mic_cherish's Profile

主要想講服務態度都真係非常差😡 第一次響Open rice 留劣評😡嚟過呢間餐廳三次，之前兩次冇乜特別，唔叫好service但又唔係差咁樣。今次係遇到超級差的服務態度。星期日一行8人食晚飯，其實我唔介意落訂可以book位，因為始終8個人要Walk in一齊等有啲難度，但餐廳回應沒有這項服務提供，咁就唯有Walk in啦！ (呢方面我冇投訴，只不過我係覺得公司訂位政策可以改善。。)知道餐廳無論有幾多人食都係限時90分鐘,星期日7:40pm 到，我哋都預咗要等位到8pm後先有得食，reception其中一個姐姐就話現在有位，但由於我哋未齊人，佢就態度惡劣地話：「點解你哋唔係八個人一齊到？！ 」What ? 其實一唔一齊到又點呢，就算我一個人到咗，你照俾枱我，照計我90分鐘，我冇問題架。同埋正常食晚飯7點幾我都預攞咗飛再等位，點會諗住你而家即刻有位！咁好啦，個位reception姐姐話依家7:40pm入去都可以俾我地坐到9:30pm, 如果依家唔入就要等一個鐘先有位。。。但隔籬位肥肥的reception姐姐就態度惡劣話唔好俾客人預早入去，兩位reception姐姐爭議一輪後就決定俾我哋入！ 其實係啲客面前，兩個reception姐姐喺度爭議已經好奇怪。。。。(何況入到間餐廳發現都唔係full House。。起碼仲有1/5吉枱)我地坐低咗，之後有兩個家庭成員到的時候(大概7:50 pm), reception姐姐就問佢哋搵邊枱，屋企人話係八個人的，reception 姐姐就態度惡劣地話: 「哦，八個人嗰枱，你哋搞到依家先齊人㗎，已經等咗好耐啦喎。 (其實當時只係7:50pm) 」最重要係你理得我幾點到齊人，其實我9:30pm準時還枱俾你就已經OK啦。 無啦啦講啲有骨嘅說話俾客聽，其實係咩服務呢？？我哋今餐飯是慶祝生日，咁就請侍應幫忙影張大合照相，外籍女侍應聽到我話叫佢幫手影相冇出聲，但一攞到我部電話係反我白眼，呢個眼神係我哋全枱人都見到。（其實我覺得你唔想影可以直接拒絕我，唔需要攞完我部電話再俾面色我哋睇。。。）以上就係我們遇到既服務和態度，如果大家只要求食物有質素，而不計較這樣的服務態度，那麼你可以繼續到這間餐廳聚餐。*都要讚吓，餐飯裏面我哋都遇到一個男和一個女侍應比較有禮貌。*食物質素幾好…Read More

諗起大角咀有好多食肆，今晚約咗朋友過嚟睇下有咩好食，睇完一輪都未諗到食咩，就決定去打邊爐，見呢間又有刺身，串燒，打邊爐，都算幾多選擇，價錢亦算中價！點左幾款刺身：我至愛嘅北寄貝，八爪魚，清甜新鮮三文魚夠肥美，厚切叫咗個牛乳豬骨火鍋湯底，本人就唔太喜歡飲湯底因為覺得湯底會好肥，朋友飲咗就覺得個湯底清甜有豬骨味，比預期覺得好飲牛頸脊：呢個部位係我至愛，好容易熟同好林，好有牛肉鮮味手打蝦丸墨魚丸：都算幾彈牙亦都食到新鮮蝦肉炸魚皮：自家製，唔會太咸食到差唔多我地叫咗蟹柳同菜作總結，有菜健康d本身好想食埋串燒，不過朋友話已經好飽，所以就下次再嚟試啦…Read More

成日路過呢度都好想試下呢間日本嘢，近尖東地鐵站，地點方便，今日放工同朋友食飯，一於入去試吓啦！🍣吞拿魚赤身壽司：吞拿魚鮮味十足，有入口即溶感覺🍣五點刺身盛合: 全部魚生都好新鮮，無魚腥味，帆立貝同生蝦夠大隻，生蝦亦好甜！不過如果刺身再多少少就好啦🙂🍣火炙北海道帆立貝蟹膏卷：之前食其他日本餐廳唔覺有呢款卷，我覺得幾特別，所以叫黎試下，蟹膏味濃配淡淡的帆立貝好夾🍢香炸日本池魚仔：其他日本餐廳多數提供雞泡魚干 或者多春魚，第一次食池魚仔，夠脆口唔多骨，亦冇多餘嘅油，炸得剛剛好🍢黑蒜黑豚肉卷：甜甜黑蒜味道唔會太濃，配上一卷卷黑豚肉，確實好match🍢煙肉櫻花蝦煎廣島蠔：煙肉櫻花蝦炒得香脆，配搭廣島蠔好夾，不過稍嫌蠔細隻咗少少仲有好多嘢食想試不過食唔晒，唯有下次再嚟食…Read More

星期三放工鬆一鬆，揀咗呢間餐廳食晚餐。Book咗7點，準時去到就未有人嘅，但坐低唔夠半個鐘後就近乎full house，餐廳佈置用咗阿仙奴做theme，鍾意阿仙奴嘅人應該會好開心。望一望個Set Dinner Menu，價錢合理，同朋友分別叫咗香燒美國Creekstone牛肉眼拼法國鵝肝同波士頓活龍蝦(半隻)配Creekstone牛西冷，因為我地2個都好愛食牛。前菜 – 沙律用玻璃樽裝住d沙律，賣相特別，配上黑醋，酸酸甜甜，味道清新醒胃。蒜蓉包及餐湯雖然個邊唔夠脆，但味道同溫度搭夠，都算唔錯，至於蕃茄湯，非常足料，濃濃嘅蕃茄味，Good!主菜波士頓活龍蝦(半隻)配Creekstone牛西冷，牛扒5成熟 香燒美國Creekstone牛肉眼拼法國鵝肝，牛扒7成熟 西冷扒肉味濃，龍蝦個sauce幾特別幾醒胃，肉眼夠林，鵝肝夠creamy，兩個主菜都有一定水準，但令我印象深刻嘅反而係配菜，用上紫薯而非一般薯仔，甜甜地又幾好味，另外個菜用蒜蓉炒過，香港西餐黎講比較少見。望落份量比較細但食完都飽飽地，整體感覺唔錯，下次一於再黎過。…Read More

本來想試2期Mexx lemxxgraxx , 不過見人太多，過左黎呢邊，唔洗等位就入去試吓。。。芒果軟殼蟹紙米卷：紙米卷皮薄，芒果配軟殼蟹一定係絕配，軟殼蟹炸得脆口唔多油，香料配搭得宜熟牛肉河粉：熟牛肉冇肥肉位抵讚，不過牛肉偏少，清湯底唔會太油海鮮叻沙湯河: 叻沙湯底椰汁味唔算濃，辣味適中，海鮮份量好少，煮得過左火食到好細粒餐廳環境：枱子鋪得滿滿的，客人行入位子嘅位置好狹窄，侍應上菜時，亦要小心翼翼，免得撞到顧客…Read More

假日lunch set $5x 算好抵食。温泉蛋牛肉飯定食：牛肉汁味道精準，飯粒佈滿牛肉汁但不會太咸，飯份量多，女士可以share 食tim, 反而麵豉湯過咸，飲一啖都飲不下熱柚子蜜: 不過不失，甜左少少…Read More

Friday lunch 試下呢間新餐廳！4個同事叫左4個lunch set，$158 餐牌上可以揀3款食物，如要proteins 就另加$40Avocado： 呢個toast 配合chia seed，Walnut ， 非常香脆可口,食2件都未夠侯63-Degree： 半熟蛋配炸脆薯餅，好matchBeetroot Tartare： 最喜愛濃濃紅菜頭味Corned beef： 咸牛肉餅，淨咁食係好”流”，如果配埋toast 會較好Squid: 細碎squid 配上puntalette, 一開始食好有入口即溶既感覺，好特別，雖然份量唔算大，但好飽肚Strawberry: Strawberry sauce 加上yogurt sorbet，配埋Granola ， 為今日既lunch set 劃上一個完美既總結House-made ice cream & Sorbet : Hazelhut ice cream 配raspberry sorbet, 甜酸配搭得宜，唔太甜最後想講下，overall 侍應態度幾好，只有一個侍應對客會黑面和落錯order, 服務態度真有待改善…Read More

呢幾日落大雨，就揀起室內食午飯，第一次下大雨天來，12:30pm 條人龍排滿整個地庫，我排在餐廳對面的中餐廳門囗，排隊到點餐，用了20分鐘！黑松露大蝦意粉$70：意粉炒得乾爽，有啖啖黑松露味，不過偏淡味，食到底都冇過多既油，大蝦份量再多些會較好，畢竟沒有其他配料温泉蛋卡邦尼煙肉意粉$70：卡邦尼汁份量剛好，配合軟軟煙肉和半熟蛋，味道一流凍咖啡就偏甜左少少堂食會有人送餐，唔落雨近近地都可以再encore…Read More

魚米家大家一定唔陌生，歷史悠久，水準都算keep 到，不過價錢當然triple 上啦，依家仲做埋「有營食肆」難得lunch 12:30 一到就有位，仲唔啦啦聲入去咩🤣叫左雞亦魚腐湯飯餐:小食-我揀左炸魚皮，炸得香脆味道剛好唔太咸!魯水雞亦好入味，魚腐有5大粒，湯飯係一個大飯碗咁多飯，仲有冬瓜粒，菇，木耳響湯飯內，都算健康，魚湯底keep 到濃濃魚湯香味又唔油，都算健康，份量for 男士一定會好飽唔想lunch 排隊又想坐好d(呢度唔算太趕人走)，可考慮下黎呢到食…Read More

朋友介紹入咗嚟呢間食沙律，中環呢條街來講價錢$98 唔算平，但總會見到大排長龍⋯今日食咗蟹肉羽衣甘藍糙米飯：羽衣甘藍醬配蟹肉糙米飯好夾，左邊係自選沙律，櫃檯有四至五款沙律選擇，我揀咗紅菜頭，蟹肉同沙律都好新鮮，雖然望落去個盒好似好細，但份量都好夠，不過到咗6pm 嘅時候已經好肚餓呢間小店有過濾水供應，自己酙，不過個人覺得好似唔係太乾淨，寧願買佢店內嘅健康飲品比較好！下次會再嚟試吓burger set ,朋友之前推介過話幾好食…Read More

❤️2019年6月～新開業，全單85折❤️同朋友晚飯想揀個中間點，知道雅蘭開左好多餐廳⋯就過來揀下食邊間做晚餐⋯事先冇search過邊間好食⋯見「點心廊」裝修幾grand， 價錢都OK，我哋又唔算太肚餓，就決定揀點心做晚餐！入到餐廳坐低左，先知係由前喜來登酒店天寶閣總廚陳小麒師傅主理，自己喺喜來登酒店做過intern， 一直知道天寶閣點心出名好食，所以真係覺得冇揀錯😂茗茶有好多選擇，我哋揀咗玫瑰荔枝茶，好清香⋯好似仲有桂花烏龍茶⋯嗰d揀！🥟🍤創作六式拼盤(每款兩件，for 兩個女仔剛剛好)海膽鳳眼餃:日式夾中式，估唔到都幾match幾好食！海膽配熱食都唔錯，鳳眼餃皮亦好薄身！金箔墨汁蟹粉鮮蝦餃：墨汁餃皮包住彈牙鮮蝦，皮薄餡靚，蝦好大隻同新鮮！黃金啤梨鹹水角：啤梨型狀，啤梨叮係炸過嘅麵條，好精緻！鹹水角皮好煙韌香脆！原隻鮑魚雞粒酥：有鮑魚鋪面夠貴氣，配上香脆酥底，好夾！一口燕窩撻嘅:好多燕窩呀，for 女士好養顔！黑白芝麻流心煎堆仔：可能傾得太耐計先食，唔覺好特別！🍛鮑汁花膠撈飯：滿滿花膠，獻汁適中，唔油膩，每人吃兩碗已經好飽！「點心廊」最令我印象深刻，就係覺得食點心都可以唔油膩，唔會食肥自己，仲可以好養顏🥰不過有一樣可以做得再好啲，就係店裏嘅音樂時大時細聲，如果可以音調適中會較好😅…Read More

以為凈係力寶嗰邊會有水果三文治賣，原來遠東都有，重近我添！夏天冇乜胃口食嘢，就過嚟買沙律返公司食今日買咗雞胸螺絲粉沙律，加$7配個南瓜湯，雞胸肉唔鞋口都幾滑，南瓜湯味道好濃，唔會好水另一次試左粟米雞肉粥和雜菜湯，total $29 都好夠飽，啱晒減肥女士食…Read More

彩園開咗幾間新餐廳，輪着試吓餐廳，今日嚟到紅磡冰室⋯雖然呢間冰室分店好多，不過近近地試吓無防！麻婆豆腐客飯：碗飯係超大碗，麻婆豆腐比預期港式茶餐廳一般食到嘅較出色，麻香而不太死辣！咖喱雞扒飯：雞扒剛剛炸好，熱辣辣唔算油膩，咖喱有椰香味，算係比一般茶餐廳整得好食…Read More

自己喺中環返工，要周圍搵lunch試新嘢都好煩，一過咗12:15，間間餐廳都大排長龍亦要齊人先有得入，其實呢間鐵牛都唔例外，不過勝在排隊唔需要太耐，通常等15至20分鐘都可以入到去！而我點解話比樓下嗰間好食，因為呢間份量足，價錢亦合理，樓下嗰間午餐性價比不算高！呢間餐廳仲有個特色～有得借充電器，午餐付費方式亦好多:)紅燒牛肉麵：牛肉分量多，牛肉炆得夠林，唔會太硬，牛腩湯底味濃，麵亦夠彈牙鹽酥雞湯麵：鹽酥雞味道適中，炸得香脆，粉漿唔會太厚，雞粒唔會太油，食過兩次都keep到水準鹽酥排骨滷肉飯：呢個排骨比較乾身，可能排骨薄，粉漿厚既關係凍珍珠奶茶：珍珠夠咬囗彈牙，而佢提供外賣杯，飲唔晒仲可以攞走…Read More

以上水來講，茶餐廳多，想搵啲特別嘅菜式食飯都比較難⋯呢間泰國菜都開咗好多年，自己都食過不下五次，食物質素中規中矩，中等價錢，如果食物質素可提升，應該會有潛力吸引更多食客！雞翼冬陰公湯金邊粉：雞翼炸得香脆，上枱時候仲係熱辣辣，冬陰公湯底味道唔算太辣，啱晒唔食得辣嘅我乾炒雞肉河粉：覺得佢炒得比較濕，雞肉比較零碎，泰國菜來講唔算整得好食🍹之前來食飯叫過凍蜂蜜蘋果茶，今日叫咗熱柚子蜜，兩次來講佢嘅特飲都做得比較遜式，好稀唔夠味，反而飲返普通檸檬茶奶茶較好…Read More