gigi666piggy's Profile

這間日本麵店已在將軍澳廣場一段時間。始終唔算好多人。就算是前陣子日本拉麵大行其道排個半死時，佢都唔算好旺。其實佢個野菜麵我覺得幾好食，雖然只有野菜，但一d都唔會覺得好寡，反而算幾濃味，但又唔會好油。始終曾經都算在日本紅過，質量應該可以。見佢生意一般，香港人唔buy只得一款食物的食店，無論你做得幾好都假。於是見到佢又加小食又做火鍋咁。其實都抵食架。但我都係覺得最original 的野菜麵最好味。幫趁多d啦，否則又剩返大集團那幾間。…Read More

Outback食左over10年，估唔到會開到入來將軍澳！期待左好幾個月啦⋯⋯當然最期待的就是個任食的黑糖包啦！仍然是熱辣辣送上檯，附上小小冰凍但軟硬適中的淡口牛油，真的是心頭好！明知仲有主菜未食都忍唔住食多塊！Yummy !叫左個套餐，用HSBC卡85折。埋單連加一約$700 for 2. 餐湯cream of mushroom, ok濃郁得來唔太漿口。Caesar Salad 就一般啦，菜算脆口但份量偏小。主菜半隻龍蝦加西冷扒medium, 鐵板上。龍蝦普通冇咩好唔好，西冷算幾好，準確地medium。Service都好好，算多server而且比較有standard. 唯一嬲豬係門口帶位係咁俾d過左好多個號碼的人插隊。喜愛西餐的應該會一到再到！…Read More

下午茶時段入座，不用等位，環境都ok啦，唔算好擠迫。可能仍算新開張，menu上面有約一半的item是未能供應的，所以選擇十分有限。有待改進的一定包括服務。下午茶時段只坐了一半台，樓面都有4-5個，本來是足夠有餘的。可是個個大姐/大E們都好似慢9拍，剛剛食完感冒藥等入睡咁。佢地又唔係冇禮貌喎，但總之就遊魂咁，係個個都係咁！叫左一個拌麵一個湯麵一個小食一碟菜，當然唔算平。兩個麵都真係好食，無論湯頭、拌醬、麵的軟硬度都處理得好好。出事的係個甜不辣！其實香港人十個有九個都食過正宗甜不辣啦。求其搵幾塊薄EE的冇味炸魚片加d甜辣醬就收你幾十蚊。有d離譜既。仲有個菜呢？消失於空氣中囉！叫個1號遊魂侍應去幫忙跟跟張單，佢就叫其他人跟。2號侍應就走過來問我想改咩野。我問佢無啦啦收咩呀？🤷‍♀️佢先話冇油菜！唔⋯⋯⋯ 食物ok既！如果突然超想食台灣麵都會再去既。但就唔會多去囉！…Read More

支持小店系列 清湯腩系列冇得輸！難得有齊咁多款腩位，連東大街利安或者九記都冇咁齊全！個人最鍾意爽腩，有d人覺得冇咩肉，但我就喜歡連d筋膜位夠滑夠咬口夠香湯頭肉質都高水準！牛筋一樣出色！將軍澳終於唔洗淨得連鎖店粉麵了！酸辣粉就普普通通啦⋯⋯仲未試擔擔麵⋯⋯炸魚皮都係普普通通，但勁大碟！仲有：油菜出乎意料之外地好食，好有心機處理，每條芥蘭都斜切菜頭，食落更嫩滑！仲有飯食架，不過我係粉麵精，未試過飯類所以冇得包膠！…Read More

環境及服務都係ok既，特別是唔想同人迫的時候去Green Common 絕對是一個好選擇。菜式講真就一般。始終唔明，食素咪食素囉，點解要嘗試攪到好似食肉咁。如果咁想食肉，咪去食肉囉⋯ simple !好似個 Caesar Salad, 好地地做豆腐Caesar Salad, 應該好味過攪到變左做咩植物雞沙律。最like每檯都有支清水任你refill …Read More

母親節正日晚飯，招呼服務都仍然好好由其是有位小胖哥，主動協助拍照換碟等等，笑容滿面，感動！必食乳豬，唔肥又有小小肉，燒得剛剛好，全檯人都覺得好食過x斗記啦起碼。本來訂左胡椒豬肚雞湯，上次飲超好味，成隻雞釀入豬肚內煲，甜到一個點，可惜今次食唔到，好彩嚮螺竹絲雞湯都做得好好。韮菜炒海參、薑蔥筒蠔、紅燒豆腐等都好好食。上次的企鵝雞好味，今次的就普普通通，可能食尖左個咀唔知點解就係橙色的兩味就麻麻地～～咕嚕肉&炸大腸可能大廚唔like橙色！11人（2小童）埋單$2700好食過好多大酒樓啦！…Read More

假期午市等10分鐘將軍澳區算可接受了。試食最主打的17歲的麵配麻辣鴨血&峰巢豆腐我算食得辣架，都覺得太辣，變成enjoy唔到其他食材的味道。其實麵質是好好的，鴨血及豆腐則一般。雞扒配白飯，其實是有肉燥在飯上面的。雞扒太薄，朋友話薄過iPhone 。冇咩特別啦。環境就好嘈好嘈！個background music加埋佢天花設計（我估啦）好似困住所有嘈音咁，食得有d辛苦。所以係可以一試，但冇咩特別又唔會再去咁囉！…Read More

芽菜$31份量少到以為是食淨的。肉骨茶完全冇味道。海南雞係翻蒸既，乾而冇味。3條春卷比年宵街檔更不如，計落仲要$10條。埋單$220，好似冇食過野咁。我錯得好緊要 …Read More