mavoe's Profile

早前行經太子，由於自己一個人去食午餐，見到101臺灣品味館，我就走入去食喇！入到去以為未開門，因為得1位侍應，沒有招呼，亦未有客人，我睇左陣餐牌想叫侍應落單，但佢地好似企左去廚房位傾計，我要企身叫佢地先過來。去這餐廳不是要有好服務，但最基本見有客人進來，侍應應該要準備好客人隨時要落單，唔好掛住傾計先囉！我食得好清淡，叫左碗酸辣薯粉加通菜，其實哩碗麵都無咩技巧，薯粉質地軟硬適中，通菜沒有淥到過淋，仍然爽脆，只係覺得湯底好一般，清湯般，不像酸辣，雖然係有啲酸和辣味道，但看得出沒有用心做出來的湯底，像是清水加味精，如果去其他有名氣米線店都起碼睇得出人地個湯係精心調較出來吧！另外，飲品就叫左水蜜桃紅茶，紅茶底都唔錯，有茶味適中，叫左少甜，蜜桃味道都算真實味唔難飲。埋單$48，這個價錢唔係貴，不過我以上個餐好像又唔值哩個價錢，餐廳名叫101臺灣品味館，食物及環境都做不到有品味吧，只不過普通壹灣食物及飲料。…Read More

前陣子，因為家人住荃灣，所以會經過肉餅哥這間舖，剛新開時係好多人排隊光顧，近來就少左人排隊，見晩市唔洗排隊便入去試下啦！我地三人去晚飯，就點了三個餐，哩個係原隻龍蝦蒸肉餅配油飯，上枱見到龍蝦有點細隻，好失望，本身龍蝦外殼厚硬唔多肉，如果細隻就更加少肉食，所以上枱見到隻原隻龍蝦都知無乜蝦肉食，部分龍蝦肉混左入肉餅𥚃面一起蒸，其實味道無特別，肉餅淡口，肉質係淋既口感，可能係混左肥肉及粟粉，一定唔似自己家𥚃蒸肉餅既感覺，另外個油飯唔算好味，好難形容口感，因為起初以為似海南雞飯的油飯，但完全兩回事。哩個係足三両花膠蒸肉餅配菜飯，上枱見到花膠好大塊，係好吸引嘅！最頂上面的一塊花膠係有咬口，有醬汁一起食幾好味，味道剛剛好，但第二層花膠就掙好遠，軟淋淋，吞落口有點難形容感覺！至於肉餅都係每塊差不多，肉質清淡和淋嘅口感。反而我比較喜歡個菜飯，菜粒細細粒混埋飯一起食幾好，而且有點菜，咁多肉餅，菜飯無咁肥膩。哩個係秘製金沙蛋黃煎肉餅配白粥，本身我唔太好食蛋黃，蛋黃幾香，不過蛋黃加埋肉餅，食到我地好膩好飽，之前兩個肉餅係蒸，哩個係煎既，煎既肉餅肉質無咁軟淋淋而且香口很多，我比較喜歡煎肉餅。另外個白粥我朋友食既，佢話綿綿地唔差。最後，我地三個人去㸃三個餐，我地都食唔唒，可能肉餅比較膩。其實個肉餅味道無特別，但在配搭上係幾特別吸引及款式多，肉餅哥老闆係值得讚賞👍🏻…Read More

放假諗住約朋友去食下好野及傾下偈，本身自己喜歡食台灣野，咁就諗起小時光，不過平日唔可以訂位，於是我地決定過左lunch時段才去幫襯，我和幾位朋友下午3點幾去到，都有半成客人。我地點了兩個麻辣雞絲冷面及一個台南鹽水意麵，自助點餐，去cashier俾錢，然後回座位等餐，有個響鬧裝置器，餐到會通知，然後自己去拎餐，所以無服務，好似快餐店咁！這個麻辣雞絲冷麵，麻辣醬放一邊，隨自己喜好加到麵上，麻辣醬夠辣，幾野味。冷麵唔係軟淋淋，有點口感，不過本人不太喜歡這種麵質感，比較喜歡吃乾伴麵那種麵條。而飲品我點了水蜜桃紅茶，其實無特別，紅茶底唔夠濃，只係飮到好甜，蜜桃味都唔香濃。外面街的台式飲品店既飲品都比這個好飲吧！另一個餐係台南鹽水意面，是我朋友食，他說味道都幾好，有個併盤份量多，我食左少許豬耳及蘿蔔，味道還好，但唔算好味道。之前聽聞過這間店一段時間，睇到相片店內裝修幾特別，但食物真係好普通，而且音樂突然好大聲，有點嘈吵。唯一好的是沒有限座時間，一班朋友聚舊可以考慮選擇這個地方。…Read More

這間百寶堂涼茶舖，是我去那麼多間涼茶舖最喜歡的一間。以前讀中學時，我很喜愛吃龜苓膏，常常和同學一起去吃，不過是去其他舖吃的，不是百寶堂。後來，有一次姊姊帶我去百寶堂吃那龜苓膏，我一吃便愛上了這間，百寶堂的龜苓膏感覺好正宗，味道和口感很好，不苦帶甘味，質地軟得來有點彈性，但我比較喜歡熱食。不似其他店那些好像吃涼粉一樣，質感又實又沒有味道！而且有大或小盎選擇，女孩子細食可以選擇細盎吃就剛剛好了，價錢也很合理，那麼多年都不是加價很多。我覺得蠻不錯的，如果想清熱下火，可以試試呀！龜苓膏(細熱)…Read More

每年慶祝男友生日都很難選擇去哪裡食飯，因為他很愛吃象拔蚌刺身，很多地方也很貴呢！今年，我們去完中環嘉年華玩之後，就在openrice找到這間在銅鑼灣新開的火鍋店。於是我們就立即打電話去訂位，而且有象拔蚌刺身食，男友聽到之後很開心。我們三個人首先點了火鍋鴛鴦湯底，有麻辣及莞茜皮蛋清湯，食物就有象拔管蚌刺身、小食炸豆腐、麻辣青瓜、火鍋配料有蔬菜、安格斯肥牛、蟶子、帶子、韮菜餃子、豆腐、炸響鈴、牛骨髓、豬皮、蘿蔔、稻庭烏冬等等......每款食物份量也很多而且新鮮，我們其實點了太多食物，起初都怕食不完，但慢慢傾偈和看電視就可以食到，而且店員都很好，會定時走來幫我們收起吃完的碗碟及片走火鍋𥚃的油，也會跟我們談話，所以服務很好。象拔蚌刺身蟶子鮮甜肥美吃得很飽…Read More

今晚去左金銘外賣宵夜回家食，買左個牛腩河、魚蛋紫菜湯及蠔油菜芯。回家後一打開個魚蛋紫菜湯，啲魚蛋細粒左囉！我知有啲潮州魚蛋唔係圓碌碌，係不規則方形咁！但平時食開哩間都知唔係咁架嘛！今次啲魚蛋好似將原先嘅size切開左一半咁！我知現在食材成本高，加價係正常，但唔好加價之餘，食品質素無改善，仲要減質量，感覺好唔抵，唔想再來幫襯。縮左水既魚蛋🤔…Read More

由於little twin stars 40週年，所以最近周圍都有佢地嘅踪影，見到屯門哩間餐廳特別推出幾款食品，我梗係要黎食喇！首先點左兩款飲品，叫雙子銀河特飲，藍色的係青檸菠蘿味，而粉紅色的係西柚椰果。每杯$43。兩杯飲品味道都好清新，味道很夾，又唔會好甜，真係幾好飲。這個是雙子星意大利麵，哩碟麵分別有兩種味道，藍色的係應該蒜香味，粉紅色的係白汁芝士味。意大利麵好煙un，有蜆肉及巴馬火腿，味道很好，可是份量太少。星星型麵包印有little twin stars，真係唔捨得食左佢地。另外，亦有點其他食物，不過掛住影雙子星，唔記得影其他，只係影左這碟日式蕃茄醬海鮮燴飯。賣相與餐牌照片相差甚遠，好像多水，海鮮好細粒，好像只有蝦，魷魚及蜆肉。不過，飯嘅味道唔差，端上來時熱辣辣，蕃茄味唔會太酸，但又幾開胃。最後，梗係要食埋甜品啦！叫星星雲彩泡沫，哩個甜品要預返時間order,因為侍應話廚師好難整得好，有時候可能會失敗，所以我地都等左超過15分鐘先有得食。不過，廚師真係做得靚，個棉花糖圓菇碌咁圍住一團，好似一朵雲，但要快啲食，因為棉花糖會慢慢塌下會好快溶化。 對我來說，這間餐廳的日式意大利麵、燴飯及pizza，都唔算好突出，但味道又幾合我心意。而且侍應們都好有禮貌，有笑容，幫我地order食物時，有耐性又會重複confirm,服務態度很好。…Read More

由於男友生日，他喜歡食海鮮，所以我早一星期就打電話去訂枱。是日食飯日子係星期日，我準時晚上8:30到，但已有少許客人排隊等候入座。我到達後，即入餐廳內找侍應問他有位未？他説已經有客人埋單，等一下就有位，然後我同男友等了15分鐘，我見等候一陣既其他7-8人人客可以有位入座，我以爲自己應該很快有位吧！怎料！後來又有一班差不多10人嘅客人話訂左枱，然後他們立即可入座。我見好唔對路，便走入去找侍應問：我都等左半小時，何時有位？那個侍應又問我幾多位？貴姓？訂左幾點？然後侍應又番睇個booking list,我心諗有無攪錯呀？剛剛半小時前問你話就有位，哩一刻好似唔記得我地二人咁！真係嬲嬲地！其實好明顯係安排唒大枱多人入座 先，二人少人嘅客就要慢慢等。希望餐廳可以改善下客人入座既安排。入座後，我和男友即刻點左首爾塔，再加個人參雞粥。前菜有芽菜、白菜、泡菜及蘿白，而且問侍應可以refill。我覺得都幾好味，泡菜及芽菜唔太辣，白菜好香蔴油味。第一層有蟶子及象拔蚌仔，味道好鮮，熟嘅程度剛剛好。 第二層有帶子、北寄貝，蝦。同樣熟嘅程度剛剛好，三款都鮮甜，不過我覺得帶子沾少許豉油比較好味，因為上面加左蔥粒，無味道好怪。第三層有蟹、花甲、青口、魚、南瓜及雲耳。蟹有好多膏，花甲好新鮮，青口就細粒左啲，魚就好滑。第四層有鮑魚、螺、大蜆、南瓜、粟米、娃娃菜、蘿蔔、冬菇及蕃薯。鮑魚唔"un",螺就無特別，大蜆味道鮮甜，但有啲沙，其他蔬菜都清淡美味，因為吸收左上兩層滴下來嘅海鮮汁。 最後就係食人參雞粥，侍應會幫我地將雞肉與骨撕開，粥內也放有蜆，而且加埋之前海鮮蒸出來嘅汁，整個粥味道很鮮甜。未食粥之前，只係食前幾層嘅海鮮，其實我覺得唔夠飽架！幸好加左個粥底，我地二人先覺得好滿足，食唔唒個粥千其唔好浪費，我問左侍應攞外賣碗，返屋企第二朝食。整體而言，我覺得這個首爾塔海鮮味道還可以，以鮮甜清淡為主，餐廳係主張客人食原味，不沾任何醬汁。而海鮮及其他蔬菜配菜份量比較少，而且餐牌上飲品比較少選擇，所以我飲水算了。…Read More