮮，牛肉都香同埋好冧。不過就多咗少少油，食個菜都唔想有咁多油落肚。如果炒得乾身少少就更好了。另外跟餐嗌咗個凍檸茶少甜，不過飲嘅時候就覺得係凍檸茶多甜…Read More

鋪頭喺油麻地地鐵站附近，揸車過去十分方便，可以停喺舖頭出面。入座後見出面人龍越來越長見個個都身水身汗，建議想食就盡量喺午飯時段前就嚟食如果唔係真係有排排隊，每人限坐一小時15分鐘。餐廳門口有兩張長凳武功排隊客人就座。就座後需要自行前往收銀處點餐，感覺人手並不充足，點餐收銀需要由咖啡師做埋。正當我出去點餐時，咖啡師正在調配咖啡，並需要我站著等待一兩分鐘才能點餐龍蝦湯配牛油果大蝦稻庭烏冬 $128龍蝦湯相當濃郁夠熱值得一讚有三隻大蝦食落，鮮甜香口牛油果生熟度適中，見到廚房都係訂購一包已切好的牛油果，穩定性會比較高。稻庭烏冬都不錯，軟硬度適中，不過如果當午餐食只有一個烏冬的話略嫌不夠，需要追加小食才能夠飽。梅子冷麵配鯖魚$88梅子冷麵本人唔係好識得欣賞，我諗鍾意食嘅人就好鍾意，唔鍾意食嘅人就會好唔鍾意。鯖魚食落肉質梅梅爛爛，同侍應講後，好快都換過一條正常的。最後仲嗌咗杯咖啡，咖啡質素絕對不錯…Read More

Green Common其實喺其他分店都試過好多次，見佢喺荃灣如心廣場開咗新分店，作為荃灣人就即管去試一試支持下新開分店一如既往鋪頭分開兩部份，一邊係超市形式買賣貨品，另外一邊就係堂食。座位都算闊落，再加上限聚令兩人坐四人枱絕對係舒適的。嗌咗個樂樂趣，即係我成日形容為假的麥樂雞係用素做成的，雖然食落都有陣陣菇素味，炸得非常脆口，啱曬鍾意食香口嘢嘅人。韓式辣醬植物雞柳意粉 另外我嗌咗個假雞柳意粉，開頭食頭幾啖味道都算ok幾惹味，不過食到中後段味道實在太燶，個韓式醬汁不但喺啲餸菜上非常濃郁，係意粉上都同樣地有非常濃郁的韓式醬汁，導致整碟意粉每一口都只有一個味道就係燶燶的韓式醬汁…到後段實在吃不下去了…Read More

想喺荃灣食個快靚正嘅烏冬，廿一堂係不錯嘅選擇。之前喺將軍澳分店食過一次火鍋都覺得呢間嘅出品性價比不錯，所以今次午餐再試一試個午餐烏冬。 鰹魚湯牛肉65度溫泉玉子讚岐個烏冬整體不錯湯夠熱，烏冬硬度適中有咬口溫泉蛋我就食之前篤穿個蛋黃撈麵食，啲蛋漿撈埋麵食先係最正！牛呢就普普通通，正所謂一分錢一分貨，主要都係想食個烏冬。呢個套餐仲包埋一個大福，不過一向喜歡食大福嘅我，對呢個大福真係提不起興趣整體$60既價錢，有埋茶飲，都係不錯的烏冬選擇。…Read More

想係深井食cafe，選擇有2,3間，但July就係坐得最舒服嘅一間。雖然July嘅咖啡都十分唔錯，不過今次入去並唔係為咗飲咖啡，而係為咗食午飯，中午有午餐選擇，套餐包括有餐包餐湯意粉同埋嘢飲。廚房係open kitchen，可以完全望到製作食品同埋飲品。餐湯係粟米湯，飲落相當普通。餐包係微暖的，不過冇跟任何果醬牛油或橄欖油，最後我叫侍應俾舊牛油我。香辣蒜油意粉我對熱度既追求都十分高，呢碟意粉絕對夠曬熱，仲有燶香嘅蒜油味蜆肉分量絕對唔孤寒，反而意粉份量相對少咗啲，當午餐食就未係好夠飽了。不過整體都係不錯的！…Read More

成日都食肉肉肉，一時想試下新口味，諗起最近新興食素肉，都係一個唔錯的選擇，荃灣有一間新開的食素就即管去試試我嗌咗咖哩吉列豬扒飯，舖頭提供的都係新豬肉，意思即係假的豬扒，亦即係素肉模仿吉列豬扒，煎得十分香口，炸皮都做得唔錯，厚薄度適中。食落都似食緊真嘅吉列豬扒。而咖哩飯都做得好好，有香濃嘅日式咖哩味KATSU CURRY RISOTTO $98另外嗌咗一個冬陰功意大利飯，口味竟然是想不到的配合，釋放出非常香口的冬陰功味，呢個汁配飯真係一個唔錯的配搭，雖然食得出唔係用risotto米，而係用珍珠米，但廚師都盡量將飯粒煮到有些少咬口。TOM YAM RISOTTO $88ICED CHOCOLATE $28KIWI KALE APPLE OAT MILK $36…Read More

去到順德廣場想食個快午餐，見到成個商場大部分都係美心集團，為咗快就入咗去美心集團呢間快餐廳。當你係出面買完餐後，佢會有個提示器畀你拎去你坐既位，到時侍應就會自動送餐到你檯上，對於自己一個去食飯既人，係幾方便既一個快餐服務。蝦湯麵魚蛋條$62份量唔算好大，一個午餐嚟講可能有啲人未必會食得飽，不過我就食完啱啱好。個湯有燶香嘅蝦味，我都忍唔住飲多幾啖湯。另外配料有五隻六隻蝦一條半長長的魚蛋，仲有啲芽菜同炸蒜頭。味道以呢個價錢算係幾唔錯的。…Read More

半年前去過K11 Musea，行左個圈，個商場又黑又多人樓底又矮音樂又嘈，心諗唔會再黎呢個商場。不過疫情下，見周圍都無乜人，係閒日試吓黎食個lunch，又有新既感覺，舒適好多！間餐廳好闊落，一入去侍應都好有禮貌咁帶位我就嗌左一份豬手御膳，真係名副其實嘅一個御膳，整體份量十足，每樣配菜都有心製作。前菜既沙律菜非常新鮮食落每塊葉都好juicy，而個蒸蛋入面配料十足，食落滾熱辣的，不過入面有少少氣泡未到最滑的口感。麵豉湯同合桃魚仔都不過不失御膳嘅主菜見到都有d興奮，因為份量真係有啲大。魚生有兩塊厚切嘅三文魚同埋兩隻生蝦，2樣都鮮甜肥美。仲有一嚿蛋。另外天婦羅有大大隻嘅炸蝦秋葵同冬菇，全部都炸得好出色，個麵粉皮與食物相當貼服，唔會一咬就甩曬啲皮出嚟。豬手既醃料口味雖然我覺得一般，但口感相當好，入口即溶的感覺，一試難忘！最後仲有燒豬肉片，食落香口，唔會太肥膩嘅感覺。小插曲，廚房煮錯咗第二個御膳畀我，不過都好快上返一個啱嘅畀我。…Read More