vickyor's Profile

今日同朋友一齊試下呢間舊式茶餐廳去到見到一條人龍排諗住實無死，又見咁多人買蛋撻都想食下而家因為限二人一枱所以我地三個都分開坐。我同其中一個朋友安排最細既car位，朋友純粹講下覺得張枱細放唔到兩份餐，後面收銀叔搭訕「放到兩個餐架！有最低消費架！bla-bla-bla 」當然態度都好差想撩交嘈咁！跟住另一個朋友坐隔開幾張枱同人搭枱，頭上就不斷冷氣機滴水，朋友同侍應講聲，姐姐都好快手攞住拖把就咁向上掃但大前題係野食黎哂放係枱你就咁掃d野食仲點食好？同枱另一位食客都望住面露難色最後一件不能接受係有個姐姐係咁大聲嗌「出面好長龍，出面多人等」嗯？！你催緊食緊野既食客要食快d?最後最想試既蛋撻都因為呢d經歷都變到唔想試啦P.S干炒意粉勁咸！奶茶好「鞋」口帶點苦澀一支維記朱古力廿蚊不了不了～～性價比係零0…Read More

今日lunch時間去食要排隊入去好在早一步都唔係等左好耐。一坐下來侍應一秒開始問我地食咩⋯⋯大佬！餐都未揭問咩呀？跟住企係度等我地睇餐牌⋯⋯朋友叫叻沙勁咸 d餸都費事話你啦！第一啖湯飲落咸到目定口呆😦另外我叫左海南雞飯 油飯係冇味 雞就好大陣雪味 個蘿蔔湯又係勁咸既🤦🏽‍♀️本身想影相但見到都唔知影乜好⋯⋯食食下搞唔掂都係炸炸林俾錢走人💸搞到要另外再去買野食睇住佢開。由期待變失望 byebye 冇下次了…Read More

冇咩特別其實都唔會寫食評但今次真係奇差!落樓下俾人呃杯啤酒都冇咁谷氣$250食埋d垃圾同俾錢入鬼屋嚇自己有咩分別叫個set黎個美式拼盤 三文魚明太子意粉 慢煮羊排 甜品拼盤$138 但38蚊貨仔 超市買盒魚手指自己整都好食 呢度整到好似石頭咁 叉都吉唔入羊排騷到一個店同間鋪個名好襯 騷到食唔落 唯一比較似人食既食物 因為smoked salmon唔洗佢煮 但意粉都係咸左d全餐最垃圾 問個waiter佢話唔知係咩撻！ 食完我都唔知係咩撻 但似係美x/聖安x出產開頭未點餐既時候話有心太軟 到叫甜品想要心太軟又話「今日冇心太軟」 其實擺明唔想整啫！嬲到爆炸！用Openrice book 85折最後叫哂野原來只限飲品環境又黑又暗 淨係好大聲咁播歌 說好的live music 呢？…Read More