liukaiho's Profile

前兩星期親自訂位同朋友慶祝生日，已經收到bistrochat 嘅confirmation。當日晚飯前30分鐘打電話去餐廳問佢開店時間，當時佢仲reconfirm我張枱。之後攞埋蛋糕去到餐廳嘅時候佢個法國籍老闆話冇Booking，我俾佢睇bistrochat confirmation，佢話佢哋唔會承認bistrochat嘅confirmation。仲話一定係我自己cancel咗😑。咁我問佢之前打電話reconfirm個同事係邊個，佢話唔知。可能真係我撞邪。已經唔係第一次有朋友同我講話呢間餐廳服務麻麻哋，但係我見到佢啲嘢食幾吸引所以去試吓，點知衰咗。…Read More

上星期六朋友請食飯，選擇銅鑼灣如意。之前去食過中餐覺得唔錯，我今次第一次食晚餐。前菜OK，刺身好新鮮。煙燻金目鯛推介，煙熏味好重但係亦都保持到與嘅鮮味👍🏻之後海膽、北海道象拔蚌等都唔錯。有一隻煮過嘅八爪魚非常好味。銅鑼灣上樓壽司店來講呢間好有水準。…Read More

應該幫襯左呢間餐廳超過15年。有台灣朋友想食潮州菜，落幾大雨都一定會去。三個人叫咗八個餸 - 滷水鵝片拼鵝腸、韭菜雞紅，薄殼、魚飯、胡椒豬肚湯、炒山頭白菜、煎蠔烙、川椒雞。每樣野都有水準。薄殼季節差唔多到尾聲，所以呢幾個禮拜每次食潮州嘢一定會叫。胡椒豬肚湯胡椒味非常之重，如果唔食得辣嘅人會頂唔順。我就覺得啱啱好😍琴晚食得太飽，所以冇食到芋泥。呢度啲芋泥依然係用豬油整，所以非常之香滑。香港食潮州嘢一定要幫襯老店，老師傅手藝始終唔同啲👍🏼…Read More

星期五晚有兩個海外朋友到訪，突然想食打邊爐，首選一定係新東記。七點鐘到已經滿座，搬咗去新店之後光猛好多。叫咗一個番茄薯仔湯底，象拔蚌刺身，兩碟肥牛，手打墨魚滑，冰豆腐，韭菜餃等等。喺新東記食肥牛，佢會有得俾你揀小肥、中肥、邊位等，唔同部位有唔同嘅味道。我一定係揀邊位，牛肉味好濃，超正！象拔蚌刺身可以話係新東記另一招牌，完全冇腥味，入口鮮甜。其他配料都OK，唯一冇嘅係手打豬肉丸。四個人食咗$2600，唔算平，但係有咁嘅水準一定值得。…Read More

公司係呢間餐廳舉行活動，一入到房間食物已準備好。冷盤睇落好似好多款，其實好多都係重複😒味道真係好一般，有啲失望。到主菜我哋叫咗水煮魚，蔥爆牛肉，糖醋排骨等，呢幾款主菜根本就唔係嗰回事。我真係未見過水煮魚係辣汁同埋魚分開上😭。員工服務OK，但係食物必須要改善，如果唔係好難喺香港競爭。…Read More

We pax of four has came to this restaurant on a Sunday afternoon @ 11:30 am and there was already a long lineup. We waited for approx. 30 minutes and the friendly waitress offered us a table.Nice decoration and feel like we are in the states. We ordered 2 pasta, 1 fish and chips and 1 chicken wrap and 1 glass of soft drink (refillable) and the bill came to HKD 688, very reasonable priced!…Read More