zoeylalala的個人專頁

之前食過尖沙咀分店，今次過嚟銅鑼灣試吓😙因為呢度都係以food court形式，不過位置都坐得舒服～我同朋友叫咗A4 日本和牛丼 同 慢煮熟食牛肉(大盛)加蘭王生雞蛋黃～😝兩款都有驚喜！先講 A4 日本和牛丼$168和牛一上枱，賣相已經好吸引，有蒜片同埋粒粒和牛粒配上日本珍珠米同招牌蘭王蛋😋食落口，牛肉粒外面脆，入口即化，肉味濃郁，帶點甜，充滿油脂感，配埋咖喱蛋黃醬(+$8)（我哋揀咗呢個醬），超級惹味！雖然醬汁有啲搶味，但係都有另一種風味～加蛋有得加醬汁又得，多種食法🤪慢煮熟食牛丼$88可以自己選擇份量，叫咗大盛（90g）(+$28)加埋粒必加既蘭王蛋🍳(+$6)牛肉用咗 21 日熟成再慢煮，120g 份量好足，肉片切得薄薄，顏色粉紅，望落已經好 juicy。配日本蘭王生雞蛋黃，仲有自家製忌廉，攪拌起來口感濕潤又滑溜，超滿足！🥰牛肉好嫩，入口有濃濃嘅肉香，蛋黃一爆開仲增添咗份 creaminess，jeng😋而且醬汁都係大大碗，秘製熟成牛辣肉醬(+$12)，超級多肉嚟撈飯🤣飲品依舊係我哋喜歡嘅可口可樂🥤(+$12)😆唯一小瑕疵係晚市高峰期可能要等一陣，建議早少少去～而家又多咗啲醬汁，唔同嘅米飯份量選擇，可以根據自己喜好，想食高質牛丼嘅朋友，slowcow真係值得一試😎…查看更多

昨晚去咗Casamigos浪漫約會啊～原來除咗室內仲有室外嘅空間～有啲似camping有一啲燈光係幕上面，燈光暖暖地，坐喺度望住對方，感覺好relax☺️先嚟個開胃小食，伊比利亞火腿忌廉球🔥上碟好靚，熱辣辣，外面脆脆地炸到金黃，咬落去裡面係熱辣辣嘅火腿餡同忌廉，又香又濃郁😋跟住上咗香煎北海道帶子，新鮮到爆🤩帶子好大粒，好厚實，煎得外脆內嫩，加上墨魚汁(?)，仲有魚子增添層次，食落去好鮮味呢😙之後試咗 香煎鵝肝多士配甜酸青瓜柚子莎莎～呢個係奢侈享受啊😎鵝肝煎得外脆內滑，肥美多汁，配埋甜酸青瓜柚子莎莎，平衡咗油膩，咬落去層次超豐富～主菜就揀咗薑味橙香橡果西班牙黑毛豬鞍架🐷天啊，呢個豬扒勁大塊又厚實，好邪惡😈豬扒肉質嫩滑，肥瘦分明，配上自家製醬汁，甜甜地類嘅果香味道味道咁，好特別～而且薯蓉都好香滑，仲有脆卜卜又健康嘅羽衣甘藍🥬再嚟個別川式麻辣忌廉鲜蜆手工闊條麵～蜆好新鮮，蒜蓉白酒汁煮得香噴噴，麵條十分彈牙，湯汁吸晒入去，有麻辣嘅香，但係又唔會太辣，每一口都係海鮮鮮味大爆發🙈小食揀咗Deep Fried Chicken Wings 雖然係西班牙餐廳，但呢個炸雞翼脆皮多汁，調味剛好，唔油膩，網上有人提過類似小食都好適合一邊飲酒一邊食😙最後飲個Lychee Cooler（荔枝涼飲）。清新解渴，荔枝味甜甜地，冰涼涼好消暑。總之Casamigos真係約會好去處，食物質素高，推薦😋…查看更多

尖沙咀好因為選擇實在太多，如果唔想中伏就試下呢間Ssal Bori Ssal😌呢間韓國餐廳喺金巴利道，環境好有韓國小店 feel，木系裝潢加柔和燈光，仲有好多特色貼紙，坐低就已經覺得好 cozy，員工服務態度都好好☺️.士豆煎餅$99 🥔煎餅煎得金黃香脆，外面脆卜卜，裏面就軟糯，仲有陣陣薯仔嘅香味，份量都唔細，我哋兩個人 share 一份都覺得好滿足。佢仲有個醬汁點綴，酸酸甜甜，點咗啲好似提升咗個煎餅嘅層次感，有少少健康薯餅嘅感覺🤣芝士泡菜炒飯$120一上枱已經超級香😋見到嗰層厚厚嘅芝士🤤炒飯粒粒分明，泡菜嘅酸辣同芝士嘅香濃完美融合，食落口感好豐富，我唔算好食得辣remark咗要小辣，辣度啱啱好，唔會過火但又夠刺激味蕾，芝士一拉開嗰陣，簡直係 社交平台 打卡必備畫面🤣重點係份量多到我哋兩個女仔差啲食唔晒，性價比好高～如果你係芝士控同愛辣嘅朋友，呢個真係必點～韓式豬手同豬腩肉$318韓式豬手同豬腩肉係佢哋嘅招牌！豬手慢煮到軟腍腍，入口即化，滿滿嘅骨膠原，食完覺得皮膚都好咗咁（心理作用🤣)配埋咗生菜同辣醬，包起來食完全唔油膩，仲好 juicy ～豬腩肉就烤得啱啱好，外層微焦，內裏仲保持到肉汁，肥瘦均勻，咬落真是一個滿足感爆棚！兩款肉都好有韓國風味，份量又多，正宗韓國菜，而且唔係度度有😝Mak So Sa飲品方面，我哋點咗佢哋嘅招牌 Mak So Sa，即係係米酒加燒酒再加雪碧😎呢款酒酸酸甜甜，酒精濃度唔高，飲落順口得來又有汽水既清爽，仲有陣米嘅香氣，超易入口！而且好適合配搭煎餅同炸物，10分滿足🥳整體嚟講，Ssal Bori Ssal 真是一個好正嘅韓國餐廳！環境好有韓國 vibe，食物質素高，份量足，價錢又 reasonable，服務員態度都好 nice，會主動幫我哋拎前菜同補充，仲有韓國客光顧😙…查看更多

嚟旺角食韓國嘢YADLLIE PLATE ～聽講味道唔錯，價錢又唔算貴，於是決定一試💁🏻‍♀️去到都差唔多full晒，所以最好都係book定位先就唔驚冇位啦～🐣黃金蒜香無骨雞 $135一上枱，呢碟黃金蒜香無骨雞已經蒜香撲鼻！雞肉嫩滑，無骨設計方便，啖啖肉😋咬落去係微脆金黃嘅外皮，口感豐富！份量都唔少，幾個人share都夠飽～蒜味稍為重咗啲，但鍾意濃味嘅朋友應該會好中意🤣🐙八爪魚煎餅 $138外層煎得金黃香脆，內裏軟糯，仲有好多八爪魚粒食落好有層次。切開黎share岩哂，滿足🤭🧀 🍳芝士蟹子蛋捲 $135呢個芝士蟹子蛋捲好match，而且勁多芝士，入口即化，仲有蟹子嘅鮮味同爆珠感，真是一個必點菜式～不過味道都係比較濃郁，建議同其他清淡啲嘅菜一齊點，平衡下口味😝🐮 火灸牛 $98店員會即時喺你面前燒，有呢個質素真心抵食！牛肉切得厚薄適中，火灸過後表面帶點焦香，內裏仲保持粉嫩，入口juicy😋淑女辣醬炒年糕 ($113)年糕炒得Q彈有嚼勁，辣醬唔係嗰種好辣嗰種，而係帶點微甜嘅韓式辣味，但足夠惹味！而且超級多芝士拉絲🤣仲有扁嘅年糕，獅子狗，魚糕片喺入邊，超鍾意呢個菜式，下次都會encore😋🍹🍓草莓乳酸梳打/🍇巨峰乳酸梳打$53飲品方面，乳酸梳打是而家夏天清新嘅選擇！兩杯飲落味道都好自然爽口，仲有啲氣泡感，解膩一流！🍫🍨朱古力雪冰 $98份量都好大，仲帶隻濃濃嘅朱古力味，個唔會過甜，仲有啲朱古力醬同配料增添口感。好耐冇食過呢啲幼滑既雪冰，有一種細個食甜品嘅感覺🤣總之呢餐真係大滿足🥰過嚟旺角兆，萬可以試吓佢，味道確實唔差，價錢正正常常，而且坐得舒服，一定唔會覺得中伏！…查看更多

上個Weekend終於試到 Phi Coffee and Pancake嘅白桃主題餐單，有種被白桃包圍嘅幸福感🍑🥰環境好有少女心，好多花花包圍着，而且坐得舒服，岩哂女仔來打卡傾偈👯‍♀️～漢堡扒全日早餐🍳🥑🍄‍🟫🥓漢堡扒煎得外脆內嫩，咬落去 juicy 肉汁，配上滑溜溜嘅太陽蛋，牛油果，煙肉，蘑菇，三文魚仲有烤得金黃嘅多士同新鮮沙律，超滿足🧏🏻‍♀️🍑 伯爵茶白桃布拉塔芝士沙律🥗布拉塔芝士好 creamy，配上超甜嘅白桃🤩同清新嘅沙律菜，仲有淡淡嘅伯爵茶香，味道層次好豐富～又健康yumyum～甜品時間當然係重點！🐣🍑盛夏果漾白桃乳酪梳乎厘🥞💕全部都係我地中意既元素！😚梳乎厘軟綿綿，空氣感滿滿，入口即化，配上原粒清甜嘅白桃，切開入面仲係忌廉😋配上乳酪忌廉，仲有白桃粒粒同酸甜桃汁，好中意呢個配搭🥰飲品方面，我哋點咗白鳳梳打🍹同流雲白桃沙冰🍧，都係🍑既期間限定～白鳳梳打清爽，氣泡水嘅 fizz 感同白桃嘅甜香好 match，飲落好解渴，仲有啲小白桃粒～流雲白桃沙冰就更夢幻，冰沙綿密，上面有層白桃果醬同忌廉，甜度岩岩好，就睇你想要邪惡啲定清爽啲🤣我一向中意Phi 既pancake，難得係白桃季節，有🍑主題嘅時間限定，如果你都係白桃fans，千祈唔好錯過呀🍑💖可以參考以上價錢🐣…查看更多

入到嚟地方都幾闊落，不過都好多人實嚟食，因為價錢都比較抵🤣最好book咗位先咁就比較會坐到卡位~有唔同嘅套餐，揀套餐D既話，除咗有特級肉類任食之外，仲會有即撈即食嘅海鮮🦞添～晚市價錢係$298，之後而家到到7月1號仲做緊八八折😙湯底揀咗鴛鴦湯底，金湯花膠雞湯底，陣陣雞湯香，係養生之選～飲一口，入口順滑又滋潤～好岩落肉類🥩至於番茄湯底，酸甜開胃，亦都更加帶出蔬菜嘅鮮味🥬出邊有唔同嘅配料可以拎，例如呢一格就主要係麵食，甜品同埋水果。甜品有泡芙，豆腐花，乳酪水果比較特別，呢度竟然係有即開即食嘅榴槤！時令荔枝，同埋即開即飲嘅椰汁😙榴槤都大大件，內裏金黃軟糯，入口濃郁香甜，仲要係任食㗎🫨另外仲有一個櫃嘅雪糕喺附近🍦除咗上面嗰架之外，另外仲有兩格擺放啲肉類，丸類同埋蔬菜嘅有好多唔同嘅配料選擇，標榜住新新鮮鮮！當然唔少得重頭戲嘅即撈即食海鮮，可以附近自己撈呢啲仲生猛跳跳紮嘅海鮮，大大隻鮑魚，大閘蟹，鮮蝦，蜆～鮑魚粒粒都大大粒，肉質軟嫩不柴，入口爆發濃郁海鮮香，啖啖滿足🤓當然唔少得澳洲安格斯牛板腱同澳洲安格斯牛肩胛，兩款都牛味十足，配埋自製醬汁，十分惹味🐮而且仲可以點埋帶子啊生蠔呢啲架😝所以整體嚟講呢真係好多唔同類型嘅嘢食，而且價格親民，用足料㗎，性價比高！尤其啱晒一家人嚟食飯👍🏻…查看更多

D2 place 越嚟越多嘢食啦😙見到好多人嗌二人餐，包咗上面咁多嘢又係幾抵嘅，不過我冇咁中意食牛舌，就決定單點😗.🐮和牛「極致」4點拼盤$398呢個4點拼盤係和牛控嘅福音！四款唔同部位，由，廚師當日發辦，款款都好正，油花分佈均勻，燒一燒就可以入口啦～和牛質素好，入口即化又軟嫰😋雖然價錢唔算好平，但啖啖肉都好享受，油香同肉質完美平衡，性價比算高😎同埋食落其實都好飽肚😙.和牛羽下🐮見到其他食評話係必點部位，所以試吓😆呢個部位油花分佈靚，燒到半生熟，入口即溶，滑嫩又有彈性，油脂感岩岩好，而且有咬口😋幸福感滿滿🥰確實係拼盤之外一定要encore嘅靚肉，牛味濃又唔膩，推介💁🏻‍♀️因為格網乾淨，可以燒到一條條格紋好可愛好似漫畫咁樣😝.🐮和牛炒飯$128飯粒金黃，粒粒分明，炒得乾身但完全唔油膩！呢個位好驚喜🤩仲有好多和牛粒，由於唔油膩，所以好似鹹香中帶少少甘甜，好惹味，份量都大，兩個人share都夠飽🙌🏻.蔬菜拼盤🥬$68食燒肉通常我都鍾意點一個蔬菜拼盤，健康又解膩！新鮮蔬菜，入面有南瓜、粟米、冬菇、洋蔥、京蔥同翠玉瓜～燒完之後，蔬菜甜味更出，南瓜軟糯、洋蔥同京蔥甜甜地，冬菇仲有啲juicy口感。燒完肉肉再燒啲菜，食落冇咁罪惡感🤣.嘢飲方面，叫咗兩個梳打～巨峰提子乳酸梳打飲落有濃濃嘅提子果香，酸酸甜甜好開胃，仲有啲氣泡感，解膩一流～白桃乳酸梳打白桃乳酸梳打同提子嗰杯有啲似，但桃味更清甜，帶點軟綿綿嘅白桃肉，飲落好舒服。鍾意桃味嘅朋友一定會中意😆.總結嚟講，呢度嘅和牛質素真心高，環境又舒適，點套餐就更加多d野試，有特別喜好就可以單點～…查看更多

入到嚟環境好闊落舒服每個餐枱都會有一個印有今日日期嘅套餐餐單，好有儀式感😝頭盤係生腌菜頭，水晶象拔蚌凍，陳皮粿肉，百香果爆珠球～四粒的的骰骰，又鹹鹹辣辣又爽脆嘅菜頭腌，鮮味水晶象拔蚌凍，香炸惹味嘅陳皮粿肉，仲有一咬就爆嘅百香果爆珠球，幾種口味口感，有心思得來又開胃✨燕窩釀鳳翼 好期待嘅一味菜式，想知道配搭出嚟會點樣🤣而且上枱仲好有儀式感有晒煙俾你打卡😝雞皮香脆雞肉juicy，燕窩絲滑入味，食落有種幸福嘅享受😋紅燒大鮑翅好豪氣🤩鮑翅軟嫩入味，紅燒湯汁濃郁得啱啱好，份量夠霸氣，貴氣滿滿，值得慢慢品嚐😋金香汁脆皮遼參遼參外酥內軟Q，入邊有驚喜，係蟹肉洋蔥同甜醬汁，好match又好香口，食落層次豐富！🤩鮑汁極品20頭南非鮑魚鮑魚彈牙多汁，鮑汁濃郁入味，入口就知係靚嘢，滿足🥰鹹檸檬蒸龍躉簡單但有功力，龍躉肉質嫩滑，一啲都唔腥，鹹檸檬提鮮到位，有一種清新嘅感覺😋潮式涼瓜腩肉 腩肉燉得軟糯，涼瓜解膩，兩者口感配搭，食落暖心☺️魚翅撈飯聽就聽得多，但係真係第一次食😎！魚翅滑嫩彈牙，加上湯汁撈飯，米粒吸滿濃濃湯汁，質感一流甜品燕窩紅豆沙，高貴又養顏，紅豆沙綿密，亦都唔會太甜，加上燕窩滑嫩，最後結尾甜品都有呢個質素🥳唔怪得知都有人嚟慶祝生日，感覺好似中式finedine，每一道菜都好有心思，重視搭配同埋唔同嘅質感口味嘅體驗，而且用料貨真價實，值得一試🥰…查看更多

收工食下中餐😙大廈靜靜地，唔算多人，位置闊落，見到其他台都係幾個人一齊傾吓偈🤓我係叉燒迷，所以就叫咗呢個套餐，兩個人一人都唔使$300😝一開頭會有一杯是日暖胃湯，飲嚟開下胃前菜分別有上海烤麩，秦嶺高山黑白木耳同沙薑燻蹄粒～比較入味，第一次食烤麩，幾得意，木耳好爽口，沙薑燻蹄粒好入味😋是日養生燉湯XO醬翡翠大蝦球蝦球彈牙，XO醬香辣啱口，西芹清新提味，炒得火候剛好。啖啖都係嘅鮮甜既蝦味，啖啖肉，鍾意蝦嘅朋友要試！😋西班牙黑毛豬叉燒🐷睇落已經好厚身好咬口好正🤩食落嫩滑多汁，蜜糖味香😋炒得入味，食到停唔到口，必試！！👍🏻乾炒安格斯牛肉河🐮牛肉黑椒味香濃有咬口，河粉乾身，炒得夠鑊氣～份量好足，又唔會太油🤣甜品紅粉玉露💕好特別！其實就係楊枝甘露，不過變咗做番石榴版本✨飲一啖，好清新！番石榴嘅味道好濃郁，🤩帶點微酸同自然嘅果甜，滑溜溜又唔會太膩。果肉增加口感，再飲多啖茶，係完美ending😎俾個價錢大家參考吓🤣 CP值高！…查看更多

跑馬地馬場新開咗間又Chill又有得玩嘅餐廳The Beat！啱晒收工去鬆一鬆！原來唔使係會員都可以上網book位嚟呢度食飯🤭入去即刻感受到嗰份科技感，巨型室內4K LED幕牆播住賽馬比賽，仲有Live Band駐場，氣氛好正😍如果想靜靜地又可以揀露台位，好多位置都可以可以望住馬場，有新意得來又浪漫！食物方面，主打輕食同多國菜，食物質素好驚喜🤪每枱都會送呢個特別味道Popcorn🍿可以refill嘅~新鮮空運生蠔份量夠晒大顆，入口新鮮，帶住淡淡嘅海水味，配上少少檸檬汁，仲有柚子醬﹑薑蔥油及原味(各2隻)，jeng😋試咗佢哋嘅脆炸三黃雞🐣，外脆內嫩，沾上四川楓糖漿同烤蒜泥蛋黃醬，甜甜地既辣，好惹味～迷你和牛漢堡🐮，牛肉Juicy，麵包鬆軟，仲有泡菜同烤牛肉醬加持，味道層次豐富～另外都叫咗個意大利松露Pizza🍕，一上枱就有濃郁嘅黑松露香氣，薄餅嘅餅底烤得啱啱好，邊邊仲有陣炭燒香，上面仲鋪滿咗 creamy 嘅芝士🧀～甜品ICE CREAM ‘POPPERS’ 🍨✨好耐冇食過呢啲脆卜卜朱古力皮包住嘅雪糕啦，都係好知女仔嘅心好啱打卡🥰，分別有三隻味，就係士多啤梨，黑朱古力同埋雲呢拿味飲品方面，佢哋嘅Signature Cocktail都係以馬匹命名，我就試咗美麗傳承，水果味香甜，清新易入口，而且好有儀式感咁樣過嚟整一個波仔喺上面，影相打卡一流，啱晒女仔👸🏻有得食都有得玩，而家科技真係日新月異🤣職員過嚟同我哋介紹有互動式AI揀馬站，好似我咁新手都唔怕唔識玩，幾個Click就幫你分析馬匹勝算，另外做特別任務仲送馬公仔！溫馨提示，窗邊靚位要提早訂，望住啲馬匹經過真係好有feel，呢度個vibe好好，又唔使同人迫，就算唔係食晚餐，收工過嚟飲兩杯都唔錯嘅選擇，會encore😌～.📍The Beat黃泥涌道跑馬地馬場聯合看台2樓* 餐廳菜單會不時更新，詳情請參閱官網資訊…查看更多

一入到嚟已經好特別，好似夾band房嘅門口😛係一個溫暖小酒館嘅裝修形式，配上木造嘅凳同埋枱，今日平日嚟就唔見有live band，都有啲好奇平時係點樣🤣牆上掛滿咗唔同類型嘅結他～有唔同嘅特色德國🇩🇪菜～牆上面亦都有一啲人氣推介💁🏻‍♀️Jägerschnitzel(Veal) w/ Fried Potatoes白酒蘑菇牛仔肉炒薯🐮🥔🍄‍🟫 $242知道呢一度都係其中經典的德國美食，但係未試過😝份量都好多，牛仔肉外酥內嫩，金黃的外皮為菜品增添了香脆的口感，有少少似炸漢堡扒，但係更加好味😋配上creamy白酒蘑菇汁，蘑菇都好香新鮮好有咬口～經典德國香草肉丸🇩🇪$168Savory German Meatballs肉丸搭配香料和香草，散發著濃郁的香氣，雖然愛皮脆口，但係入邊肉質鮮嫩，又有咬口😋搭配醬汁亦可提升了整道菜的層次感～感覺好適合配返杯啤酒🤣另外呢度嘅薯格粒粒薯香好重，而且金黃香脆！表示喜歡😋Apple Strudel 蘋果批$95店員特別推介嘅甜品 話大家過嚟都會試吓同平時出去食嘅Apple Cumbee係有少少唔同係比較實心嘅😛同埋會好飽🤣建議可以兩個人分享～雲呢拿雪糕好香滑，呢個配搭Good Good✨…查看更多

好耐冇食過港式打邊爐🍲朋友帶過嚟九龍城火鍋試下，本身係日式邊爐fans既我都表示好正wor😍地方闊落，好欣賞你有服務員幫手熱水淥一淥👍🏻加分！配料方面，係要拎上面呢一條配料盤，比你自己調配你既醬料既～煎午餐肉😍已經整好左擺好咗盤🤣食住等湯底ok!好香口😙湯底方面叫左胡椒豬肚少爺雞湯🐔原來係咁原汁原味又足料既🤩首先要滾熟個湯，之後再幫我地加上上面既雞件🐔雞肉好入味滑嫩！而且係未正式打邊爐之前，飲下個湯，胡椒豬肚好暖胃，岩哂冬天😋特级手切牛肉🐮大大碟，色澤一睇就係靚野👀果然鮮牛肉係唔同，厚切，而且牛鮮味好出，油膩分量岩岩好，必點呢一個🤤飲品都好有特色，可能叫加大版的檸茶檸樂🤣一齊share都得！最後仲會送飯後甜品💖懷舊煉奶啫喱✨係童年回憶啊🥹另外就係呢款招牌魚仔糖不甩！好特別😮呢一餐令我對港式火鍋睇法唔同了 新鮮材積確實不一樣😋…查看更多

地方裝修有意式風味，用經典嘅紅格作為枱布，牆上也另外寫上特別推介～見到都幾多外國人嚟食，仲有慶祝生日，氣氛好好～小食拼盤有煙三文魚，炸雞肉餅，炸魷魚，多士～金黃香脆😙一次過可以食晒幾款唔同意大利小食，啱晒貪心嘅你🤣尤其好鍾意佢中間嗰個沙律醬😋Pizza🍕 選擇咗Italia 大大塊熱辣辣，係傳統手工Pizza薄餅底，而且餅身好脆😆 芝士係拉絲嘅，而且肉量好多😍Pasta 就揀咗Linguini con Pollo e Fun同平時嘅白汁忌廉意粉唔同，佢有一種特別嘅風味(好難形容)，比較似係居家煮出嚟，但係好味嗰隻🤣忌廉奶滑濃郁～同埋有好濃郁嘅芝士，亦都係好多雞肉㗎😙嘢飲就叫咗可樂同埋fresh lemonade 😝總結就係呢度又有feel又抵食，唯一就係遠咗少少要行多啲路🤣…查看更多

之前成日話黃竹坑冇乜嘢食，而家真係多咗好多，同事推介試吓呢間冰室話好高質！🤩入邊地方闊落，就算兩個人都有機會安排闊落卡位，可以靜靜地食吓飯🤓嘢食選擇有好多，唔係平時嘅冰室咁樣😙東南亞粉麵套餐 $98套餐已經包括咗燉湯+小食+Main🤩養生燉湯 一碗好嘅湯真係勁加分 入邊仲要勁足料 瘦肉雪梨湯 清清甜甜 飲落好舒服 唔係啲味精湯🥰粒蛋🍳都係好值得加嘅小食都係勁大碗，揀咗雞軟骨，金黃香脆嘅外皮，食落索索聲，好惹味，但係太大碟啦🤣咖喱牛肋骨🐮食得出咖喱係撈埋咗濃郁香料，一上枱就好香🤩肉質軟嫩～搭配咖喱醬的香氣，味道層次豐富，帶有小辣🔥，更加惹味 ～鐵板扒餐🐮🔥免翁牛柳$148 我見好似每一台都有點，果然招牌得有理由🤩個人比較推介係黑椒汁💁🏻‍♀️(仲專登問餐廳拎多啲添😛)無論牛扒同埋配菜都係超級yum😋呢個牛柳質素完全拍得住西餐廳！😍但係你又可以試到港式冰室嗰種醬汁🥹牛味十足，外皮燒到微微脆，一咬落去肉汁流出嚟，而且肉質好嫩，呢個係必點❗️另外側邊嘅薯角，外面金黃香脆，入面滑身，粟米同椰菜花，我都好鍾意添🤣美式雜扒$108 🐔🐷分別有雞扒豬扒同埋腸仔，滿足貪心嘅你🐣份量真係嚇親人🤣今次就揀咗蘑菇燒汁，雞扒同豬扒都係肉質比較嫩，腸仔仲係芝士腸添😙呢度嘅嘢飲都多啲選擇，呢杯係熱情果烏龍茶😋呢個價錢雖然話係冰室，但係直程Cafe享受，會再嚟‼️…查看更多

一出𨋢就會見到大大間餐廳🇹🇭入邊有呢一個流水波波好得意呀🤩時間比較早到，餐廳都陸陸續續有人入座，不過環境闊落所以坐得舒服～最估唔到係竟然淨係$388就食到二人餐！🥹頭盤～泰式鮮蝦青木瓜沙律🦐🥗好得意嗰個甜甜酸酸醬汁俾你自己吱入去嘅，夾出嚟開下胃先～餐湯 泰皇椰青雞湯 🥣 清爽而滋補的湯品～用咗新鮮椰青和雞肉熬製而成。湯底清澈，帶有淡淡的椰香，雞肉鮮嫩，會想飲完再飲😋小食拼盤～就有經典炭燒豬頸肉，炸手打蝦餅，香燒沙爹雞肉串，豬肉串，份量啱啱好～手打蝦餅炸得金黃酥脆，亦都蝦味十足，這道小吃配上沙律醬是絕配😛串燒嘅沙嗲香亦都好重～泰式炭燒豬頸肉金邊粉🐷泰式燒豬頸肉金邊粉係一道獨特的泰國美食。豬頸肉炭烤到外焦內嫩，係只肉豬頸肉鮮魷嘅好味🤣搭配金邊粉，撈埋啲配料，讓整體口感更加豐富。仲可以加啲蝦餅脆脆食😙香滑雞肉青咖喱🐔(另外點嘅)呢個咖喱比起平時食嘅比較杰少少，口感特別，有咖喱嘅香但係唔辣，雞肉好滑嫩！而且份量好多😯最鍾意點蒜蓉包食～馬拉盞娃娃菜～勁香，而且好爽口，比起出邊食嘅特別😋另外值得一提就係呢度嘅嘢飲都好特別🤩冰鎮卡通泰奶茶&巨峰提子乳酸梳打呢個熊仔真係期待咗好耐啊🥳咁得意呀，而且佢慢慢用咗之後更加濃郁咗個味道，必點🧋呢度整體性價比都好高，要支持良心小店😋…查看更多