local foodie's Profile

大約12:15去到已經有少少人龍，不過只等左5分鐘就可以入座，喺覲塘食lunch 黎講已經好ok.黎得當然唔食海南雞飯，午餐可算餐飲或椰子雞湯，當然揀咗湯一試啦。出餐亦好快，雞係唔錯，嫰滑皮薄，無乜肥，個醬亦都出色，油飯亦都做得幾香，個湯好濃椰子香味，但飲完係口渴到一個點，成個下晝都喺度飲水。$58個午餐算性價比唔錯，但份量唔大，女仔ok, 男生可能差啲。…Read More

8月是我的生日月，所以不停四出搵食。幾年前JAMIE'S ITALIAN開業時已經想到此一嚐，但不知為何一直都沒有來過，這星期日，終於來到Jamie's Italian。大約一點到餐廳，未有太多人，我們兩人坐到半圓的卡座，座位間空間充足，環境、燈光非常舒適。先點了一杯passion fruit mojito，感覺清新，唔會太甜。再看看menu，都是非常classic之菜式。starter 點了 Mussels in'nduja cream sauce, classic dish - spicy italian meat balls因為前一晚去了King Kudwig 食豬手，所以今晚main 點了venetian seafood stew, fish in a bag. 店員見我們點了mussels，建議我們點一客garlic bread。剛焗出來的garlic bread，香味四溢，中間塗了香草🌿、butter、garlic ，麵包好light，鬆軟可口，雖然塗了butter，但入口仍覺輕盈。再加埋mussel 個sauce 好好食！極之推介！mussels都未食到一半，跟著上的並不是meat balls，而係main dish seafood stew 味道很好，只係海鮮份量唔太多，得一隻大蝦，一顆帶子，少量魚、蝦仔、蜆等到呢個時候，我們要特別請店員暫緩上其他菜，因為上菜太快，來不及食已經凍左⋯⋯少少美中不足。當我們食到差不多，再示意可以再上菜，但還是未見meat balls ，反而上了fish in a bag, 其實係以紙包住魚去焗，一打開包著的紙，已聞到香味撲鼻，魚焗得剛好，sauce以蕃茄、香草、garlic、洋蔥等調制，再灑上點點檸檬汁提味，將原本平平無奇嘅龍脷處理得極之出色！最後發現原來店員漏了meat balls的單，所以原來的starter終於出場。常常在電影上看到Jamie 煮不同的菜式，meat balls 係其中一樣他經常煮的家庭菜式，所以有一點特別的期待，但meat balls 實在令我失望，sauce味道很好，但肉質有點乾，估計是焗過了火總體來說，食物水準非常高，未有負Jamie 之名，有些微小失誤，但值得原諒，食物份量足、價錢亦合理。…Read More

難得星期六下午，同阿媽在屯門市中心閒逛，見到之前Baby Cafe 的位置開左新嘅Cafe，諗住去望望。門口嘅menu只有飲品，我地以為只得飲品想轉身離開時見到店內客人嘅枱上有食物喎，又回頭再找餐牌睇完一輪，想入去坐，但完全無人理我地(當時餐廳人亦唔多），咁我地見到有位就坐低，再示意先有人絲絲然過來。望望餐牌，飲品選擇多，但價錢唔平，定價$48-58一杯左右。因為只係下午茶，只點左avocado seafood tartare, baked portobello mushroom with cheese,  cappuccino, 同一杯菠蘿薄荷茶。飲品先到，唔難飲但實在係無咩特別，諗唔到點解可以收人$50一杯。cappunccino 都要$38:(avocado seafood tartare 亦跟住到，份量細到一個點⋯⋯所謂seafood係上面有些好細嘅蝦、三文魚 （好腥）同八爪魚咁，又係只可以話唔難食。食完再等左約5-10分鐘，個焗磨菇仲未黎，（佢一埋黎就問係咪埋單），一問之下原來漏單⋯⋯只點左兩樣食物，點菜時落單個妹妹仲喺張單畫左兩個大圈⋯⋯都漏。咁佢話即刻整叫我等5分鐘，阿媽話費事人地難做，我地就再等多5分鐘。5分鐘後磨菇出現，正常都會跟把刀方便客人切開吧⋯⋯？完全無餐飲服務嘅經驗同水準。好不容易切開，一送進口中⋯⋯只係微暖，唔係岩岩焗出黎嘅咩？？？原來根本未焗熱、磨菇中間仲係生架咁樣都可以拎出黎serve客？實在完全接受唔到囉！咁嘅食物質素、咁嘅服務再加咁嘅價錢（埋單$220)，真係唔會有人想食囉⋯⋯絕對唔會再去！…Read More

其實星期五約左班朋友去唱k, 但時間尚早，所以去左試立食！每次經過都大排長龍，但今次未夠7點去到，唔太多人，即刻有位👏🏼👏🏼👏🏼。因為之後會食dinner ， 只係點左少量壽司🍣試一試。如果要飽肚，建議可試食生飯，$168份量足👍🏼無時間去日本，可以黎呢度食，好滿足，當然價錢唔係好平，但個人認為食到呢個質素嘅壽司，仍然係合理價錢！我地3個人，共食左大約$730，每人$200幾。到我地食完，門口已經有一條龍，唔想等位，可以試下7點前到。…Read More

父親節快到，所以開始尋覓新的地方跟爸爸慶祝。爸爸是傳統的人，只喜歡中菜、最愛海鮮，但普通中菜又好像沒有什麼特別，找著找著就找到榮哥私房菜，見之前的食評不錯，就一行十人去試試。 確認訂枱後就從whatsapp收到了本月菜單，需先預訂菜式及付訂金，以便準備食物。看了覺得預設菜單選擇少，所以決定散點，可以多試幾個菜式! 因人多，而家散點是例牌的份量，我們幾乎點了menu上每一個菜。 脆皮豆腐滷水鴨舌開煲菜 亂炒王 藍龍蝦湯煮 / 上湯龍蝦煮椒鹽鮮魷 盤龍鱔 黑毛豬叉燒 清湯蝴蝶腩 茶王燻雞 手撕雞 脆皮牛仔腩 配咖哩 海斑爆米泡飯 奄仔蟹粥 P.S 原本還點了九轉豬大腸，但付責人稱最近沒有供貨，與豬大腸無緣。 服務實在有待改善 - 訂枱是7pm, 當日下午5點幾通知我所訂的4 隻藍龍蝦的其中一隻質素不太好，建議我轉普通龍蝦，這一點我是appreciate的。 - 菜單上其實還有上湯浸時蔬，當天到達餐廳，他們已將印好的菜單放桌上，並著我們double check，我已即時告知付責人漏左，而他亦回應廚房的菜單是有的，著我放心，但最後上湯浸時蔬沒有出現過。 - 分海斑爆米泡飯的小姐好似第一天番工咁，1 鍋泡飯分9 碗，頭一兩碗滿到瀉但無泡飯，最後嗰兩三碗無唒湯得啲飯，佢分完就轉身走左，最後我地自己再分過 - 分奄仔蟹粥的另一位小姐仲好笑，一樣係1 鍋奄仔蟹粥，我地有9個大人1個BB，佢拎左7個碗就開始分，咁我同佢講我地有9個人，佢完全沒有回頭，只回「呢個蟹粥係4個人份量」，於是我問「咁你諗住比邊7個人食、邊兩個人無得食?」，佢又係頭也不回「咁我去拎兩個碗囉」。完全唔明佢嘅logic????????? - 賬單混亂，埋單時已經再一次提上湯浸時蔬是沒有出現過，5分鐘後賬單上還是有，再印第兩次，仲係有。第三次，佢delete 左個菜名，但總數無變，只show 一個總數，老實講，我都唔知佢最後有無計我錢。(我站在櫃台等重印賬單時，聽到旁邊桌的賬單一樣是出錯重印....... 最後埋單約$650一個人，唔算好貴，但以這價錢，食物份量偏少、服務差，只此一次，唔會想再黎。以$650/head 質素更好的中菜多的是。 …Read More

星期五晚上，gough street 好熱鬧，與朋友約7:45分到餐廳，餐廳還未有其他客人。餐廳雖小，但環境、座位舒適，完全不覺得迫，枱與枱之間有足夠空間，後來其他客人陸續入座，仍可以舒服地跟朋友談天說地。服務亦非常好，知道我們第一次來，主動介紹食物，因為我們只有兩個女生，點了一個4-course set 另加lobster! 朋友要養生🤣所以未有點酒🙂頭盤是 pan fried scallops, 火侯控制準確、表面小小焦香,好食！知道這裡龍蝦湯出名，當然要試啦！老闆亦細心把湯分開兩小杯上，湯頭濃郁、非常鮮味，但不會太咸（最怕這類濃湯過咸而不鮮）。Main course 點了必試的mussels, 餐牌上寫白酒煮，但老闆推介以啤酒🍻煮更出色，絕對可以一試！mussels 以bucket 熱騰騰送上，香氣撲鼻，份量十足！立即打開第一隻送入口，青口非常Juicy, 湯汁帶淡淡啤酒、洋蔥、西芹等的味道，非常清新。👍🏼👍🏼👍🏼👍🏼😋另一main course, 點了一客大龍蝦，份量不小，調味、火候都是prefect！雖然老闆說apple crumble 最受歡迎，但我還是算了我最喜歡我creme brûlée 😁焦糖香脆，燉蛋滑溜，不過沒有放Vanilla seeds，少了一個層次。食物質素高、份量足、價錢非常合理, 服務很好，一定會再來，支持小店！…Read More

星期一難得放假到南丫島一遊，陽光普照，選了户外的座位，小店的裝修簡單，予人舒適的感覺。點了一杯cappuccino 和藜麥沙津。平日下午，店裏人不多，食物不到10分鐘已送上。沙冿份量很大，藜麥配上多種有不同口感的蔬菜，青瓜、黑橄欖、栗米粒、鷹嘴豆、沙津菜、櫻桃番茄、牛油果等，材料簡單，但味道清淡開胃， 不錯！只可惜牛油果質素麻麻，扣了一點分數。$110的午餐雖然不算便宜，但亦算是誠意之作，加上是離島小店，應該支持。店內還有其他素食選擇，喜歡素食的朋友可以一試。…Read More

早已聽聞過龍蝦包，上星期四終於有機會到中環店一試。小小店面，約有20-30個快餐形式的吧枱座位。我到的時候還未到7點，只有三數名客人。先點了lobster roll, scallop roll, loaded lobster fries 以及2枝啤酒，共$461。在半開放式廚房旁邊坐下來，準備食物的情況一目了然。廚房設備簡陋，兩位工作人員正在工作，將一小包一小包的急凍龍蝦、帶子翻熱，放到包上，再淋上預先準備的牛油，便放到盤子上再送到客人面前。數分鐘後，我們點的已送上，份量還可以。先試一口龍蝦包，包帶微溫、龍蝦外面是暖的但中間還未完全解凍、上面的牛油亦不是熱的，味道是可以，但因牛油不熱，有一種冷掉後的油膩感。再嘗一口帶子，也是微溫的，更嘗到冷藏的味道。Loaded lobster fries 還可以，龍蝦份量也合理，但味道沒有驚喜。整個意念都是好的，但實際執行上未達到水平。如果廚房只有簡單翻熱食物，半開放式的廚房設計反而露出弱點，沒有為食物加分。另外，龍蝦與帶子，甚至是麵包本身的質素也不差，但翻熱、加上熱騰騰的牛油這些簡單的情況卻未有做好，令食物減分。$138可以一試，但不值得再次回味。…Read More