MonsterBB's Profile

已經好耐無去食蛇羹見到呢間食評都唔錯就一於試下偷食左朋友既燒鵝同燒腩仔燒鵝完全有驚喜，脆皮肉嫩！不過燒腩仔既皮就有啲硬🤣至於例湯好大一碗，湯味濃郁 朋友話飲完都唔會好頸渴我既蛇羹味道唔錯，用料都足 有幾塊唔算細既花膠!潤腸果真同名一樣係脆皮😍果然冬天就係要食蛇羹，食左好滿足🥰🥰整體黎講值得再度幫趁！…Read More

已經好耐無得去台灣玩，又唔係好多地方有得食甜不辣，岩好搵到一間性價比高既小店當然要試一試！麵線既湯羹質感唔算太杰身，味道亦唔會太鹹。高麗菜鍋貼可以見到顏色煎得唔夠脆，唔知係咪趕住出比我，味道其實唔差，如果可以再煎耐啲會更加好食！蛋餅一般，可能我比較鍾意食酥脆既野食😝下次可以試手抓餅！臭豆腐、鹹酥雞同甜不辣係我十分推介既小食！呢三樣都同印象中台灣古早味差唔多！尤其係炸得香脆又唔會覺得油膩！調味亦都唔會過鹹！有我喜愛既九層塔同甜不辣搭配！而臭豆腐既泡菜都係我既最愛，酸酸辣辣加上爽脆醃製高麗菜再一口點滿辣醬既臭豆腐係一種滿足！整體感覺不錯，因為味道唔會食左就好似食味精，反而會調得無夜市咁鹹！會得閒過黎再試食其他小食同encore炸物😆…Read More

呢間係連韓國人都會覺得還原韓國本土大排檔風格既韓式食店餐牌上都好多選擇同其他韓式食店唔一樣除左有新鮮感 圖片上既食物賣相都好吸引媽媽便當既炸紫菜粉絲好特別炸得香口 紫菜味同粉絲都係我既大愛炸魚糕既感覺似食緊台灣甜不辣拳頭飯係調味過既飯糰 飯粒軟糯 帶有麻油同芝麻粒既香氣炒年糕味道調教不錯 相比其他就顯得普通 不過就算凍左都無變硬芝士甜辣炒雞上檯時芝士係可以做到長長拉絲辣味剛好唔會太辣 同年糕既辣味不同 食完一口接一口整體都幾好食 有機會會再黎試其他嘢食 不過應該係有味精 會想飲嘢…Read More

試過眾多的拉麵 大部份的湯底不外是豬骨湯、加辣、黑蒜油、海老或莞茜，這次終於有用雞肉熬湯底 當然要試一試！首先一上拉麵就已經給賣相吸引，奶白色湯底碗邊放著兩片看來煮的蠻嫩的雞胸肉片、香蔥、半顆煮得火候剛剛好的流心蛋、一堆像藝術品 橘黃色炸透的長條薄片淮山！ 喝一口湯果然是濃而不膩，炸淮山味道也不錯，有新鮮感！雞胸肉不知道是否用低溫慢煮，口感很嫩也保持肉汁！吃到一半發覺原來還有兩塊五花腩叉燒隱藏湯中，感覺有點像挖到寶，是半肥瘦叉燒有油花香味。整體感覺師傅不但在外觀上一花心思 也吃得出對每樣食材做到最好的理念！…Read More

近期韓風襲港，掀起芝士撈既熱潮，岩好今日經過呢頭就打算試下邪惡既芝士火鍋！嗜辣但只限小辣既我點左個芝士麻辣雞煲（小辣）唔知係咪芝士難慶熱，心急地等左好耐芝士最後終於融於湯底！夾起雞件見到絲絲芝士掛住即刻食慾大增！值得一讚既係雞件絕對唔似其它雞煲店淨係比無乜肉既雞肋，可以大啖大啖咁食，由於唔跟青菜，自己外加金針菇同生菜，濃郁芝士配上微辣，最後加埋ㄧ丁做結尾，簡直係大滿足！ 唯一缺點係食完會好頸渴。。。 整體來說值得一試…Read More

本人比較愛好拉麵，打算試勻香港拉麵店！無幾耐之前食左銅鑼灣店一蘭，覺得一蘭拉麵提供種類雖有限，但整體上以拉麵麵質、湯頭味道、配料，算不錯的選擇！今期選試同區另一間拉麵「魂」，由於胃口欠佳，點選帶辣味番茄豬骨湯底「赤魂」。顏色不同於其他拉麵店，不會ㄧ看已經覺得滿佈辣油，湯頭亦不油膩，豬骨味加微辣正好開胃！麵條夾木耳爽脆中有麵條的咬勁，半肥瘦叉燒加至愛既糖心蛋！美中不足既係叉燒得薄薄的ㄧ片，麵的份量剛好夠女士食！男士。。。應該要加底加肉吧！總括而言，好味！會再幫襯！…Read More

之前見跟住本飲食書介紹銅鑼灣美食試炸豬排飯比到我驚喜，今次就試下中餐「私房菜」！頭盤點左燒雲腿同牛展 是薄粉漿包咸雲腿！ 粉漿煎得香脆，包住咸香金華火腿，算是有特色既前菜！牛展炆到好捻！另外點左個飯堂欖菜炒飯，乾身不油膩，淡淡欖菜香吊起炒飯香味！ 剛好兩人份量！最後甜品選左傳統蛋散！ 完全無半點油膩感，沾上蜜糖脆度剛剛好！雖然價錢偏高，但食物算精緻，以今晚我唔太肚餓既狀態同男朋友黎食算剛剛好！…Read More

下午經過銅鑼灣，想揾地方食午餐，想起之前去過小王牛肉麵既牛肉麵做得出色，臺灣食品癮又發作，見好耐又無黎易牙，就坐低試佢地既牛肉麵套餐，緊系點杯珍珠奶茶。一見個麵既賣相，就覺得牛肉份量十足，但麵條好似有d失望。果然咬落麵條吾夠煙韌而偏硬，牛肉算是幾嫩幾香，湯頭偏甜但欠缺味道上層次，吾似得小王有當歸香味。珍珠奶茶算不過不失，但系吾知系咪跟餐，珍珠份量極少。。。不過以$54免加一同有杯珍珠奶茶，算系可以偶而食下。…Read More

平時食得豬骨味拉麵多，偶然都想試試其它口味既拉麵。今次見雜誌介绍蕃茄拉麵系用意大利有機蕃茄煮成湯蓉，賣相差左少少，好似煮好後求其倒入湯碗，不過味道算系濃郁茄味，似蔬菜羅宋湯，飲多幾啖會覺得有點咸；麵條幼身似有波浪纹既天使意粉，如果再煙韌點會好d。整體上黎講算系唔錯另一選擇。…Read More

聽同事講公司附近最近新開左一間潮式打冷餐館見好耐都無食潮式野 緊係拿拿林約埋班同事試菜餐牌上既頭盤選擇有好多 價錢亦都吾算貴胡椒豬肚湯 好足料 胡椒味好醒神點左個滷水鵝肉滷水豆腐,大腸,墨魚片 潮州凍大蟹 (好彩有打電話預定先 隻蟹算係幾大隻 個個掛住食... 吾記得影相.....)蠔餅~ 煎得好好食 蛋漿煎得脆脆地 蠔仔一D都吾驚腥潮州烏頭魚 聽聞係響元朗出名賣烏頭魚個間買所以咁大條 魚肉鮮嫩 讚!最後仲點左個綠豆馬蹄甜品 味道清甜~ 吾錯吾錯!整體上食物令人滿意! 下次可以試埋其他頭盤凍食! …Read More

今日口淡淡 想食番d刺激d既野見到依間新既泰國餐廳 就打算試下睇下會唔會多個飯堂食泰國菜就緊係叫鳳爪 另外加盒自己鍾意食既木瓜沙律o個盒鳳爪一試之下 即刻令我停唔到口o個種酸辣十分入味 鳳爪都好爽 雖然越食越辣 要不停飲水 但係都要食 而D配菜亦十分足料 加上d酸辣汁 即刻整盒清曬 正~!…Read More

我從來都唔寫食評，就係為因為太難食。一定要寫低佢，告知天下。我點左牛肉冷面，賣相都算唔差，d面都ok,但係個汁同肉就咸到不得了。 過左水都咸到死。大家為左自己同朋友既健康着想，少食少食…Read More