EddieHoChunYin's Profile

首先現場音樂真係太大聲，阻礙喵喵休息同客人傾計。店員服務頗差，坐埋一邊淨係掛住㩒電話，連收費都冇介紹，冇乜熱誠同客人交流同照顧喵喵 (包括冇提醒客人與貓貓交流的規矩)咖啡店的溫度也有點太低了，連我自己都覺得有啲凍，讓一些貓咪捲縮起來保暖，好像工作人員也沒有太在意貓咪的舒適度。店內入口有少少異味，而且環境唔算好乾淨，人造草好似好靚但有啲唔衛生，當時發現一隻貓嘔吐出了一些毛，但工作人員只用消毒紙巾抹了一下，並沒有好好地清潔區域或照顧貓咪。這讓我很擔心，因為他們好像沒有太注意到貓咪的健康。去過其他貓Cafe或餐廳，呢間真係麻麻地，希望可以多留意衛生同服務。…Read More

叫咗個忌廉湯係凍嘅，要換過… 有個咩蜆肉意粉，成個碟都係蜆肉、多到有啲密集恐懼症嘅feel，少少醬汁香草都冇，啲意粉同埋麵乾爭爭，難食，超級冇誠意。pizza先最離譜，叫咗個至尊，不過得一塊辣肉腸喺面，成個賣相好差，啲肉碎一劈一劈，所有嘢都勁求其，投訴完之後完全冇心跟進，啲服務員根本就係求其Hea，唔係好知道點解要收加一，同埋唔值呢個價錢。嗰日食完真係好嬲，諗返起真係要上嚟俾個負評。Pizza Hut呢幾年真係越做越差，唔再檢討嘅話真係唔該執笠喇。…Read More

好少喺度打食評，但係今次食完都想喺度讚一讚，希望老闆睇到keep住。先唔講食物，服務同環境都好好，好貼心。佢預先擺低個湯底先帶你入去，一坐低已經有個暖暖地嘅鍋 (平時啲火鍋舖話就話120分鐘，頭嗰幾個字淨係個湯底都拖你兩個字)由於服務好快，好有效率，其實食到一個鐘頭左右真係開始飽，可以慢慢坐傾吓計，唔會有一種好趕嘅感覺。因為我係閒日去，比較晏先入座，食完冇人排隊，截咗單但職員無趕我走，俾我地坐下傾下計。呢兩點好重要，食火鍋都係想同朋友坐低傾吓計，成日俾人搞到趕頭趕命，到咁上下又趕你走又盛好唔舒服，但呢間好貼心，安排得好好。嘢食好好，食材都好新鮮，泰式椰汁糕、珍多冰、蝦餅等等都好味，有得自己捉吓蝦同埋貝殼類，而且冇限你攞幾多，都好信任客人同埋俾客人自己玩，呢啲安排都係增加打邊爐體驗嘅樂趣。雖然價錢方面唔算特別平，不過服務同埋食物都好好👍🏾 起碼俾錢嘅時候覺得值🤣 希望店舖推出多啲優惠～保持呢個水準…Read More