joyce_chau's Profile

最近無出街，突然想食甜品，原本係想去喺隔離既聰嫂，但原來巳經執咗😥 又費時周圍行，所以決定試一試。一入到黎已經發現無客，心知不妙。點知真係好失望😞平時巳經好少寫食評，但一心想落街食個甜品點知食完仲唔開心。真心奉勸大家唔好幫襯，0服務仲要全程俾面色你睇，落單搵個人都無(成問鋪得我地一枱客)，等咗超過五分鐘先有人出店面，加上甜品賣相、味道都好唔得(好似放咗係度一段時間，味道淡茂茂)，而且價錢一啲都唔平，唔會再黎。…Read More

好耐無食SMILE啦因為九龍城唔係咁就腳, 所以多數都係食YOMAMA今日行新開嘅希慎廣場見到開咗SMILE,就去咗試新出嘅幾款FROYO我揀咗WILD SUMMER($59)舖面有模型同一塊將材料寫得好清楚嘅POSTER講解唔同FROYO嘅結構等咗3分鐘度, FROYO就整好.杯FROYO真係好大杯, 好豐富插係面頭個塊應該係蘋果乾, 脆就講唔上, 但幾甜, 同FROYO又幾夾淋係FROYO上面嘅係RASPBERRY SAUCE, 酸酸甜甜, 偏甜多啲, 同FROYO超櫬係PERFECT MATCH! 我好鍾意呢個COMBINATION荔枝稍為乾同大塊咗少少, 下面MANGO SORBERT係我最唔欣賞嘅一層SORBERT係冰粒狀, 同FROYO唔夾, 影響口感其實食到呢度已經飽飽地, 中間就有消化餅碎食晒成杯好飽, 唔建議當佢做SNACK, 做正餐都得$59起初都覺得好貴, 但係諗諗吓平時YOMAMA一杯都要2幾30蚊但SMILE都好多料同大杯好多, 都抵食嘅但係咁豐富嘅FROYO都係間唔中食下就好……Read More

食得歐陸式嘅麵包多, 突然好想食番以前媽咪日日買俾我做早餐嘅雞尾包咁啱去開尖沙咀經過聞到好香嘅麵包味, 就忍唔住走咗入去夾麵包港式麵包嘅香味同歐陸式麵包嘅好唔同, 港式麵包嘅多啲油味, 歐陸式嘅就多份麥味食過歐陸式麵包嘅人都知, 佢嘅價錢比港式麵包高好多, 一個法包分分鐘貴過四個雞尾包但係佢哋真係好難相提並論, 始終材料技術都好唔同,實在無得比本來我只稔住買一個雞尾包,但始終敵不過誘惑,夾埋腸仔包同腿蛋包三個都只係$20! 雞尾包係我兒時最愛, 尤其係中間椰茸! 今次食番同細個食嘅味道係一模一樣!話說我不嬲都食開櫻桃麵包嘅出品,但我真係食唔出分別老實講我未食過難食嘅雞尾包, 係我腦海中雞尾包就係一個餐包中間夾主椰茸中間椰茸嘅部份唔係滿嘅, 相信係因為麵包係侷嘅時候發起而形成空間但係我覺得椰茸嘅份量恰到好處, 如果太多嘅話,就會流但係又唔少到覺得個包好寡我會咁形容, 正當食到餐包有啲悶嘅時候, 椰茸就出現, 而當食到椰茸開始過甜嘅時侯, 餐包又及時出現,中和下甜味腿蛋包係我家姐最鍾意食嘅其實我係從來都未食過腿蛋包嘅, 因為我覺得個塊蛋個樣好假..今日見到呢個腿蛋包嘅時候, 唔知係咪心理作用, 塊蛋又好似無咁假於是就乘機試吓喇估唔到塊蛋望落好假, 但係食落唔係我想像中嘅膠味, 而係有淡淡嘅蛋味腿蛋呢個最強組合係我嘅最愛, 夾係餐包中間, 咬落去只係覺得好好味食完兩個包已經非常飽, 話說呢兩個包係我今日嘅第一餐四點幾食咗呢兩個救命麵包, 好滿足我唔排除係因為太肚餓而高估咗佢哋嘅味道㗎只不過食歐陸式麵包之餘,間唔中食番港式麵包係幾好嘅一來可以慳錢, 二來可以順便緬懷吓細個食住腸仔包返學嘅日子…Read More

今日又再黎過，３點鐘唔係好多人今日有我上次見唔到嘅Smoked Salmon三文治，就揀咗佢但係唔知道點解呢款比其他細，　而且仲貴啲添($45)受到上次嘅教訓，今次我無再襬三文治入雪櫃，就咁放係室溫食嘅時侯已經係四個鐘之後嘅事所用嘅麵包係Nordic Bread，好特別亦未見過麵包夾集住唔少種子，質感特別三文魚亦新鮮，份量恰到好處只不過啲菜帶有苦味，加上我討厭嘅洋荵，令我對呢個三文治無晒好感如果用上生菜呢類唔苦嘅菜，相信會好好多但係我發覺呢度鍾意用上火箭呢類蔬菜，只怪自己不懂欣賞今次其實有啲失望，畢竟佢排第一，所以對佢抱有期望老實說，價錢不便宜，有更好嘅選擇…Read More

唔知係咪睇咗兩集嘅<珍情品味>, 近牌好想食番啲地道食物今次其實係去Passion by Gerard Dubois, 途經公利, 決定試吓有名嘅蔗汁糕中環個間我都經過幾次, 只不過佢唔係咁就腳, 依家灣仔呢間近地鐵站, 方便得多我去嘅時候係3點左右, 舖頭入面有六七個人食緊嘢, 蔗汁同蔗汁糕講都底係消暑恩物,呢啲大熱天時, 當然咩時間都有人幫襯舖面我只見到一個女人坐咗係度, 就話我想要蔗汁糕呢個疑似老闆娘嘅人好有禮貌, 問我想要凍亦或唔凍仲細心咁綁好外賣膠袋, 雖然只係$12生意仔, 但睇得出佢好有心老實講我一路都以為呢啲舊式舖頭老闆好有性格, 但今次試過就明白唔係間間都係咁嘅番到屋企我將蔗汁糕放咗雪櫃雪咗半個鐘, 已經急不及待打開個膠袋開餐蔗汁糕並無好似其他食評咁切開咗，仲係一整個顏色係天然蔗汁嘅淡綠色，桔落去有啲似啫喱味道好清甜，絕對無過甜，涼浸浸，果然係消暑嘅食品而且蔗汁糕唔韌但又唔易散，食落真係幾似馬蹄糕我鍾意食嘅嘢都有一個共通點，就係食完唔會飽飽濟濟，好有罪惡感嘅食物公利嘅蔗汁糕就符合咗呢點，令我有啲愛上咗佢…Read More

相信如果去過日本嘅人都應該有食過大福呢款類似糯米滋嘅甜品但係全家只有我鍾意食, 其他人厭佢過甜因為咁樣, 所以我每次去日本都唔敢買返香港食係香港我除咗係sogo超市見過大福呢啲日本傳統甜品之外, 就只係citysuper見過菓匠茶屋都見到有得賣但係次次經過都只會望吓, 今日決定去幫櫬係因為俾食評吸引到大福嘅種裡的確有唔少, 有番薯, 芝麻, 綠茶, 紅豆等等草莓系列只有兩款, 分別係紅豆草莓同白腎豆草莓我最後揀咗兩款嘅草莓大福, 綠茶同紅豆因為店員話每款兩個每個會平$1總共$58返到屋企已經係2,3個鍾頭之後嘅事但係味道都真係唔錯綠茶面頭有綠茶粉嘅就係綠茶味其實咁多個形狀大小都差唔多而且個個都好足料, 好厚身, 係我最欣賞嘅地方咬落去煙煙韌韌, 皮厚餡足中間嘅綠茶餡幾滑, 但略厭過甜, 只不過日本嘅大福都不嬲咁甜嘅皮餡嘅比例適中食一個已經好足夠, 如果唔係就會好似我咁越食越濟, 浪費咗佢紅豆紅豆大福同綠豆大福大同小異, 只係紅豆味道比較濃, 較為流啲白腎豆草莓終於到草莓系列四個入面我最鍾意呢款白腎豆同草莓味道好夾, 加上草莓好甜, 真係幾好味白腎豆蓉無紅豆蓉咁流咁甜, 所以我覺得白腎豆草莓好食過紅豆草莓大福我只會心血來潮先會買黎食, 因為食完的確有飽飽濟濟嘅感覺但係菓匠茶屋勝在足料, 如果突然想食嘅話, 揀佢都不失為一個好嘅選擇P.S: 我覺得放咗係雪櫃更加好味…Read More

呢間係openrice睇到好耐，今日去完銅鑼灣就專登去咗灣仔試呢度嘅麵包。無揀有名既甜品係因為大熱天時takeaway甜品多數凶多吉少，所以都係揀番麵包穩陣啲。呢度真係唔難搵，係A3出口右轉行大概5分鐘就到。可能我去到既時候已經2:30，所以並無見到好多人既場面。但係嗰時啲枱已經滿哂，要等位。一人門口即右手邊就係自助夾麵包即地方。但係可惜佢哋吸引唔到我，因為大部份都份plain，但係竟然有focaccia! 行到去玻璃櫃前，發現並沒有好多三文治選擇，相信係因為午飯時候俾人買得七七八八即原因所致。因為無我預先鎖定既salmon sandwich，所以最後有啲唔情願咁揀咗個wellness sandwich。服務好好，由幫我攞三文治到收銀既人態度都好好，走既時候我仲聽到店員細心咁解釋佢地既甜品。終於人正題，呢個三文治其實係做我既晚餐既，而且我住九龍嗰邊，所以可能因為咁而影響咗佢既味道。嗰三文治份量唔細，當晚餐已經好夠，但係我覺得嗰包有啲乾同硬，其實我覺得係因為我擺咗係雪櫃所致，所以我決定下次盡快食。個三文治菜係最多，所用既應該係火箭菜，有啲苦。人面既ham份量適中，整體上普普通通，無咩特別。$48我覺得有少少貴，呢個價錢我會揀其他鋪頭。下次我想試吓佢地既沙律同cake, 因為今次有啲失望。…Read More

我一路都鍾情LIFE ORGANIC CAFÉ因為我欣賞佢嘅裝潢同organic又有創意需然價錢一啲都唔平而且味道亦唔係特別好但係我次次去中環都要黎食佢嘅cake其實我一路都想試佢嘅smoothie, 所以今次係金鐘補完習就黎買take away去到差唔多4pm, 有唔少人坐咗係度食tea我行咗去cashier度拎個menu睇,心大心細唔知要sunshine shake定b shake好,“Signature Shakes $42Sunshine Shake: Bananas, Mangoes, Dates & Organic Flaxseeds Wild Shake: Homemade Organic SoyaYoghurt & Wild BerriesLife Shake: Homemade Organic SoyaYoghurt, Papaya, Bananas & Spirulina B Shake: Carob powder, Cashew nuts,Bananas & Organic Soya Milk”最後揀咗sunshine shake, 穩陣之選睇過之前嘅食評記得有人話b shake好難飲$42真係好貴, 但係健康係要付出代價嘅 味道極似甘筍蘋果汁, 但濃厚啲同flax seeds好有咬口份量同一般果汁一樣, 一路行soho一路飲, 好快就飲曬, $42咁就無咗下次想試b shake或wild shake!…Read More

今日稔唔到食乜, 於是揭吓本飲食男女,咁啱介紹好近屋企嘅又一城食肆其實又一城嘅餐廳都去得七七八八,但係就未試過caffe habitu所以係唔知想食咩嘅情況底下就去咗啦12:30 又一城啲餐廳大多數都要排隊但係caffe HABITU就唔洗排隊, 仲有唔少空枱我哋四個人坐係近溜冰場, 裝潢唔錯,可惜位置唔好, 四周嘈雜, 又多人行過Waiter一坐底就放底兩個menu同一塊膠板原本膠板係set lunch menu, 同餐廳設計格格不入, 感覺有點怪反而menu就好似報紙, 櫬番本身嘅風格Set menu 只有三款main dishA)Vegetable LasagnaB)Pepperoni PizzaC)Spring Chicken with chips 價錢由$80-100Starter 有Salad 或 Carrot and Ginger Soup跟餐有茶, 咖啡或白咖啡但凍飲要加$24, 我應為不太合理我自己選擇了Eggs Florentine $81家姐媽咪就揀咗set lunch, lasagna同pizza細佬散叫carbonara $88服務老實講不好, 餐具係我哋坐底15分鐘後都未送上最後要我問先送到.餐湯送來嘅時侯亦無附上湯匙, 要追問先有另外, 枱枱客人都無水提供我哋同其他客人都要問waiter先有水提供裝水嘅杯係紙杯而唔係可再用嘅杯, 希望佢哋可以係呢方面作改進:(食物方面, carrot and ginger soup 偏辣, 以上結論係從細佬嘅面部表情所得Salad媽咪話好難食, 但係我無試過所以唔可以講係咪真係咁難食Pepperoni Pizza係咁多樣嘢最好食嘅, pepperoni分佈平均, pizza base好薄但脆, Cheese份量適可, 整體值得推介但係Lasagna同Egg Florentine就令人失望Lasagna嘅汁係vegetable base, 所以唔流但係味道欠奉, 有點淡食落好似一pat pat咁Egg Flornetine: 有兩隻egg benedict係english muffin上, 份量幾大 最唔滿意嘅地方係蛋嘅味道帶酸, 唔知係sauce嘅味定係隻蛋壞咗, 但絕對稱不上好味. 其次係伴碟嘅薯仔未熟透,仲係生生哋 總括而言, 食物溫度只係微暖, 味道只可以話一般, 服務有待改進, 但價錢偏高以呢個價錢, 我會選擇去其他地方如pizza express, simply life等唔值得推介:(…Read More

呢個朱古力蛋糕係媽咪買cake哥哥送嘅個樣都有啲似我自己整嗰啲不個我通常個面都會裂開:(個蛋糕用金色嘅咭紙鸇住, 再用保鮮紙包住, 夠衛生蛋糕外型黑黑實實, 樣貌平實,有 handmade feel, size係大約一個手掌(唔計手指)咬落去啲碎已經係咁跌落黎, 濕度一般, 但絕對唔係乾, 但有啲散我俾佢嘅形容係鬆軟, 蛋糕一啲都唔甜, 相信係用黑朱古力整最鍾意係一粒粒chocolate chips可能我唔係太好朱古力, 只係覺得呢個蛋糕唔錯, 但係就應該唔會買濕度提高啲會好味啲, 但唔排除會令個蛋糕heavy咗呢個蛋糕好在唔膩, 因為佢唔甜我自己都可以係唔肚餓嘅情況下食晒佢鍾意食莎利蛋糕嘅可能會鍾意呢個高級版莎莉蛋糕…Read More

今晚屋企請人食飯, 所以媽咪就去咗CERES到買甜品本身稔緊去TONY WONG定CERES好, 但係我哋都係對CERES情有獨中啲我真係好耐無食過CERES出品啦!!好掛住蘋果包!今年生日我都好懷念上年嗰個蘋果包蛋糕! :)可惜呢排真係太忙, 考試多到出街到無時間:(今次我都無去, 惟有等媽咪家姐帶蛋糕返嚟一見到CERES果紙盒我已經好興奮媽咪總共買咗8件, 3件NAPOLEON, 1件COCONUT RASPBERRY MOUSSE, 1件CHOCOLATE GANACHE, 一杯MANGO MOUSSE,1杯栗子cup同1杯tiramisu cup (我係自己想像啲名)細佬一開始就要咗杯mango mousse, 佢係咁話好好食, 食晒仲係咁刮個杯媽咪家姐就要咗佢哋最鍾意嘅napoleon我揀咗coconut raspberry mousse一個四方形白雪雪嘅mousse cake, 鋪上椰絲, 放上幾粒藍莓藍莓好甜, 大小適中, :)一咬落去啲椰絲好有口感但係我最欣賞係中間嘅raspberry jelly(其實我係憑味覺估)中和反coconut flavour其實coconut mousse本身coconut味唔重,好滑同light大部份人到會接受到, 但如果你係coconut fans, 就可能會嫌佢太淡raspberry jelly酸酸哋, 好刺激到味蕾, 令到個cake好特別蛋糕底係一層好薄嘅cake layer, 我唔係好食得出咩味, 應該都係coconut我分咗三分一俾爸爸試食, 連佢唔好coconut又嘴刁嘅人都話好食佢話好食過napoleon 但係我始終都係鍾意ceres啲麵包多啲!我暫時都係覺得ceres嘅歐陸式麵包係香港我食過最好嘅(個人意見)食完好有嗰種實實在在嘅感覺!我考完試一定要食蘋果包!!…Read More

今年生日朋友係聖安娜訂咗個蛋糕俾我點解揀聖安娜? 因為朋友俾陳豪個75度朱古力蛋糕廣告吸引咗我最後反而無揀度數朱古力蛋糕, 揀咗朱古力情脆[夾心]朱古力Truffle薄脆(1磅 $125)放學之後我哋一班人就去九場欏蛋糕, 再上kfc食一打開, 嘩真係同網頁張相一樣賣相拍得住tony wong:)我咁耐依黎一直未食果聖安娜嘅蛋糕西餅, 但一見到個蛋糕, 即刻對佢改觀, 之前一直以為佢哋嘅蛋糕賣相唔會好得去邊, 但係真係出乎以料嘅靚淨係睇個樣以為係軟嘅, 跟住忍唔住摸吓, 係硬㗎!我朋友好搞嘢咁要店員係名牌度寫 Joyceeeeee但係店員仲好細心咁問係咪6個e , 欏蛋糕嗰陣又好有禮貌, 服務態度好好一食個cake, 啲朱古力我估係semi sweet, 唔甜, 又滑底部係chocolate rice crispy嘅脆脆, 好crunchy, 唔會咁'流'以呢個價錢都可以話物超所即我地十幾個人食都每人食到三四大啖..KFC嘅人好好, 見我哋都有買KFC嘅嘢都俾我哋系嗰到切蛋糕如果同美心比, 我會覺得美心嘅CREAM CAKE好啲, 但朱古力我會推介聖安娜除咗呢款之外, 仲有好多款朱古力系列, 值得一贊係佢網頁SHOW得好詳細, 有興趣可以睇吓, 我都想試吓比利時55°朱古力香蕉[夾心]朱古力Truffle香蕉薄脆!…Read More

今年生日唔再有四個蛋糕, 因為今年實在太忙唔想攪咁多野當要訂蛋糕, 本來係鎖定Ms B's Cakery, 話晒無試過又係sevva姐妹店但係我睇過網頁介紹, 實在無合心意, 唯一 champane 嗰個唔錯, 但500g 要$1200 就覺得唔係好抵况且講真我唔係咁食champane味嘅嘢, 無謂為咗個賣相就俾咁貴最後都係揀番sevva我最愛嘅lemon meringue, 500g $550, 好抵:)一見到嗰蛋糕, 我覺得成個蛋糕真係好睇過係sevva到食嘅一件件我最鍾意啲賣相簡單又靚嘅食物, 一黎美觀, 二黎似番食得嘅嘢好怕啲icing令到蛋糕變到好似唔食得嘅藝術品呢個lemon meringue cake只係係蛋糕面塗上cream, 係旁邊貼上一塊塊嘅glazed lemon再係面頭放上white chocolate swirls, 優雅美觀sevva隨cake附送嘅金色蠟燭好襯嗰蛋糕, 名牌啲字亦寫得唔錯lemon meringue cake 經sevva店員解釋, 係放係冰箱嘅, 但係工人就咁放入雪櫃,過咗6個鐘meringue雖然無咁脆但係無咩分別最鍾意係meringue中間嘅lemon curd, 酸酸甜甜, 面層嘅cream亦夠smooth, 唔甜, good cream食完一件encore第二件, 但係發覺真'流'咗啲, 可能係啲cream同lemon curd嘅問題:(整體黎講sevva仍然keep住水平, 聽講佢哋服務態度好咗, 都想去下食cut cake…Read More

好耐好耐無寫過食評啦!!今次去咗細佬好想食嘅自家烏冬話說佢上一次入錯咗第二間日本餐廳以為係我哋1:30到都有幾多人, 不過唔洗排隊見到餐牌都幾吸引我又想食玉子鰻魚飯($48)又想食溫泉玉子雞絲胡麻掛烏冬($48)最後揀咗後者其實佢哋仲有好多蕃茄湯底烏冬, 下次要試試媽咪叫咗, 但係佢無乜評語家姐叫咗明太子掛烏冬($44)呢個唔推介麵還可以, 但係非常乾, 明太子無咩味好似食緊乾嘅無味烏冬:(雞絲胡麻掛烏冬($48)呢個的確唔錯我揀佢係因為佢遲我鍾意嘅雞絲粉皮味道真係好似雞絲粉皮!!係雞絲粉皮烏冬!有冷溫選擇我揀咗溫, 啲麵係室溫嘅溫度啲烏冬幾彈牙, 但無乜特別$48都幾貴但份量ok, 飽肚嘅玉子鰻魚飯份量就少男仔可能唔夠食總括黎講唔錯嘅, 可以試試…Read More

琴日好朋友生日, 放學俾佢同其他friend拉咗去teaEURO GO GO我好耐之前已經係openrice都見過, 但一次都冇見過佢真身朋友生日大晒, 所以我哋都順佢意去郎豪坊euro go go門口係轉角位, 唔留意好易就咁行過都見佢唔到一入到去就見到成個餐牌印晒上塊牆度, 凈係見到啲相都搞到人好肚餓呵由於4點幾tea time, 成間舖啲枱櫈都俾人佔據晒, 不過咁啱有人走我地就'拿拿淋'霸位經過一番討論我哋四個就叫咗法式鋦田螺+夏威夷pizza全份夾埋$96法式鋦田螺講真我真係冇食過難食嘅法式鋦田螺.但一上枱已經令人失望:(錫紙兜嘅法式鋦田螺得一半, 少得可憐味道正如我所講嘅冇話好好味, 係典型法式鋦田螺味夏威夷pizza全份($52)呢個pizza好似我哋家政堂做嗰啲, 好有handmade feel嗰皮非常薄, 啲料不過不失但係我就鍾意pizza hut多啲!芝心批無人能及隨餐附送蒜茸包, 滿心歡喜等佢黎, 點知得一千零一塊,記數量單薄令佢賣相古怪, 味道收淡了點總括黎講係填包個肚但係份量方面有待改善…Read More