or#tm66710235's Profile

非常認同樓主wai457wai  嘅見解，唔知點解咁多人食。今早，去房協辦事，在附近搵早餐吃。純粹路過，見到有間大排檔，又見有人排隊，又有唔同國籍人士在打卡，最緊要見到唔少香港人食，我估應該都唔會差得去邊。點知⋯⋯ 一個字，伏！我哋叫咗豬扒麵，餐肉蛋麵，加2杯奶茶。麵～冇特別order 爽麵，但麵在半熟之間，麵的質地比福麵還差。奶茶有「澀」味+鞋口！張枱細過張麻雀枱，已經坐左兩個人，食食吓仲安排加多一位客人搭枱，體驗比較差。…Read More

星期六晚，一家人兩大兩小行完街街，見八月花唔使等位，餐牌賣相不錯，就試吓。叫咗薰鴨半隻、椒鹽九肚魚、鮮菠蘿生炒骨、龍蝦伊麵（$238一斤另加$48 伊麵）。侍應在落單時用對講機 確認一下 龍蝦有幾大隻，回覆話沒有大size 龍蝦，只有一斤重的，問我是否Ok 。點知，埋單時，龍蝦收咗$328 ，我問另一位男待應，點解唔係$238 ？他回答今日的龍蝦全是一斤四両，即$289 ！吓～～ 又話得一斤，現在又話斤四，但又收咗$328 ！後來，有位肥黑衫女待應（似是部長）叫男待應行開，然後同我講，今晚全部龍蝦都是斤六両，所以收$328 係正確。龍蝦已食咗，口同鼻拗，伏晒！一次性，冇回頭！另外，薰鴨非常鹹 ～～～ 已經投訴點解咁鹹，回答，正常係咁鹹架，用生菜夾埋一齊食就冇咁鹹！大佬呀⋯⋯咁鹹點食呀！食完，個腎冇事都變有事！ 早茶未試過。但晚市，奉勸大家唔好試！…Read More