yummy47's Profile

一行四人同老豆食生日飯，老人家鍾意食中菜，但成日去酒樓食都悶悶地，今次轉食呢間特色中菜，老豆表示好滿意👍👍冇諗過，叉燒都可以係主角。食前都好有架勢，侍應姐姐幚手：1>叉燒掃陳皮醬2>用火灼叉燒3>黐炸米4>好食到不得了叉燒👍👍炸米夾半肥瘦叉燒，絕配🤤🤤🤤一定會再食蒸蟹飯都好正，够大份😋(蒸都幾耐，可以坐低就叫定先)薯仔牛柳粒有啲細碟，個份量似小食多啲，食唔够候呀😅豐富，份量都够食較咸，菜都唔係好多，揀雜菜煲好過好特別又香口既炸豆腐😚有飯後甜品送，大滿足啊💯嘢食，環境，服務一家人都好滿意，以後又多咗個聚腳點🥳…Read More

一行四人食自助餐，6-10pm，食足四個鐘。睇食評以為有帝王蟹腳，麵包蟹…點知剩係得龍蝦🦞，本來就expect係海鮮盛宴，有些少失望😓雖然冇長蟹腳，好在龍蝦都好多膏啖啖肉，食咗三四全隻🤤🤤正到不得了。龍蝦唔算fill得密，真係捕住佢fill，然後好快俾人夾曬。生蠔吧生蠔都幾新鮮，中等size啦，唔係細隻，但又唔係特別好肉其他野，其實都冇咩特別選擇，人頭五百幾蚊唔算豐富，叫做Hea四個鐘任食都抵嘅。…Read More

openRice訂座有九折👍兩個人點左個王者風範燒肉套餐，除咗個餅，其他都食清光😋惹火牛肋骨，好大條，影相一流。👍不過口感就有啲韌，好多筋，食唔到😓最好食都係鰻魚，第一次燒鰻魚，啖啖肉好正食🤤龍蝦都好好食，夠新鮮甜美🤤如果有兩條就好啦韓牛好好好食，但係，得!!三塊!!😂有冇咁少啊，一個人都唔夠食啦呢塊餅有啲油膩，最終係食唔晒嘅。Any肥，總體來講呢一餐係滿足嘅，店員服務都好好，會幫手整牛肋骨，美中不足係韓牛肉太少。…Read More

之前食過佢嘅外賣煎餃，已經覺得餃子餡好足料(😆係我食過餡最飽滿嘅餃子)。一試上癮，今次真係專誠搭車入去，估唔到係鐵板上，上個陣仲吱吱聲(小心彈親)。一邊食一邊仲香煎緊，慢慢唔驚會凍。👍👍特別推介京蔥牛肉餃，超野味😋完全演繹左咩係皮簿餡靚🤤鐵板牛柳粒，啲牛肉好嫩，不過要小心反面，好容易熟同窿🌚鍾意食鴨舌嘅朋友可以過吓口癮😋唔錯值得一提，小店設有免費配料吧，酸蘿蔔辣菜譜免費任裝🤤🤤酸蘿蔔好爽口，越食越開胃。清盤說明一切😋😋真係好好食另外餐廳環境比較細，多人嗰陣要搭枱，同埋係小店生意，唔好expect服務會好好。…Read More

片皮鴨都好難唔好食，當然呢度都唔差啦。侍應姐姐會幚手介紹唔同部位分別點咩醬，配菜同包皮2個人分量都够👍價錢唔貴，可以再試😆好辣之人，偏好都係會點水煮魚。今次試佐佢個水煮魚，$288(因為貴過片皮鴨，所以都幾大期望)，點知失望了。魚肉係够厚既，但認真冇咩特別，賣相亦都麻麻，唔係好抵，試過一次就算了，唔會再叫😅呢個欖菜乾扁四季豆真係要彈下，四季豆係熱既，但肉末有啲係凍，完全食得出係末炒勺，好後悔叫咗🙅‍♀️🙅‍♀️可一不可再…Read More

點佐黑蒜同男盛拉麵，認真一般，唔會難食，但唔好食囉😅 自己係屋企煮，分分鐘好食過呢度。拉麵賣相冇(擺盤唔掂)，味道一般，似係快餐店食個拉麵咁(但價錢又唔係特別實惠)，葱加$5，完全唔覺自己食緊日本拉麵店，所以都係試咗一次就算。…Read More

牛頭角新開酸菜魚小店，喺馬會嗰度條街，諗住試一試，點知有驚喜，唔伏👍酸菜魚好入味，多料份量夠足，唔太鹹唔太辣，酸辣味道適中。(最驚食到冇味，或者太鹹嗰啲😓) 推介牛柳，即炒出嚟，好似大排檔咁有獲氣，不過份量唔算多，好快食晒🤤呢個手撕包菜就真係好油，直情好似食到啲辣椒醬味咁，驚油嚟嘅朋友慎選。另外因為係小店，內籠都幾細下，啲座位都比較窄。同埋夜晚繁忙時間去食，舖頭都好多外賣單，所以等上菜都幾耐。…Read More

點佐回鍋肉飯同煎餃子，回鍋肉飯都唔錯，幾野味，但煎餃未熟，侍應幚手再煎過，再煎過又要等多陣，冇期待咁好食，皮好厚，麻麻地。😅另外lunch 繁忙時間，坐得都幾逼，要預咗搭枱。…Read More

淘大有幾間越泰菜，7點幾收工見唔使排隊，就入嚟試試。環境幾闊落，唔會坐到好迫。最好食就係咖喱蟹肉配蒜蓉包，佢隻咖喱超好食😋，但係蒜蓉包有啲偏鹹。(咖喱食唔晒，打包第二日繼續配多士食)。值得一提係，佢每樣菜式上枱都係熱辣辣，一試就知係啱啱出爐😆唔係嗰啲一早整好擺喺度等上枱。我哋本身散叫，想轉set dinner, 最尾又散叫番😂(三心兩意對唔住)，侍應姐姐都冇黑面，只係笑笑口話好彩冇抌張紙。服務OK啊，重點係唔收+1👍買單送咗三張$50 coupon，食完八點幾，出面已經要排隊，好彩嚟得早…Read More

一直都想試，終於都搵佐日排隊試吓😋女人對pancake真係冇抵抗力，一到就係咁影相，同整郁佢，好有動感🤣Pancake賣相好靚好吸引，我哋叫咗一份抹茶一份士多啤梨，抹茶味偏甜，食晒兩舊有啲漏😅反而士多啤梨清新啲，中和番Pancake嘅甜，唔會好漏。其實都大份，可以兩個人share一份pancake都得，不過我地都係食賣相，影靚相😆(整郁佢好療癒)環境就，因為我哋兩個人，係對住牆身排排坐，如果有得對住坐就好啦。…Read More

成日喺社文平台睇到泰國流水蝦好正，終於都可以喺香港試吓(雖然冇泰國嗰啲咁大隻😂)。啲蝦好新鮮，我哋坐喺邊邊位，隔離就係蝦，呢個位唔錯，基本上係我哋一個位獨霸一個缸，食晒啲蝦可以叫佢re fill.主要都係食蝦，我哋冇咩燒其他嘢食，因為個爐火力唔係好猛，燒其他嘢要燒好耐🙈。我哋食咗好多轉蝦，新鮮好玩，可以一試。…Read More

返工平時lunch唔係食飯就係麵，有時食厭佐會試吓呢間。最鍾意就係佢嘅鍋貼，$12蚊4隻，超抵食(一定要配醋)。鍋貼同生煎包雖然唔係好熱，但都仲係脆，呢個價位算係咁。有時會叫魚蛋燒賣牛柏葉，lunch 滿足下自己掃街癮😆不過麵就唔多推介，叫咗個擔擔麵，但係太多麻醬好漏。總體來講，抵食，有特色，推介…Read More